冇食放題好耐，覺得黎黎去去都係果Ｄ食品
２黎覺得越黎越唔抵食，佢既價錢我會寧可試其他餐廳
但朋友想任食甜蝦既話就冇辦法啦

個人覺得大喜屋比坊間既放題貴
但佢既食物質素係真係高Ｄ
唔會有就咁堆哂係個碟推出黎比客既感覺雖然係任食，但佢地碟碟既賣相都係好靚的

甜蝦刺身好新鮮隻隻甜蝦大大隻，又排得好壯觀
帶子呀螺呀都好好個人都好鐘意佢Ｄ沙律，有好多款
菜係十分新鮮，有酸酸地既醋汁係底，好開胃芝麻雞翼又係一定要食啦
睇佢個顏色幾吸引，好香好惹味呀
岩岩炸起好熱辣辣廣島蠔又係出奇地好食
我一向食開生蠔，對焗蠔唔太鐘情
但試左一隻之後係咁追加
一黎佢岩岩整好就好熱好香濃既芝士味
同埋佢唔會有種唔新鮮既腥味
又有洋蔥呀煙肉咁，真係好豐富既口感，好好味道！仲有好多其他食物都好高水準
唔會覺得佢地ＨＥＡ整。一Ｄ都唔馬虎
唯一唔好係甜品冇咩選擇
同埋好逼好嘈

要一讚個個待應係咁忙，Ｄ客咁多要求既情況下都有求必應
態度仲好好，真係好難得

一大班同事(十多人)歡送一位同事，有人提議到大喜屋放題。

可能我們人多，檯和座位有點迫，除之以外，非常滿意。

首先，剌身厚身，十足份量。其次，壽司是不求其將片魚生放在飯上，而是認真製作。第三，基本上其他放題可點的，這裡都有，款式多。第四，海膽這類比較貴的，按人頭提供(絕對接受)，味道鮮甜。第五，當吃得飽飽之際，點了一個西柚沙律，清清地，吃完又可以繼續努力。

整體來說，上菜速度快、沒有漏單，簡直"成檯都係"。

由於有限，一夠鐘便要埋單走了

去完長洲，見咁早就即興去大喜屋食個放題~
首先係一輪刺生，我地叫左章紅魚，油甘魚，三文魚，象拔蚌，帶子，甜蝦~
章紅魚同油甘魚都非常肥美，章紅魚咬落去好似食爽肥豬肉一樣嘅質感~
三文魚，象拔蚌同帶子都ok~
甜蝦新鮮又大隻~

再來推介的熟食有：
焗蠔，鐵板帶子：很鮮味
芝士年糕：很軟滑，芝士不太咸~
牛肉鍋：牛肉及豆腐很滑，醬油不太咸，剛剛好~
芝麻雞翼：很脆，很香口~
鐵板蒜片牛肉粒：牛肉粒煮得剛剛好，很滑，很香牛肉味~
燒羊排：串燒型態上枱，又去埋骨，真係認唔出佢呀，燒至七成熟帶少許羊蘇味，很滑，很香口~
燒小蕃薯：又甘又甜
燒牛舌：爽口又香，又夠牛味~
左口魚群邊壽司：很滑身
曼魚壽司：很香口，不會被醬油蓋過魚味

不推介食品：
蟹粥，冷烏東整體來說，刺生非常推介，其他熟食大部分都不錯，
這個價錢與質素，一定會再有下次~

前一晚訂左位，所以完全唔洗等就入得
因為閒日，坐唔滿，所以２個人比左４個位（兩張枱）
如果得１張枱就感覺迫左少少，嘢食上得快都唔知放邊好

刺身夠新鮮，全港甜蝦暫停，用左帶子代替，帶子值得一讚，夠鮮甜又唔會切過薄羊架鮮嫩多汁，值得一試炸淮山，甜甜地幾特別燒物：牛舌，雞軟骨，海蝦ｏｋ
個人鍾意牛舌日式燒蕃薯，甜甜的又細細粒，好食蟹粥，鮮甜好味，食到漏漏地叫左個黎食，有驚喜！
平時係其他地方食蟹粥都係用水蟹，但今次係用膏蟹，粥一樣鮮甜，睇落重感覺貴ｄ！大蝦沙律，食到漏漏地不防試試，可以清一清個口次後玥戰一番！睇食評話唔錯就叫黎試試，不過好失望，個醬搶晒ｄ味，隻蠔太細隻！另外重叫左：
汁煮螺：ｏｋ
燒牛柳：偏咸
蟹子沙律：普通（其實好難唔好食）
燒雞翼：冇咩特別
汁燒帆立貝：我覺得幾好食，但男朋友話一般
麵豉湯：男朋友話ｇｏｏｄ
天婦羅：ｏｋ

整體黎講幾滿意，大喜屋比普通放題貴些少，但質素好
基乎冇漏單，九成上齊，同埋上食得速度幾快，值得一讚
服務員需然企係一邊傾計，但都不時會收碟，可以接受！

經已喺第二次黎拉!水準依然keep到!依然都係好逼好逼好多人!
上次因為多人所以有得坐靠窗位,今次得番兩個人只可以坐近門口位~
同上次一樣要排一陣隊攞位,一坐低即刻比order,野食就好快到!
第一輪係刺身::一啲都唔吝嗇,你要幾多,佢地就比幾多你…..
而且甜蝦喺原隻有頭,三文魚厚切,仲有北寄貝同,成盤刺身用冰陣,好鮮甜!
跟喺黎既係串燒::牛舌,燒蝦,羊鞍都燒得好香,特別喺羊鞍,配料十足之餘又帶到羊味出黎!
芝士年糕同紅酒牛腩都好香好好食……
雞軟骨唔喺太好,超級硬~~吞拿魚同上次一樣都仲喺好奇怪~~
今次影左啲相

好:
炸淮山好特別, 甜甜地~
牛舌, 好juicy ~
牛柳粒一樣juicy~
刺身拼盤裝飾好漂亮

有待改善:
漏了很多單, 同waiter講左3次先補番1~2樣比我地
tuna刺身好難食,似食膠
焗蠔太多洋蔥
燒菇太燶,不好食

咪就係因為你話book中環囉-.-"

自從19號果日四少爺我食完d好難食既野之後 ,
我心情一直好低落 ,
低到我打左n鋪Jubeat 都回復唔到 ,
而咁岩之前因為一早約左家姐去呢間試 ,
所以我就唔係幾舒服咁去啦

5點50分左右,係附近行左陣m&s之後 ,
我地上去了 ,
一上去....嘩 , 好窄 ....
不過我一路行入去果陣時 ,
望去窗果邊 , 依 , 個景望落都好似幾舒服咁喎 ,
結果我地係坐左係一條走廊旁邊 ,
真係好窄......
當時果個位對正個vip房 ,
入面d人玩得好盡興.........好嘈.....
不過佢地時不時爆左一兩句金句出黎 ,
期間有幾次真係笑死 ,

好~入返正題先
刺身令人感到正斗既係 ,
佢竟然有油甘魚 !!
真係讚讚 ,
計放題界 , 整體黎講真係中上級 ,
當然 , 我間間既放題 , 我點都會叫一次吞拿魚 ,
結果都係一樣....

牛舌我最愛 , 要趁熱食 ,

炸物重點在芝士年糕,真係正爆 ,

過兒女朋友冇乜印象 , 應該唔錯 ,

焗蠔真係唔錯 , 佢上面d沙律醬好香 ,
仲有d三色椒係上面 , d味好夾

手卷不過不失啦 , 都冇乜印象 , 但係入面d料比較小 ,
唔建議叫~

火灸壽司佢有個柚子乜乜真係幾正 ,
其他都唔錯
但係個吞拿魚花之卷真係唔係太得-.-"

最後 , 雞翼都算唔錯 , 幾好食 ,

有相既就咁多,之後到冇相既 ,

炸淮山 , 甜甜地 , 好正好好食 , 拎黎送酒一流

鴨舌 : 辣辣地 , 又係送酒一流 , 我第二愛~

羊架 : 感覺一般 , 冇乜味 , 唔建議叫~

多春魚 : 佢又燒得幾香嫁喎~不過上果陣已經好飽 , 搞到冇乜感覺

油甘魚頭湯 : 好甜 , 不岩我口味 ,

紅酒牛腩 : 都係唔岩我口味 , 但係係幾好食的 . 幾香

題外話 , 佢真係完全冇漏單 , 依下真係夠讚 ,
不過佢有D野上得好慢....E.G.炸淮山 ,
我第一輪叫左之後 , 到一個半鐘之後先上 ,
果陣已經好飽了-.-"

每個月都有朋友生日，每次慶生總會吃放題，可惜有保證的放題已經每況越下，相信喜歡放題的朋友也有此感覺
不過這次終於不再失望了反而有點驚喜
店面雖然十分窄，坐得有點不自在，但始終好吃的地方就會多人去，所以就體諒體諒吧


。食物有很多選擇，不過飲品只有氣水和茶。
。刺身：主打大隻甜蝦，很新鮮，而且用冰鎮，好正！不過吞拿魚有渣，不建議大家點了
。牛柳粒：配料很香，不錯說
。芝麻雞翼：這個真的值得一試，這款食物應該只有在大喜屋才吃到吧
。牛舌：幾煙韌，但朋友說太韌了，各人口味吧
。雪花牛鎬：牛肉是很爽，但太甜了，我想沒四個人是吃不完吧。。。
　　　　　　不過廚師很有心思的打冬菇切了一個雪花的形狀，感覺很可愛


其實還有很多食物，但在這裡就不盡說了
服務還不錯，定時有服務生來收碟加荼，最意外是竟然沒有漏單或重覆
下一次一定會再來，或者到其他分店嘗嘗，希望有更多驚喜

我昨天晚上是我結婚12週年紀念日，想同太太開心食一餐晚飯，但換來一肚氣。事情是我們booking咗六點，準時到，一去到即落單，但我等到六點半，刺身一件都未有，但我左丶右兩張枱食到成抬都係，我之前已經問咗幾個員工，但佢只會話「哦」，之後無進，後來我右面枱食到第二碟刺身，連最後來坐的枱都食緊，我同太太都係等，後來找一個好似高級D的員工，我們諗住會有跟進，點知道重衰，好似部長長髪肥佬，仲係寸寸貢講「我哋跟單做咖喎」但我即講隔離枱都食緊第二轉，我第一轉都未有喎，跟住佢就好不禮貌講，D嘢唔我煮喎，一聽真係火都嚟🔥🔥，我太太立即發🔥，駛唔駛切吖。因為我們坐近出菜位，本來無問題，但問題是佢哋員工D粗口又大聲又無停過，地方又細好多客都聽到，話哂都中環區衰過旺角。食物好都無用喇！你一路食嘢好似一路比人「小」咁樣🔥🔥，未到兩個鐘就叫人理單先，頂好似無食過嘢！就叫人比錢有冇攪X錯🔥🔥。D人又唔會太主動收嘢，直頭見到都唔收，要叫直頭叫至收，我好一個結婚週年日就比間餐廳D員工破壞哂🔥🔥頂佢，間餐廳無問題，D員工就好大問題。

一大班朋友傾左好耐生日唔知食咩好, 最後選了大喜屋, 聽聞都知坐位系超迫, 但食物有水準, 自己都去過尖沙咀店食過, 所以就有信心叫埋成班朋友一起去(未日生日飯局), 提早四日前book 10位, 對方說了給我門口大台(再比訂), 到了當天我再打去加一位, 說可能來到再加一位, 即是12, 不過去到就出事啦, 門口位比左另一班人坐左, 叫我地去到收銀個間房, 嘩房只可坐8人, 我們7個男人5個女人, 12個人, 迫到沒心機食, 問點解唔系門口張台, 個位呀姐說人地都系book左10位不過突然來左13人, 所以未經我同意下就比左人先, 大老咩叫book台, 仲要同我講沒講過比門台我, 甘樣安排都得, 一肚火.

好在當食物來到, 大家就開始唔記得這件事, 開心放題

必吃剌身:三文魚, 油金, 章紅, 甜蝦 (又有腩又新鮮)
必吃熟食:串燒, 羊架, 炸雞翅, 一定要食天富羅
難吃剌身:吞拿魚(瘦肉一樣)
6位送一個海膽剌身, 好新鮮(但個間甘既超細房, 仲同我放煙花, 攪到個個好似沒空氣就死甘)
食過甘多間放題呢間都做到出晒名, 食物真系很不錯, 不過安排就欠失檔, 希望多加留意, 不是人多就可以亂來, 我都系消費者, 我點會理對方突然來幾多人呀, 不然book 1個來10個都得啦, 大家都系比甘多錢去食, 點解我要去迫到死!!