影片
港鐵觀塘站 A2 出口, 步行約6分鐘
繼續閱讀
開飯介紹
ClubONE從大堂的天梯，到場內的銀河，配以智能舞台燈光效果的3D牆身設計，為客人提供嶄新美饌及酒店級款待。
繼續閱讀
營業時間
星期一至日
12:00 - 15:00
16:30 - 00:00
以上資料只供參考, 請與餐廳確認詳情
招牌菜
尋晚去朋友個中式婚宴，第一次去九龍東呢間club one，所以初時都唔係好認得路要經過呢個food court左手邊直上電梯8:15開席上乳豬，乳豬係凍既😅但之後其他餸就變番熱（有出煙），同埋味道尚可，一般酒樓水準！比較令人期待係心太軟，雖然流心不多，但係都好食上菜既節奏都明快，可能因為得10幾席，所以照顧得晒咁多圍。不過分菜時有少少分唔勻～希望酒家會注意下
繼續閱讀
觀塘一大班人可以坐得舒服又可以傾到計嘅地方唔多，同事十幾人去咗club one飲茶。初初以為club one只有婚宴，下午做埋飲茶。場地好寬敞，枱與枱之間唔逼，睇落好乾淨。感覺似左一啲高檔次嘅餐廳，可能係裝修關係。佢唔似係一般酒樓，選擇相對少好多，無平時嘅蒸腸粉，簿叉等，而價錢係貴啲。份量唔算多，基本上我地咁多人，要分得平均，每樣都要2至3份起跳（唔計點心類）。大部分都好味，係有水準，無伏。麻花（圖中係2份），好好味，雞翼唔特別，可以唔叫。我地夾一份錢，每人大概150，係好飽。
繼續閱讀
上星期在觀塘CLUB ONE 飲朋友BB的百日宴, 食物味道中等, 但食物份量少不夠分, 服務質素差, 無分餸不特止連炒飯麵都無分, 個翅仲唔夠分(每人得半碗我個圍都唔夠12人), 個個服務員個面口都是黑面(仲以為主家無比利是, 原來是有比的), 任飲的飲品叫極都唔添, 成日比最平的ICE 啤酒&橙汁比人飲, 可樂, 7UP 等等唔問都唔比人飲, 餐前小食BAR仲差, 用醬油碟今大的小碟比多士, 意麵, 沙律比客人食唔緊要但得6款, 2款多士, 2款沙律, 2款沙律醬意麵, 再加3個飲品(用超細SHOT杯裝) , 我諗幼兒D PARTY 小食仲好過佢, 主人家話這小食BAR 要$5,888/ 2小時家 (申利), 總結這晚的CLUB ONE 體驗真是很差!!!
繼續閱讀
因為我將飛非洲，預左無中國野食幾個星期，三個同事就一起相約飲茶。沒有預訂，12:15pm 四人枱係有的。－坐下來，就覺環境幾好，坐位寛敞。成個塲地原來晚上用作婚宴，所以後牆上掛上backdrop, 午餐做埋茶市。個list有些點心都有d 特別名堂如黑松露餃、雪嶺奇脆叉燒包。我幾喜歡奶皇包，真係流沙！黑松露餃可以，有點點黑松露味。雪嶺奇脆叉燒包就没有太大分別，也不覺得很奇脆。我們也叫了一個炒麵，食下味道也可以，但就唔係好喜歡或好有驚喜。整體可以，但價格偏高。
繼續閱讀
在復活假期前的晚上，我一個人收工後搭車到觀塘出席舊鄰居的婚宴，總覺得緣份就是巧妙，我們做鄰居只有8年，那時我們由幼稚園到初中的時間，大家一起玩，我們的媽媽會互相幫忙，呢種鄰里關係現在真的少見了，雖然我搬離朗屏邨已經20年，但我總會懷念小時候曾經住過的地方~~~ 感恩近年在facebook的一個偶然機會，巧妙地重遇我呢位舊鄰居，一年前當她籌備婚宴時我答應會出席她的婚宴，雖然去到身邊沒有認識的共同朋友（其父母和妹妹外），但我也替她高興=] 會場佈置簡單，有三角琴和一個幾靚的圓枱，但圓枱被即影即印的人員用了，我都唔好意思影太多~~~ 當晚睇完證婚儀式後便開始食，由於我坐的那台少兩個人，所以部份菜式我可以食多dd 鴻運乳豬全體，感覺幾好食，每次去飲最想食就是這個=] 白松露大蝦球，每次去飲覺得有人分細碟的壞處係偏食的我要跟上菜阿姐講我唔想要菜~~~ 百花釀蟹鉗和玉環瑤柱脯，中間的髮菜係好食兼吸引，但近年因為環保和價格調升原因，家母很久沒有弄髮菜海參俾我，今次有得食真係好難得~~~ 紅燒花膠雞絲翅，感覺幾好飲~~~ 清蒸海星斑都幾好食，蠔皇鮑魚花膠感覺唔會韌~~~ 脆皮吊燒雞感覺不錯，但我已經食到好夜，所以沒有食砂鍋瑤柱蛋白炒飯和鮑魚汁炆伊麵，而我本身就自備午餐飯盒裝了飯待在家中翻熱食，其實每次飲宴都見到有食物被浪費的情況，所以我每次飲宴都會將食物裝好帶回家，也希望昕昕將來都是個愛護環境、珍惜資源的人~~~ 朱古力心太軟我忍不住吃了兩件，因為太好食，而蓮子百合紅豆糕剩下半打我全數打包給好友享用^0^
繼續閱讀