剛和朋友試完「糖X街」, 打完食評想起同樣是取諧音名字的「糖圓園」, 一於就補回食評吧～

蜜瓜味+焦糖+黑白珍珠+oreo+西瓜
焦糖醬的甜令本身味道不太突出的蜜瓜底, 更形見拙, 不過還好不會甜得過份, 而oreo和黑白珍珠都可以中和一下"糖"的甜味, 整體上叫做還可以一試。

而朋友們的牛奶底雪花冰就試了少許, 算做正正常常吧～反而想說該店基本只需28元一個雪花冰而份量是很多的, 我的四個朋友飯後只點了兩個雪花冰都抱著肚子走呢, 相對比較抵吃, 所以雖然質量未必及得上其他一些甜品店的雪花冰, 但也可以一試呢～

食完晚飯, 爸爸同媽媽忽然話要去食冰冰...
去到圓園, 舖仔細細, 剛好有張 4 人枱, 殺呀!!!
先讚!! 牆身既圖畫好得意, 好靚, 仲好特別...
望真 D ...係用糖糖同朱朱力砌架!!

望完畫就望返個餐牌....嗯...好多選擇...試咩好呢
幾經掙扎, 3 個人叫左 2 個大冰冰:
哈密瓜(冰底) + 木槺 / 花生碎 配 番石榴醬 ($28)
牛奶(冰底) + 乳酸QQ / 黑糖QQ條 配 焦糖醬 ($28)

等左大概 10 分鐘, 黎啦黎啦...
冰冰好高, 大大碟
哈密瓜(冰底) + 木槺 / 花生碎 配 番石榴醬
呢個係今日既 "是日推介", 不過食落就有 D 失望...
哈密瓜(冰底)似乎過甜, 而木槺同花生碎既配搭就太過乾...絕對唔推介呢個配搭
牛奶(冰底) + 乳酸QQ / 黑糖QQ條 配 焦糖醬
牛奶(冰底)好好味, 夠清又唔太甜, 配焦糖醬簡直係一絕!! 推推
乳酸 QQ 好開胃, 酸酸甜甜..嘿嘿
黑糖 QQ 條都唔錯, 似係小小啫喱條, 黑糖夠香又唔太甜...唔錯

食完冰冰, 真係連個心都冰埋...
一邊出門口一邊仲打緊冷震

上回講食完GOGO後,就到左呢到食[冰]..
間鋪位其實都幾隱蔽,平時冇咩人會經過,
我都係暑假先知有呢間野
食過晚飯後,我就推薦呢間食[冰]既鋪頭俾友人
友人本身以為乜野冰,普通野,點知ORDER左之後猛讚口感得意
哈哈,查實我地點左朱古力底+朱古力可可米X2+朱古力醬 = $28
乜都係朱古力

間野係迫左D,不過沙田得一間,而且又唔差,
值得食既最好每人一半,少食多滋味呀嘛

之前睇openrice先發現原來沙田有開左間新既糖水鋪 仲有得食雪花冰tim 心思思想食
咁岩果日同家姐行過就入去試下喇
我地下畫去 唔係太肚餓 所以就兩個人share一個雪花冰食 ..
叫左柯華田 x 焦糖 x QQ粒 X 哈蜜瓜
一食覺得勁好味 !!! 仲有 我地一路食佢都無溶過 .. 仲係咁有口感 !!! 正 !!
埋單三十幾 每人都係十幾蚊 .. 都好夠皮 .. 一個人可能未必食得晒 ..
不過唯一一樣唔太好係間鋪好逼下 .. 食完想傾下計都唔得 ..
但一定會再去 !!

其實在沙田區開甜品店絕對有得發展
由其在沙田中心一帶甜品店確實少之有少
今次就來到這間開業不足一年的糖圓園一試．．．

刨冰：蜂蜜綠茶冰底 + 蜜紅豆+ 乳酸Ｑ爆 + 焦糖漿 $28
他們的綠茶冰底很濃味，真正“吃得到的綠茶”
而那甚麼“乳酸Ｑ爆”都是初嚐
是一粒白色的粒子，咬下便會爆出乳酸液體，形態就如三文魚籽
得意，但有點藥水味．．．
但整體這個綠茶冰底是不錯的

蛋白燉鮮奶 $19
看見店內掛著一個「重點推介」介紹蛋白燉鮮奶
上檯已心知不妙（見相）
表面看已可見有「收縮」跡象，這因為「翻燉」或燉得太久出現的問題
在碗內還發現「倒汗水」，望著這碗燉鮮奶我也流了一滴汗．．．
輕輕嚐一小口，不出所料，蛋白都「老了」很「鞋」
這樣的蛋白燉鮮奶竟然是「重點推介」？ Bye Bye．．．

食物以外：
．店面簡單整潔
．三名店員，其中一名較年青的店員態度較差，面色發黑．．．
．座位亦舒適不會太狹窄
．以他們食品的質素而言，相信只適合在沙田區鮮有甜品店競爭下發展，難以在九龍區立足

昨天錯過了好好意頭的九九紀念日，於是今日我請食雪花冰補數!

我選了清清哋的牛奶底，加上乳酸 Q 爆 + Oreo 做配料，乳酸 Q 爆酸酸的，又開胃又得意，而 Oreo 粉撈埋落牛奶冰入面一齊食都好夾，成個都清清淡淡的配上濃情朱古力醬，不會太甜又膩，配合到我愛清淡但又愛古古力的口味! 不過雪花冰剛到，一分鐘都未夠雪就開始塔下來了。

而哥哥仔選了阿華田底，阿華田味略嫌不夠濃，但朱古力可可米配埋雪花冰一齊食真的好好味呀! 而我自己本身不太喜歡吃紅豆，對蜜紅豆就沒什麼好感了。此外，楝奶都略嫌孤寒了少許，不夠滿足。

我覺得我選的配搭比哥哥仔的好味呢! 始終是第一次食雪花冰，在沒比較的情況下我覺得可以翻兜，不過下次還是 share 好了，食到尾凍到打冷震! 而且 28 蚊一客都不算便宜呢…

努力慳努力慳!

夜晚黎食~勁多人等~鋪頭好細!!好迫~

今次食 牛奶冰+百香果Q爆+愛玉凍+士多啤梨醬 $28

比上次食大份左少少~但係都係唔係好底食.....
愛玉凍一D味都無....Q爆唔好食...我食剩哂~
牛奶冰都OK既.....無咩特別～

(其實呢幾個月香港多了好多地方有得食雪花冰~
好多好選擇~只不過沙田唔多呢D糖水鋪....先咁多人-.-"....
....應該好少會再黎~)

周六晚搵飯食，又未見肚餓，想起近期勁想試下既綿綿冰，就去左沙田中心搵下喇﹗

間野小店格局座位不多，裝修可愛有趣，帶給食客開心感覺，當然我地0的歐陸身型人士感覺就比較迫啦﹗

同工友一人叫一個綿綿冰，我要了朱古力味，佢就要左綠茶味﹗

個冰同網上睇既賣相完全一樣，軟綿綿既朱古力冰一層又一層咁摺疊而起，初試一口感覺有少少似雪糕不過入口即化，感覺有如一陣風似的，得意是幾得意，消暑亦幾消暑，不過我就略嫌個朱古力味唔多夠﹗

配料我要左乳酪爆珠，是一粒有個外膜包住0的乳酪汁，一咬穿個膜0的汁就在口中爆炸，口感有如食三文魚子，幾得意過癮﹗三色QQ就無咩特別，都係一0的口感煙韌的jelly。

都係貪過癮而來，講真成三十幾蚊一個冰水，我就覺得都幾鬼貴，同埋都幾大座的，兩個人share會更好﹗

今日同朋友farewell去左第一次去新開的糖圓園, 哩度好似推介的係雪花冰,一直好想試~ 佢比起其他糖水店有的雪花冰有更多選擇, 有d特別選擇, 如菠蘿椰子味, oreal, 小丸子, QQ 糖...個冰都夠綿,賣相好靚, 也好大, 有兩個人份量~叫了個菠蘿椰子味+ 小丸子+三色QQ糖,冰好正,不過嫌個芒果醬不夠,小丸子太硬無味~ 下次要試下加生果同oreal !

第一次聽到雪花冰係係台灣九份的店舖
估唔到香港都有得食!!
同屋企人去左沙田呢間.. 唔太貴.. 我加左料都係$33.. 而且仲幾好食!!

果日我係叫左芒果冰底 + 乳酸QQ + 椰果 + 蘆薈(+$5) + 芒果醬

之前在openrice見到糖圓園呢間甜品舖有雪花冰食
今日食完lunch便同朋友去試試
叫左芒果豆奶凍
個豆奶凍有d維他奶味，不過d芒果醬就比較酸，芒果就幾甜
仲有一個雪花冰
可以簡一個冰底，兩個配料同一個醬 (多一個配料加3蚊)
個阿華田味佢寫住係new 咁我咪試試囉
我簡左阿華田底+乳酸Q爆+愛玉條+小丸子+沖繩黑糖醬
個冰底好有阿華田味，都幾濃幾好味
乳酸Q爆好得意，咬佢會爆d乳酸出黎好正!
愛玉條就唔好味，完全無味(夾埋冰底都無味)
小丸子就好似出面普通個d不過幾煙un
個黑糖醬就幾香，不過d味唔係幾出因為比d阿華田味蓋哂
d冰好大碟!!!可能食完lunch所以只係食左四份一就已經好飽
不過真係幾好味所以慢慢食哂
仲有可能我個時間唔係幾多人，d位都幾空
我諗我會再黎既!!!

食完dinner,緊係食返個甜跆先夠滿足啦~
今次去沙田中心新開既糖水鋪...
叫左個黃金海岸(不過佢d芒果冰賣哂,所以我地轉左紅豆冰)
8點幾就賣哂~真攪笑~
同埋叫左個~
唔洗5分鐘,就送到我地手中啦~
個雪花冰勁大碟呀**d雪花冰好得意,好似好脆咁,
一放落個口到即溶~
芒果西米撈都好好味~~
不過可能個雪花冰太大,
攪到個芒果西米撈要拎走....

下次可以只叫1個雪花冰,
因為真係食唔哂~~haha**

放工同朋友食甜品 諗起呢間新開 而我又未食過雪花冰
2個女仔share
朱古力味冰 + 海底椰 + 蘆薈 + 芒果醬 + 黑白珍珠
個冰好濃朱古力味.. i like it =) 黑白珍珠就麻麻
糖不甩
無乜特別 可以再甜少少

食得好開心 不過有點逼

....

之後前日再去食
3個人share
Pine Colada 底 + 百香果Q爆 + 愛玉 + 黑糖醬
菠蘿椰子唔係我杯茶&唔夠味.. Q爆似3文魚子 幾得意.. 愛玉都係台灣好味d..
哈蜜瓜底 + 椰果 + 海底椰 + 番石榴醬
哈蜜瓜底好入味!! 番石榴都好味 幾surprise =)
糖不甩
今次d糖粉唔夠碎 發現半粒花生 -_- 自家製?!

9點幾已經無哂豆奶凍
逼我下次再黎?! xd

$28 夠2個女仔share黎食 =) 抵食也

見女朋友咁鍾意食雪花冰，就故且去試一試沙田呢間近近地既舖。

講真，去之前都冇咩期望，覺得應該都唔會夠糖百府好。

去到，雖然有少少隊，但都唔係咩長隊，更好～出面見到個Menu其中有一隻味叫Pina Colada，完全唔知咩黎，入左去問返人先知係菠蘿椰子(其實佢打錯左，應該係Pine)。

行入去時，見到人地枱上既一碟碟，我同女朋友見到都好興奮：「咁大碟既！簡直係糖百府既2倍！(但個價係一樣)」

坐底，雖然味道的確少左o的，但食左咁多次，都唔追求咩特別味。不過其實佢除左Menu既幾隻味，仲有是日推介既味，我o個日係蜜瓜同阿華田味。最後我叫左個菠蘿揶子味，女朋友就叫左個蜂蜜綠茶。

我個菠蘿揶子幾好食，起碼個味唔係成日食，又唔係太酸，岩我。
女朋友個綠茶我就覺得唔太好食，冰既口感唔夠滑，同埋茶味過出，冇咩甜味，可能係茶既特性吧。

最後女朋友o個碟因為太大碟，食唔哂。下次會考慮兩個人一碟，又平好多。

專程來試的，order一個芒果雪花冰加椰果和乳酸Q爆配芒果醬,總括來說,味道方面幾好（我本人覺得加上水果可能會更好食（每加$5）），個人就覺得失敗之處是乳酸Q爆就不太好食，環境就好細,但服務和價錢ok,下次再試其他口味的雪花冰！