星期日 18:30 Walk-in 入去食

個時冇乜人，仲有好多吉位，但個 waiter 話個經理話有好多人 book 左位，所以比左近廚房位比我地，個 waiter 仲話如果坐 LEE 度，可以坐耐 d
之後，我地叫左 (泰式炸蝦餅 + 鹹魚炒通菜 + 鐵板炒蠔仔 + 冬蔭功 + 青檸冰)
太約 19:30，當食到剩下(鹹魚炒通菜)，同甜品，仲有杯青檸冰，誰不知，個經理突然拿張單出來，叫人埋單先

我話 " 我杯青檸冰都未飲完，不如等我飲埋先同食埋甜品先 "
經理話 " 埋左單先啦，唔好叫 d 阿婆等 "
我反應 " 我望一望門口，話阿婆係邊度 ar "
經理話 " 後生仔，埋左單先啦 "
我反應 " 我見過經理好似非即刻埋單不可，我未做過順水人情 lor，即刻埋單 "

我建議係，如果(兄弟姊妹們)食野速度夠快 ge，同唔介意佢這種服務態度 ge，行過可以試下 ge，話晒　d 野食都 okay ge

1. 泰式炸蝦餅,好好味~一定要食!!!不但只有蝦ge鮮味,仲非常彈牙,厚切更令人感到滿足呢!!!
2. 蒜茸西蘭花…唔掂~係清水煮菜加蒜茸在面…完全沒有功夫可言…唔match又唔入味><
3. 腰果炒牛肉要分開評論…因為有好有唔好…先講腰果…好香軟硬適中…配菜青椒洋蔥都好合時又甜又爽口呢^^但牛肉這個主菜就有問題了…既冇牛的肉香又有欠軟軟的口感肉汁><
4. 還有泰式炒金邊粉…都係一般…缺乏層次感….金;邊粉同配料好像獨立的個體一樣…完全唔入味lor…仲有蝦普遍的木獨冇味
5. 咖喱蟹比以前小了….可能是咁啱啦…咖哩充滿蟹肉好鮮甜…蟹有糕好香好好味….腳的肉亦非常厚又鮮甜…會再吃!!!
6. 飯品方面,青檸冰雖然隨處可見…但咁有檸味…唔係檸還檸梳打還梳打都是只有這間…好正…而其他例如草莓汁同椰汁冰都係一般…
7. 蒜茸包同薄餅都好有水準…食咖喱必備

家沒有煮飯，與家人到附近吃泰國菜，家附近的選擇真的沒太多，較有水準的首推這兒，於是一行三人就來吃個簡單泰餐，三人坐好之後，未看餐牌，先吃點店家奉上的小吃，是蝦片配上點魚露，蝦片夠脆而不油膩，有點一貫蝦片的香味，蘸點魚露帶點酸的吃，感覺也不錯，但結賬時才知道要八元。

在晚市的套餐之中，點了特價自選套餐，餐價一百八十八，分別有四款東西吃，一個是湯，一個是小吃，一個是肉類主菜，另一個是素類的小菜，再另送甜品，真的算幾抵食。

雖說冬蔭公真的逢吃泰菜必點，今回一於攪攪新意思，最後點了泰式椰汁雞湯，因為除了冬蔭公及此湯之外，其餘的都只是中式湯水，這湯看起來很是對版，白白的湯頭，但嗅起來就沒甚椰汁香，何解？喝了一口，謎底終於揭開，白白的顏色原來來自於忌廉，湯喝起來有香茅及金不換的味道，而且又是辣辣的，另外也有點南薑，簡單點說，其實是一窩忌廉冬蔭公，真新穎！說實話，不難喝，但真的不能說好喝呢！另外的配料就是雞絲及磨菇，磨菇沒什麼特別，雞絲是雪藏貨，跟以前學生餐的碟頭雞絲飯沒分別，總的來說是不過不失。

小吃要了燒焗蔗香排骨，所謂的蔗香，其實只不過是在排骨上塗了點蔗糖，外層部份燒得有點焦而不過火，吃起來有炭香加蔗味，味道確是不錯的，而排骨也算半肥瘦，吃起來帶脂香，但不知為何半肥瘦的肉都不算太鬆軟，可能又是用上雪藏豬肉，可知除了大陸的豬肉之外，香港很多廉價的肉都是從巴西急凍來的。

也點了一個纖維吃，這碟辣荳醬炒通菜，嗅起來已經沒甚荳醬香，吃起來果然真的什麼味也沒有，只能說是用上極少的荳醬及辣椒絲，加上鹽及茨炒成的一碟菜，所以鹹度是適中，碟菜是有味的，而通菜本身又不老，吃起來無渣挺嫩的，要不真的怎吃得光。

主菜要了鐵板炒蠔仔，基本上可以形容為滑蛋蠔仔，滑蛋雖然不太有蛋香，但也真的挺滑，配合滾熱燙粒粒肥大的蠔仔，吃得一口蠔香就掩飾了蛋香不足的問題，配合墊底爽口的芽菜，整體來說跟上回一樣，也是挺高水準的，至少吃得大家也滿意。

甜品送來了椰汁西米糕，椰汁糕有不錯的椰香，口感黏黏滑滑，配合下層軟腍的西米糕，西米雖然腍得一點口感也沒有，但至少甜度適中，而且其中夾雜了少量細碎的芋粒，也真的不要看少這些少少的芋頭粒，令整塊糕點吃起來有陣陣的芋香，眾所周知，芋頭跟椰子是多麼的夾，所以味道都真不錯。

吃了四款東西，每樣的份量不算少，一個餐也夠三人分，埋單連加一也不用二百二，又真的算幾經濟，始終也是做街坊生意，太貴在這區真的很難生存。

叫左個set dinner $188..ABCD任簡
蝦片~小食..脆卜卜
燒排骨~唔錯..甜甜的..意外地好食
黄咖喱雞煲~意外地麻麻地..冇想中咁惹味不過另叫個碗飯..撈汁^^
蒜容炒西蘭花~so far so good..
冬陰公~唔錯..夠哂味..不過辣左少少
甜品~so far so good

另叫:青檸冰~酸尾尾..幾好!

埋單加一又另叫左D野..TOTAL$250幾..
下次要食鐵板蠔仔

店址於香港仔舊大街，地段唔算好旺，但午市生意不錯。一行四人點了一客$188四人套餐，另加數款美食。

炸蝦餅(套餐)：賣相幾豐滿，口感亦幾彈牙，唔錯。
冬蔭公湯：香料(茅)味道平均合適，又唔會太辣，幾好飲。
黄咖喱雞煲(套餐)/蒜蓉包：雞件好鞋；咖喱未夠香，特意多叫一籃蒜蓉包點食，咖喱亦被蒜蓉香味蓋過。就蒜蓉包本身而言，又脆又香，OK喎！
鹹魚芥蘭(套餐)/蝦醬通菜：鹹魚/蝦醬味未算十分突出，OK。
菠蘿炒飯(套餐)：以肉鬆、豬肉條、蝦、臘腸等等作配料烹製，口味符合預期。
泰式煮蜆：殼多過肉；湯汁好杰好鹹，no good！
椰汁糕(套餐)：OK。

[22/11/2009; Sun]

朋友生曰, 一行十人到此晚膳.

首先聲明, 本人是很喜歡泰國菜的~ haha...

是晚點了一個 8 人套餐和散叫了紅咖哩羊, 明爐烏頭和薄餅.

套餐中, 有小食拼盤, 鐵板蠔仔, 串燒鱔, 菠蘿炒飯, 咖喱蟹, 燒春雞, 炒雜菜, 炒通菜, 泰式甜品.
小食拼盤有 5 樣野, 豬仔骨夠肉汁, 鳳爪無骨且酸辣適中, 多春魚稍嫌太乾及不夠肥美, 春卷酥化且不太油膩, 蝦餅爽脆彈牙.
鐵板蠔仔賣相不太吸引, 蠔仔雖小, 但肉汁不乏, 芽菜及胡椒能帶出蠔仔鮮味. 若再炒乾身一點會更好~
大讚這個串燒鱔, 脆卜卜的皮加上甜甜的蜜糖和香香的芝麻, 十分惹味可口!
菠蘿炒飯, 與一般的泰國菜館無異, 以半邊菠蘿上菜, 但略嫌菠蘿肉未起清, 所以盛載的飯份量偏少. 味道不俗.
咖哩蟹, 可加錢選膏蟹, 咖哩汁不太辣, 反而偏甜, 佐飯或薄餅享用一流!!!
紅咖哩羊, 羊不羶, 整體一般.
燒春雞, 啖啖肉, 肉嫩, 連皮吃也不覺得膩.
明爐烏頭, 可惜沒有相片.... 這裡吃這道菜有一大好處, 就是上湯是附送的, 因為大多泰國菜館, 明爐魚加上湯是另外收費的. 酸酸的青檸味, 加上芹菜的香味, 令烏頭更鮮.
泰式甜品是椰汁西米糕, 千層糕和大菜糕, 西米糕加有粟米芋頭及馬蹄, 很有口感. 千層糕是熱食的, 很煙靱, 稍甜, 但可接受.

總括來說, 一個"正"字!!

是一個很好的泰國菜式選擇!!!

中午時段，路過附近，經同事極力推介，入內光顧
叫了一碟菠蘿炒飯，炒得幾爽口，菠蘿融入整碟炒飯中，使炒飯增添一份的鮮甜
雖然炒飯的味道不算特別的超卓，用料更不是特別的上乘
價錢相當相宜，只是盛惠二十四大洋
最令人抵讚的，是其殷切歡容的待客態度
經理總會笑容滿面，也令到我對這間泰國餐館額外的好感

抵食，唔錯！

香港仔四圍都食過晒, 唔少都係集團式經營的餐廳,今次黎此間緬泰皇宮都算有個意外收穫

椰子汁炒西蘭花 - 西蘭花炒得太熟,太

炭燒豬頸肉 - 烤得恰到好處,加埋D泰式酸辣醬好好味

蝦膏炒飯 - 同臘腸一齊炒味道幾特別,個份量亦好大

街坊菜色,算係唔錯架啦!

想食泰菜又不想走出銅鑼灣，多數會揀係南區唯一一間泰國菜館食，今晚一行五人又嚟食晚飯喇！今次我地點咗一個二至四人餐加點多幾味餸。
食味如下：
青檸梳打 ~ 酸咪咪醒神。
燒鱔串 ~ 香脆惹味，唯分量略少。
泰式酸辣無骨鳳爪 ~ 酸辣味適中又爽口。
蒜容飽 ~ 香脆有蒜頭味。
泰式豬頸肉 ~ 燒得較乾身，味道一般。
明爐烏魚 ~ 湯底酸香味美，魚也有鮮味。
黃咖哩羊 ~ 水汪汪淡而無味，羊肉沒有肉味，差極。
原個菠蘿炒飯 ~ 分量多，炒飯軟硬度適中。
蒜容炒菜 ~ 不太油清爽。
生菜肉鬆包 ~ 只是得鹹味，一點辣味也沒有，攪錯。
泰式甜品 ~ 椰汁西米糕好味，大菜糕難食。

五月是要臨急抱佛腳的時候，要開盡Turbo讀書了，唯有在家附近吃正日的母親節飯，而住了附近那麼多年，也未吃過，今晚也一於去試試。

由於已是此誠危急存亡之秋也，所以讀晚了一點，今天去到餐館時，已是九時了，但仍然是那麼多人，所以也等了幾近半小時，才被安排入座，甫坐下，先來一點免費小吃，吃下是脆口的，其實可以再脆一點的，但惹味也是事實，再點那些甜甜的泰式醬更是好吃。

事先在Openrice做了點功課，最後點了冬陰公湯、緬甸咖哩牛腩、蒜蓉包、鐵板蠔仔、緬甸薄餅、辣麵豉炒通菜、鹹魚炒芥蘭、蝦醬炒飯及泰式炒金邊粉，五個人應該是很夠吃了吧。

每次吃泰菜，什麼都可以不吃，但不可沒有冬陰公湯，今天要了大的，盛惠九十八元，在香港仔此街坊地方，心想也有六七大碗吧，怎知店家沒有給湯原來的面目我們看，就訛稱只分得五小碗，我可真的不相信，一問之下，說其實還是有一點，當大家喝光自己那一碗後，我再吩咐店員舀剩下那些給我們，他說因為放冷了，要再加熱才給我們喝，心想我們喝碗湯，也只是五分鐘內的事情，何解會要咁大陣象呢？不久，一位較高級的店員來到枱前，告訴我們是煮少了一點，現在是補煮一點給我們，聽到後才順氣一點，加上補煮的也有四碗的，而且和之前的味道沒有分別，沒有因為是補煮的，而偷工減料，這又是一宗危機管理活生生的例子，談回食物，這兒的冬陰公湯，四平八穩，不是特別好，也不太差，酸辣度適中，有香芧但沒有金不換，真奇怪，但不知怎地甜味也來攪局，吃多了竟是覺得很甜的，所以刺激度大降，但也是不難喝的，而真的要彈的地方是在湯內的蝦肉是很梅的，完全不爽口不新鮮。

再來的蒜蓉包很好吃，很香蒜味，加上適當的牛油香味，焗得很脆，二十元只有八小件也要encore，而緬甸薄餅跟馬來西亞的油鬆餅有點相似，但質感吃起來實一點，而且撕開後看，內層是較纖維化的，沒有整塊連成的感覺，因為對緬甸菜的認識很有限，所以攪不明白究竟是緬甸式的薄餅就是這麼了，還是其實緬甸式的跟馬拉的沒什麼分別。

緬甸咖哩牛腩，又是一道所謂的緬甸菜，咖哩的香料味比印式薄很多，但也不像馬來亞的那麼大椰汁香，而且偏鹹，但牛腩肥肥的，連筋的位置更是好吃，配着薄餅也很是好吃的。

再來的是此處枱枱也點的鐵板蠔仔，熱騰騰的端上桌，蠔仔肥美有蠔香，而且沒有沙也沒有火水味，配上滑滑的蛋及爽口的芽菜，再預先下了不少的胡椒來辟腥味，非常好吃。

此時也來兩道纖維吧，先談辣麵豉炒通菜，辣度嚴重不足，麵豉也不知飛了到哪兒，而通菜按道理合時，但不知怎地也老得很，整體來說是差得很的一道；另外的一道纖維是鹹魚炒芥蘭，也叮囑了家人不時不吃，芥蘭現在不是時候，所以也有點老，鹹魚味是有，但可以多一點，會好一點，所以也是不太好吃的，純粹是幫助腸胃消化而已。

纖維過後，是時候來一些澱粉質來充實大家的腸胃了，先來的是蝦醬炒飯，也如一般泰式的蝦醬炒飯，配上一點泰式臘腸，比港式的軟身，較易入口，為飯帶來一點油香，而飯的蝦醬味也足，加了一點點的碎白豆角，吃起來更有咬口，整體來說是對版的。

第二碟的澱粉質是泰式炒金邊粉，酸酸的甜甜的，非常醒胃，滿有熱帶的色彩，在內的，蝦也爽口，金邊粉也軟腍得宜，加上是濕炒的，濕濕的酸酸的，另外加入芽菜、韮菜、蛋花及花生碎，吃起來更有咬口，很易吃光，非常對胃。

最後店家送了椰汁西米露給我們，內裡有芒果、粟米及芋頭，椰汁味不是很強，畢竟椰汁或椰醬是貴的，但西米、粟米及芋頭也煮得軟腍，但也未至於變成爛糊的模樣，甜度適中，以送的甜品來說，還可要求什麼呢？

今天這一餐也不錯，但是好像是有點求其的，本人不大能容忍這樣的一頓母親節飯，所以已預定要和家人再吃多一餐。

好有水準的泰菜...
冇BOOK位... 要等等都值得... 太旺了爆晒場... so 好理解...
等位時睇meun餐牌經已好吸引
仲發現好多明星、名人都來過... 嘻~ (有eason, 黄金寶, 仲有.....etc) 一入門口就見到d簽名..
當晚食咗 >>>

蝦餅 ---> 皮脆肉正,口感一流
肉眼根 ---> 好大碟,唔肥,加埋点小小汁, 好食
鐵板蠔 ---> 介紹之選
蒸大蝦 ---> encore, encore 加 encore
咖哩炒蟹 ---> 係全晚之冠! 嗰汁讚!! 讚!! 讚!! 蟹肉結實,冇揸留攤, 二佰蚊唔使絕對超值!!
菠蘿炒飯 ---> 本身已唔錯, 加埋咖哩炒蟹d汁 = 冇得彈!!
仲有菜, 蒜蓉包, 薄餅,甜品

太美味了!! 嗰隻咖哩炒蟹呢... 真係正... 又抵食... 出邊食肯定食唔到...
閒閒吔都二佰幾三佰啦.. 橋底辣蟹嗰d唔使講添啦...
佢張檯都有d特色, 用真樹切割合成.. 環境ok!!
去洗手間嗰時見到個廚師.. 原來真係泰國人黎嫁...

超飽~ 勁滿足~ 6個人食咁多野, 又蝦、又蟹... 每人都唔使$150 喎~~

今日早放工，同左朋友殺入香港仔食泰國菜

可能食慣左九龍城GE 泰國菜，食到嘴雕雕，始終覺得九龍城係最好GE!!!

不過，好難得入香港仔，一個我諗都唔會入GE地方，

仲食埋泰菜，別有一番"瘋"味~!!@@

我地自選4款加埋蒜蓉包都係每人$80，仲食淨哂，證明其實都幾抵食

前菜有蝦片，另外4款食物揀左飛天通菜、鐵板蠔仔蛋、

泰式鳳爪沙律同金邊粉，最後仲有甜品椰汁糕



係咁多款入面，我都係最鍾意食鐵板蠔仔，惟獨是D蛋汁好水，

所以唔係咁鍾意呢種質地@@其他就不過不失~~~!!

咁岩坐正係冷氣風位，所以d食物極速冷卻，

影響左食物味道，仲有我地ge胃口

而且，人愈夜愈多，所以局住食淨好多就要走，

呢度覺得安排有點失當~!!!

我是街坊, 所以久不久都會黎食下晚飯.

以前香港仔有幾間泰菜館, 而家只淨呢間and泰國人海南雞飯, 能夠留下來, 一定有d料既…

我多是同老公來, 通常都會點餐自選四項餐, 星期一至五價錢二百頭, 星期六日會貴少少, 多二十蚊, 不過菜單都會有少少唔同.

我們必點的有: 燒春雞 / 辣椒膏炒聖子 / 棷汁雞湯 / 鐵板炒蠔仔

燒春雞 – 肉不鞋, 而且皮很香脆, 我最鐘意送飯
辣椒膏炒聖子 – 個人偏愛吃聖子, 而且雖然是辣椒膏炒, 但不會有很辣, 要勁飲水的感覺
棷汁雞湯 – 棷汁很香很濃, 她比冬陰公的辣溫和一點, 飲完再想添飲. (入面有好多草菇的! I like it!!)
鐵板炒蠔仔 – 最正係呢個, 鐵板燒都好熱, 上桌時滋滋聲的, 隔離檯一定望過來. D旦半生熟, 像旦汁, 可撈飯吃, 蠔仔亦算新鮮, (不過有時會有d沙, 要改善) 底有芽菜, 伴著蠔仔吃的口感好有feel!

飯後有甜品送,我多數揀大菜糕. 不過蝦片好似唔係送的, 好似$8@

最好訂定位, 晚飯好多時都full, 有可能要等, 過時過節唔洗講, 冇訂位入都入唔到!

PS: 佢地既芒果汁都好好味嫁, 真係鮮芒打的, 香香甜甜. $20@

Haven't eat here for half year. That night we come visit again. We come by around 6:00pm because will be no table if late coming. They are fully booked every weekend. Because its the only one thai resturant in here.

Tonight we've order a four dish dinner set and garlic bread. The sweet and sour chicken leg are fine, just abit spicy as before. Curry beef are worst, no curry tast and the meat are not cooking with the curry saurse, very bad........... Vegetable are just normal. And fried noodle haven't tast any thai......... Just like chinese sea food fried noodle..........

Maybe because they are too much peoples every weekend even they didn't keep their food quality. But as peoples can feel they are not serving with their heart. Peoples will leave.......... Hope they can understand that. Because food choice are already less in 香港仔. I don't want to lost one of the choice here.

一向不吃辣的女友居然話帶我去食好味泰國菜, 深感意外, 一定要黎見識見識!!
位置在謝記的橫街, 毫不起眼. 店內的擺設很有泰國風土味, 頗多外國遊客幫襯, 香港經理以流利英語細心介紹招牌菜, 而泰國姐姐就用半桶水粵語來招呼我地, 好好笑!

點了一個自選套餐, 餐內分ABCD四項, 每項有若干選擇, 自由配搭. 我們點了: 幾大煲的小辣泰式海鮮湯, 彈牙同好有蝦味的炸蝦餅, 有火爐暖住的雜菜煲, 及超多蠔仔同蛋花的煎蠔餅! 蠔餅做法有別一般食店, 並非乾煎粉醬大餅一堆, 而是似"滑蛋牛肉"用韮黃蛋花"濕炒"鐵板上, 好香, 香到附近食客都望哂過黎; 好味, 有幾枱人見我食得咁好味, 都叫黎試下.

臨走時見隔離枱食緊隻"咖央雞", 好似好好食, 下次試下先!!