86
17
4
以上資料只供參考, 請與餐廳確認詳情
招牌菜
受到市區重建局重建項目影響，位於中環卑利街、嘉咸街及結志街一帶也受牽連！ 這裡的住戶及商戶也被波及！ 今日下午路經此地，順道看看早前幫襯的 <友利事>！可是，已經結業！ 經過結志街，見到 <ABC餅屋> 即將兩日後結業！心感婉惜！ 屹立中環多年來的麵包店 <ABC餅屋>，我從來未幫襯過，那次嚐到其出品的烏結糖，還是要再次多謝食友 MJQueen 送給我的誠意小禮！ 反正，今天嚐過的下午茶不太夠飽；還是，買個麵包食吧！ 否則便要等到 10月中，灣仔皇后大道東新店，才有機會買到！當時大約下午 3:30，麵包已賣得七七八八！ 店內兩邊麵包架上選擇只有寥寥可數！ 雞尾包並非我的心水選擇！ 實在別無他選！只好買吞拿魚包！日式吞拿魚燒餅 $5.5 吞拿魚餡料充足！略帶濕潤口感，包身薄而甜，食完更飽肚！ 好抵食！甘筍蛋糕 $7食完個包已經夠飽肚！所以，甘筍蛋糕留待回家才食！媽咪見到這個甘筍蛋糕，也想試試！於是分了一半給她，除了甘筍絲之外，原來還有合核！頗有新鮮感！令人驚喜！ 都幾足料！蛋糕食落軟硬適中，質地濕潤，甜味點到即止，食得健康！ 大家要幫襯的話，要趁早嘞！
繼續閱讀
早陣子聽說此店會關門大吉, 今天路過發覺仍在營業, 當然不會錯過.一盒130 克的鳥結糖要HK28, 不算便宜, 但貴為名物, 當然要試. 順手買了一個花生醬包.鳥結糖用米紙包著, 奶味香濃, 花生也不頼, 令人一吃愛上.但最驚喜郤是 花生醬包, 非常香濃, 中間還夾有花生粒, 吃起來像在吃花生醬似的, 店主毫不吝嗇餡料, 令每一口包也有不少的醬. 原本只想吃一口試試, 變為欲罷不能, 一股腦兒把整個包全完幹掉 後悔只買了一個!
繼續閱讀
之前喺度買過個朱古力撻之後就對 ABC餅屋念念不忘，今日去開上環，都專登行番去中環揾呢間老餅鋪><上次去已經喺朱古力撻同棗蓉合桃撻之間掙扎咗好耐，但係因為嗰朝喺蓮香樓買咗個棗泥棋子餅，所以都係食咗朱古力撻。其實今次都一樣有掙扎，但最後都揀咗棗蓉合桃撻。講咗 朱古力撻($4.5)先啦，其實佢個撻嘅filling係 brownies, 好甜不過好好味。至於 棗蓉合桃撻($6.5)，就係有極少量合桃(~半粒)撈埋喺啲棗泥入面(好似係南棗), 上面仲有啲crumble 。呢個撻一樣好甜，不過鍾意食棗嘅人應該會鍾意嘅。而且佢個撻皮有少少腍，我已經焗番熱嚟食都係唔脆。我都知棗同合桃都唔平，不過佢賣$6.5又真係貴咗啲。唔好俾幅相誤導以為個撻好大個，其實佢仲細過啲迷你鮮果撻。相比起朱古力撻，今次呢個撻就令我有少少失望。不過我對呢啲老餅始終有種情意結，如果下次有機會經過嘅話我應該都會去試吓個棗蓉合桃蛋糕嘅
繼續閱讀
去傳統面包舖緊係買面包la~!ABC面包 好好食^^ 食得飽。第一次光顧是因為肚子餓。現在每次經過都要買一下。今時今日市面上的面包，無＞HK＄12 好難有高質素，而且十居其九都是高檔的日式面包。這家面包舖可謂港式傳統面包舖的最後防線！腸仔包，菠蘿包係我的童年回憶，朝朝早餐都係屋企樓下買。可惜租金上漲，百物騰貴，削減了成本的面包變得華而不實，我家樓下的面包發酵得輕飄飄，吃完等於沒吃。ABC面包舖的面包好大個，鬆軟得來又扎實，味道調得剛剛好 一太甜也不流於一味的蛋香，咬完一口會等不著要快點咬下一口。（市面上的連鎖面包店真的要慚愧了）面包與腸仔的比例很好，不會吃完包還剩半條腸。對腸仔包有執著的人，應該會同意我的 haha吃完會有飽肚感，這才是非浪得虛名的面包！吃過有腸仔包，菠蘿包，墨西哥包，椰卷... 沒能全拍照，抱歉（次次都是吃完才省起loll）大推介腸仔包，墨西哥包... 價錢比一般市價來得低，大概＄5以上。買了腸仔包，急不及待先咬兩口，才記起要拍一下，寫上來推介！扭結糖是不錯說，而且價錢合宜，但卻沒有面包讓我驚為天人的程度。有一次想吃腸仔包，又想吃菠蘿包，便都買了... 吃不完便帶了回家，煮了咖啡當下午茶～太棒了有朋友試過提子結，都說很不錯，下次會試試看。但要肚子餓才去喔～ 面包太多款 而肚量有限～
繼續閱讀
前文提要下先，事緣從食友先後收到好幾包嚟自唔同店舖嘅紐結糖，所以就希望一次過寫晒4篇食評，名為「聯朋結糖」（一）、（二）、（三）、（四），記錄一下對依幾包紐結糖味道嘅體會，亦藉此多謝食友一番心意 。晌「聯朋結糖」（一）、（二）兩篇食評中，已分享咗澳門「老牌」車厘哥夫同澳門「正牌」車厘哥夫嘅食後感，嚟到第（三）篇，都要講番下我哋香港嘅本土出品，ABC餅屋嘅鳥結糖 。佢哋嘅鳥結糖以小透明膠盒盛載，一盒12粒賣$24，為起$2一粒，其實好抵食。無獨立包裝，全部以米紙逐粒包住，以防黏連 。成份有水、蔗糖、葡萄糖、蛋白、花生等材料，跟澳門嘅略有不同，以蔗糖取代砂糖，感覺更天然健康，色澤亦帶點淡黃，亦無加入牛油及奶粉。外形切割相對極齊，此外，花生多而分佈平均，食起嚟嚼勁中啖啖有花生香脆 ，亦無過甜弊端，「地頭蟲」一樣不俗，值得繼續支持 。餘下品牌嘅紐結糖，請另睇其他食評，連結如下：聯朋結糖（一）：http://garycwm.openrice.com/home/reviews.htm#review2341622聯朋結糖（二）：http://garycwm.openrice.com/home/reviews.htm#review2341623聯朋結糖（四）：http://garycwm.openrice.com/home/reviews.htm#review2341625
繼續閱讀