一位好嘴刁既朋友介紹，話佢好難得係一間餐廳食野由第一道餸食到最後一道，而且係每樣都咁欣賞，所以爸爸就組團去試下依間咁貴既懷石料理。我地今次一行9人，大家對食物既要求都唔同，但係都 90% 滿意。起初我地以為食懷石料理，每碟細細份，一定唔會飽得去邊啦，所以已經諗定要去食第二part晚餐。點知食到最後我地每個人都好飽!!!

環境及衛生: Very good first impression!!! 5分
1) 唔係好大間，一入門口黑黑地覺得幾cool!
2) 地下係酒吧，酒吧後面放左好多酒，吧枱上更有一枝Dom Pérignon Œnothèque ，感覺好high class!!!
3) 酒吧同樓梯口中間有隻牛，好襯間restaurant個名＂和牛懷石亭＂。
4) 睇清楚D，隻牛後面係一個handicap lift，設計師真係好細心。
5) 上到樓上見到個open kitchen好光猛好整潔好整齊好衛生。
6) 樓上有兩間房，牆身都畫有一幅幾抽象既畫：大家估唔到我就好估啦：係牛黎架

服務 : 5分
1) 一入門口就好友善地帶我地埋位，參觀同介紹間餐廳
2) 食前好清楚同仔細講解個menu，到食既時候再好有心機地介紹每一道菜既材料同煮法

味道: 4分半
1) 先付: Lobster, Cresson and Caviar with Sesame Sauce 魚子醬龍蝦刺身配芝麻汁
見到我比咁多個happy face都估到依道菜係我個人以及同桌既所有人都好欣賞既!!! 食完重想再食，而且係唔會厭個隻。
真係可以用色香味俱全黎形容。＂色＂：龍蝦刺身係少少紅色但係透明既，用綠色菜做base加埋黑色魚子醬喺龍蝦面，奶白/黃色既色芝麻汁，一個幾新奇既配搭。 香味係芝麻汁發出，但食落口佢完全冇搶走魚子醬同龍蝦既鮮味。龍蝦生食（食落口其實好似係半生熟）係好爽滑架，而且好鮮甜，同濃味既魚子醬一齊食，涼涼地幾好feel。我係好唔鍾意食菜，但係因為個甜甜地既芝麻汁令到嗰幾條菜都好味左，所以食哂。

2) 前菜: Wagyu Sushi with White Truffle 白松露和牛壽司；Shirako with Seaweed Sauce 魚精囊配紫菜汁；Lobster Ebi Imo 龍蝦芋蓉
a) 魚精囊 - 真係唔係我杯茶 ，魚精囊咬落口唔係粉又唔係爽，唔知點... 我個人就唔係好鍾意... 紫菜汁酸酸地OK啦。
b) 白松露和牛壽司 - 和牛生食係好正既!!! 因為唔會油，而且唔會有醬汁蓋過牛肉本身既鮮味。面頭既白松露配和牛原本係可以帶出和牛既依種鮮味，不過今次師傅落多左黑胡椒，所以入口時胡椒味搶走左好多松露同和牛既鮮肉味　下次如果D胡椒少一半，效果一定好好，因為個配撘非常好。
c) 龍蝦芋蓉 - 我個人唔係好喜歡芋頭，因為覺得好溜好粉，所以對龍蝦芋蓉唔係抱太大希望。出奇地好light一D都唔溜，少少煙刃，而且個龍蝦味令到個芋蓉清新左。

3) 吸物: Scallop Shinjo, Ginkgo and Shimeji Clear Soup 帶子丸，白果，鴻喜菇清湯
好清既湯底，相信係帶子丸帶出既鮮甜味。帶子丸有人鍾意有人唔鍾意。我個人覺得比起其他菜色就冇乜驚喜，只係比左個＂清＂既感覺。

4) 蒸物: Wagyu and Kyoto Vegetables Mushi Shabu Shabu with Ponzu 蒸和牛配酸汁
全晚最令人失望既一道餸!! 蒸和牛熟得過火，搞到個和牛好老好嚡，更失掉所有肉味，入口只覺酸味，所以希望和牛懷石亭以後唔好再serve依道菜。我喺味道扣左半分都係因為咁!!

5) 造り: Chef's Selection Sashimi 廚師精選刺身
又一味色香味俱全既佳餚：
a) 拖羅 - 鮮甜肥美，入口即溶 正正正!!!
b) 鮑魚 - 鮮甜爽口 正正正!!!
c) 平目魚包海膽 - 真係一個好精彩既combo! 真係好食過海膽配青瓜或飯。海膽濃烈既鮮味同平目魚既魚味好夾，濃得黎好清。 正正正!!! 又暈左

6) 燒物: Grilled Kinki Fish, Sweet Potato and Inaho 喜知次魚配甜蕃薯及炸稻穗
a) 喜知次魚 - 魚肉嫩滑清甜。份量唔會太多，剛剛好。
b) 甜蕃薯 - 菜黎既... 雖然只係半塊，不過對我黎講依然多左
c) 炸稻穗 - 好似爆谷咁好得意。好脆好乾一D都唔油，甜甜地。幾特別。

7) 進肴: Kyato Turnip (Kaburamushi) and Taraba Crab in Wasabi 蘿蔔蓉拌雪場蟹
個蘿蔔蓉好好食 - 甜甜地好light有少少彈牙，蘿蔔咁食幾新穎 雪場蟹好鮮甜! 個wasabi汁個味教得啱啱好，味道好親個蘿蔔同蟹，少辣但唔會好攻鼻重有Ｄ好似薄荷嗰種舒緩感。我食哂Ｄ蘿蔔同蟹後重要飲埋Ｄ汁。

（雖然已經食左七道餸，不過都好似唔係好夠飽，所以大家一路諗去邊到食第二餐）

8) 主菜: Charcoal Grilled Wagyu 碳燒和牛
a) 2件佐賀和牛：好鬆化，而且唔油，完美!!!
b) 2件鹿兒島和牛：食完佐賀嗰兩件就覺得鹿兒島和牛好肥好溜，食落真係半口油，不過個人口味都係鍾意食肥牛wakaka。飽到要打消去食第二餐既念頭添。

9) 雲丹とトリュフ土鍋ご飯 Sea Urchin Truffle Rice 海膽黑松露飯
每日黎幫襯都會欣賞到既招牌飯! 真係冇得彈!!! 我平時係少食飯，不過依個飯可以令我添左兩次，一共食左三大碗!!!
整係睇幅相都已經可以知道好足料（不過比多少少海膽我重開心）。我地係房入面歡迎個飯既時候係好感動，因為未入到黎我地已經聞到松露既香味，見埋個樣我地所有人都嘩左出黎 又一道色香味俱全既菜式!!! 果然名不虛傳 大家唔單只聞到松露香味，重可以食到... mmmm...　海膽既鮮甜味加上黑松露既香味，簡直係一絶！因為本身兩者都冇也咸味，所以師傅預備左Ｄ芝士粉比大家撈埋食。我兩種食法都試左。開頭未有芝士粉都已經好impressed，又香又甜而且係夠味，覺得係一個好light好健康既飯。但係加左少少芝士粉食法完全唔同：個味濃左，可能我落得唔係好多，出奇地個芝士味唔係好搶個松露味，反而係覺得佢個作用係同鹽一樣，而且又比多左種香味個飯。

10) 甘味: Dessert: 甜品
a) Mochi: 好欣賞佢個mochi係輕輕燒過既，因為我好驚mochi面頭個Ｄ粉搞到個口沙沙嚡嚡既感覺。mochi輕輕燒過令到佢滑左，冇咁痴牙。味道唔會太甜好light，正！
b) 芝士蛋糕: 味道一樣唔會好濃或太甜，不過我個人喜愛多少少芝士味既cheese cake

點解我會話係好啱香港人口味:
1) 去過日本食懷石料理既人會好清楚，每道菜既份量係好細，係名正言順既＂一道一口＂（可能係日本文化，又或者日本人比我地香港人細食）。雖然係少吃多滋味，但係比多過一口係可以加深我地對食物既印象（you can appreciate more)，依點＂和牛懷石亭＂就做到好好，好啱香港人既胃口。

2) Menu入面雖然有一款係我地香港人少食既菜式：魚精囊，但係大部分都係我地最常食到既日本菜：雪場蟹，海膽刺身，平目魚，拖羅刺身，鮑魚刺身，喜知次魚，和牛。再加上佢有少少玩fusion，加插左我地香港人好鍾意食既黑松露，白松露，魚子醬同龍蝦，真係令到我地覺得個懷石料理係為我地度身訂造咁。

後記: 唔飲酒係每人HK$1,680 + 10%。比起日本既懷石料理其實係平左。一諗起又有和牛，又有龍蝦雪場蟹，又有咁靚咁新鮮既魚生，又有魚子醬，重有超正既海膽黑松露飯，再加上酒店式服務，HK$1,848 其實係抵食架。就算真係叫酒，Ｄ酒既價錢亦好合理。

幾個月前, 從周六的頭條日報葉局長的專欄得悉呢間餐廳
提供正宗懷石料理, 而且大廚係前倫敦nobu 大廚
加上自己一直對懷石料理很有興趣.
終於的起心肝儲起錢來....要知道對於一個學生哥, 吃一頓懷石料理是多麼奢侈的事...

其實都久聞港島香格里拉酒店的 灘萬日本料理都有懷石料理,
但相比呢間Wagyu Kaiseki Den (和牛懷石亭)
後者較有性格~ 全因呢間餐廳係冇任何a la carte, 一定係omakase (師傅一早安排好menu~)
全間餐廳都係食同樣的食物

book 了7 點半~ 準時到達, 甫坐下, 即開了一枝distilled water
水就預左俾人屈, 不過價錢出奇地平~ 只係$48 一枝~
菜是不用點的, 佳餚美酒, 食咁精緻的日本菜豈能不叫枝sake
sake 有平有貴, 最top 果d 萬幾二萬, 學生哥...叫唔起
跟住就到第二top, 係咁易睇一睇, around 6 千銀....都係叫唔起
再落就係around 1千, 呢個price range 就啱晒~ 叫左枝 tutitatu 產自日本較北地區~ 中文名字記不起~
其實仲有d 幾百....但餐飯都咁貴....唔爭在果俾多幾百
未食, 先乾一杯~ 很易入口, 好香酒味, 而且甜度適中, 對於我同朋友仔呢d 對清酒知識的客人, 是一個不錯的choice~ thz bartender cyrus 的推介
而且~ 仲有大概24隻清酒杯俾你choose, 花多眼亂~

入正題:
先付
鮑魚, 龍蝦等等 (詳見menu)....with 木魚啫喱
作為先付, 味道不濃, 同時使人開胃, 不過, 真的要細心品嚐
才食得出海鮮的鮮味

前菜
toro 同茄子壽司
toro 係熟的, 餐廰話係用超過25年 的豉油去醃製~ 的確很美味, 朋友仔十分欣賞
反而在下更欣賞那茄子~ 很清爽, 香, 甜....連唔食茄子的在下都要俾個good佢

吸物
一個清湯, 底下係用hamo (waiter 話類似鰻魚) 做的肉丸, 用腐皮包著
上面再放著日本名物- 松茸
待應話先食松茸, 再飲湯~ 我倆當然照做,
很香, 很甜~ 而且味道也不錯
以為日本只有面豉湯好味, 原來這松茸清湯更勝一籌~

刺身
有2 款刺身~
先食 tai (鯛魚) waiter 教導 用鯛魚捲著葱及松茸, 再點少少醋~
很新鮮~ 加埋松茸既香味~ perfect match~
第2 款~ toro~ ...有2 件, 認真不得了
一直唔明點解靚既toro 可以賣到咁貴, 幾百蚊一客
食左呢2 塊, 明晒~ 厚切,很肥美, 放在口中, 根本唔駛咬, 等佢融化在口中, 香味充斥, 久久不散
這才是刺身!!!~ 我認為呢2 塊toro 係我一生中暫時食過最好味的刺身
十分不情願下, 才飲下sake, 把香味沖走~
試埋個芋頭莖~ 没有什麼味道, 但出奇地爽, 大概是要為toro 調劑一下

p.s. 懷石料理~ 除了味覺, 還有視覺, 除了所有器皿都很漂亮, 連食物擺設也一絲不苟
還有懷石精髓:不時不食, 所有食物都最當造~
故此, 每日的menu 也會轉的, depends on 師傅手上有邊d 靚既食材
罷設也一樣,睇得出每一度菜都用左心思, 應該點放, 放d 咩配料, 比如在刺身上, 放著一小棵紫色的薰衣草~ 現在7 月, 這種花正開得燦爛~ 視覺上一大享受

燒物
海膽燒鱈場蟹腳~
呢個又係重點.....
先試海膽...只有鮮甜, 無腥味可言
蟹腳係放係炭爐燒, 再放入焗爐
享用時再灑上少少海鹽~ oishi~
當然....個人認為係北海道既生鱈場蟹腳更為鮮味
不過, 今次呢個食法~ 又係另一種風味

揚物
天婦羅, 第一次係有雞肉天婦羅, 不錯...
但如果講天婦羅, 似乎見城更上一層樓~

主菜
重頭戲~ 和牛~
親眼見師傅用炭爐快速把各面燒熟, 務求鎖住肉汁
端上黎時, 已切好4 條, for 食客一口一件~
什麼醬汁也不用點, 就放進口
輕輕咬就可以, 因為和牛都係脂肪徧多, 入口即融這容形詞最貼切不過~
最外層係炭燒的, 接著是一小層脂肪, 中心係肉
媲美當日在日本當地食的和牛~

題外話: 佢地用既和牛, 唔係香港買的, 係搵人真係係日本hand carried 拎番黎
所以比較多種類

海膽黑松露飯
整餐飯既靈魂~
先將海膽同黑松露放落個瓦煲度煮
然後上菜時, 先讓我地過一過目~ 再拿出半舊黑松露, 一片片刨落去
最後再蓋上蓋, 焗大概五分鐘, 等黑松露既香氣滲入煲飯度
食果陣時, 一打開蓋......又係不得了.....
整輩子都未食過咁香既飯,
連食了3 碗...把友人的都吃了~ (友人食量小, 吃了一碗就飽~ 對在下黎講係好事wakaka)
最後的那碗, 連埋飯焦.....終於明白葉局長的盛讚是絕無誇大~
海膽的鮮 加上 黑松露的香.....夫復何求!!!

甘味(甜品)
是一個凍的cappucino, 加了少少雪糕, 水果粒(應該係蜜瓜)
因為見到師傅係度刮蜜瓜肉
友人十分欣賞~ 同埋可以解滯
食左比較油膩既和牛同飯, 吃一口這樣的甜品, 清一清~

總括黎講, 今日終於見識到咩係懷石料理, 味道相當地道, 也屬一流水準, 滿分是少不了
尤其係toro..同個飯...真的令小弟大開眼界~ 回味無窮~ oishi~

環境 and 衛生
餐廳唔大, 8 個bar 枱位, 一張4 人枱, 2 間貴賓房, 總共30 人
禮拜二平日食....都可以full 晒 (好彩在下一個月前已訂了枱)
證明呢間餐廳真係有番咁上下
而且非常整潔~

服務:
呢樣真係值得一讚
佢地係一個server 唔係servant ~
佢地係黎招待你, 唔係服侍你
很nice, 俾到一種好friendly 既感覺, 會搭下你膊頭,同你傾下閒計, 問下你d 野食o唔ok
而且每上一道菜, 都會好細心話你聽呢道菜係咩黎, 點整, 應該點食, 俾到一種好pro 既感覺
點名讚揚 kathy, cyrus 同一個日本姐姐侍應( 只係黎了香港3 個月, 便會講' 多多關照')
也許在下比較鐘意被人當係friend 多過係客人, 大家有講有笑
明知我地係學生哥, 唔會係d 咩大客, 唔會叫到d 咩靚酒, 唔會俾好多tips, 但完全無白鴿眼, 無話睇唔起, 一樣當你係貴賓, 遺憾的是很多大酒店也做不到
還有一件事, 事源朋友有急事要打電話, 一傾就係10 分鐘, ignore 左在下(秋後算帳)
侍應見我一個飲悶酒, 主動走上黎同你傾下計, 真的非常感動
一班server令在下呢餐飯的確生色不少, 很感謝你們

抵食:
每個set 定價 $ 1680
一枝sake $ 968
水 $ 48
total = (1680 x 2 + 968 + 48) x 1.1 = $ 4813~ 連埋tips~ $ 4900
貴就真係貴...
但同一個咁重要既朋友食到咁美味既一餐, 再貴也值~
今餐~ 在下係食之前一早埋左單~ 友人搶埋單失敗~ 下次先俾你請客吧

p.s. 相影得唔好, 除左個人技術...仲因為無開閃光燈...呢d 地方食飯, 開大閃光燈黎影...
似乎於禮不合, 同時都更加唔想影響其他食客
相都係影到幾幅食物, 原因除左係唔想獻醜, 重點係呢餐飯只係為我好朋友而食, 無需同人交待hee~