很久沒寫食評，我想一試小平津的美食很久了，
可是對今天晚餐有點失望，希望能給小平津點意見。
我們是被水準很高的傳統日本料理寵壞的傢伙，
這裡的港式日本料理蠻貼近日式，有誠意，
不過味道可以更進一步。
2人吃了:
附送的前菜-比其他日本料理有誠意。

南瓜沙律-南瓜蓉甜滑，但只有南瓜蓉，味道單調。一門的南瓜沙律，味道層次就比較豐富。

鰻魚豆腐天婦羅(半份)-我喜歡試創作料理，鰻魚跟豆腐味道口感能配合，一滑一軟一濃一淡，豆腐減少天婦羅的油膩和鰻魚的濃。但這組合的化學作用似乎不夠強，不算香口不算鮮美不算脆不算清爽，總之沒有很點題的美味口感或味道。e.g.佐敦濱松町的創作料理黃金屋(玉子,蟹籽)就比較出色。另外很易散開。

軟殼蟹卷(半卷)-飯易散，軟殼蟹不如其他食評所言般新鮮炸。

碎章紅魚蔥卷-這個小卷只要材料新鮮，不會差。

冷稻庭烏冬-最好的一道，稻庭烏冬所選來貨高質，彈牙，可以更冷些。

鹽燒牛舌-燒得juicy。

焼鵪鶉蛋-很少吃焼鵪鶉蛋，不錯。

焼蔥-加上大量木魚，可以燒更久些。

附送的豆腐/芝麻雪糕-因為是送的，不好意思要求太高。

服務不錯，類似經理的先生主動告訴我可以點半份，很貼心。

家住大坑的我，在屋企附近、行幾步就到的日本料理眾多，無論串燒、刺身都不乏名店，可說是不假外求。

不過要招呼朋友，有時又有點隔涉，想食前食後睇場戲、行下街都窄窄地。前排，有朋友介紹了呢間叫小平津的小店，聽聞早於唐樓起家，近來搬了新舖，依然客似雲來。趁有晚約了朋友在時代睇戲，就順道一試。

兩個人食了南瓜沙律、鰻魚豆腐天婦羅、軟殼蟹卷等名物，味道不錯。其中這裡很多人說在家也弄得到的南瓜沙律，其實最難得的就是很難吃到這樣清甜的南瓜，愈簡單的東西愈見誠意。此外，此店最體貼的是有部份菜式都可揀半份，不怕浪費之餘又可以試多幾樣，三五知己和二人約會都能各適其適。

今晚去左呢間小平津食晚飯, 同行還有男友一名!

食物portion好細, 叫了幾味之前d網友介紹的食物:南瓜沙津, 剌身等.

整體無咩特別....唔似之前講到咁誇張.
最慘係d剌身真係唔多新鮮, 三文魚有骨, 其他的無味! 剛剛仲有d肚痛

有網友話d service好差,親身經歷都真係好一般,以咁既價錢真係唔值!

未去過的唔會有損失, 去過的未必需要再去. 銅鑼灣既日本野大把choice.

去完旅行回來,第一個lunch就在這兒小平津享用
之前睇過食評,都有好多人讚,今日一於試下啦~
午餐的價錢平均4x-8x 又不算太貴~
我叫了個豬軟骨飯, 同事叫咗個咖喱雞飯~ 一齊share 食
豬軟骨係用做鍋仔盛住既, 個汁幾好味, 軟骨又不會太淋, 配埋洋蔥絲加蘿蔔絲好好味~
還有一個面豉湯及沙律, 沙律好味丫酸酸地good~我食晒成碗飯~ 好勁呀~
同事既咖喱雞都ok, 但雞就無雞味囉~ 配埋咖喱汁就ok 嘞~
份量都大(因為好多飯呀) 男仔就一定啱晒~

不久前曾到這兒用餐，發覺「聞名不如見面」，都很期待再試試其他菜式。適逢閨中密友生日，而日本菜又是其至愛，於是就由我發辦到小平津慶祝了。預早了幾天訂位，順道一問可否自己帶生日蛋糕去，聽電話的小姐說可以，更教我可以早了一點上去先安頓好蛋糕，真的很窩心

在地鐵站等齊朋友、一行4個「女孩子」(開始對這個稱呼覺得有點別扭了)一起去餐廳。可能是我訂位時說得有點混亂，他們mark了8個人，又安排了partition內一張長梳化(單邊)給我們。不過講清楚後，老闆也替我們執好位，拆返細張枱，繼續坐望街景的長梳化，當日貪靚腳踏3吋半高跟鞋的我，就可以坐得舒舒服服地用餐了

一面啖著惹味的前菜(之前以為是烤夫的東東原來是牛舌，哈，其實明知烤夫是上海菜)，一面對著內容豐富的餐牌，樣樣都想食，不知如何取捨。就在這時，老闆熱心地向我們作出推介，又提醒我們有些是可以選半份的。於是除了必吃的南瓜沙津和軟殼蟹卷，就點了以下菜式：

1. 刺身拼盤--帶子、甜蝦、三文魚、劍魚腩、海膽、八爪魚等七款刺身，每樣三件。都切得幾厚(當然同元朗好似帖板咁厚的冇得比，不過市區內說是屬於足料了)，又新鮮，不過發現沒有整碟的照片，只有八爪魚的大特寫

2. 清酒煮蜆--三心兩意的我們看到「辣酒煮螺」和「清酒煮蜆」，嗜辣的壽星女又麻麻煩煩地想可否「辣酒煮蜆」，老闆說都可以，不過預設的配搭其實就最好味，所以我們就揀了清酒煮蜆。上桌時看見蜆好大隻，肉都好大粒... 點知到收碟時，我發現... 我一隻都冇食過... 只好食兩啖墊底的菜 根據朋友的描述，蜆肉鮮甜，帶有淡淡的清酒味。酒味不算太濃，又正好適合不太嗜酒的我們。(在餐牌上看見這個菜式是要預訂，可能我們閒日去就供應充足，打算周末去的要注意了)

3. 汁煮豬軟骨--是什麼令我忘記了清酒煮蜆？答案就是這個汁煮豬軟骨，首先是本身豬軟骨咬口十足，另外是豬軟骨已充份吸收香甜的汁料，現在想起也想再吃呢！

4. 炸淮山--另外還有這個炸淮山，平時食淮山都係煲湯，軟淋淋的，所以決定前都有些十五十六。不過一吃之下就發現巧妙之處，淮山好香脆，炸漿厚薄適中，只是略嫌油味重了一點。

結果這一軟一硬的組合就令我忘記了清酒煮蜆了 :'(

吃到這裡還未覺得飽，所以又繼續落order...

5. 自製雞丸、燒明太子餃子雞翼--自製雞丸是雞肉加豬軟骨，吃得出人手剁成的質感和鮮味，非一般機製急凍貨色可比。燒明太子雞翼則有驚喜，因為試過幾次只有死實鹹味的可怕經歷... 今次把明太子釀入燒得香脆的雞翼內，甫上桌就傳來一陣難以言喻的鹹香。每人一隻的份量剛好，而且起了骨又適合我這個懶人。

6. 牛肉火鍋風味湯烏冬--很聰明的做法，牛肉唔襟煮，店方就把薄切的牛肉片放在熱騰騰的烏冬鍋面，用湯的熱力把牛肉浸熟。湯底很鮮甜、配菜又多、烏冬又彈牙，還有可以「搗蛋」！原隻的生雞蛋，是日式料理的常見食法，貪玩的我們就最開心，哈哈。

都食得七七八八，是蛋糕出場的時候了，店方非常nice，以高速執好一片狼藉的枱面，又幫手點蠟燭、轉碟(1磅的雪糕蛋糕)，仲借埋刀。搞了一大輪，終於KO個蛋糕，老闆又問我地要唔要試下芝士蛋糕或者雪糕。哈哈，剛剛先食完一大個雪糕蛋糕喎...不過壽星女想食芝士蛋糕，就要一件試下啦。

7. 芝士蛋糕--應該係homemade的，質感很特別，比較粉，個人就喜歡creamy一點。不過芝士味夠和甜味適中，也算合格有餘。

由7點幾坐到差不多11點，是最後一枱離開的食客。大家都覺得好滿足，好友相聚有講不完的話題、又有好味的食物、周到的服務，而除了上文曾經提及那位態度懇切的老闆，其他侍應都好好招呼，好勤力加茶，食到中間又主動幫我地換碟... 負責發辦搵餐廳，最開心的就是見到朋友都滿意自己的安排。

今次冇辦法唔俾滿分啦！！！

自從搬咗之後都未去過, 啱啱過咗的sat去了新店一試。

好失望。

以前選址隱隱蔽蔽, 私房格局坐得逼d大家都無咩所謂。

搬咗舖變咗普通舖之後不論格局或食物都變得平平無奇。

雜錦魚生卷---好散, 一夾起即刻散晒, 變咗食魚生飯。

南瓜沙津---其實自己好易就整到......

雞軟骨---超乾超細粒, 上菜嚇呆咗!

豆腐雪糕---毫無雪糕味......

雞腎---OK爽口,叫做好食d!

魚湯鍋---簡單都唔恨......唔明點解menu話要預先order要有

海膽壽司---唔新鮮

求其食完成枱人去咗白沙道峰壽司再食過!

從來服務係我最著重一環,有基本笑容,唔駛人追野食係基本動作,
但@呢間,食野同服務,我都會俾得少有咁高.....

話說呢餐飯係返Church飯黎既。
咁我見到Openrice咁多好評,就試下啦.....
首先叫左個牛舌,牛舌最重要係味要夠重同埋要有黑椒味,
呢度比起一遊仲有一段距離......

之後就黎個牛油燒銀鱈魚,平時人地就會叫西京燒既,
但呢次金菇同鮮冬菇都好入味,舊魚都幾滑可以一層層,
不過入味d會仲好=)

最後係個金薯海老,南瓜同蝦呢兩隻天婦羅一齊整都算特別,
兩者都冇搶味,各有各既口感。

最低消費120,夠就送一球雪糕,最後老闆娘仲送多一球雪糕俾我,多謝晒!
芝麻味幾香,口腐味反而有得再濃d=)
ps:最正既係冇+一都有咁既服務=)

毎次幫襯, 都有食不厭的菜式, 款式夠多, 差不多食"雲"o西, 没有難食的料理！！ 環境舒適.

先來一個前菜小吃, 是青瓜牛舌粒, 有少少辣, 牛舌切成方形, 味道不錯！

去了N次, 可以介紹比大家既有以下幾様野, 一定要試！

1. 刺身併盤. 有７様刺身, 分別有甜蝦、海膽、三文魚、白肉豚、油甘魚、北寄貝及魷魚，價錢只是二百多元，看份量，是超級抵食！又新鮮, 又好味, 不可錯過！

2. 豆腐鰻魚天婦羅. 是用紫菜包著娟豆腐, 中間再夾一塊鰻魚, 蘸上脆漿再炸. 炸得火侯剛好, 食起來外面香脆, 裡面嫩滑, 鰻魚的肉又有質感, 食材配搭得岩岩好, 只是手工己花上一定的時間, 就是其中必試的菜式.

3. 串焼: a. 鹽燒牛舌(肉身極厚, 又焼得岩岩好, 塩焼一流!)
　　　 b. 雞中翼 (很惹味, 停唔到口....)
c. 焼鵪鶉蛋 (雖然膽固淳比較高, 但又唔係成日食, 我覚得冇セ所謂, 最主要係真係焼得好食!)
d. 鹽燒雞腎 (爽口, 正!)

4. 南瓜沙律. 好甜好好味, 係健康之選!

5. 牛油果軟殼蟹卷. o的牛油果又係好新鮮, 軟殼蟹炸得岩岩好, 好香脆!

6. 炸准山. 炸得好脆, 好似炸薯條o甘, 但又冇薯條o甘油, 值得試試!

7. 魚湯鍋. 材料豐富, 湯底鮮甜, 唔鐘意食魚都必定食到唔停口呀! 可以放烏冬落去食仲正!

8. 明太子炒飯. 味道好特別, 即叫即炒, 熱辣辣食, 無得頂!

最後會送豆腐雪糕, 有時有芝麻味, 好有満足感!!

服務態度非常好, 勤斟水, 有禮貌!!!! 可以慢慢座, 唔會趕你走

要在銅鑼灣搵地方靜靜地食飯都好難，一路都知銅鑼灣廣場對面有個叫優食橫町的東東，好似多年前O既拉麵橫町咁，可惜場中餐廳都冇咩特式，都唔會特登去。

最近再行過，發現有間"小平津" 進駐，就即管上去睇下有D乜。原來係日本料理，一睇個餐牌都幾吸引，所以就決定試下。

星期二晚一個人去，都有得WALK-IN。

細心睇下餐牌，原來都幾多元化，連沙律都有差唔多十款，我見枱枱都有一碟南瓜沙津，所以又想試下。開頭食落，覺得冇咩特別，咪又係南瓜... 不過食落又有D層次，雖然我食唔出有D咩加O左入去... 如果再有人去食，又食得出材料就記得報告下~~!!

今次未有機會試粉麵飯等主食，主打手卷、串燒等輕食。ORDER了一客海膽手卷，味道同形態都算新鮮、分量適中，唔會剩係得面頭有一PAT。紫菜亦都夠乾身，值得一讚

燒雞軟骨有2串，都幾好味，好脆，調味又O岩O岩好。

再叫一客蝦天婦羅，都OK，炸漿幾脆，同滑溜嘅蝦有對比，蝦亦炸得剛好。

最後就叫一杯豆腐雪糕做甜品，為呢一餐劃上完美句號。

一個人去食係貴D，下次都係叫多幾個朋友一齊去先得

暑假前最後一個周末，打算用暑期工的錢跟屋企人食餐好。之前聽朋友講呢間小平津都唔錯，不過因為返工太忙，要到o個日晏晝先醒起打去book位。開頭都話要到4點幾先firm到，都有d擔心，不過好在都收到電話，有得食呢餐啦!! 打電話o黎個位小姐仲好好人，提我記得準時到，因為如果遲o左就可能會俾walk-in客，仲教我o地點樣o係地鐵站去舖頭...

叫o左幾樣招牌菜，鰻魚豆腐天婦羅呀、軟殼蟹卷呀... 其中牛舌叫o左2款，汁燒同鹽燒，我個人就比較鍾意鹽燒，因為可以食得出牛舌o既原味，加上少少惹味o既芥末吊味，真係好過癮，屋企人就鍾意汁燒，因為個汁本身都好好味

不過就冇叫南瓜沙律，因為屋企人想食蟹子沙律，都好好味呀，portion都幾足，下次一定會再同朋友o黎試南瓜沙律同埋其他菜式o既~

食o野期間，侍應都好勤力加水，同埋上菜o既速度都適中，可能佢o地都會就住每張枱進食o既速度，唔會一次過上晒所有菜，而係keep住清一d就上一d... 都幾好~

琴晚3個女仔朋友一齊去呢間小平津度食dinner, 其實之前已去過舊店, 見食物不是太差所以選擇試試新店的水準.

由於天氣太熱, 大家唔係太肚餓, 我地7點半到齊人就叫了一個南瓜沙津, 魚生卷, 雞腎,雞軟骨, 帶子串燒, 凍烏冬...

食下食下(一個鐘到啦), 餐廳開始多人, 出面要等位, 我地幾個女仔都差不多食完主菜, 一心食埋甜品坐多陣, 所以我地叫左3個豆腐ice cream....點知突然有個女負責人一支箭咁衝過黎語帶恐嚇兼一d都唔客氣板住塊面同我地講,

"如果你地唔埋單, 我地會收你每位$120最低收費"

試問你係一個顧客, 你聽到此番說話除左可以O咀之外, 有咩反應可以俾呢?

我地話" 我地arm arm叫左3個雪糕wor"

女負責人 "呢度係要食夠 $xxxx, 先會有雪糕送wor"

我地話"我地係order左雪糕...唔係要你送"

個女負責人唔出聲....走開左.

跟住其實我地幾個食客已經好嬲, 食埋雪糕立即走啦..(此時, 已經無人等位..), 個女負責人又走埋黎講

"而家已經"消禁"啦, 你地可以慢慢食啦!"......

我地又係O晒咀, 問自己 "我地呢檯原來之前俾人"戒嚴"緊咩?....定係當我地係犯啊?"

好嬲, 於是立即埋單走人.


之前都有post話呢間野既service係 "基本的待人接物"都無, 但俾人鬧同用監察犯人咁食野都係第一次!

第1: bk檯時, 無話要幾耐交檯, 無話有minimum charge.

第2: 想做多d生意都係未可以禮貌d咁講 "d食物ok ma? 有無其他需要? 唔介意的話, 同你埋埋張單啊?" 而唔係威脅收你minimum charge (況且計埋雪糕我地已經差不多食夠minimum囉!)

第3: 當客人係咩啊大佬? 食你$300幾蚊仲要俾你以為我貪你的雪糕? 唔係人人都係你心目中咁貪心ga, 早知去食haagen dazs好過!

第4: 個個以為自己係過下過氣的VJ 以及女負責人一d唔好意思都無, 都明知我地唔開心啦, 走都唔理你一下 (你入ok便利店買一包$2 tissue都會同你講歡迎同bye bye啦!)

總而言之, 我地每人俾左$1xx 食左一餐只係2個鐘頭唔夠, 俾人當係犯人咁監視既dinner.

餐廳老闆只係諗點樣迫你交檯, 對顧客咁既態度比茶餐廳更差, 你可想而知佢呢個只顧牟利的心態, 伸展到係食物上,佢會俾d咩你食呢??

可能你只係可以食d貴野, 平野就會俾人岐視! !!!

如果你想試下食到一肚氣, 未試過俾人一路食一路恐嚇的話, 呢間小平津係你不二之選!!!!

本人第一次寫食評，竟然係為咗呢間不知所謂的小平津。

未搬舖前，本人都去過4,5次, 次次同朋友食下嘢、傾下計，未試過發生呢啲咁唔開心嘅事！

今日計埋本人3個女仔去食飯，bk枱7點，因為有朋友唔係好識嚟，差唔多搭半齊人。齊人我哋立即order，因為都少少耐無見，一邊食一邊傾計。

到我哋差不多食完，嗰時大約9點未到，我哋又想食甜品，就向一位waiter點了3客雪糕。然後幾分鐘之後，有一個駐場中年阿嬸走過嚟好大力拍我哋張枱，講：「你哋再唔還枱，我會收你哋每人120蚊minimum charge！」我哋3個女仔反應唔嚟完全O晒嘴！

然後我哋同佢講：「我哋order咗雪糕都未嚟wor！」跟住佢就用極度差的態度好大聲講：「我哋啲雪糕係食夠xxx錢就有得送架bor！」於是，我哋修正佢：「我哋係order！order咗3客雪糕！」呢位阿姐終於聽得明，不過佢「哦」咗一聲就走咗！

到我哋食完雪糕，亦都無人等位，呢個時候呢個阿姐竟然走過嚟話，之前的規定已經「解除咗！」嘩！當時我真係好想爆粗！請問你呢間叫「小平津」嘅嘢當自己係咩？

首先，book位的時候，佢無講明幾點要交枱，亦無講咩minimum charge！

第二，請問大家去呢啲小餐廳食，會唔會以9秒9「爬」完啖飯就走？最後我哋每人都食咗110蚊，乜真係咁少咩？坐你個幾鐘都要趕人走？下次我去翠華好過！

第三，呢位阿姐講嘢及態度極度差！拍枱仲要鬧人，而家好似係我俾錢，你當我欠你架？

講真，本來呢晚我哋食得好開心，就係因為呢啲咁「優質」的服務態度，令我哋無咗一個完美的晚上。

最後，本人強烈建議大家計劃去呢度食飯的朋友，如果自問沒有9秒食完一碗拉麵的速度，就唔好好似我哋咁「貼錢買難受」！

想試小平津很久了啦，但未有機會在它的舊店裡擠便搬店了地理選址一般，大熱天時要走一段路才到達.....

小店格局，午市好多人，幾逼。甫看餐牌，原來是挺港式的，被它漂亮的招牌騙了tim

南瓜沙律
名物之一，但我敢說自己在家也能自製啊，難怪是「家庭料理」！日本栗南瓜出名粉糯香甜，打成蓉來做沙律，沒有不好吃的道理。別小看這麼一丁點兒，其實很飽的。

軟殼蟹卷－半份
沒有想像中的好吃，軟殼蟹無疑是即炸的，但不夠肥美（大約比The Peak Lookout的瘦一半吧），牛油果竟然沒有牛油果味，而且飯太多蟹太少，整體就是比上不足比下有餘吧。

鰻魚豆腐天婦羅卷
來這裡的最大誘惑就是它啦，果然名不虛傳，即叫即造，新鮮熱辣好好味，我想它優勝在食材的配搭吧。

雞丸串燒
普普通通的雞肉漢堡，又是「家庭料理」？

蝦天婦羅
中規中矩，粉漿可以薄多多多點。

厚燒玉子
姍姍來遲的它，等了三十分鐘才有得吃。又是比上不足比下有餘，當然，拼埋一門，還欠幾班。如果蛋味更濃，分數必定更高。

沒有服務可言（沒人理囉）。雖說是午市繁忙時段，但基本的待人接物，應是需要的。對吧？

一年前經同事介紹下吃過第一次,當時的小平津還是擠身在Sogo後面的舊樓,地方淺窄,不訂枱優想可以吃到.一年後的今天已經搬到這裏.開業差不多1個月,兩星期前來過以為8時多應該也會有位子,原來也是妄想.這天晚上後家人吃飯,想找有新意的地方,中午時分打來訂枱,要待覆.及後老闆娘來電,表示有位但要坐門口附近,沒關係,反正想吃飯而已.

準時到達,熱情的老闆娘表示約能在8時交枱可以給予較舒適的位置.對於吃家庭飯的我們問題不多,殷然接受.餐牌食物包羅萬有,壽司,刺身,飯/麵食,熱葷等皆沒缺.但說得上是家庭料理,感覺應該傾向熱食,所以是晚菜式也以熱食為主.

前菜有牛舌粒拼青瓜,黃蘿荀的小吃.牛舌粒肥美,很有嚼頭.味道帶點點辣,製醒神的開胃菜.

餐牌列明要預訂的菜式,清酒煮蜆($65),但時間早的關係,仍有供應.份量挺足,雖說是蜆但其實應該是花甲,因為比較大隻而且肉邊帶有紅肉.肉質鮮甜而且十分乾淨,完全沒有沙粒的問題.雖說是清酒,但酒味沒有滲進蜆肉內,反之底部的紹菜吸收了清酒的味道,所以入口很苦.但主角蜆肉絕對不會令人失望.

軟殼蟹卷(半卷,$40) - 這裏有一好處就是多款菜式都可以點半份,最合貪吃的人的心意.軟殼蟹卷很實淨而且卷物很大.裡面裹著香脆的軟殼蟹,面層有牛油果和蟹籽,味道比我預期的好,也比不少壽司店出色,一條份量也吃得下.

清湯牛肉鍋配烏冬(二人前,$50).名字已很吸引,只叫了2人分量因為想多吃些不同種類的食物.小鍋呈上,沒有火爐隨身,有點失望.還好的是鍋本身夠熱,即使牛肉原來是半生熟,最後也能弄至全熟.2人份量很足,3人吃也綽綽有餘.烏冬很煙韌,對我而言比萬豚屋更好.牛肉又香又滑,吃得出肉的鮮味.湯底更是難得的清甜,巴不得把他喝過清光.

醬燒牛舌($23),一份雖只有一串,但已有3件牛舌.牛舌厚切,肉質又嫩又煙韌.燒汁味道甚佳而且不會太咸,蘸點芥辣來吃,佐酒佳品.

牛舌做得出色,但串燒雞軟骨($25)卻有點不滯.賣相很細小,不夠肥美,而且燒得有點乾.加上檸檬汁和七味粉,味道還算不錯,亦很爽口.

看到鄰座的天婦羅,媽已說要點一客試試.雜錦天婦羅($70)賣相一絕,粉漿很薄,油分亦很少,外型已取悅人心.雜錦天婦羅份量很大,總計有12件,3件蝦,南瓜,芋頭,茄子,冬菇和2件,還有一束金菇.每樣都做得很出色,不太愛吃天婦羅的我也真的讚不絕口.

以小店來說,服務是無可挑剔.子老闆娘的熱情外,其他的侍應都很用心,每樣事也不會怠慢,是切切實實的家庭感.難怪小店長年累月的旺場.

一直以為這兒是由日本師傅主理的正統日式料理，後來才知道是云云的港式日本料理之一。對這類料理一向不有太大期望，不料吃過後又覺得蠻不錯呢....

之前已知這裡是頗旺場的，預先訂個位似乎比較穩陣。甫就座後侍應即端上熱茶及毛巾，繼而奉上一客將牛舌、青瓜、紅蘿蔔及粟米先切成粒再混入甜辣醬而成的前菜小吃。味道甜甜辣辣的頗為開胃，為絕佳的送酒恩物....

來之前研究了一下這兒的一系列名物，很奇怪的看到了南瓜沙律是列於其中的。既然是被店方選為必吃的，想必是有甚麼過人之處吧。看見它的賣相只是平平無奇的，繼而放一口南瓜進嘴，發覺並沒有下甚麼調味進去，只是老老實實的將南瓜肉磨成蓉後奉客。這道小吃老實說，你和我也可在家弄得到出來，用不着要花錢進來吃吧。當然味道不會很差，但以此作招倈的話，就有些令人費解了...

不知何解最近太太極愛吃鹽燒牛舌。見到餐牌上有供應，馬上就要來一客。牛舌本身很厚身，質地亦頗爽口彈牙，師傅洒鹽的功夫應很不俗，弄得鹽味亦是恰到好處的。唯一差了些便是表皮燒得不太夠焦香，吃落好像欠了點"火氣"....

吃串物吃得興起，再來一串燒雞丸才是道理。這次外皮就燒得較有焦脆了，肉也是很柔軟的，不過致命傷是肉團中並沒有混入很多的軟骨粒在內，吃後只感到到有一團肉在口，欠了些爽爽的咬口，誠為不足之處...

鰻魚豆腐天婦羅一聽就知是自家研究出來的創作料理。用紫菜包裹軟綿的豆腐及鰻魚件後再上粉炸成，的確有心思。豆腐雖豆味不重但夠軟滑，加上炸後有着脆脆質感的紫菜及同樣軟身的汁燒鰻魚件，有的是 "脆、滑及鮮"的combination，感覺很特別亦很美味。果然是招牌菜之一.....

燒油金魚頭本應是要預訂之物，但很幸運的當晚還剩下一客魚頭大得舖滿一整隻碟，肉還不少的，皮燒得帶脆，而且很滑很"膠口"，是魚頭的精華所在太座不懂啜魚頭，拆肉的重任當是落在小弟手上啦其餘的部份自然是全落入小弟的肚皮內了....

吃了那麼多還恐防不夠飽，押尾還叫了個牛肉火煱風味湯烏冬。湯汁是一貫的甜，烏冬是比想像的煙韌，牛肉是切得薄薄的雪藏肥牛片，沒有甚麼吃頭。這鍋其一的好處是有很多菜蔬可吃，令腸胃多了一點調劑....

若以港式日本料理來說，水準是很不錯的，是絕對吃得過呢....