影片
港鐵荃灣站 A3 出口, 步行約6分鐘
繼續閱讀
開飯介紹
星期一至五
11:30am – 11:00pm
星期六日及假期 9:30am-11:00pm
繼續閱讀
營業時間
星期一至五
11:30 - 23:00
星期六至日
09:30 - 23:00
公眾假期
09:30 - 23:00
以上資料只供參考, 請與餐廳確認詳情
食評 (26)
身為一名合資格既潮州混血兒，當然要周圍試試潮州菜，今日就去到呢間酒樓試食。由於係下午茶時間關係，價錢都比較豐儉由人，蠔仔泡飯半價，一大碗都係廿四蚊雞，食落其實同有啲打冷舖頭既質素相近，性價比高，身為識貨之人，一定唔可以錯過。不過，係經歷完呢個抵食蠔仔泡飯蜜月期之後，良好既印象就漸漸被破壞。人生若只如初見，如何回到當時…首先要講既係欖菜肉碎炒飯，又名"攬炒"。其實錯不在佢，因為佢發揮正常，只係我呢個經常犯錯既潮人混血兒再度犯錯，又叫炒飯又叫泡飯，令到兩者重覆出現。不過，好彩最後都食得晒，否則定必愧對非洲小孩。到到蘿蔔糕，雖然我係一個百分百蘿蔔糕fans，但係呢度既蘿蔔糕認真唔得，粉多於蘿蔔，入口即溶，是否希望化作春泥更護花？但宜家秋天都就快到了，呢度既師傅應該要留意一下。以前細細個最鍾意食韭菜粿，鍾意到呢...可以當飯食，所以都可以扮下專家既。而呢度既韭菜粿，餡太咸了，過量既咸味將韭菜香味完全掩蓋，失望得使人不禁感嘆一句友舞久菜。而咖喱魷魚，就正正常常啦，不留印象。總括而言，呢間酒樓表現唔差，如果改埋上面既少少minor位咁就perfect啦！順帶一提，由於報料偉需要回到深山潛行修練，可能會過一段時間之後先可以同大家再會，但我一定會返黎，再為眾兄弟介紹好飲好食好去處，大家記得要繼續支持我啊！Stay tune
繼續閱讀
1342 瀏覽
潮州棧在中染大廈，就在鴻星旁邊。比較頭痛的是，大廈入口處及酒樓入口處都有台階，沒有斜坡板，輪椅上落非常不便。餐廳走中式古雅風，裝潢特別擺放了很多裝飾用的座地鳥籠燈。作為潮式酒樓，一般像潮式魚蛋、各式的烙、春菜煲、潮式甜品和潮式火鍋等，都可以在這裡找到，價錢一般，不算便宜。潮州家鄉炒米粉其貌不掦，材料很簡單，但出奇的好味。米粉很乾身，混了一些肉絲和蝦粒，再切一些菜遠，炒出來嫩嫩的，看上去又可以多一點顏色。部分紅燒豆腐酸尾尾，有紅椒味，又有肉碎冬菇粒，拌飯一流杏汁菜膽燉豬肺例牌要$128，足夠每個人飲2至3碗。杏仁的香氣撲鼻，加上白菜的清甜，好喝得令人欲罷不能。豬肺的口感很滑，可以想像清洗時要花很多功夫。一般要令豬肺變白，要用水喉插入豬肺氣管不斷灌水，令肺葉排出血水和白泡，重複灌洗20分鐘直至肺葉排出清水才算乾淨。豬肺本身已經有潤肺功效，加上杏汁，有生津降火，紓緩壓力的功效，秋冬適宜多喝。潮州方魚肉碎粥味道比較鹹，口感跟廣東粥亦有很大分別。米飯沒有煮㦨，米還米，水還水，比較似湯飯。用料除了菜絲和冬菇絲，亦混有方魚塊，那是以大地魚剪成1厘米的方片，再以花生油浸炸至金黃香脆，潮州菜多以這個製湯和粥。有了這個，整個粥變得非常香口惹味。鴛鴦水晶包有黑芝麻配奶皇餡和白芝麻配紅豆餡兩種，普通湯圓大小，水晶皮很薄，很煙煙韌韌，味道不會很甜膩，老人家也合適。小時候不懂事，總覺得過時過節很麻煩，一年365日差不多三分二的晚上都會聚頭，所以不用再特別隆重其事慶祝一番。人大了，感受深了，知道幸福不是必然。上年做冬未能一家團員，今年婆婆精神不錯，作為一年的終結，很開心能夠一家團聚吃飯，感覺非常圓滿。
繼續閱讀
周日晚想轉下口味，試新食品，揀了這店，訂好位，準時到，即刻有位。坐下點了菜，很快有得食，總括來說還可以。以下是六個出品：韮菜豬紅，韮菜嫌老了一點，豬紅做得不錯，爽得起，不鬆散，但入口又夠軟滑香甜，真是入口溶化。煎蠔仔烙，粉太多，變成漿粉蠔餅，完全失去『烙』的感覺，反有點像台灣的蚵仔煎，但味道卻又比蚵仔煎來得淡(可能粉太多的關係)，變得四不像。鹵水鵝片，鵝肉軟淋，肉計豐富，皮帶半點肥卻不連膏，絕對是—級的鹵水鵝，蘸一點白醋，入口份外清香。上湯龍蝦，這菜是食滿六佰元送的，原本對送的東西應該沒什麼期望，但這菜卻一點不馬虎，龍蝦新鮮彈牙，上湯清甜，絕對是一道美味菜式。蘿蔔春菜㷛，蘿蔔清甜，夠淋無渣，但可惜春菜卻有點過火，望到已感到太淋，而浸菜的湯低也偏咸。潮式煎麵，厚薄適中，面夠香脆，中間的麵也夠軟身香淋，尚算幾好！
繼續閱讀
雖是住在荃灣區，潮州棧離我家也不算太遠，卻只是來過兩次食晚飯，從沒試過飲茶。這次要找酒樓飲茶，便來了。點了些點心，如腊腸卷，其實是鴛鴦腸來的，我吃了腊腸那件，仍幾香口，外皮鬆軟，還可；不過，芋角就不及鬆脆，芋香亦很麻麻，甚至有陣油益味。另有碗蠔仔粥，蠔仔尚算肥美，味道對勁。好奇怪，一樣得第二樣就唔掂，如鹵水鵝片撈麵，用上粗麵，大陣鹼水味，鵝片雖軟身，卻又不入味。食物好壞參半，水準感覺有點飄忽。
繼續閱讀
一行12人, 想搵間坐得舒服既中菜, 睇食評見呢間唔錯, 就揀咗呢間.環境唔錯, 幾有中國味, 地方清靜, 一班人聚會都唔錯.由於佢散叫既份量不足一圍人食, 於是就聽侍應講, 叫個套餐.份量足夠, 但係因為冇味, 所以食唔哂.d餸名就唔記得, 類似係:咸雞 - 一d稍為入味, 一d又好咸, 一d又'鞋'滷水拼盆 - 冇味兼冇乜鵝片方魚炒芥蘭 - 可以炸雙棗 - 係炸蝦膠及蟹肉, 唔錯咸菜門鱔 - 食落肉質都可以, 都有骨ga川椒花枝片 - 冇味, 唔得湯 - 冇味鮑魚仔冬菇煲 - 超細粒, 但咬落彈牙成晚最好食既係甜品 - 紅豆沙, 鴛鴦水晶包, 好味.
繼續閱讀