之前去過覺得D野好好食，諗住同班朋友再幫襯，先知道原來已經轉左手，唔再係以前個BOSS，都算啦，試下有冇唔同。

點知真係嬲到嘔.....

1. 野食大不如前
我地包左半個場，點左D小食，意粉，炒飯... 除左D小食(炸魚蛋)我地覺得尚可接受外，其他D意粉，炒飯真係唔得囉，材料又平又簡單，煮法更加唔使講......我地自己O係屋企煮都煮到！好淡.....仲要收我地咁既價！

2. 壞廁所
竟然要自己用水喉沖囉.....

3. 野飲差
野飲任飲，但只係一D FLAVOUR+水+COLOUR，亳無誠意之作......難飲！

唯一要讚既係，環境依然冇變，都係咁舒服...

但係我唔會再黎囉！

同班朋友慶祝birthday, 一行八人, order 拿破倫什肉意粉 and other food, 意粉一到我地一齊 o左 "嘩"一聲, 因為份量實在少得可憐, 後來全部加大份量都只是一般

最嬲的係意粉竟然唔熟, 要用micowave 再叮熟!

這天晚上我們一行十人到CAFE慶祝同學生日。這間CAFE在2樓，昌記大廈設有升降機，但當我踏進LIFT內，發現沒有2樓的按鈕，連忙走出來，看看有沒有樓梯。其實，我是不介意行兩層樓梯。可是，出來的時候卻遭到 保安員(?) 的讉責，說兩層應該行樓梯，搭什麼lift！我只是第一次來呀，怎麼知道這個規矩哩，他的語氣真的很衰！　另外同行的一對男女也遭到保安員的責罵，當我們轉身走向後樓梯，男的立即送上幾句問口說話....

終於到達這間cafe了。一坐在sofa上，嘩，怎麼這裡的sofa那麼腍...整天晚上都坐得很不舒服，因為我不斷地瀡下！這裡的board games非常豐富，新穎，而且十分整齊！例如有pictionary，和我近期至愛的三國殺！！！！！！（真的罕見喔！）

我們玩了一回　就order食物了..
這裡有每一最低消費$68，還蠻貴的...
不過，它營業直到凌晨２點，不趕我們走，還叫我們慢慢坐，坐到２點都得！所以這個價錢在旺角坐這麼久，其實都算超值！

白汁吞拿魚焗螺絲粉
友人叫的，他們說吞拿魚很碎濕濕。他們說味道不錯的呀！
拿破倫什肉意粉
這個主要有腸仔，火腿，洋蔥，三色椒和蕃茄粒。
巴馬臣海鮮焗飯
所謂海鮮焗飯，海鮮只有蜆肉...80大元的海鮮飯真的很不值喔！另外飯的份量也很少，別看它好像大大碗，其實很簿身，很少的。

CARBONARA
CARBONARA 雖然不是在SET DINNER的MENU內，散叫也只是＄４２，價錢尚可！它的汁好掂！非常Creamy，充滿奶油香，又能掛著在每條意粉上，做得不錯！意粉就不算很al dente，但也煮得爽口！煙肉份量就不太多，但都可接受！

飲品方面，它的器皿好得意，會用一些貌似用來裝啤酒的杯來裝果汁。
我叫了一杯黑牛$32，是朱古力雪糕加可樂。雪糕份量很少，兩啖就冇哂。同埋都冇黑牛的效果...兩個溝唔埋，到最後雪糕沉在杯底形成一種很混濁的感覺...賣相甚差，我放棄不渴了。

其實總括來說，對於這cafe的評價都不錯！不收切餅費，也沒有加一服務費，服務員又友善，遊戲種類也類多！
可是，當我們踏出cafe，見到門外有燒焦的死蟑螂！

....走..眼不見為乾淨

朋友生日, 想搵個地方可以坐耐D, 所以上左去CAFE UPSTAIRS ~
就同其他人講的一樣, 做野既姐姐仔好FRIENDLY~

但係對我呢呢班化骨龍黎講, D 野食太細份.....
食物味道不錯, 但係炸野唔多得..... 油溫太低, D 野食黑晒, 但係一D 都唔CRISPY.... 失望

不過重點係地方OK大, 我地8個人坐得好開心~

埋單一人都要175HKD, (壽星唔洗出) 可能我地真係叫得多.......
但係結果我地之後重去左M記食野.....

party / 想坐耐D, 都可以去~

響旺角見客，　想搵個可以坐低傾計嘅地方，選擇響ＣＡＦＥ

嚟到叫咗個公司治，真係嚇咗一跳！　好有份量Ｗｏｒ！唔止個公司治，仲有埋沙律～

呢度嘅小食餐，加埋杯嘢飲～＄５０幾蚊都ＯＫ嘅！！
我叫咗杯青蘋果一百憶
加上坐咗咁耐，　都冇俾人趕走，都算係咁喇！！

仲有幾欣賞佢哋個ｗｉｎｄｏｗ嘅貼紙裝飾，好靚！冇影到相俾大家睇。門口就有影到。

下次會再嚟過～

一向睇食評都抱住半信半疑的心態。但係今次我都想寫番一篇支持吓呢間CAFE!!

見到人哋寫呢間CAFE有幾好幾好, 所以去試吓!
一行四人, 去到經過那間士多, 走了兩層樓梯, 終於見到間CAFE。
選了一個靜靜的角落, 點了餐, 開始我們的遊戲。
CAFE內有遊戲提供, UNO, 層層疊, 猜猜晝晝...
都適合一班朋友玩的。
首先來了餐湯, 南瓜忌廉湯。
因為我哋兩個朋友叫咗, 都大叫好味, 所以其餘兩個都即刻落ORDER。 真係值得一讚

主菜
肉醬意粉的蕃茄味很濃, 芝士的香味都好好!! 分量: OK
蛋黃汁煙肉天使麪 好CREAMY
白汁雞皇飯嘅雞好滑, 味道OK

飲品都OK.
值得一提係佢哋有花茶, 我好少見到CAFE 會有呢個選擇。感覺上CAFE的老板應該好注重女仕們的健康!!!

我哋四個都覺得呢間CAFE 好得!! 見佢哋嘅職員都好有禮!! SOFA 都好舒服~
見到佢哋有外國人來幫襯添! 唔知係佢哋出名到連遊客都來??!!

很喜歡這裡的環境，舒服，甚有家的感覺
SOFA真的很美，WALL上的DECORATION也MATCH得很好

不知道是否因為我們包了場的關係
老闆SET好了場地，推門而進的一剎，地方好得有點呆了
地方不大，但我就是喜歡這小小的地方
乾淨、新穎
只是冷氣不太夠大...

老闆很NICE，COOK也很NICE

至於食物，看得出他們花了心思，不只是草草的煮了便算
味道很不錯，加上那用心的感覺，我加了分

最喜歡那個雜菜SALAD，不像我平日在外面吃的SALAD，好像不是用沙律醬，不知用了甚麼，總之好味
還有那個水牛城雞翼，很香，比一般吃到的還要脆可口

有機會我會再來

我哋一行13個人,第一次去cafe慶祝生日,b咗VIP區,地方啱啱好,
洗手間都幾乾淨(因為本人比較主重洗手間),$100一位都O.K,飲品任飲但啲飲品就估估怪怪,似啲冰條溶咗GE汁
但店舖今日好似得兩個人工作,一個煮嘢食忙到死,一個就無乜嘢做(眼見),可能間間cafe都係咁啩,啲遊戲比較舊,但都足夠,大家都玩得好開心呀!

食物方面我哋揀咗主菜)芝士焗肉醬意粉 (味道幾好,夠汁夠味)
:白汁煙肉蘑菇長通粉 (同上一樣,白汁好好味)
:忌廉汁焗海鮮飯 (大家都食飽咗,食淨一半,真係唔好意思,飯乾同硬咗啲)
小食)水牛城雞翼 (唔係炸的,雞翼都大隻,朋友們食完一隻又一隻)
:意式蕃茄煙肉多士 (多士夠翠)
:酥炸墨魚丸 (好大粒,好快食哂)
:炸薯块 (之前無order的,但都有得食???)

我哋大部份係男仔,但食物都夠哂食,所有食物都好好食,但VIP區冷氣唔足夠

裝修都ok,幾有西式風格,不過覺得位子窄了一點,特別是Kitchen 後面果張,同埋有一塊板隔住好一點,如果唔係,咪可直接望住kitchen 裡面d野,我就覺得not good.

三文魚意粉好食, 但份量相比其他較小.

飲品就普通一點,可嘗試花茶或其他,花點心思在飲品上較好.

位置都有點難找,要係一間士多中走上來,怪怪的...

我果日同女友上黎食,,本來真係冇咩期望,因為我覺得要食好野起ed cafe食唔到,,不過食完之後我至知道我甘諗係錯既,,果日我地分別叫左煙三文魚天使麵同局seafood飯,,另外再+左兩個南瓜cream soup,,個湯個水準真係比其他餐廳高,,真係一留每人仲會有一個前菜添,,真係估佢唔到,,最後食埋兩個主菜我同我女友都決定一定會再黎,,環境好 有氣氛 又有野玩有電視睇 埋單$200都仲有找呢d地方好難搵喇,,

We had group gathering yesterday then I booked this cafe
The food taste good but little.
around $66-86 per set dinner
+$8 soup& onion bread
=)
not bad
can encore again
but the drinks are not really good.acceptable.

第一篇食評=]

是次為朋友預祝生日。
經朋友介紹而先於三天前訂位。
八點到達坐低。
Cafe面積細,約有三,四十個坐位。
環境頗不錯,梳化很好坐。
遊戲種類繁多但略嫌數量不夠。

一行六人叫左三個肉醬意三個海鮮焗飯。
每個餐六十八加八蚊有湯同蒜蓉包。
另外我們再加一個五十五蚊之薯條小吃。
每個餐包一杯三十蚊之飲品,餐牌上三十蚊之飲品頗多,而多過三十元亦只耍補回差價。

食物素質其實不錯 :

肉醬意粉 -- 意粉略硬,肉醬味濃,頗為好吃。
海鮮焗飯 -- 足料而且芝士味濃,很好吃。
薯條小吃 -- 份量太少,而且有點冷..。

整體來說Cafe Upstairs的價錢雖然略貴,但可以理解因為是位子少。
而且食物質素高,店員姐姐同廚師哥哥都好Nice好好笑。
因為位子少,又會比大Cafe靜得多,傾計傾得很舒服!!
加上環境好,氣氛好,有機會一定再來!!

p.s. 只是冷氣頗為弱。

果日有朋友推介呢間cafe比我,慶祝同男友拍拖兩週年,於是book左呢度晚餐試。
book左就方便d,一黎預先知有咩食,二黎唔使無位又揾過第二度。
上到去覺得d氣氛唔錯,座位幾舒服。
朋友推介個晚餐話水準不俗,最後我同男友就揀左"香草檸檬汁三文魚扒意粉"同埋"忌廉汁焗海鮮飯"。
個晚餐包左個前菜,果日就係吞拿魚沙律,幾新鮮同開胃
當日餐湯係南瓜忌廉湯加蒜蓉包個湯真係好得,平時唔特別鐘意南瓜,但呢個湯真係令我開始愛上南瓜,因為平時d紅白湯都太普通,所以呢個濃淡剛剛好ge湯幾得人心。仲有個蒜蓉包好鬼香,超正。
到主菜喇,先黎"香草檸檬汁三文魚扒意粉",好少喺cafe有呢d特別少少既主菜。真係好好食,個三文魚扒好清新,冇d濃烈既汁遮晒d鮮味,反而用左檸檬汁好開胃,平時我嫌太漏食唔曬,但呢個意粉我冇忍口食晒。
我男友個"忌廉汁焗海鮮飯"話d料好足,好多餸幾抵食。
間cafe有好多飲品選擇,又有d好靚既特飲。後黎同個老闆傾開偈,佢好好人,佢知道我地慶祝週年紀念,於是特別調制左個獨一無二而又好靚既"夏日之初戀"(薄荷荔枝)比我地,好sweet好特別....呢個飲品成為"Our drink"!令我地又多左個甜蜜回憶
呢間cafe真係唔錯,係食dinner既好好選擇 heehee

同個朋友食晚飯
去到先知做緊promotion, 任何小食或飲品加$8 可以轉dinner set. 都唔錯, 有前菜, 意粉同埋一杯飲品. 不過, 要好趕. 去到都成7點幾, 要有優惠就要9點前埋單. 好彩d嘢食都嚟得好快!! 呢度環境都唔錯, 有嘢玩又有歌聽. 不過我冇時間玩呢!! 如果唔係貪佢哋個優惠, 我可以玩埋先走.
整體來說, 呢度唔錯!! 個老板好nice, 會問吓我哋對食物嘅意見.
不過間CAFE 唔係咁易搵, 要入咗間士多再上兩層先到. 但係老板話轉個彎見到間地產, 再搭lift 去3樓落一層都得喎. 下次試吓啦!

果日我地27人去左旺角一間叫樓上雅座cafe 包場,之前都試過晚餐好好味,服務幾好而且餐廳仲裝修得唔錯所以楝呢度帮我朋友攪生日,呢間cafe仲為我地個包場set到好的空間比我地
講番D食物,真係幾喜出望外,因為之前包過第二D cafe野食都好一般,但今次呢度整到好以酒店食自助餐咁！

影相都影唔切, 第一味滷水雞翼就比人食哂咁滯,好肥美,新鮮,一口食落去D肉汁漏晒出黎,真係好好食,令人感動ge雞翼。

香草蜜汁豬仔脾一D都唔UN,好有豬仔味,惹味極至。

水牛城雞翼幾得意,有我至愛ge蕃茄,少少辛辣, 仲有洋葱,好豐富口感。

煙肉金菇肥牛卷食完一舊忍唔住再食,好惹味!

酥炸墨魚丸,章魚丸好香口,新鮮,有bbq風味,炸到金黃色好靚。

炸咖喱角,春卷普通野,冇驚喜....

仲有好多野唔寫lar.不過老細幾nice.話menu D野可以比下意見加加減減,所以就返唔同人口味。我覺得呢閒cafe做野幾有heart,所以下次包場都揀呢度。平日食飯又唔貴,D野食又幾好味。不過星期五,六多人會有D嘈,我都寧願平日去。