I grew up in Sham Shui Po, so I always go to "Wai Kee " for lunch. My mother always said that she always ate this noodle while she was pregnant. My sister and I like to go to there for lunch, but my mother always said the taste of the noodle is not like the past.

Every time I go there I think the noodle taste is going worse. And the price become expensive

I like to eat a pig liver and beef noodle and lemon tea. I think the lemon tea is good, but the texture of pig live is too hard. Sometime, I feel stomachache after I ate this.

Sometime, the service is good. Sometime is bad. I think keeping good service is important to a Cafe, so I hope they can be caution for this.

去開黃金買野..適逢下午茶時段, 梗係要去維記食個tea..

叫咗咖吷西多配熱奶茶 - 上菜速度十分快, 坐抵無耐已經有得食, 呵呵, 咖吷西多, 真係好好食, 配上糖漿, 入口軟木林林..好好食...又夠蛋香...下午茶配上熱奶茶, 真係正..不過夏天去, 冷氣都吾多夠...如果冷氣多d, 仲會食得舒服一點..

一到就有位了,5個人要迫住一張圓枱,真的不舒服!
叫了潤牛通+凍桔
看了許多食評以為真的很好吃!原來只是一般貨色,街坊食物而已,
豬潤不是入口會化的,不實的宣傳要改啦!
凍桔更加是飲了兩啖,覺得很難喝,沒有喝了.
湯水是淡了些,如果比較味精食物的話,我同意他們不下味精會好一些.
總體感覺不好,不會再來了!

星期六，放假，沒有特別約會，而且維記在家附近，所以就去吃個午餐。

一支公，不用等。叫個潤牛麵加凍檸樂，潤牛麵水準一向都好，尤其愛好湯底，清香可口，但略嫌有油。

有兩段小插曲︰

(1) 我聽得很清楚，坐我身旁的巴打明明叫了蛋牛意，可能姐姐聽錯，送來蛋牛麵。天氣關係，姐姐少許燥火，大聲說︰「我明明聽到你叫蛋牛麵架喎！」旁觀者費事插咀，最後姐姐都很快幫巴打換上蛋牛意。我個人認為姐姐對客可以禮貌些，客人都是對的吧？爭論又可苦呢。

(2) 吃到中段，店內的姐姐突然好像日式壽司店喊「いらっしゃいませ(歡迎光臨)」一樣，異常齊整、不徐不疾地叫「抄牌睇車~」，還富有節奏感！我呆了一下，幾名巴打立刻拔足狂奔。我覺得這個通報方法真是妙絕！很人性化！抵讚！

來深水埗睇電腦，睇到肚餓所以來呢間野食下麵，呢間野都幾出名，不過我見唔係好多人食，叫左個火腿麵，份量可以，價錢同服務還可以，但環境就需要改善。
覺得唔夠飽，另叫左個多士同朋友分來食，呢度的多士真係味道一流，非常讚！！

豬膶不厚也不薄,粉紅色,燙得剛剛夠,吃進口亦冇渣,這是經驗做出來的,麵只是一般的丁麵,反而通常我來飲奶茶,一流..
大家不妨來飲
其餘亦有大路多士之類,平日來比較冇咁多人..

難得男友主動「獻計」話想食我覺得聽落「好佬」的潤牛麵，從未試過係深水埗食野既我又豈能不奉陪到底呢？

揸車話咁快黎到福榮街，除左見到有好多警察係度抄牌之外我仲發現原來維記有成三間鋪咁犀利，有兩間既門口仲有人龍，心諗大熱天時係深水埗都有咁多人願意熱住等，莫非真係人間美味？

泊好車後我們立即去到「元祖」店排隊，我問點解唔去無人排個間，噢，原來個間無冷氣供應的，難怪難怪。

我地排隊既位置啱啱係間便利店出面，好多人出出入入攪到我覺得唔好意思，好似阻住人地做生意咁好彩條人龍去得好怏，大若10分鐘左右就有位。

維記原來無提供ABC或常餐架，我地叫左凍奶茶、咖央多同潤牛麵。食物好快到，阿嬸面對咁多客人咁多單都不慌不忙，見我地兩個人卻只叫一個麵亦無up sell 我地叫多d野，而且醒目遞多一隻碗，整體感覺無澳牛咁催迫，唔錯唔錯。

地方尚算乾淨企理，奶茶夠茶味之餘唔會太苦澀而且有奶香。咖央多就有d失望，火喉是控制得唔錯既，兩面都有焦香，不過一咬落去好糊口，無椰香味，麻麻地。

「名物」潤牛麵終於黎喇，成個碗邊掛住個d豬潤既物質，感覺好似好堅，我細個都成日食豬潤飯既，所以我接受得到只不過當知道膽固醇含量強勁加上以家無咩地方食到已經多年無食。個湯食得出幾濃的薑味，豬潤無怪味應該係處理得宜加上薑用得重手既關係。豬肉片個樣已經煮到無咩顏色，亦都無咩食味，麵身方面我覺得可以硬番少少。

整體黎講欣賞維記多年用心做好自己耍家的食物，專注而唯一的精神係現今講求新穎有變化的市場已經好難持守，難得維記做得到之餘以呢個社區的群眾亦支持，這例子實在給予整個世代一種無形的鼓舞，加油。

去深水埗辦點事，打算吃個下午茶才回家
選了這間人氣食店－維記咖啡粉麵
要了潤牛通和咖央西多士

潤牛通最吸引的就是其濃味湯底
豬潤很腍身，不過牛肉略嫌有點韌

反而咖央西多士真的非常讚！
麵包很軟熟，面層有薄薄的煎蛋，裡面是咖央椰香，非常香口

埋單$36，下次一定再來

今日要去一去黃金....特地去維記食豬潤麵, 加央多!!!!
真係好好吃~~~雖然地方有D逼~~但絕對值得一去再去~~~

豬潤麵~~~~見身邊既客人連湯飲.....湯一定都係用豬潤煮~~~
一碗豬潤麵....超多豬潤...而且時間岩岩好~~唔會過熟~~

加央多.......呢個唔知係咪用雞蛋整~~真係超級好食!!!!!! 一食食左兩碟~~~

因為我朋友好想去 "維記" 食豬潤. 所以我就陪佢去食...

豬膶米 / 豬膶通 $21 - 真係名不虛傳. 好多人排隊...碗豬膶米 / 豬膶通好多豬膶而且佢地又加埋薑. 真係好好味... 不過我諗食了一次就要暫停一段時間先可以再黎. 因為膽固醇一定超標 jack...wakaka

維記個大名聽就聽左好耐,今日兩個人出開去深水埗買野終於可以順便過去試下,去到幾間舖都要排隊,隨便揀左一條龍黎排,等左15分鐘左右可以入座,坐底分別叫左3樣野食:

1)豬潤麵 (名不虛傳,豬潤好味之餘仲加左d薑,最正係個湯底,good^^)
2)牛肉麵 (牛肉夠腍,但無咩肉味,湯底都正)
3)咖央西多士 (上枱前已分成4份,但味道只屬一般...我覺得法蘭西多士好食d)

事隔多年 水準依然, 幾年前食過一碗, 豬潤勁多, 又唔覺大陣味..

濃湯豬潤麵 ($22)

雖然只係得豬潤同公仔麵,
但係豬潤多都佈滿晒成碗,
湯底好香濃既豬潤味...
食完一碗都意猶未盡..

又講句唔好意思因為冇影到相。

我份人本身唔鍾意食豬潤，因為唔鍾意佢 D 血腥味
不過見到咁多位都話佢 D 豬潤麵好食，所以我都試下

由於又係一個人去，所以好快就搵到位
一落單叫左潤牛麵同咖央西多

先黎咖央西多
一咬落去，咖央好甜好香，蛋味同椰汁味幾夠
而且咬落去又唔杰唔稀，質地剛剛好
係咁一塊一塊咁放入口好快食完

之後黎埋潤牛麵
唔鍾意食豬潤既我懷著戰戰兢兢既心情去食
哈，一咬落去，雖然自己知道都係唔鍾意豬潤既腥味
但我食得出呢度豬潤既腥味已經減到好低，比其他餐廳優勝
再飲埋用薑煲既湯底加食幾條薑絲都已經覺得腥味唔係 D 咩野

雖然維記仲味說服到我鍾意食豬潤，但佢令我呢餐冇再抗拒
我食晒 D 豬潤再食返牛肉
牛肉比我既感覺係唔會太稔，又有返少少咬口
不過麵就擺明煮得耐左 D，軟左少少
而麵既薑味湯底就幾好飲幾清甜，最適合連埋豬潤一齊落肚

總結，呢餐真係好滿足好飽好味呀
不過始終個人都唔太鍾意食豬潤，下次黎都係叫牛肉麵(米/通)算 ...

其實想食維記好耐架啦… 無奈假期次次勁過都大排長龍，至今都仲未食過 。新工o係附近返工，終於可以 Lunch 走落黎試下呢個旺場美食~~

可惜………… 都有 d 失望，可能係期望過高掛~

潤牛麵：期望指數 10 粒星，麵到時見佢大大碗，第一個反應係：咁！咁抵食！？因為出面 d 豬潤麵都無咁多潤… 不過第一眼係分唔到邊 d 係牛邊 d 係潤架… 因為 d 潤同牛係同一隻色！？好，開餐先！
湯底：認真一流，夠鮮甜又唔會口渴，我就咁飲都飲左半碗
麵：唔對路啦… 唔知係咪煮得太耐，真係好淋，而且 d 麵吸唔到湯汁的好味道，可惜…
潤 + 牛：2 樣野都爽口，唔會太韌或者太淋，抵贊；但唔知係咪 d 肉味 + 精華去哂個湯度，食落口真係無乜味… 如果唔係個口感唔同，我分分鐘以為自己食緊同一樣野…
小結：只係個湯底得，有點覺得個潤麵會唔會有點名過其實？可能學我同事咁食通粉可能好 d ，因為會同時間飲到個湯…

反而個咖央西多士就有驚喜，可能因為本身無期望啦，佢又未有蘭芳 d 咁好味，但甜度適中，比普通老茶來得好吧

同朋友來到深水埗，預先上定openrice睇下有咩開飯好介紹
見到好多人都大讚這兒的豬膶麵同咖央西多士
於是就決定在西九shopping完就過去試下啦!!

一去到, 我就立即叫了馳名的豬膶麵
不過真係唔係咁好意思, 因為我唔知道朋友原來唔食豬膶!!
點知果到又唔同一般的粉麵店, 冇魚蛋、雲吞麵
佢最後點了牛蛋麵....

剛開頭因為朋友唔鍾意食豬膶, 所以猶豫佐一陣...
可能因為實在唔憂生意啦! 個WAITRESS見我們落ORDER落得咁慢, 立即黑面
果時俾我們的感覺真係唔係咁好....

好彩, 食物的確唔錯, 提高了不少印象分。
豬膶麵 $22 滿滿一碗, 份量十分足, 豬潤亦好彈牙,恰到好處!!! 特別欣賞其湯底, 薑將豬潤味帶得更鮮甜,有濃濃的豬潤味。唯一唔好是麵太淋, 少了些嚼頭。

牛蛋麵 $24 份量同樣十分足,而且熱騰騰的。朋友話好好食....

未食過咖央西多士, 下次一定要再來食~