在西環吃過晚飯, 又到甜品環節, 很自然就想到源記。記得很久之前,家人買過杏仁露給我吃, 時刻都記掛著這種味道。 即使之前已試過, 但仍然專一地揀選蓮子杏仁露$21, 一人獨享一碗才夠呢! 蓮子是質優的湘蓮, 煲得夠甘香鬆化, 無苦澀的味道, 只是其中一兩粒未夠鬆。露呈少許杰身, 杏仁味來得天然, 隱約吃到沙沙的感覺, 絕非杏仁精油可相比, 感覺很滋潤, 不會太甜, 水準仍然保持得到無退步,唯一是嫌未夠熱呢!

今日同男友經過西營盤...佢話一定要去食源記~
下晝3點幾去到...唔係咁多人...唔駛等位~

餐牌睇落好似好多樣o野...但係其實都係不出10種~
我地揀o左芝麻糊同合桃露...全部都係熱ge~ 無凍o野~
仲叫o左一件雞蛋糕~

好快就有得食啦~ wa~ d芝麻糊真係滑到不得了!!!
完全無d痴埋一舊舊o既粒粒!!! 好味!!! 成百年功夫真係唔講得少!!!
所以雖然價錢比一般甜品鋪貴...但係真係好好味!!! 值得!!!

至於件雞蛋糕...係就係好有蛋味...但係比一般食開o既蛋糕實o左d lor~
我覺得未必o岩所有人口味就真~

我地一邊食...老細仲同我地傾計~ 話佢地賣o既o野全部都真材實料...無呃人咁話ga!!!
尤其係d蓮子wor!!! 返到嚟再睇d食評都係話桑寄生蓮子正!!!
唔~ 下次一於試o下蓮子產品先!!!

週末又同愛人出左去搵野食...
去左西環呢間好出名好老字號既『源記甜品專家』
原來呢度全部都係得 '熱' 冇 '凍' 架
我揀左最簡單既 '紅豆沙' 真係冇改錯名... 真係得沙, 一粒豆都食唔到
其他果三碗都食愛人架 有'桑寄生茶加蛋' 、'燉蛋' 再加個 '窩蛋杏仁露'
傻傻地架佢 都唔知係唔係隻牛黎... 有四個胃
不過好好食 客似雲來 老闆又幽默風趣
下次我要食埋件雞蛋糕先得

食完烏冬, 下一站要陪相公去西環睇跌打, 舊症...想睇好佢...朋友介紹相公去西環睇, 於是去完旺角, 搭小巴去西環也...

可惜去到...跌打館已休息..朋友可能聽錯話開到5點..原來2點已休息...於是相公話都係源記附近, 就去食埋糖水先返屋企也...

燉蛋 - 相公次次必叫...一如以往香滑
杏仁露- 本魚次次都係食呢樣, 可能由細到大都係沖杏仁露飲, 係情意結, 所以去任何一間糖水舖都只係食杏仁露..味道...係唔係時間太早未煲夠呢..點解唔夠以前既濃郁..淡了...有點失望...

希望下次去食杏仁露..有返以前既濃郁味道就好了...

但呢度例外!!

茶清滑透底感覺舒服，連子鬆化蛋sok味，桑寄生茶so far 唯一選擇

一入到去舖面名乎其實的古老,員工大部分都係老伙計,但比我既感覺好懶洋洋
我比較貪心,試了桑寄生連子雙蛋茶
上碟時附上小叉比你叉雞蛋食
味道甘甘的甜甜,好足料,蓮子煮得好鬆化
雞蛋被茶染得深啡色的,好入味!
果然唔係浪得虛名!

冇記錯,都有3年冇黎食合桃糊.好難得今晚上環行過黎.但有些失望.order左雞蛋糕 ,
合桃湖,蓮子杏仁露,

雞蛋糕 - 直頭成件隔夜鬆糕咁,冇理味道,係好難食,上次真係唔係咁差勁.失敗
合桃糊 - 保持水準,滑同香
蓮子杏仁露 - 有香味,但係有飲水既感覺.蓮子有些硬.

希望下次好一些啦, 老伙計既服務依然咁唔掂,冇計

全蛋雞蛋糕$6
芝蔴糊$14
蓮子合桃杏仁露$21

雞蛋糕夠晒紮實，唔係依家要求嘅鬆軟蛋糕，味道好原始，見到個橫切面好少空氣位
芝蔴糊好滑，有芝蔴香
蓮子合桃杏仁露，一樣咁滑，合桃杏仁都好香，蓮子好鬆化，有蓮子味，冇苦味，其實唔好兩溝，會攪到兩頭唔到岸，冇咁好食

~為食的同事介紹呢一間老字號甜品店~
~舖面的模樣真係名乎其實的古老~
~入到去~二話不說同同事就選左燉蛋~
~另一位朋友叫左合桃露~

個燉蛋滑的情度真係無野能及~好重的蛋味~一入口已經到左喉嚨~連俾你含的機會都沒有~但吃到底~唔知點解有d雜質~
合桃露~試左一啖only,但已經感覺到佢好香~好濃~但係唔知點解會有一陣芝麻香~]

價錢俾起一般的糖水店貴~但物有所值~

今次是第2次去源記
又叫左我最愛的紅豆沙
是去每間糖水舖必試的
因為覺得如果連這typical的糖水也弄不好
就絕非一間好的糖水舖!!!

之前有很多的都令我失望
但阿貝帶我來這間以後
我才知道甚麼是"真正的紅豆沙"

真正有heart的紅豆沙是看不見紅豆的
更不用說那些'衣'
而且是完全起沙的
感覺每吃一口都很滿足
而且是停不了的!!!
一口接一口的吃著

自此以後
我不會再吃其他店的紅豆沙了!

p.s
上次也買了碗外賣芝麻糊給媽媽
她也大讚好吃!!
另外的是雖然外賣要加$1
但感覺上外賣的紅豆沙大碗一些

結果 => 源記是我和阿貝的老地方!

泓都同正街雖同屬西環,但距離也不相近,沒有法子,在西環吃飯後甜品,始終是源記的桑寄生蓮子蛋茶最為穩陣.

上兩次來,未吃過源記的雞蛋糕,今次一定要試試.雞蛋糕外表同馬拉糕相似,色水就比較淡,食落蛋香不算濃,口感頗為鬆軟.

也是要一個桑寄生蓮子蛋茶,友人在懷孕期間曾經來過,她都知道桑寄生對孕婦有益,我們男兒之身,有舒筋活絡,治風濕之效用.先不要說桑寄生的功效,論味道,清甜滋潤.茶內的蓮子非常鬆化,連隻蛋也盡收桑寄生茶的精華.果然是幾十年積聚出來的功力.外間找不到好像源記這一類的老甜品店,想吃桑寄生蓮子蛋茶,別無他選,一定要來此.

店內的老店員和靄可親,常與契仔開玩笑,見契仔對住碗內的蛋很好奇,店員說:{食隻朱古力蛋,包你鐘意.}

店員又說:{要唔要熱可樂?}我一時之間不明白,什麼是熱可樂?源記也有可樂煲薑?店員補充:{哈哈,我講係桑寄生茶.}

幾十年老店內的氣氛,一下子輕鬆起來.

難得來到西環，食完德記後便慢慢行去百年老字號源記食糖水。聽說老闆的仔女都唔願意接手的關係，老闆到而家都親自落舖幫手，唔知佢真係退休的時候間舖會唔會做落去呢？都係食左先算...

叫了一個燉蛋，整碗滿滿的，睇落好吸引。但食落好麻麻，不夠滑，蛋也不算香，最後都淨返少少。但好戲在後頭，試左幾啖桑寄生蓮子茶。味道甘甘的，不會過甜，應該很滋潤吧! 連我依D最唔憎涼茶、中藥的人都即刻飲多幾啖。蓮子如大家所講係好鬆化的，果然係皆品。最衰好飽，咪應該加多隻蛋試一試。

其實每碗索價廿蚊都好貴...但一碗又健康，又好飲，又特別的糖水可話係可遇不可求的。

幾經辛苦, 走了半個西環終於找到源記~!
(其實是妹妹落錯巴士站...XD )
望向山的方向在正街的右手邊, 而且還"發雞盲"的過而不入...
之後再回頭才找到,,, 好笨 >^<

妹妹專程來試桑寄生蓮子蛋茶~~
不消數分鐘就上桌~~
溫度剛剛好~~ 暖暖的但不會燙口~
糖水味道有點像甜的涼茶~~ 畢竟桑寄生是種中藥材嘛~~
蓮子煮得綿綿的~ 有很多粒哇~
碟旁配有小叉子, 可以叉著雞蛋來吃~ 很貼心~
喔!! 果然真的連蛋白都不再白, 給桑寄生茶染成深啡色~~
而全熟的蛋黃沒有死實實的感覺, 又不會糊在嘴裡~
好好味哇~~!
這個"出名"得沒有浪得虛名=]

我同女友去完森美餐廳晚飯，送便去源記，我地第一次來，初時見鋪頭門面殘殘舊舊，
內裡有空蕩蕩，我地以為找錯鋪，再望真些真係它。點了個桑寄生連子蛋茶，味道好清
甜，隻蛋都入了味，吃落都係甜，這種甜不會是落糖就做到的。桑寄生連子紅豆沙，
味道好到震，無需多說。清蛋糕，夠髦軟。價錢都幾便宜，味道又掂，值得再回來吃。