一直喜愛老店的煎蛋豬扒蕃茄公仔麵, 去過尖沙咀的新分店幾次, 也是保持原味, 而且新店闊落乾淨許多.

煎蛋豬扒蕃茄公仔麵 : 香濃蕃茄味, 加上煎得香香的豬扒和蛋, 有時會有小塊薯仔, 好味之極 (想起都狂流口水).

奶茶 : 芳香柔滑. 雖然, 一向覺得蘭芳園的奶茶好喝, 但沒有像渲染的那麼超班. 可能是我不懂.

看到晚餐有像翠華的扒餐, 但因為太愛吃蕃茄公仔麵, 結果每次都點同樣的. 不知道蘭芳園的扒餐做得如何?.....

知道尖沙咀開了分店,所以今天來這裏一試．order撈丁都等得幾耐吓。香蔥豬扒撈丁。其實一聽咁既配搭都知一定好食,只係想實實在在嘆嘆,睇吓豬扒醃得O唔OK。沒有選錯,豬扒一定入味過雞扒!香茅豬扒很冶味!隔離朋友的雞扒似柴皮的….

看報導知道這店用奶茶冰,心中暗讚他們那心思,但不知是奶茶冰用完還是熟客才有,我面前的那杯凍奶茶,用的只不過是普通的冰. 對坐的那位女士,情況也是一樣,但侍應忙碌得根本沒有機會向他們查問,算了吧,算我們運氣不好吧. 茶味算濃,惜不太香滑,不如外間所說的好.最重要的就是成四十蚊吃一個撈丁似乎並不是物有所值的選擇

似乎老字號的餐廳都逃不過一個定律，就是開分店只會連鎖化，令質素下降．

同朋友一早去報興趣班, 辦妥後見時間尚早…晨早流流, 最好就飲杯coffee/tea…反正在油尖旺…就行去哩邊試試新開o既”蘭芳園”…

同友人只簡單各自點左一杯佢地最拿手又出名o既絲襪奶茶同一件奶油多士

奶茶夠茶味…超滑未算但又絕不”鞋口”!...未有為佢感動, 只覺得係做茶餐廳應該有o既水準…但要做到多年”保持水準”(尤其開分店時)反而係難處所在...

至於招牌奶油多士嘛...$8一件(一片白麵包!!)...如果連咁簡單易做都吾想自己整o既時候, 只可以話哩D就係要出去俾人賺到笑的了!!...

講講我地短暫逗留所體會到o既服務...如果我冇思覺失調o既話, 冇記錯, 我地由招手叫”吾該落單”到位四眼人兄寫完單行開...應該冇聽到佢出過一粒聲...如講句”有咩想食?””好呀””係咁多?”覆單之類, 無所謂, 或者哩D就叫”有性格”...還好在櫃台收銀位阿哥會講句多謝!!

裝修...刻意o既懷舊只有同【活坊】哩個新場格格不入...好相信老舖o既人味同氣息係日積月累下來的...裝不了!

好多人都討論蘭芳園, 星期日就去試左

有50%係為左個奶茶而來, 聽人講好似好出名, 但有點失望....第一啖冇咩點, 味道都ok, 第二、三啖開始覺得鞋口
叫左個豬dum兜撈丁, 其實冇特別, 同普通茶餐廳既xo醬撈麵冇咩分別
番茄薯仔湯通粉, 個湯係比較濃香, 但過甜及薑味太重
野食非常一般, 相對食物質素, $3x一個麵, 本人覺得價錢貴左少少

未食前見到舖面既裝修的而且確覺得好有feel, 尤其是道鐵閘, 位為一個尖沙咀商場內做舊色裝修覺得好正, 但建議不宜對食物有過份期望

上次去了尖沙咀的蘭芳園，得到好評後，決意帶父母喝一頓下午茶，週六下的三時半，已是坐無虛席的局面，好不容易才找到三個位。

經過一段時間的運作後，其茶膽和咖啡膽已漸見火侯，加上水吧師傅有一定功夫，喝一口奶茶，茶味濃而不苦，口感稠滑，稍嫌花奶略為重手，家父的咖啡更見香濃，正值入冬時份，家母叫了一杯檸檬煲薑水，和鹹檸七一樣，這些屬於上世代的飲品，幾近失傳，總應有人傳承下去。

至於食物方面，繼上次的雞扒蔥油撈丁後，今次改為一個豬揼兜撈丁，說穿了不過是豬頸肉，配合微辣的醬汁和爽口的麵條，再撈上一把惹味的薑蔥茸，味道依然不錯。懷舊的西多士，其夾心用上「加央」代替花生醬，好多人對花生醬來得敏感，取而代之是一股清香的味道，外表依然金黃香口，好味也 !

食物不錯，只是環境和節奏上急了一點，坐不得久，價錢也比坊間的「茶記」貴上二至三元，少數怕長計，其開山鼻祖的老店招牌，確是有收貴點的能耐，食物雖不是甚麼驚天動地的水準，比較之下確是比人高出一點點，餐牌上保存了上一代的風味，也多了一點「特色」。

正如老掉牙的說法，第一個發明的是天才，第二個跟隨的算是人才，第三個跟風的，永遠是庸才而已。

星期日，去開尖沙咀買野。記得TST開左間蘭芳園，一心信得過，因為食開中環個間六、七年。
不過，始終係老店好Ｄ！
可能係氣氛問題，梗係覺得杯奶茶Ｄ茶味同中環飲開有Ｄ唔同！
奶油豬就KEEP到，可以添食！

如果未食過蘭芳園既，請先拜訪左中環店先!

聽蘭芳園的名字很久、剛午餐完行過、人很多。
終於下午大概４点, 特意折返前往。

滿心歡喜、非常期待的奶茶。

但一飲之下、唔滑之餘、帯苦味...
真的是他平時之水準？
希望只是一時失手、不要浪費了"蘭香園這名字。

豬軟骨撈丁太咸
豬扒撈丁 無汁
奶茶唔滑又無茶味, 大家X 仲好飲
只得奶油豬仔飽 OK

服務態度一般, 唔會再去~~

是日能夠早下班, 沒有約會, 沒有飯開, 沒有飯局. 去完圖書館搜集資料, 之後便乘船過海, 行下街, 買到對新波鞋. 開心地行返入彌敦道搵食. 路過重慶, 看見前陣子朋友介紹的另弓個G.O.D. 復刻. 就落黎睇睇, 是什麼樣子. 而且, 當然是要來嘆下絲襪奶茶啦.

入到鋪頭, 令我聯想起的, 不是蘭芳園, 而是星座冰室. 因為, 同樣是地庫, 同樣在舊商場. 幸好, 不同的, 是呢個商場已經返新, 茶餐廳是新的, 舊, 只是G.O.D. 一眾designer, 喜歡玩的復刻.

環境格局上, 好過Starbuck好多, 因為是全間餐室, 都是復古設計. 每一個角落, 每一張檯凳, 都非常懷舊feel, 最能代表的, 當然是由中環舊鋪, 拆出來裝在新鋪的舊招牌. 不過, 圓凳整左個"蘭"字係度, 未免覺得G.O.D. 手多多.

病未癒,簡單一點, 食個撈丁, 而且, 來此, 當然不是為了呢個gimmick, 是為了試下新店的"Pantyhose(絲襪) Milk Tea(奶茶), 能不能保持到中環老店既水準.

點的那個撈丁, 叫什麼豬泵兜叉燒汁撈丁, 問一問老伙記, 豬泵兜是乜黎架, 原來是豬頸肉, 於是非常安心的點下. 個汁叫做叉燒汁, 但食落, 感覺好似食緊泰式豬頸肉咁既. 呢個叉燒汁蜜味較重, 重到有點像泰式醬汁....所以我話似泰式豬頸肉就係咁原因.

主角, 是馳名的絲襪奶茶, 夠滑, 夠香, 濃度適中, 不知有沒有把中環, 煲了幾十年個茶煲搬來呢, 因為要用這樣的茶壺, 才能夠沖出靚既奶茶. 感覺上尖沙咀店比起中環兩間店, 係差少少, 但師傅功力同茶底, 是一樣沒有太大出入. 如果, 佢唔玩懷舊feel, 淨用個名, 相信都一樣做到好生意.

不過希望, G.O.D. 玩還玩, 不要玩得太過....呢度已經唔覺得有煤氣燈街Starbuck, 當時做出黎果種熱潮啦.

後話, 食東西當中, 最最令我覺得同古代冰室相襯的, 是隻蚑仔, 飛黎飛去..............咁先似返間冰室架嘛......同你影張相, 說一句....老朋友, 您好.....

再要似的, 白衫(滿袋原子筆墨漬), 既制服代替Polo恤, 先會令人感覺回到60年代.

知道蘭芳園在九龍重慶大廈開分店後，一直想去幫襯，前幾日放假終於去了一趟。

原來新店不在重慶大廈內，是在附近的地庫「立坊」，可能個場還是新開，裡面營業的店舖連一半都沒有，加上地庫的範園不太大，所以都不算難找。

新店甚有懷舊feel，無論一桌一椅、地板階磚還是牆上的掛畫，所有裝修陳設都經過精心的佈置，簡直跟中環的檔口有八成相像，就連老店的「蘭芳園」牌匾也有，只不知是不是複幫品而已。

因為想試新嘢，不想又是叫蔥油雞扒撈丁、豬扒包和咸檸七等招牌出品，所以叫了個咸牛舌喇沙湯底公仔麵餐跟凍奶茶，另外還有奶油西多士和奶油脆豬包。

說到底招牌始終是招牌菜，雖然今次叫的食物水準不過不失，味道尚算ok，但以蘭芳園講到尾只是一間有名的茶餐廳/大牌檔，但收的是不算便宜的價錢，便似乎只是一般抵食了。

終於終於試左蘭芳園喇，之前一直想試呢間食店。
叉燒汁豬頸肉撈丁加蛋 撈丁麵質幾爽 但係個汁辣辣地又甜甜地,其實怪怪地嫁,不過隻蛋真係煎得好靚,我份人比較膚淺鍾意睇樣,所以都覺得幾好味
薑蔥雞扒撈麵加蛋 薑蓉撈麵又幾match wo而且雞扒都煎得好好食,好入味
凍奶茶 好滑,奶味好夠~飲到尾都好濃!不過如果可以小d冰就更加好喇

好鍾意好鍾意呢度懷舊既裝修,而且仲好乾靜企理.本來想叫埋咖央西多士同奶油豬仔包,但真係食到好濟,惟有下次再黎試試啦

尖沙咀對我來說是比較中環方便, 所以蘭芳園在尖沙咀開分店對熱愛奶茶的我是一大喜訊。週末一早便去會一會這位越"維港"而來的朋友。新店裝修非常別致, 懷舊得來又乾淨俐落, 最怕是很多食店盲目跟隨懷舊風,胡亂堆砌懷舊裝飾。

可能時間尚早, 沒有我想像中多人, 還以為要排長龍。我和友人各要了豬泵兜撈丁, 番茄薯仔湯通粉, 熱奶茶, 凍咖啡。飲品先到, 一看到那杯招牌絲襪奶茶, 心知不妙, 色澤太白, 呷一口, 果然奶太多, 茶不夠濃, 失望極了, 與中環店很大分別。友人的凍咖啡也是比一般茶記更一般。

番茄薯仔豬扒湯通粉, 湯底不夠番茄味, 而且總是有點....有點蕃薯糖水的薑糖水味...奇怪奇怪。豬扒是可以的, 至少沒有落鬆肉粉。反而豬泵兜撈丁保持水準, 豬頸肉依然爽口。薑蓉更是畫龍點睛。

通常名食店開分店, 水準必然下降,蘭芳園亦難逃此宿命。所以要名食店就腳, 是有代價的。

20/9/09(日)

以為位於偏僻位置會靜局一些，一拐彎巳見有等候的客人，幸好很快就可入座，當然要搭檯了。
要了兩個下午茶餐，傳統西多和豬扒飽，奶茶一凍一熱。
凍奶茶有奶茶冰，也有一些普通冰，覺得茶味稍遜，飲凍奶茶現在較愛冰鎮奶茶，茶味較濃。熱奶茶很滑，但總喜歡茶味濃些才好。
西多士平時很少吃，又香口又惹味沒有不好吃的，也不懂比較好與壞，就放縱一下吧。豬扒飽也滿意，鬆軟的肉質，調味免不了濃濃的。飽得不得了，只有暫停掃街之旅，改日再戰。

在公仔箱非常出名的港式茶記，在蘇豪有新舊兩店，聲勢一時無兩，也不知是否因為名氣累事，上回去舊店吃，是吃得非常不滿意，今回人就在附近，也順便以溝貨為名，來試它一試。

此處的環境比起中環的新舊兩店也是舒服得多，而其茶檔處做了一塊仿舊店的招牌，非常之為人熟悉的模樣，另外也滲入了一點摩登的元素，抬頭一看其大燈，不是用上水晶掛飾，而是用上我們的回憶，一個個的牛奶樽砌成一個燈罩，真的是很有趣。

由於已經吃了一點東西，所以兩人也只點了一碟此店馳名的撈丁及茶記的恩物西多士，另外也當然要喝熱奶茶。

先來的是豬泵兜撈丁配叉燒汁，說穿了只不過是叉燒汁豬頸肉撈出前一丁加點薑蓉，丁麵沒有油味，不是大光麵之流，而且灼得不過腍，有點咬口，也沒有黏埋一嚿，配上酸酸甜甜的叉燒汁，吃起來很開胃，豬頸肉爽口有咬感，吃起來有一貫豬頸肉的油香，不錯，而最值得一讚是那薑蓉，也很久沒有吃過上佳的薑蓉了，上次在舊店吃，薑密度低而且過油，今回吃的是充滿薑的辣勁，用它撈未有蘸叉燒汁的麵淨吃，也是美味。

然後來吃點甜點，咖央西多士是炸的不是煎的，只好怪我不是食家，沒那麼好招呼，幸好算是炸得均勻而沒有焦，吃起來夠熱，而且滲出點點蛋香，在中間的咖央味道也濃，蘸上牛油及糖膠同吃，又香又甜的，總體來說是好吃的，但當然不是驚為天人的貨色。

最後喝一杯熱奶茶，也是先用鼻子嗅一嗅，奶茶的茶香及奶香也是普通而已，喝下一口，茶香低而茶味不夠，喝起來的味道偏薄，茶身確是順喉，但不可以說是滑身，奶味不夠強，是沒有用黑白淡奶之故嗎？這杯奶茶，只可以說是中規中矩罷了。

經過此役，對蘭芳園這個品牌挽回了一點信心，但要喝一杯好的熱奶茶，當然不是找上這兒吧。

琴晚同左女友來左呢間店到試試,個裝修
好過癮,我地都好鍾意,但....食物o既質素
先係最重要,我就叫左個西冷牛扒,老實講,
真係唔得,大x樂都好食過佢,跟住要多個焗
肉醫飯,呢個只係一般,冇乜特別,佢好出名
o既奶茶,試過之後覺得只係一般,本人就覺得
太興d奶茶比佢再滑再有茶味,好多茶餐廳都
好飲過佢,我琴晚o係度諗,呢間店係唔係真係
蘭芳園?