朋友聚*

在三釉四次更改地點後終選了AG

早已在OPEN RICE得知 AG是以SALAD聞名, 所以今日都不例外ORDER了2個。
分別係TUNA SALAD同凱撒沙律WITH ROAST CHICKEN。

凱撒沙律先來, D菜好新鮮, D DRESSING又OK, 都真係好味。之後TUNA SALAD冇耐亦上枱, 賣相真係OK靚, 但係唔知係咪有比較...TUNA SALAD比起凱撒沙律真係比下去...D VEG. 唔新鮮...又冇乜汁...我地就好似羊咁食緊草....呢個絕對唔OK....而呢2個SALAD的份量比我想像中為細....

THAN我們亦ORDER了2個PASTA, 一紅一白- 拿破崙汁意粉+大蜆& 忌廉MUSHROOM 意粉。
冇錯...D意粉真係幾好食...好彈...但係對於我黎講真係硬左D...白汁意炒係比紅的好...而且我強烈忠告各位如果要加配料千祈唔好揀大蜆...因為我覺得佢地唔新鮮...最後我地亦食淨晒D大蜆....

因為要交枱...冇試到甜品....但我地應該唔會再黎...


服務生係好主動幫我地加水換碟, 而且頻率亦高。但係佢地每一次黎我地枱, 面口都唔好睇...好似嫌我地叫左好少野咁...
我覺得佢地OK串囉....不好的SERVICE....

I have been to Applegreen a couple of times, including the previous TST branch and the newly opened cwb one. It is a decent restaurant, hence the repeated visits, however my last experience was not entirely satisfactory.

So it was the two of us, boyfriend and I, dinner on Friday. We ordered the below:-

- Pumpkin Soup : Hot, smooth and nice, good size of portion.

- Caesar Salad with Chicken : standard stuff, good, while the poppyseed cake slices on the side are Applegreen's speciality, I still prefer proper bread. Perhaps because I'm more a savouries person.

- Potato Boat : basically it's potato skins, with lots of tomatoes, accompanied by some nicely deep fried crisps. I had this dish before and it was still very nice, so much fresher and tastier than most of the potato skins out there.

- Bolognese Spaghetti plus Meatballs, Egg & Bacon : now this is a true disappointment. I didn't have any of the egg & bacon, but the texture of the meatballs were too hard and lean to my taste, they were also a tad too dry. I would definitely prefer more moisture. Though we paid extras to get the meatballs, felt it was a minus to the dish. Coming back to the pasta itself, the taste was excellent but the spaghetti was borderline cooked. It was simply too raw or maybe they did something special to it, it was too chewy and I got lazy chewing it........I had pasta every time I went to Applegreen and never once it was like this.

Service was great, very attentive and friendly staff. We got asked about our food and I voiced out my opinions. The waitress kindly explained to me that they aimed at making more al dente pasta than other restaurants, and she would pass my opinions to the kitchen. To be honest, that didn't translate al dente to me. If that really was the standard of al dente, then I might just as well forget all about it, as I just like normal, well-cooked, yummy and non-fancy pasta that my jaws wouldn't feel overworked.

很久沒有吃過applegreen, 吃了最喜愛的orange sesame chicken salad 還有potato boat..
半份orange sesame chicken salad 的橙肉好少, 可以多d, 雞肉又唔見幾條... 不過個汁真係好好味!!!
如果多返d雞肉, 口感會好好多!
potato boat 係我至愛之一, 不過我朋友原來唔食蕃茄架........
potato boat下面o既脆脆, 一d都唔脆, 仲有d "林"
不過個potato 同sour cream真係好夾!!

我地兩個女仔叫左兩個前菜之後, 有個waiter好好咁問我地叫唔叫main course
心諗.. 其實我地兩個已經飽
佢一定覺得呢兩個人點解可以食個salad+potato就飽, 因為真係有d "漏"
最後叫左個apple green crisp 過一過甜品引!

apple green crisp好似無以前咁好食, d蘋果好酸
同埋上面層脆脆好似粉同糖整出黎, 唔好食!
如果d雪糕可以多返少少就好啦
一啖就食晒lu~

埋單兩位加一, 差唔多200蚊~
唔知點解, 銅鑼灣七點半鐘唔駛等位之餘, 仲要有大把位坐!


總算好耐無食黎下都幾好!

今晚係第二次來訪，第一次黎係男朋友見到Applegreen係OpenRice非常之hit，建議黎試下。上次我地叫左兩個沙律，好似係棒棒雞同墨西哥XXX。其實我就唔覺得好好食，因為實在太西式，D沙律好生，仲有佢個塊好似好出名的poppy seed cake真係唔太啱我胃口，可能我唔識欣賞啦。不過上次的經驗係愉快既，而且知道佢既pasta都有唔少口碑，所以一於再黎食。

今日叫左以下items:

1. 蘑菇湯 （可要求麵包，不另收費）
2. Thai Beef Salad
3. Louisiana Dirty Pasta

蘑菇湯
聞落好香蘑菇味，食落就一般，麵包微溫脆口。

Thai Beef Salad
呢個沙律比我上次食的好好多，無左個片poppy seed cake（可能佢只係拚某一D款式），反而就配上一塊橙紅色的燒餅，上面有好多grill 過的紋，食落微辣，如果新鮮整同熱D就更好喇﹗燒牛肉有好多片，而且有肉味，不過就有D韌，有幾片好難咬得開呀～ 個汁酸酸地，幾開胃。

Louisiana Dirty Pasta
其實我點菜之前都唔太清楚佢用咩材料所造，我只係想食cream base 的意粉又唔想叫canborna所以就點左呢個menu 上話佢creamy and spicy 的 Dirty Pasta.
黎到的時候好開心呀，因為好香﹗上面更放左我鐘意食的蒜蓉飽，烘得金金黃黃叫人食欲大增。
Pasta旁邊有好多切成一粒粒呈四方形的肉粒，應該係豬肉黎既。Cream base既pasta又點可以缺少Parmesan cheese呢，有兩片係意粉上面囉。食落好好味呀，意粉煮得軟硬適中al dente好有咬口。Sauce的份量亦剛好沾滿每條意粉，味道有少少辣之如真係好creamy。

佢既意粉真係好得，一定有下次，仲要試埋佢既甜品先得﹗

已經有一年沒有寫食評，不是沒有去吃好的東西，而是人吃飽後就變得懶。
但Apple Green卻把我從懶惰中拉出來，定必把它推一推才罷休。到訪Apple Green已是數個月前的事，慣常會把用完了的食品相片刪除，在Apple Green 影的相片放在手機內已數個月，沒有意識去做什麼，看到的時候卻不捨得按下刪除鍵，全因食物的美態。

兩個人叫了三道菜式，第一道是芝士脆餅，少少的，不怕吃得多會熱氣。芝士很香，洽到好處。

第二道是海鮮蕃茄，屬醒胃頭盤型。看到那杯觧紅的蕃茄蓉，和那新觧的菜蔬味，就似剛從田園摘下來即食的，與窗外的高樓成了很強烈的對比。這個真的要一試，蕃茄和海觧的觧味真的不能錯過。

第三道是沙律，又是一個字：爽！這個沙律還配有冷意粉，既飽肚又不會有過剩的感覺，絶!

和兩個好朋友第一次去銅鑼灣的Applegreen順道慶祝其中一人的生日. 友人們都很喜歡吃牛油果, 所以點了個蟹肉牛油果青瓜沙律, 原本我是有保留的, 但一食便愛上了, 因為實在清新..完全沒有了其他餐廳沙律固定的味道, 下次再去也會點這個.

另外頭盤點了個蕃茄海鮮脆片 (真實名字不太記得, 但記得$98) 原本一上枱我心想WOW $98就是這個東西? 但一吃又是喜歡, 一杯像蕃茄凍湯有少許海鮮, 放在脆片上食, 我想厨師有加些Tabasco在內, 所以有少許spicy, 但這個是小朋友也能夠接受的, 拿掐得很好, 透心得很.

另外叫了個 Pesto 意粉加了煙肉蛋 (Sunny side up and Bacon), 其實淨Pesto意粉也足夠, 煙肉蛋只是點綴而已.

最後還有一個 chicken fajita 也 okay. total $499

環境很干淨, 服務也很好, 一入坐便問我們要凍水或暖水, 坐了2句鐘邊吃邊談天說地, 很是愉快..必定有下次

說了很久, 終於找到機會來Applegreen試試。那晚在UA看完電影後, 我們沒有訂座便直接走過來碰運氣, 當晚出奇地人客半滿也不夠, 不用等已可直接入座了。

地方略大, 環境簡潔, 我最喜歡這樣的餐廳了, 可是安頓後却發覺非常嘈吵, 環顧四周人客半滿也不夠, 亦沒有一枱特別地高談闊論, 老公還問我為何仿如置身茶樓一樣? 我亦有相同疑問, 或許是樓底矮, 室內裝修家俬都是用不吸音的物料吧? 很嘈的一間餐廳, 印象分扣了少許。

難得來到, 總得要試試她們的主打沙律, 老公提議我叫棒棒雞沙律, 一個人吃要半份好了, 來到果然像面盤般大, 好大個啊~ 有點擔心吃不完, 如果可提供1/4份的會更適合我。蔬菜果然很新鮮爽脆, dressing味道亦夠清新怡人, 可是那片蛋糕怎麼了? 蛋糕味道是還可以, 但那質感實在是不夠討好, 像在吃放上幾天不再新鮮的蛋糕般, 又乾又硬, 不吃好像很浪費似的, 但它又真的頗難吃啊!!!

老公點了他最愛的Carbonara, 面頭的蒜茸多士很好吃, 意粉果然很彈牙, 醬汁亦夠濃稠, 但以此價錢, 份量可不算多, 老公很快便把它吃光了, 幸好有點多一客薯茸來填肚。

薯茸份量算多, 吃第一口時覺得味道很好, 有點像自己在家裡弄的口味, 但吃多幾口, 我們發覺after taste不夠, 餘韻不足, 沒有留下令人回味的感覺, 可能要貫徹蘋果綠清新輕盈的形象吧。

說到服務, 當晚就真的麻麻了, 侍應是有的, 可是都不怎過來服務我們, 出食物的時間又耐, 而且還有漏單的情況, 其實我們只點了四樣食物, 可是却仍可把我的甜品漏掉了, 原本點了椰子忌廉餡餅, 最後亦無緣一試, 有點可惜!

雖然當晚服務麻麻, 但侍應生的態度還是OK的, 對此餐廳的整體感覺說不上是喜歡, 而且老公對這類輕食的餐廳興趣亦不大, 我估再幫襯的機會應該會很微。

第一次去銅鑼灣呢間食，meau都冇咩點改，不過多咗幾款dessert。

磨姑湯，好creamy，味道不錯
tuna salad, 仍然有水準
Carbonara，好似以前好味得多
扒三文魚，冇咩味
今次冇食cream burlee，叫咗個唔知咩banana，賣相不錯不過太sweet，麻麻地

第一次食 星期日的晚上 book 左枱 竟然黃金時間得一半人..
我明白點解咁少人 因為唔係咁抵囉

food quality 幾好
不過係咪真係好味到值咁貴呢? 唔係
好味過xxxx tomato 小小之嘛 但貴double 有多,,,
食得salad + 意粉咁就要成舊水?! 唔算貴 不過我寧願食第d..
食左個肉眼扒salad $138 d 菜好苦 冇人食 d 包又勁甜 唔好食 =( 哂錢

環境 咁少人 當然幾好
又唔會催你

service 好好
有求必應 d waitess 個個都好nice~
話air condition 凍 即幫我調細 又幫我羅多杯暖水

俾多錢黎relax 下都幾岩既....

我之前未去過, 不過知好出名, 近期好hit。壽星女食過旺角果間, 就好食, 所以提議去呢間試。 打去訂坐, 訂7:00PM或７：３０ＰＭ都係要８：３０ＰＭ交枱，　好似好ｆｕｌｌ咁。

我地叫咗以下食物：

BBQ Wing $68 – 雞亦上面d汁好味, 不過得個面有, 入面唔入味, 好雪味。
1/2 Chix Caesar $56 – 呢個好味, 不過其實應該有雞, 不過少得可憐。
Napolitano with Mushroom ( 另加$10) with wiener (另加$12) 共$100 – 呢個好唔得, 個意粉 連pizza hut都好過佢, 磨菇、腸仔要另加就更加過份, 因為唔加, 個意粉得番d汁囉。
Hawaiian Ribeye $238 – 個rib好’un”, 叫了7成, 有d血, 但唔明點解rib可以咁”un”。$238 好唔值。反而個燒菠蘿好juicy, 好味。
Garlic Bread $22 – 本身無叫呢個, 不過上意粉時, 見塊蒜容包好似好好味咁, 所以就叫一客。不過…個樣就好似”充滿”蒜容…但食落…一d都無蒜容味…好彩都總算脆的
Key Lime $52 – 呢個好酸, 酸得嚟好食。
Apple Crisp $48 – 應該都係招牌菜, 好食。

坦白講，　嘢食真係好一般，一Ｄ都唔值呢個價。我地4個人，　埋單＄６４０。。。。明明無人等，　但就勁同你收嘢。。（不過。。侍應態度係ｇｏｏｄ的。）唔知係咪銅鑼灣無咁好食。。因為人地話旺角新世界好食好多喎。。。

呢間嘢反而係甜品好食囉。。。。但….呢間唔係甜品屋, 唔可以淨係甜品好食囉….

如果有機會再去, 一定會去旺角, 睇吓係味正常d。

btw, 唔夠冷氣…有蚊滋仔飛

其實一直也想試蘋果綠，可惜對於我等港島人，過海吃的，通常都要有很大的吸引力，所以一直苦無機會，當一知道它進軍香港島後，立即找了個晚上吃它一吃。

兩個人來，也真的不能試到太多東西，所以只是小試牛刀，當然要試大家都激讚的沙律，另外也吃多個小吃及意粉。

小食選了德州芝士烘餅，在烘餅放了不少意式沙律常用的紅捲葉及火箭菜，兩者也是清鮮嫩口，除了有一點橄欖油的香味，就是它們的天然辛及芝麻香，吃得過的，至於那芝士烘餅上佈滿了蕃茄粒及沙律醬，用刀叉分開一看，那芝士如藕斷絲連之勢，烘餅是烘得香而脆，吃起來是熱辣辣的，在內大量的芝士配合清新的蕃茄，又確實是挺好吃，四十八元一客小小的，也絕對是吃得過。

再來就是此處有名的沙律，一百元一碟大的加州棒棒雞沙律，配上的是芝麻薑汁，店員在端過來的時候，真的是很大碟呢，此沙律其實除了用上了雞絲、各式沙律菜作基礎外，也奉上一塊大的檸檬罌粟子蛋糕、一大堆的薄脆及一大堆如炸粉絲或炸米粉的食物，先談那片蛋糕，其實真的可以當甜品吃，除了有濃濃的牛油味之餘，而且甜甜的又有強大的檸檬味及罌粟子味，也算可以，稍嫌其質感很嚡口。

底下的各式沙律菜很是清鮮，嫩綠無渣，也有天然的菜香，配上味道來得不濃的芝麻薑汁，難得芝麻味及薑味不算很強，沒有奪去了蔬菜天然的味道，而那些棒棒雞切得如雞絲般幼，感覺好像粗一點會實在點，抵讚的是雞肉原來是先被烤過的，不是白灼的雞肉，吃起來有點Grill的香味，而薄脆及炸粉絲或炸米粉用意本來是好的，因為咬下去脆脆的，口感是豐富了，但今天好像是下得過多了，有點喧賓奪主的感覺。

最後也吃一口意粉，本人一向較喜歡吃紅汁，所以放棄了大家激讚的Carbonara，選了味道酸酸的拿破崙蕃茄醬肉丸意粉，面頭那片蒜蓉包，只可以說是脆而不香，普普通通，而意粉吃起來不會是煮至軟腍腍的那一種，但又不可以說是al dente，而女友說意粉是很明顯的是過了冷河，再撈蕃茄醬炒的，也是挺有心機的做法，至少不會使意粉變得過腍，而牛肉丸很有牛味，其質感不太碎，吃起來會有咬口，加上那美味的蕃茄醬，既有蕃茄香，又酸酸的很惹味，這個意粉要上過百元，但本人也認為吃得過。

兩個人吃了二百六十六元，也不算很便宜，但也真的挺不錯，下回再來的時候，一定要試一試很多食友也大讚的Carbonara。

超人氣食店「Applegreen」一直未有機會一試，見有不少食友對其瘋癲，確實是令我想試的原因。剛好友人完成訓練出來，由他安排大家到此一聚，有機會一試之餘，由於人數有八位，可試的菜色亦會多一些。

我們八位安排坐在一將四方檯，很有打麻雀的風味，共點了九款食物。先來Nachos($78.00)，墨西哥脆片加上芝士及芥辣，集辛口濃味香脆於一身，味道不錯，但如跟類近食品比教，還是「Dan Ryan」好味一點。

三款沙律同時送到，Orange Chix($98.00)點了全份，Goddess($80.00及Chix Caesar($56.00)各點了半份。三款沙律同時伴有一件，起初以為是麵包的蛋糕，此蛋糕味道帶點甜，其實不錯，但用來伴沙律則有點怪怪的。沙律的蔬菜新鮮，味道方面全是淡淡的，當中尤以Goddess最淡，與淨吃蔬菜無異。

然後火辣的Potato Boats($68.00)送到，焗薯的薯味足夠，焗得外乾內軟，上層加上清新的蕃茄粒，入口時會有兩種口感存在。兩款意粉分別是Mush Pasta($88.00)及Cod Roe Pasta($98.00)，前者的奶油感十足，菇菌切得細碎，味道尚算不錯。後者帶著明太子的辛辣，但味道上頗為單調。不過老實說，兩者的質素只屬一般。

唯一的肉食菜色Sausage Platter($108.00)有四款香腸、薯蓉、烤蒜頭及一小份沙律。四款香腸中有一款是辣的，其他三款的味道也不算特別，反而伴菜的薯蓉味道尚可。以香腸來說，還是「King Ludwig」高一籌，而薯蓉則以「Dan Ryan」出色得多。

甜品Apple Crisp($48.00)最後送來，由於氣管有點敏感，沒有嚐試伴碟的雪糕，但友人的評價是夠滑。主角外層夠鬆化，味道方面有點過甜，底層的蘋果餡帶點酸，但仍是未能中和上層有點過份的甜味。令對此有點期望的我，確實頗為失望。

服務員是全女班，服務上勤快有禮，有任何要求也很快安排妥當，十分不錯。環境以舒適的格調為主，燈光柔和，算是不錯，唯獨是冷氣有點過猛，吹得頭也在搖。整頓晚餐的菜色較平淡，沒有特別令人驚喜或印象深刻。沙律、主菜及甜品也有點高不成低不就，翻兜之意可說是零。看來要嘆一句，「Applegreen，你未能令我瘋癲」。

故有劉備為尋軍師三顧草蘆，今有bangrace為尋美食三顧蘋果綠，哈哈!

不過其實呢個唔係事實，因為其實我已經食過兩次都無咩好大興趣黎，主要係楊同學聽我講過後一直未黎過，所以今次就要求黎呢度啦。
仲驚佢好似MK個間咁長期爆滿.... 我早兩日先BOOK位都驚BOOK唔到，點知又得喎，不過黎到發現佢都係KEEP坐FULL，應該幾好生意。

佢安排左個卡位俾我地坐，環境係OK既，不過同隔離張檯幾近，呢個係唔好既地方，而且食到後期唔知點解有D熱既感覺。

因為大家都預左一定要食甜品，所以都唔叫勁多MAIN COURSE啦。首先黎左個芝士通心粉，唔好睇佢細細碟，真係漏到爆! 因為勁多芝士，芝士味好香好濃，已經同D通心粉融在一起，我食左兩啖已經唔敢食，因為實在好肥呀! 呢個只係SIDE DISH咋! 之後就有個德州芝士烘餅，呢個我係MK食過覺得幾好食，佢面頭有D辣辣地既蕃茄粒，烘餅脆卜卜，又係有好多芝士，D芝士可以拉到條線出黎架，反而呢個好好味喎，真係食PIZZA咁，4 塊一人一塊剛剛好。

黎到Applegreen當然要叫沙律啦，決定叫個自己未食個既，而且我地之後又有steak，所以唔想叫肉，叫左個鮮蝦帶子芝麻醋汁沙律。份量超大，不過麻麻地，個沙律汁唔係好夠，而且個味道唔算FRESH，因為個蝦同帶子同d蔬菜唔係好夾，不過隻蝦幾靚，我食到好香既蝦膏，哈哈。不過我覺得佢面頭塊蛋糕好似無咁好食，無以前咁鬆化，而且有種好粉既感覺。

食完汁律就梗係到主菜啦，我地叫左個明太子海蜆意粉，我真係幾鍾意食佢呢個意粉，因為明太子加上沙律汁真係好香，個種味道係久久不能散去架，同意粉夾埋一齊食真係好正。意粉軟硬適中，口感好好，D海蜆都夠新鮮，如果佢再多D明太子咁就好啦。另一個主菜就係RIB-EYE STEAK，原本我地係叫烤菠蘿架，不過佢都係黎錯左，但我地都算數啦，照食。個STEAK我地要 5 成熟，睇得出佢真係5成，因為肉質剛好，肉汁又無流失，雖然D肉係紅，但唔會有血水見到，哈哈，都幾好食。一食落去好濃既炭燒味，有肉汁，一D都唔UN，正!

最後就當然係DESSERT啦，原本甜品先係今晚既主菜，4 個女仔好似癲左，完全唔怕肥唔怕脂肪唔怕卡路里，竟然叫左 4 個唔同既甜品一齊SHARE食，真係傻左! 不過難得開心一餐無所謂啦。APPLE GREEN CRISP獲得一致既好評，有好多蘋果肉，而且D果肉好甜。個表面好脆又熱辣辣，連埋雪糕一冷一熱一齊擺入口真係好正! 之後就係CHOCOLATE BROWNIE啦，嘩，甜到漏呀，不過喜歡朱古力就一定好鍾意，因為真係勁濃朱古力味，又係有個雲尼拿雪糕，但對我黎講真係甜左少少。

之後就係KEY LIME CHEESE CAKE，算係一個較為FRESH既甜品，因為無另外個D咁甜，但相對就普通左少少，青檸味唔濃，個餅底都唔夠脆，但就有幾香既芝士味，但我地都食唔哂食剩左少少。最後我地都唔知點解會叫個夢幻樂園，我一見到佢真係夢都碎埋，即係無咩意慾去食佢。收費唔平，但其實材料只係一個蘋果+一隻香蕉，咁仲有D焦糖同朱古力既，不過味道真係唔太夾，D焦糖好痴牙呀，唔好食，我食到最後係當自己食緊生果就算啦，感覺真係好奇怪呀。><

清哂D甜品我地都已經飽到郁唔到咁制啦，哈哈，都怪我地太不節制啦，我地坐左 2 個半鐘佢都無趕我地走。大家都出左黎做野，唔係好似以前咁日日見面，簡簡單單食餐飯講下D無聊笑話都好開心呀，這裡不失為一個聚會既好地方。

自從去年去過現已結業的 Applegreen 的尖沙咀店一次之後, 就一直跟她無緣, 直到...

得到 OR 送出的《清潔小小姐》戲票, 難得家母有雅興一起看, 選址時代廣場。我事先去換領戲票, 從售票處門外抬頭一望, 便見大大個 Applegreen 的招牌, 本來打算跟媽媽去吃粥的我, 就臨時變陣, 跑了上來。時候還早, 6 時許 walk-in 還只有寥寥三數客人, 不過就要 7:45 前交枱。這兒比尖沙咀那裡地方大多了, 也放了不少以蘋果為主題的藝術品。

Tuna Tataki ($114)
Pacific Albacore Tuna lightly seared & served rare with fresh Avocado, Tomato & Mixed Greens. Tossed with Wasabi Vinaigrette.

侍應小妹口說份量不算很大, 不過吾人心裡有數; 果然是很大碗呀...大過我塊面...

乍看之下, 老媽也不信那不是肉來的! (OK 魚肉也算肉嘛...) 只是烤的有點乾啦。雖然沙律本身已附有一片檸檬, 不過老媽也猛問店員拿檸檬下到沙律內。餐牌上說沙律汁含 wasabi, 但我們怎麼也吃不出來, 倒是有大量翠綠爽甜的蔬菜, 真是食菜都會飽!

還有那片稱得上是「招牌」的檸檬罌粟籽蛋糕, 想是填肚之用, 也跟我以前在尖沙咀店吃的時候一般的乾硬, 其實頗為雞肋; 反而老媽卻大讚好吃 。

Wild Mushroom ($48 Small)
Mixed Grilled Mushrooms with Semi-Dry Tomato, seasoned with Herbs & Wine, finished in Balsamic Vinaigrette, served on Crisp Romaine.

繼續是一大兜菜, 但這一盤真的很油! 菇類相比起菜來說是少得多 (不過都有金菇、蘑菇和燒烤菇 [portobello] 等), 乾蕃茄也不夠香; 不過總算夠吃, 但那蛋糕就真的教人吃不消。

吃罷這兩樣, 當然吃不下其他東西, 而此時店子已高朋滿座, 老媽不禁驚嘆, 為何這裡這麼受歡迎。但見鄰座的 Carbonara 意粉相當大碟, 不過由於主力的沙律稍有不足, 除非很大夥人一起來吃, 否則暫時提不起勁再來了。

沙律和主菜 - 香草忌廉三文魚長通粉 都抵讚! 環境和服務亦不錯!
SET Lunch款式太少,飲品不知所謂.


好,先來個沙律(可選湯,但主菜大都比較漏,沙律會較開胃吧!)
蠻清爽,可選3款汁,選了Honey Mustard,個人很喜歡.汁回嫌不夠多,但可要求增多.
份量亦適中,不吃得太慢的話,主菜大慨會剛上到.

主菜選了香草忌廉三文魚長通粉,首次要解釋為何選這道菜,首次,粉類本身已經不多(男士中午吃包類大慨都不夠飽吧),當中我又不會辣的,竟然只有2款可選!!! 一是這款,另一款是海鮮類的.
另外普遍粉類也沒什麼餱可言,三文魚這道應該是最多的了.
份量可接受,味道,個人來說十分喜歡,主要是醬汁吧,因為比較香濃!可謂色香味俱完,雖然相片未必看得出; 配上長通粉,不禁令人大口大口吃起來.
三文魚沒幾件,也沒什麼好說.

雖然我點的長通粉還不錯,但同事的TUNA真的非常不行,味道十分怪,而且菜是梅爛的,可參考圖片.

飲品真的令人無話可說,凍檸茶原來是頭頂有一片就算,咖啡沒咖啡味.看來只有Lemonade,奶茶及熱飲可取!