食過一次美心系嘅「潮庭」，老婆對美心系嘅潮州菜館幾有好感，所以，就趁返完教會拉多個姊妹嚟綠楊坊嘅潮江春食晏，多個人，可以點多兩、三樣嘢，試多幾款點心。美心食肆晌綠楊坊都有幾高佔有率，有東海堂、美心MX、美心皇宮同潮江春，後兩者尤其晌星期日茶市，等位等到癲，今次嚟潮江春，都要等咗30分鐘咁滯呀！室內環境，保持美心中菜系一貫典雅裝潢，不過未嚟過食晚飯，午市所見，座位有啲逼，好似我對住嗰兩枱，唔喺座位背貼背咁簡單，直頭啲位「咔啦」伸到隔離枱。點心紙一大一細兩張睇晒，大嗰張喺基本點心紙，清楚列明各級點心售價，小點$19.8、中點$24.8、大點$28.8、特點$32.8共4級，已包括晒蒸點、煎炸、腸粉、潮州點心、灼菜、推介、甜品、早市粥飯近70款。而細嗰張除炒粉飯麵、精緻小食推介外，仲有啲應節嘅節令食物。茶錢收$8位，前菜就收$15一碟，前菜跟之前晌潮庭食嘅差唔多，有花生、毛豆、鹹酸菜、粒粒豆腐乾，不過嗰邊晚市收$26碟，唔知潮江春晚市又收幾多。花生鹹脆，鹹酸菜酸香，醒醒胃嘅餐前小食。潮州蒸粉果 $28.8
先嚟一籠潮州點心，潮州蒸粉果一客4個，個個包得外形飽滿，外皮薄透又唔黏牙，內裡餡料十足，豬肉、沙葛粒、冬菇、花生、蝦米、菜蒲都不缺。蒸潮州笋粿 $28.8
再嚟都喺潮州點心，笋粿較少聽到，印象中小弟都好似第一次食，跟蒸粉果差唔多，不過外形如餃子，而且內餡無粉果咁豐富，以竹筍粒同豬肉為主，加入少少冬菇粒，但喺味道都幾好喎，較為清啲。蜜汁叉燒包 $24.8
人人對最好食嘅叉燒包都有唔同嘅定義或標準，眼前依籠叉燒包，送嚟夠熱辣，麵身鬆軟，叉燒鬆化，汁醬無過多，咁就絕對滿意收貨。安蝦咸水角 $24.8
唔知點解，飲茶叫點心，都總要叫番籠炸嘢，唔喺春卷就咸水角。咸水角做得亦唔錯，外皮炸得唔油又軟糯，豬肉跟蝦米做嘅餡料，雖則唔多，不過鹹香夠味。題外話，可能荃灣依間潮江春都喺做本地客為主，所以點心紙都毋須中英對照，不過曾見過有兩種對咸水角嘅譯法，音譯為Fried Ham Sui Gok，另一個意譯為Fried Meat Dumplings，總覺得意譯有意思得多，尤其對遊客而言！Ham Sui Gok，仲以為跟火腿有關添呀！鮮雜菌腸粉 $28.8
依碟素腸粉喺小弟依餐嘅第二推介，睇樣已經覺得佢好得。腸粉標明即點即拉，腸粉皮拉得非常之薄，薄到透呀，而且，口感非常滑溜，加入磨菇、冬菇……等等，清淡得嚟唔會太寡太單一。蠔仔肉碎粥 $36
雜菌腸粉喺第二推介，咁第一推介喺乜？就喺個蠔仔肉碎粥，蠔仔粥一向都喺潮州出名嘅粥品，潮州粥特色，米粒唔會煲到爆晒米花，質感亦唔會太綿，個蠔仔肉碎粥就完成達標。再者，首先個湯底夠鮮甜，料極多，蠔仔、肉碎、柴魚乾感覺撈極都有，尤其蠔仔，真喺估唔到咁多，而且頗鮮味。所以，點會唔值得推介吖！因為我哋都算喺晌午市尾段幫襯，陸續走咁幾枱人，環境又再靜啲，好啱我哋幾個人慢慢傾、慢慢食，飲茶就勝在「襟」坐。

剛剛本想到潮江春訂酒席，剛開口叫那知客姐姐拿酒席的資料，亞姐木無表情瞄了我一眼，發現我身後（是幾個身位後）
有個熟客正步向入囗，立即施展四川變臉，笑容滿臉地嗲聲嗲氣走出去迎接佢位「張生」，跟著當然睬我都傻啦，連叫句「等等」都費事就直行直過，護送那位先生入內（注意我真係企正佢前面，如果視力正常都無理由看不見）。

of course,我完全理解阿張生可能同佢friend過打band,又可能今朝幫佢買左100張月餅卷，厚此薄彼蹼去serve 個熟客先都係人之常情，但都唔駛咁無禮貌卦!

真係幫襯唔落囉!

家人送左一張美心換粽卷俾我
某日經過綠楊潮江春換埋先回家潮江春瑤柱五香粽
兩隻比拳頭大多一點既粽用真空包裝
一套兩隻最便宜都要 $97.3
過時過節從來都係商人賺錢既日子 .... 唉昨日我的午餐就是吃粽
兩隻粽一從真空袋拿出來
已經立即被我扔到滾水裡

到洽好拿上碟才發現
棄用傳統穩固的打十字方法綁粽
而用一條總長不過25厘米的咸水草在粽上圍一圈
咸水草都已經慳到這個地步
你認為粽葉還能會給多嗎?粽子被切開
一隻咸蛋黃非常亮澤耀眼
還有一絲蛋黃油流出來
餡料還有比五元大多一點的冬菇瑤柱

到真正品嚐的一刻
面層糯米很酸澀
一度懷疑是否已變壞
再細味下, 才記起此為五香粽
酸澀味好大可能來至花椒和八角

三月上旬‧炎熱

是日有地膽話事，訂位、點菜也都由他一手包辦，坐低有得吃，輕鬆！

要了不少點心，當中都有潮式的。韭菜粿皮脆而餡料有香味，另外甜粿也香口而糯米皮軟糯，很不錯。

還有肉醉泡飯的湯底味淡了一點，在出外吃還是比濃濃的湯底好，至少吃段不太口渴。最後來一個炒麵，濕濕的，不合胃口。

地膽作東，在此說聲謝。

繼初七的開年飯，初八的晚上，由於公公新春期間一筆小小橫財，當日下午寶寶出外拜年後，夜晚一家人在荃灣吃飯當是慶祝並開年。這間位於綠楊坊的潮江春，爸媽數年前吃過，環境食物俱佳，所以選擇重溫!　
老實講餐廳佔地不大，擺酒讌客的話席數不太多，然而座位卻相當寬落舒適，環境也很清雅有格調，當中媽媽甚為欣賞特別的水晶燈設計。　
就坐後先送來茶及前菜小吃，茶要了壽眉，頗香水準中上；而潮式風味的前菜更加精彩，尤其是爽甜清脆的酸菜，十分開胃吸引。　
要吃好一點，就點了份高湯焗龍蝦伊麵($268)；其實菜式定價不算貴，當然份量也相應較細，用的只是中型龍蝦，然而味道鮮美，墊式的伊麵更是收盡鮮味，挺好吃的。　
天氣頗冷，當晚點了不少煲類，薑蔥生蠔煲($98)是其一。煲內所用桶蠔相當肥美，煮得入味頗美味，但更出色是同炒的蔥段，鮮味濃郁得很，撈飯吃可真一流呢! 　
不過講到當晚最搶手，並不是龍蝦或生蠔，而是看似普通的魚香茄子煲($72)，皆因茄子煮得十分軟稔，加上香口微辣的肉末來調味，非常惹人食慾，令人吃個不停，並添了不少白飯呢!栗子雞煲($78)則相對較失色，雖加了段魚同炒增加風味，可惜雞柳肉質鬆散無味，栗子也是空得體積大，吃來卻不鬆化香甜，整體水準令人失望。一頓總得有些青菜，又點了金銀蛋浸時蔬($68)；菜式用上營養豐富的菠菜來煮，清清地好吃又健康。　
誓要吃得豐富飽足，飯後再追加五份甜品，甜美無限；首先是點雙份的椰汁紫米露($18)，成品香甜、濃稠適中，當中紫米又有一定咬口，吃時帶來陣陣溫熱美味感。　
鴛鴦水晶包($24)向來是媽媽的心水，這次也重溫了；皮薄餡靚的水晶包蒸得熱辣辣，自然吸引，兩款口味中又以蓮蓉較美味。銀杏芋泥($20)是另一款熱食的甜品，當中的芋蓉煮至軟稔如泥，加上白果及糖漿來調味，既香又甜，也是驚喜一味! 　
吃了多款甜漏漏的甜品，最後再來一份香芒蘆薈果凍($25)來清清味蕾最好不過了。 除了微酸口味起了清新效果，果凍中的蘆薈粒也營造了上佳口感，充滿吸引力，是個十分完滿的句號。　
又是因為AE白金卡，今餐可享75折後，最後埋單只需$700多，十分抵食，當晚一家人並留了不少珍貴的照片，大家都開心滿足得很。不過這餐後媽媽又出現一點小麻煩，下次再分享~

星期六的中午, 男友突然話想飲茶, 結果去左好多人等既<<潮江春>>! 等左成45MIN先有得食, 不過食完都覺得好值得!

先講入左去, 佢地安排左卡位比我地2個, 所以好好彩, 我地坐得好闊落同舒適~ 用具都好乾淨, 雖然好多客人, 但員工親切有笑容!

先講個前菜, 都好好味GA, 我多數唔食/ 食剩好多, 因多數都係花生果D, 但呢次好唔同呢!之後叫左5碟點心:

粉果: 皮好薄, SIZE啱啱好~
明蝦角: 勁好味, 皮好脆, 入面D蝦大大粒又冇腸(最怕一D地方D蝦腸挑得唔乾淨!)
奶黃包: 個皮少有咁光滑, 食都食得開心D!
羅白糕: 煎得好香口~
鳳爪: 好入味, 都係冇得彈~~下次一定會再去, 等耐D同貴D都值得!

今日難得同家人飲下午茶,荃灣呢間潮江春2點開始入座,已經有好多人企係出面等緊位,一向都好多人食,食物水準應該不錯!
不過呢間d侍應服務就普通,舉手叫沖水都舉到手軟!韮王鮮蝦腸(特點)<<味道還可以,不過蝦就蒸得老咗沙津明蝦角(大點)<<好好味,好香口&好脆!晶瑩鮮蝦餃(特點)<<皮好薄,好味,配埋辣椒油一流!!蒸牛肉燒賣(中點)<<好好味,依家無乜地方有得食呢款點心,蟹籽蒸燒賣(大點)<<好味,好大隻蝦!蔥油糯米卷(中點)>>好味,不會太油膩蜜汁叉燒包(中點)>>普通,同出面個d差不多

.......由於好耐都未同男友.兩口子撐過抬腳...又比較少食中餐,,所以是夜選擇佐美心集團.旗下的潮江春,,,,,

...假期前夕都擔心無位..一早book佐枱.去到都等佐20分鐘..眼見門口都有一大堆人等位..心諗都一定唔差啦..雖然都睇過openrice.都有d唔好既評語...

...我地兩個人.點佐.梅子排骨..蠔仔粥..滷水鵝片.蘭香抄三鮮..蒜片牛仔粒..

.....滷水鵝片,,味道無預期好食....無驚喜...鵝片都唔算少..容易咬得開.....大集團嚟講.都唔應該難食....最快上係e碟鵝片...打後成30分鐘.都無上過其他餸...:2]..蠔仔粥...大家都見到e碗蠔仔粥.,,未食個時.係有幾底食....蠔仔無沙粒係唯一可讚囉....有幾片鮮冬菇咁囉.如果講到湯底..就肯定連.荃灣區.既街頭打冷鋪都比唔上..蒜片牛仔粒....係難食囉..估唔到..真係估唔到.牛肉無牛味.都唔知咩嚟.一舊肥豬糕咁.但唔係入口即溶既感覺囉...得個汁好咸..無鑊氣..最好味就係個片蒜片.大排檔都好個佢.....仲有e個餸明明係小食頭盤..我地等佐佢45分鐘... 蘭香抄三鮮....e碟嘢.就係咁既樣..嚟到個時.無煙出..一d.都唔係即抄即上..我都唔知點形容好...分開嚟講..蝦係新鮮..帶子片係新鮮.不過佢地似將d嘢就咁撈埋一碟..大集團囉...

至於梅子排骨...本人無相提供..因為等佐一粒鐘.佢都唔嚟...我就叫佢唔好嚟...唯一讚既係.咁旺場既一晚...侍應真係少得可憐...但都保持笑容.都好難得.....不過人手唔夠出現既問題係.落錯單..食物落錯枱..食物唔夠熱.....無落單等情況..全都係我張枱出現......我對美心失望至極....我會極力推介朋友唔好去.......

今日第１次試試潮江春，
可能是平日，不用等位。
價錢都算平民化，
食物確是即叫即蒸。熱騰騰。。但等的時間都較長。
大約在落單後２５分鐘才有食物送上。
食物質素不錯，特別是甜的點心，不算太甜，做得很好，
一個人食了擂沙煎堆，水晶飽都不覺滯。
叫了很多點心，４個人埋單只是２５０左右。

農曆新年咁大o既日子…當然要約班好友團團圓圓啦!!...

哩間美心集團旗下o既<潮江春>…嚮荃灣綠楊新村都好多年, 自己就經年冇黎…舖位移到商場上層, 樓面細左…裝潢吾同晒…感覺摩登左又設埋卡座; 年初十又踫著周六晚, 固然係抓銀o既黃金檔期, 餐檯都排得滿滿的, 服務員穿梭其中都迫迫夾…亦見到佢地忙到臉容語氣都帶點燥, 冇晒笑意!!

…7點過後, 全場迫爆, 熱鬧非常, 滿有過節氣氛…自問說話都算夠”口響”o既我…面對哩刻群情洶湧嘈得吵耳, 都要甘心寫個「服」字!!!…我地圍著一小席交談, 音量都要提高幾度…亦覺耳仔吾聽駛…要側耳傾身留神先聽清楚對話…

論食物…對食潮州菜黎講, 開餐前冇為客人奉上”功夫茶”真係吾多似樣…以為只省郤”事前功夫”…點知到埋單, 連”事後功夫”都慳埋…哩點實在有D令人失望!!...扣分!!

隨檯先送上兩小碟混和著毛豆、豆腐、酸菜、咸脆花生4種材料o既小吃…感覺係少少咸咸甜甜酸酸都有D…帶點麻油香…算開胃可口!!...朋友發版點o既菜式有以下:

滷水三拼…揀左鵝片、海蜇同墨魚, 墊底就有豆腐片…碟頭大, 款款各具水準, 滷水夠入味, 添點麻油香更討好…特別一讚鵝片肉夠腍夠嫩吾”鞋”口…
炸蝦棗花枝卷…用長木盤托住兩隻四方白瓷碗, 好似自從有所謂fusion菜開始, 好多中菜食物排碟擺設都走西餐路線, 有時不論不類的…冇晒性格!!...吾知會吾會他朝有日中華民族棄用筷子??!…哈!!...至於味道, 兩款各4粒…都屬平庸…
春菜黃豆咸骨煲…排骨又真係醃得夠咸, 帶出肉香…配上嫩綠o既春菜同清甜o既白蘿蔔條, 爽爽o既黃豆…係鮮甜o既一道湯菜!!
乾煎昌魚片…食米吾知米貴!! 區區哩6塊薄薄兩隻母指咁上下大小一件o既魚片要$138耶!!...係煎封得金黃香口好味道的...至於值吾值?...除左睇市價同自己苛包!! 其次就係佢俾到o既”開心指數”係咪無可替代o羅??...
潮州煎伊麵…即俗稱o既”糖醋麵”…顧名思意就係加點糖加點醋同煎到甘香脆口o既麵餅一齊食咁簡單…最緊要麵條吾好食出有梘水味, 哩度冇問題!!
咸菜豬肚湯…個湯原裝係點吾知...一上桌已話幫我地分好…5小碗, 每碗一件豬肚搭一件咸菜(朋友的連咸菜都見吾倒添!!)…啖不出個胡椒味來?!...噢!!一時睇漏眼, 翻查菜單個名就係冇左「胡椒」二字…怪不得!!...個湯真係名付其實得個「咸」字…咸到呢…第二朝定必水腫!!...哈哈!!

甜品方面…叫左5款齊共享…
排名 1. 鴛鴦紫米露 2. 水晶包 3. 銀杏芋泥 4. 芋頭西米露 5. 綠豆爽

有幸朋友白金信用卡可享75折優惠…