影片
２００８／７／１下午茶差不多下午的四點鐘，想去金水壽司吃半價下午茶，嘩鬼咁多人，加上截單時間為五點半，等得來又吃唔切；回去士林台灣麵，雖則只等幾張檯，在熱天下等了十分鐘見郁都無郁過，於是走回大街找吃的算了。途經這裡，在門口見到有下午茶餐的牌，大大隻字寫”15元”，未試過就入去吃。冷氣很足，坐下後也涼快不少。怪不得茶餐咁平，原來沒有餐飲的，只是有個雞肉&雞腎 / 鹵汾蹄&炸菜的湯粉麵（咁不如叫特價粉麵還好）。我想吃雞腎﹑鹵豆腐和炸菜，就決定要兩個雞肉(分別是華香雞和茶香雞)&雞腎瀨粉+一個雜綿鹵水拼盤(有豆腐﹑炸菜&雞腎)，怎料叫餐時阿姐才說今日沒有雞腎(所有餐牌也沒有貼上”暫停供應”的字樣!)，茶餐只會得淨雞，我覺得這餐本身跟兩款餸，如一樣缺貨好應該拼另一款上去才合理，於是我就問會否拼其他小食上去﹖她一口就說沒有，心想: 處理真不夠彈性，拼件豆腐上去也比雞腎更便宜吧?不過我沒有說出來，又或者單拼之下廚師將雞肉會給多些也未定﹖答案當然是沒有，雞肉只得幾舊，絕對是茶餐的份量，而且件件骨多過肉，我倆也不吃雞皮的等於無野到肚一樣。算，說回食物。我分不出誰是華香雞誰是茶香雞，顏色是一深啡一淺啡，味道是一濃一淡，濃的就較鹹，淡的叫做有味過白切雞，這段日子沒活雞，相信用的是冰雞吧，這兩雞絕對沒有特別之處。而瀨粉就相當之硬身，跟本未煮得透。面頭有一劈蔥油，湯本身都油，加埋蔥油，越吃越油，夾埋濃味那種雞吃，鹹到跳舞!最後也有叫一個小食，因沒有雞腎，就要另一款拼盤，只有鹵汾蹄和炸菜，前者質地非常之硬，就算是凍食也不應這樣硬身，味道又淡，不知在吃什麼；而那堆榨菜原來是原個炸菜頭切出來就直接上檯，說老實，我咁大個人是未吃過原個炸菜頭的(未煮過就吃得﹖)，原汁原味下，又再次鹹到彈起，吃了幾條頂唔順，加上為了自己對腎，放棄!放棄!
繼續閱讀
以上資料只供參考, 請與餐廳確認詳情
有一日我同我亞媽去食飯,我亞媽有d見唔舒服就入左去(次所到咳)跟住華香雞果老闆就好大聲咁話(嘩次所入面個女人仲乜架係咁係到咳有病就唔好出街啦) 我聽到好想話佢唔係呀有病就唔好出街有冇攪錯呀但係我冇出聲不過我覺得佢咁樣既態度好有問題囉我亞媽又唔係坐係到咳又冇影響到其他人之不過係次所咳姐唔係咁都有問題丫嘛果次之後我同亞媽都冇再去過
繼續閱讀
尋晚叫咗個$35一人套餐,有湯有菜有雞有飯,但求飽肚清補涼雞腳湯淡淡地,冇咩味雞油灼芥蘭用碗上,都幾多,起碼多過美心快餐嗰碟油菜,可能師傅落油重手咗,後悔冇一早叫走油茶雞飯夠大碟,飯多,但雞就肉少骨多,成日lur骨; 如果想食雞脾肉就要幫趁佢50蚊套餐,只求飽肚又貴咗啲環境就間間華香雞都一樣咁狹窄,檯椅密麻麻,唔會食得好舒服
繼續閱讀
好多人都話哩d雞好正~我食過佢既華香雞, 鹹味重d, 又"un",茶葉雞就唔知點形容個味呢...只係ok貨色罷了~
繼續閱讀