影片
招牌菜
次次去尖沙咀都會來食，雖然環境一般，但米線嘅湯底一直是我至愛。最鐘意佢嘅小鍋米線，就算唔加其他食物都夠飽，當然我最愛就是豬肝潤啦，唔胜，同有豬潤味，記住要飲d湯呀
繼續閱讀
冇味，難食，份量極少，不知所謂。叫咗一碗麻辣墨丸魚腐米線，完全冇味道。2粒魚咁大的墨丸，大5蚊少少的魚腐，同一個拳頭咁多的米線。唔駛10分鐘，食完。所謂豬肉碎，全是肥膏，但咁既質素竟然要$39!! 但我個人認為只值$19的份量。其實尖沙咀食飯預咗貴，但都唔好咁過份呀，要呃人都唔好咁離譜。
繼續閱讀
出席完活動之後, 已經快十點了, 還未吃晚餐, 當然是很肚餓, 也不多想, 就隨意走進來這裡, 最緊要快. 這裡環境是典型茶記格局, 感覺上還可以吧. 看看餐牌, 都是以米線掛頭牌, 就要兩碗分吃吧.招牌腩肉炸醬小鍋米線 $37: 7分, 我最喜歡點選招牌菜, 是晚就來一客招牌腩肉炸醬小鍋米線. 除了腩肉以及炸醬之外, 其他配料還包括有芽菜, 酸菜, 韮菜, 蔥花以及芫茜等等, 相當豐富. 辣度方面只是揀了小辣, 但想不到一喝口湯就已經感受到那份辣勁, 不是說笑的, 受不到辣的朋友, 還是不要吃小辣了. 不過我就嫌個湯底比較薄, 其實味道只是一般. 配料方面, 腩肉是很肥, 不過炸醬就是幾香口的. 米線的質感也幾好, 吸收了湯頭的味道之後, 是幾惹味的.上湯米線 $29: 7分, 文迪的選擇是上湯米線, 愛吃辣的她反而點選了不辣的, 結果最後大家還是要交換吃. 這客上湯米線, 配料包括有生菜, 腐竹, 韮王, 芫茜以及蔥花等等, 另外再加牛展一客. 相比之下, 湯頭的味道自然是比較清淡, 加上配料都是比較健康的, 也是不俗的選擇.龍鳳可樂 $10: 另加$10就能夠點選龍鳳可樂一客, 鹹檸檬配上可樂, 怎樣也是解辣的好拍檔.這裡的食物是不俗的, 加上價位亦合理, 不想吃得太飽的話, 來這裡吃吃米線當晚餐, 也是幾好呢.
繼續閱讀
我都幾鐘意食麵, 而過橋米線我經常食。 行過味道之王, 本來想再食海南雞飯既我, 忽然想試試過橋。 一入鋪頭立即讓我吃驚, 嘩! 點解鋪頭禁up dub, 禁多靚女呢? 女友都不禁歌頌一下。 這裡, 真的有股難聞的臭味, 越入越覺, 舉頭三尺還有粵語長片破廟式封塵吊線非常嚇人。 不過我有個習慣, 就係來來-有入無出。姑且試試喇, 個menu好熟, 原來行過隔離都係同老細。 menu太多選擇, 我最怕, 我就求其叫左個牛肉過橋(小辣), 女友點了腩肉唔辣。正在等候之際, 我發覺這裡的人蠻熱情的, 是跟他們熱情而不是對客, 他們好像一家人一樣, 可能就是太開心, 我們來的都變成一樣: 辣到跳belly dance! 而牛肉的有腩, 腩肉的有牛, 事情已經去到好玄既地步。 大佬我要小辣, 佢要走辣講得清清楚楚。 哎…算, 跟住隔離台又係尼錯, 至發覺原來落單條友係張張台都錯! 碗麵既肉okay, 肉質似林左既牛展, 不錯不錯, 麵完全無味, 或者辣湯已200%蓋過了麵, 反正就好機械化的麵, 彈牙得吃驚, 應該是負離子料理, 但我要澄清一下, 70%芳間既過橋都好分子料理, 所以係okay的。 湯可能因為忘記走辣的緣故, 好油好油, 如果你一碗park晒佢你今晚一定出唔到呢一個門口, 油中帶肉碎是我非常喜歡的, 但要從滾滾肥油中打撈出美味的肉碎, 有如黃河中找白飯魚, 真係吹到Hill一聲。 其實碗野唔係好差, 尤其肉片都真係唔錯, 不過麵就差D而湯太肥太肥喇, 簡直係罐頭回鍋肉成罐連油倒落碗過橋一樣, 健康警備頓時響起, 紅色信號現正介備!雖然坐得唔舒服, D木凳簡直少林寺一樣, 但有益健康足以抵消剛才那碗奪命銷魂線。1舊水有找兩個人夜晚, 算係感喇…
繼續閱讀
呢晚又來到厚福街搵野食，但又唔想又食撈濛，見到間米線鋪，就呢間啦，記得係幾年前幫襯過旺角＜雲南桂林過橋米線＞，尖咀可能有唔同呢...。睇Menu好似多過多年前食果次咁o番，不過對我來講多與少都冇分別，因為我比較唔鍾意湯類嘅食品，有涼拌、凍撈粉類一定係我首選，今次我同上次一樣都係食涼拌，可以加錢加餸嘅，餸的選擇都算多啦。① (我的) 涼拌米線 (可選凍／熱食)花生、酸菜、芫茜、蔥花 ($22) + 海帶($5) + 轉紅薯粉($4) = $31呢次我轉咗食紅薯粉試吓，同譚仔一樣粉本第係冇味嘅，不過就冇譚仔咁韌，少少彈牙，我會比較鍾意呢間的紅薯粉多Ｄ喇。只係呢碗涼拌較油膩，食到最底好多油....；海帶爽。② (友的) 涼拌米線 (可選凍／熱食)花生、酸菜、芫茜、蔥花 ($22) + 炸醬($5) + 紫菜($5) = $33友人話炸醬咸咗少少，都還好；紫菜量算多，都唔錯。③ 麻辣豬肚 ($30)睇落都幾油，食落都唔算，接受到，豬肚好爽都辣，但我嫌唔夠麻辣，份量都多，好食。
繼續閱讀