75
21
17
營業時間
今日營業
07:00 - 21:30
星期一至四
07:00 - 18:00
星期五至六
07:00 - 21:30
星期日
07:00 - 18:00
以上資料只供參考, 請與餐廳確認詳情
食家推介
有時想食下葡撻、豬仔包、葡國雞等澳門特色美食,又想歎杯港式奶茶,便會來這間澳門茶餐廳,它有齊港式茶餐廳的特色,又有澳門的美食。*此外,茶餐廳內有魚缸,提供游水海產。食茶餐廳想蒸條魚?澳門茶餐廳是不二之選。*餐廳在地庫,要行幾級樓梯,落到去豁然開朗,面積非常大。地下鋪了葡萄牙花磚,天花板裝了琉璃吊燈,牆上安放了多款石灣陶瓷中式公仔,是中葡風格融為一體的典範。*🏅清蒸龍躉仔($268)龍躉都唔算「仔」,都頗大條,即叫即劏即蒸,非常新鮮。肉質嫩滑少刺,魚皮膠質豐富。最愛它有大量蔥花,蔥花加蒸魚豉油撈飯,超好味。🏅澳門焗葡國雞飯($80)香濃馥郁,雞肉嫩滑,椰香撲鼻。可以選配白飯、意粉或豬仔包。🏅招牌軟骨皇子鴿($54)熱辣辣,香噴噴,皮脆有肉汁,「招牌」之譽並不為過。🏅郊外油菜($30)間間餐廳都有的郊外油菜卻有驚喜,份量足,生菜嫩,而且味道甚好,有點意外。*🏅奶油豬仔包($24)酥脆、酥脆、酥脆。🏅葡式蛋撻($13)很出色:有蛋香,有厚度,如燉蛋般嫩滑,絕非連鎖店及坊間麵包店的貨色。🏅原味樽裝冰鎮奶茶($26)🏅港式奶茶($21)凍奶茶順滑,熱奶茶香濃。
繼續閱讀
位於尖沙咀樂道的「澳門茶餐廳」以前響尖沙咀做嘢既時候成日都食,已經有一段時間冇黎,今晚路過見到餐牌多咗好多選擇,除咗澳門特色美食外,例如豬仔包,葡撻,招牌軟骨皇子鴿,重有每日生猛海鮮供應,真係唔洗去澳門都可以品嚐澳門美食👍🏻👍🏻🦀▪️避風塘炒蟹肉蟹 $ 528肉蟹超級巨型,淡淡蟹肉好鮮味,最愛避風塘炸蒜,又香又辣,配合炒蟹超級惹味,估唔到呢度嘅海鮮整得幾有水準👍🏻🕊️▪️招牌軟皇子鴿 $ 54乳鴿外皮又酥香脆,肉嫩多汁,連骨都入哂味,就咁食已經好夠味,沾上椒鹽更加鹹香🐷▪️澳門焗豬扒飯 $ 78招牌焗飯配上炒飯底,豬扒大大件厚肉又鬆軟,重點係鮮茄香檳汁加上融化咗既芝士,整個焗飯焗得焦香,好味道🥬▪️馬拉盞炒時蔬 $ 70馬拉盞香辣濃味,無論炒任何菜都好味道配上炒通菜,爽脆惹味🥖▪️鮮油奶豬 $ 21 豬仔包喺澳門別推小食,我哋今次揀咗好傳統嘅鮮牛油配煉奶配焗得香脆又鬆軟熱辣辣嘅豬仔包,邪惡但超級好食☕️飲品方便我哋揀咗兩款最傳統嘅咖啡和奶茶,就是要有地道風味,非常唔錯▪️澳門即磨咖啡 $ 21▪️港式熱奶茶 $ 21
繼續閱讀
來澳門茶餐廳試一試正宗澳門美食,來這間屹立了十幾年的澳門茶餐廳一樣有美食🤩除左有澳門小食,仲有海鮮供應!.牆上有澳門景點畫像不在話下,包括地磚都採用了精美的葡萄牙花磚,燈是聖堂琉璃,突顯了當地特色🌟招牌軟骨皇子鴿|$54澳門著名小吃之一,燒乳鴿散出淡淡烤香氣,配上檸檬和椒鹽,建議先直接吃,能感受到酥脆的外皮🤤內裏肉質鮮嫩多汁,每一口都感受到肉香油潤🌟葡式蛋撻|$13葡收銀處旁邊就看到保溫櫃放著一個個焦香蛋味的葡撻,數量不多都是批量製作,確保不會放過久,口感幼滑得來蛋味濃郁☺️🌟澳門豬扒豬仔包|$32豬仔包烤得脆身,咀嚼下帶點咬口和麵包甜味,豬扒醃料不重,和洋蔥一起炒過,令洋蔥香氣融入,爽脆入口過癮🤣🌟清蒸龍躉仔|$268即叫即蒸的龍躉仔,需時約20分鐘,上檯時薑蔥豉油一直飄香,嫩滑龍躉肉鮮味十足👍🏻整條魚由頭吃到尾也很少骨🌟葡式燒雞|$108葡式燒雞配了炸直薯條,厚身重薯味,燒雞皮脆肉嫩,雞油鎖緊在肉內😍入口滋味飽滿,今餐性價比最高之選🌟馬拉盞炒時蔬|$70馬拉盞香味十足,通菜爽口易食,配飯一流
繼續閱讀
只要我人在尖沙咀又想食茶記,我就會嚟呢度食沙嗲牛餐,連埋腸仔、煎蛋、雞翼、西多士、熱飲埋單$60。沙嗲牛個名叫招牌金菇沙嗲牛,雖然食落唔多覺,但唔影響沙嗲牛公仔面超夠味,牛肉軟、「諗」、惹味。雞翼煎得香口乾身,配公仔面一流
繼續閱讀
唔洗去澳門,係香港都食到澳門美食。鮮油奶醬豬仔包豬仔包外層酥脆內裏鬆軟,配上厚厚嘅鮮奶油同奶醬十分滋味,係港澳茶餐廳嘅招牌,每次都一定會叫。焗葡國雞帶有澳門風味嘅地道菜,個汁椰味好香濃適合送飯,雞肉冇煮過火,依然嫩滑,仲有薯仔洋蔥青椒等配菜。咖喱牛腩湯河牛腩燉到好入味口感軟淋,咖喱唔配飯配河粉一樣得,河粉吸收了咖哩湯食落更加惹味。馬拉盞炒時蔬新鮮時蔬每日不同,今日嘅芥蘭脆嫩無渣,用咗香辣嘅馬拉盞炒可以中和芥蘭本身嘅澀味,鹹香味美。葡式蛋撻講起澳門就一定要食葡撻,每日限定時間新鮮出爐,撻皮酥脆香口,入面嘅蛋漿好似焦糖布甸咁幼滑。樽仔冰鎮絲襪奶茶用絲襪過濾後奶茶更加順滑,再用冰筒維持佢冰凍嘅溫度,令每一啖都品嚐到懷舊的滋味。
繼續閱讀