岩岩買左個牛肉漢堡+沙律+凍愛爾蘭朱古力
都係$29, 同m 記差唔多價錢, 但好食好多
個burger 因為有菜,有source, 有tomato, 塊beef 都幾香,
mix 埋一齊好好食
因為唔想咁熱氣, so 叫左個沙律, 都ok丫, 有的鍾意ge thousand island source
不過下次都係要試薯條, 因為有cream ><
個朱古力唔算好濃, 不過淡淡清香, 而且好滑無渣, v. gd!!!
下次要試埋其他包先....

而服務方面都幾好, 雖然要等5min, 但個staff 都好nice, 問佢朱古力ge 分別, 講解都好詳細

經過此小店, 但每次都是食完野, 終於上星期六同細佬行去試下食下TEA, 因小店只得兩張小桌均有人坐, 甘決定唔左住兩PART小情侶, 叫外買算喇!
因沿途"掃街", 食唔到幾多tim, 既然來到, 唔想又就甘走左, 於是, 決定叫左一客六隻的雞翼 ~ take away ~ 買翻屋企食!
甘我地點左兩款sause : "蜜糖芥末"同埋"味噌" total :$29
(but 老豆說$29得6隻, 說有貴左d wor)

可能過左成15分鐘左右同焗住(外賣通常都係甘), 當打開來食時比我想像中差d.

chicken wing size都算幾大隻同埋唔係好油, 無雪味(lee樣我最怕), 唔點sause食就差少少. 辣翻少少應該食好味d.
兩種sause 的味道我個人覺得一般而己 , 細佬對"味噌"sause評價較高.
but, 整體上ok 啦, 感覺到店主整"chicken wing"的誠意.

下次或許會試下佢其他野食....(同埋堂食試下先)!

舖頭細細間，估唔到搵到好野食。

熱狗 - 麵包同腸都唔夠熱，但勝在夠大隻。
炸雞翼 - 係我在呢間舖頭最欣賞的食品：雞肉醃得入味，多肉汁，炸粉很薄，皮炸得很香。最正係點埋老闆娘推介的蜜糖芥辣醬。
薯條 - 一般啦，粗身薯條，無乜特別。
凍榛子咖啡 - 又係叻一重推介，唔會太甜太苦，一定好飲過Starbucks。

缺點係舖頭好細間，食完要即走或者買外賣。適合食快餐人仕。

本人就住o係間鋪樓上既
成日經過都好想食
最後琴日去左喇 見佢地有新野出
就點左個煙三文魚漢堡同埋一客撈薯
哇 第一脈見到個包好大個 佢$28一個都幾抵食下其實
而果客撈薯唔同出面果d咁 一個杯咁多多又貴到死
佢有唔同既汁俾你揀 而我揀左蜜糖蒜蓉黎撈薯
超好味 好讚呀=D

星期日休息，住紅磡的朋友話佢屋企附近新開了間熱狗店，據聞話啲熱狗及雞翼都不錯，咪去試吓啦！Order咗一客炸雞翼套餐，原來共有9款醬料可供選擇，經老闆介紹下選了農場醬，而我朋友就Order咗匈牙利辣肉腸熱狗，加了炒洋葱及辣肉醬，原本諗住堂食，但因那里只有兩張檯，並已座滿，於是焗住Take Out 囉 。

返到朋友屋企，首先品嚐雞翼，隻雞翼Size比我想像中大，咬落塊皮仲好脆口，啲肉好夠味，再點埋個農場醬，帶有芝士味，真係幾特別，真係名不虛傳！

而我朋友就話隻熱狗好大隻，條腸又粗，再加埋啲配料，簡直逼爆，如果啲醬可以另上会更好，不過，我個Friend話啲炒洋葱嘅Sauce好野味，辣肉醬夠晒辣，真係值得一試再試！

又係見到好多人讚，所以專登同Honey去食！

我叫左個匈牙利辣肉腸+沙律醬+炒洋蔥
而Honey都係叫同一款，不過佢就+芝士醬同埋沙律醬
我自己果個就好好味，辣肉腸微微地辣，加埋啲醬真係超夾！
不過如果啲洋蔥可以再多啲同埋再切幼少少的話會仲正囉！
而我都有試一試我Honey叫果個醬，芝士味都幾濃咖！

我地兩個都有轉餐配薯條，啲薯條真係比麥當當好食好多！淨係薯仔味濃過佢已經贏哂喇！
另外仲有叫炸雞翼，我地叫咗6隻組合，所以可選兩款醬汁！
我地揀咗蜜糖蒜蓉&蜜糖芥辣，兩隻都幾好味！
不過相比之下，我會比較鍾意蜜糖蒜蓉，真係好惹味！

除此之外，個餐可以轉特式凍飲；Honey就叫咗青蘋果綠茶，而我就叫咗個百香果乳酸！
青蘋果綠茶都幾好，而個味都幾夾！至於個百香果乳酸呢...... 如果閣下鍾意酸酸地的話，就一定要試呢個！因為真係勁正！尤其而家夏天咁熱，同埋食完啲包都幾滯嘅情況之外，飲咗呢個之後，個人都舒服好多咖！

吃到這裡的東西，可說是一種奇妙的緣份....

話說某日太太放假，下午時份她獨個兒走到此處吃午餐，但由於她不太懂路徑，所以就聯絡小弟，希望能指點一下迷津橫豎一場來到，也就着太太外賣多一客雞翼回家，好等小弟下班後就馬上可以解饞呢....

雖然只得兩隻 (本應是一客四隻的，但太座吃了其中的一半)，但這雞翼的件頭實在是巨型得很，差不多有那個外賣盒那樣的闊....

外層的炸粉雖是相當的厚，但勝在帶點微辣，吃落也還挺惹味的；肉很豐厚之餘也算是醃得頗入味。儘管吃的時候已被攤涼了，但可以想像新鮮熱辣品嘗之時，應是頗不錯.....

太太選了蜜糖沙律醬來醮吃。味道甜甜酸酸的，開胃之極....

除了雞翼之外，這兒還有熱狗及burger等一系列美式食物可供選擇。看來這裡還是再會有期的.....

之前比個差食評你. 跟住見好多好食評. 咁就再試一次.

果然唔同左,
薯條. 真係夠香脆, 粗. 不過食到尾, 多左d 鹽....

芒果乳酸: 都幾好. 唔洗成日飲汽水.... 味道有d似地門定樂天的罐裝芒果汁

雞翼: 果然好好多. d皮夠厚夠脆, 又唔會皮肉立即分開. 肉入味

baffalo "汁", 夠味, 辣味ok啦, 不過唔夠濃同"杰", , 唔可以一次 "yum" 好多上雞翼. 份量只係剛剛好

蒜頭蜜糖"醬", 夠杰, 掂, 份量好夠

新開的店,好細間得兩張台

雞翼跟餐,$20 + $7 -$2 coupon(放係門口任拎) = $25

炸雞翼 x 4 : 要左蜜糖芥末醬 , 個醬好味, 雞翼都好幾大隻,點晒佢d醬,正ar

薯條 : 好香又脆又粗好味!! 唔太油wor真係!!

可樂 : 唔凍的, 另外比杯冰, 麻煩左少少, 但我都中意飲可樂加冰

下次試第2種醬先得

熱狗試過, OK啦, 但23蚊隻貴唔抵囉, 何文田的德國熱狗較好食!

天時暑熱, 就決定Lunch time 行去黃埔試下隻熱狗.... 點知行到去已經成身大汗, 仲要成間舖坐滿晒人 (雖然間舖細細地, 但係已經有8,9 個人等緊野食) 係個一刻, 真係有啲想去第二間, 但係充滿熱誠嘅店長, 已經跨越咗店舖中嘅人. 再慢慢同我地介紹佢地嘅熱狗 佢嘅工作態度真係極之好

Hot dog 有四款選擇: 維也納腸, 匈牙利辣肉, 同嘛店長所介紹嘅芝士脆皮 & 白肉腸.
我地仲加咗炒洋蔥tim. 好可惜係無地方坐低食, 帶到返公司嘅時候, 啲醬汁已經令個麵包淋咗
希望下次叫外賣嘅時候, 將啲醬汁同隻熱狗分開會更好 另外, 跟個餐嘅薯餅幾好食, 杯荔枝綠茶就ok啦!


*小小意見: BBQ Grill 燒出黎嘅腸同洋蔥會更香口

新開的熱狗外賣店，當然要支持一下！
是日試下個炸雞翼先，店員話熱狗/漢堡/雞翼再加$7有餐
套餐=再加薯條/薯餅+任何飲品(凍飲+$2)
買左4隻雞翼($20)，再加薯條+水蜜桃乳酸(凍)=$29
**雞翼可以揀一款醬，要左honey garlic
個醬好得！雞翼炸完之後都冇乜油！
店員提我要點多d醬，果然好夾阿！
不過齋食雞翼的話就冇乜味，似乎醃得唔夠入味
同埋我好鍾意食醬阿，所以多d會好d(因為點薯條都好正)
**粗身薯條都炸得無乜油，唔錯！

下次再試埋個熱狗啦！

lunch 時買了一包薯條, HK$6元, 抵!!!
咁既價錢可能同"BURGER QUEEN" 或者 "麥當當" 差不多
但係水準就真係差好遠.

WINGS TO GO 既薯條新鮮熱辣脆卜卜, 好香好好味, 沒有太多油份留在手指上,
好驚訝凍左吃都依然好脆, 紙袋上沒有任何油漬.

今日係黃埔附近食Lunch, 發現一間同加拿大好相似的熱狗店.
這間熱狗店專門售賣熱狗和漢堡.....仲有wings tim.

I JUST CAN SAY:
漢堡d 肉係新鮮既 ..... 食得出(同埋好足料)
所以寧願食佢都唔食 Mc Mc！！

薯條既質素同Mc Mc 無得比...
食過就明.唔使講

至於wings 呢!!! 同加拿大好唔同...不過..都OKAY LA
味道始終係差小小...都係加拿大的好味..

總括來講...水準唔差..有改善空間...

放工同男友路經此處, 被佢既7吋熱狗吸引著...
男友就叫左個"匈牙利辣肉腸熱狗", 一看之下忍唔住食左半個...
落足餡料, 個sauce尤其出眾, yummy!

雖然鋪頭主打係熱狗, 而我就係老闆極力推介下叫左"番茄豬扒燴意大利麵"餐
嘩! 甫入口茄香味濃, 意大利麵有嚼勁, 甚有高級意大利餐廳的水準!
原來個sauce係老闆娘用茄膏(非茄汁)自家製, 心機之作, 個餐都係$35, 真有驚喜!!

我地仲點左個雞翼with蜜糖蒜蓉汁, 個sauce好好味, 值得推介!!

獨個兒途經紅磡黃埔新村,見到有間新開不久的快餐小店"Wing To Go",用到Wing作行頭,不出所料是用雞翼行頭,漢堡包同熱狗作配角.

聽店主說,新開大約一個月,此店的雞翼有秘制瑞士雞翼,脆皮炸雞翼兩款,但醬汁就有蜜糖蒜茸,蜜糖芥辣,農場,沙爹,水牛城五款可選.四隻價$20,但吃雞翼不飽肚,所以是夜的視線便轉向熱狗的一邊.

又會有人說:{熱狗可以有幾好食?就算幾好食,都係一隻熱狗.}當然,如果是在IKEA的$5貨色,熱狗包夾住條腸,醬料得茄汁同芥辣,還想怎樣?仲要嫌沒有青瓜醬不夠過癮?既然收得二十多塊錢的一隻熱狗,自然有一點要求.

香腸有五種,維也納腸,紐倫堡肉腸,法蘭克福雞肉腸,匈牙利辣肉腸,芝士脆皮腸.醬汁方面,茄汁同芥辣免費,其他的燒烤醬,沙律醬,千島醬就$2,炒洋荵,辣肉醬就$3.小弟就要個"廚師推介"的匈牙利腸,加沙律汁,再附多$9,要多包薯條,同特飲青蘋果乳酸.

青蘋果乳酸呈青綠色,似是加了蘋果汁的益力多.在悶熱的晚上喝一杯,挺涼快的.薯條是Thick cut,新鮮炸起,香脆可口,吃落有薯味.熱狗飽比較淋身,匈牙利肉腸一樣地淋身,腸衣不是煙齦的一種,肉腸味道有少少辣,茄汁芥辣是公式味道,附加的沙律醬酸甜味平衡,應該在調教方面,下了不少功夫.果然是廚師推介.

感覺尚算不俗,但同我吃過最好的熱狗比,還有一段很遠的距離.因為我吃過最好的,在冰島,遠不遠?

下一次的紅磡局,看看會不會將此店納入其中之一站,一同來吃個雞翼?