這家日式意大利餐廳相信很多人已來過, 而且已連開三家分店, 也不用多介紹了。

來過數次, 各類食物都試過一點, 以下是我覺得比較好吃的:

阿拉比提吞拿魚辣汁意大利粉 ($26) - 蒜蓉加辣椒醬汁, 配上吞拿魚碎, 雖簡單但惹味

尼哥狄索比亞墨魚汁意大利粉 ($26) - 人人也叫她烏卒卒, 好似好似一隻黑蟋蟀...特別, 不過極之多油

地中海海鮮焗飯 ($28) - 配料有青口、魷魚、甜蝦、橄欖, 飯底是黃色的炒飯, 好像是鐵板版的西班牙炒飯?

雞肉多利亞焗飯 ($24) - 牛奶白汁為底, 飯也是前者的黃色, 白汁的油多到像油浸

健康海藻沙律 ($23) - 常常都想吃的甜蝦沙律是次次都沒有得供應 , 可要求類似千島醬的沙律醬另上, 海藻索索聲很爽脆

田園雜菌披薩 ($28) - 直徑足有 9 吋長, 有各式菌類、青紅椒和橄欖, 厚身批底, 也很抵食

香蒜佛西亞意大利包 ($12) - 倒有點蒜頭味, 奇! 熱辣辣很好吃

最緊要識揀非繁忙時間來, 就不用等位等到傻啦。

住係將軍澳~要寫食評當然由呢度開始~:

呢間日式意大利餐廳進註tko南豐唔係好耐~但已經係呢區掀起左唔少話題同人客~

我同班為食友當然唔放過試新野~

最唔好既地方係入座要登記水蛇春咁長既登記紙~不過而家有改變~

環境乾淨, 燈光適當, 氣氛幾溫馨自在~本人特別like呢種少少自己屋企feel既餐廳~

坐低即刻有人上前遞menu, 不過人手不足, 佢地都好忙, 但落單效率好高~

叫左pizza, 焗青口, 墨汁意粉, 吞拿魚茄汁意粉, 焗田螺, 蒜蓉烤包…太多啦~

每樣廿幾蚊, 所以勁叫~差不多嗌哂成張menu~同埋每人加$13蚊自助任飲吧~

推介必食: 蒜蓉烤包, 焗青口, 吞拿魚茄汁意粉, 海鮮焗飯, 菠蘿辣肉腸pizza, 薯角

唔太好味: (1) 烤腸仔, 好乾好幼, 咬落好油 (2) 焗螺, 廿幾蚊

其實在坑口市中心也沒太多選擇了，雖然努力在找未吃過的餐館，也決定今天和同事來一間未吃過的京菜，怎知道去到門口才發覺已經是關門大吉了，換成了一間喝茶的地方，見到店內食客的點心不大吸引，所以唯有另覓地方，但又不想走太遠了，所以最後重回上次來過，覺得是很抵吃的日式意大利餐。

今回來到不是食客先己做登記了，改為由店員派籌，但也未拿籌，已經是有座位了，坐下後，也看看吃什麼，今次點的跟上回沒有一樣重覆，最多也只是雷同，但一定不會點所謂的扒類，雖然便宜，但上回吃過，認為真的不大吃得過，所以今次也沒有點。

先來個小吃辣味雞翼，店家在餐牌上劃有兩隻辣椒在旁，還以為會是很辣的，怎知道只不過是紙老虎而已，雖然不太辣，但也有點辛香，雞翼也是正正常常的嫩滑但無肉香，而且油份偏高，看碟底有層油可見一二。

之後來一個人氣的蒜味佛西亞意大利包，說穿了就是在烤餅上撒了丁點炸蒜蓉，而在內也加了點蒜鹽了事，烤餅也如上回一樣鬆軟好吃，雖然炸蒜蓉真的是少得好像可有可無，但吃起都有點蒜味的，以十一元的貨色就是這樣的了。

另外也點了Pizza，蒙特利拿芝士比薩足有九寸，以二十八元來說，真的是超值，餅底是港式的Pizza Hut形厚批底，但難得吃起來既鬆且脆，芝士如上所述，不會是什麼靚貨，但勝在就是下得足，味道夠而香，再者其芝士外層焗成脆脆焦焦的，而內層仍是有點濕潤口感，控制火力的能力以一間收得那麼便宜的餐廳來說，真的是超班的了。

也吃點意粉，帕帕朗斯奴傳統香辣意大利粉，店家又是以兩隻辣椒來形容此意粉的辣度，但原來又是放流料，這個意粉，成本應該是低得很吧，一粒肉也沒有，只有油及意粉，另外再有丁點辣椒乾及香草，吃起上來又是和雞翼一樣，不太辣但也有辛香，意粉不al dente，但至少沒有煮得過腍，有點咬口，但就是油得要命，用光整包吸油紙也吸不完碟底剩下的油份。

另外一款意粉就是風味蕃茄意大利粉，說穿了也只不過是茄汁火腿意大利粉，意粉同上又是不al dente，但沒有過腍有點咬口，而火腿絲也沒什麼好評了，蕃茄汁的味道不厚，但也勉強可說夠味的，而且偶爾會吃到一點蕃茄碎，用來下意粉，總括都可說合格。

最後再來多一碟飯，乃地中海海鮮焗飯，其實就是加入了點青口、魷魚、蝦及橄欖來與飯同焗熟，飯底用上了一點藏紅花水來煮，所以飯粒呈黃色，飯粒當然沒有海鮮湯的味道，但加入點蕃茄醬及香草來吃，又可以說是過得去，加上飯底竟出奇的有點焗飯的飯焦，真的是意外驚喜，當是港式焗飯吃也蠻不錯，反之海鮮就不大新鮮，似乎大都是雪藏貨了，毫無鮮味，也只好怪是成本所限吧。

吃完食物後，也要急急腳走人了，四個人點了六款食物，也只不過是一百三十多元，真的又便宜得令我發笑，似乎再來幫襯也真的不出奇。

有次星期日下晝5點嚟到, 結果排到食唔到, 真係多人得誇張! 今次再訪, 揀在星期五同樣時間, 情況就唔同哂, 五點多去到, 大把位. 於是問店員幾點開始多人, 佢話約六點半左右. 帶着大小公子在附近行了一個圈回來, 剛好六點十五分, 人也開始多點, 幸而未駛排隊就有位了!
之前我已在荃灣食過一次, 所以亦知道今天大概要order乜, 試d乜. 所以就叫咗:
忌廉粟米湯 - 平! 但真係麻麻, 不及屋企開罐頭湯!
海鮮周打湯 - 平! 但好好味, 比粟米湯好好多, 小公子飲到唔停得口!
香蒜彿西亞意大利包 - 熱辣辣, 軟綿綿, 好味低食!
香蒜焗田縲 - 平! 田縲入味又腍, 蒜好香!
烤香辣雞翼 - 不是太辣, 味道唔錯.
菠蘿煙肉薄餅 - 平! 若多些料更佳, 味道唔錯, 但餅底未夠厚用脆!
蕃茄海鮮意粉 - 平! 味道一般, 足料, 小朋友食得開心!
煙肉蛋汁意粉 - 平! 但醬汁不夠, 令意粉變得太乾, 令人失望!
Drink bar 免費添飲真的令小朋友開心不已, 若只論價錢, 呢度真係嬴晒! 叫到成枱都係食物, 都只係二佰蚊, 小朋友亦食得開心!

下午5時多,兩個人食左1個PIZZA同1個墨汁意粉
全場FULL 70%,唔駛等位...但全場竟得一個WAITER,同一個MANAGER
野食黎得慢..唔知系唔系KITCHEN都得一個人呢?

D野食好熱好味,,,亦如常地油膩

對比第一次黎食..店依然光鮮...但桌子未清潔好..椅上又有DIRTY THING (HAIR)
MENU好污濁....同行人話D杯好似"油油地".....刀刀叉叉有野STICK住

價錢再平..衛生都好重要!

有朋友住係將軍澳, 因為要方便佢帶住個女既關係就係番佢附近開餐, 醒起前嗰排呢間野好強勢, 所以心情興奮咁期待呢間餐廳. 點知第一次黎既時候 (個日係星期日), 我去到既時候係18:45, 一入南豐中心就已經係舖頭面前等位既人堆. 我嗰陣攞左位之後發現居然係要等一百二十張枱既誇張情況. 結果無去食到~~~ 但係見到咁既盛況令到我更想黎試.

第二次閒日夜晚黎, 差唔多同樣時間黎到, 但係明顯人堆少好多, 前面只有十幾張枱, 只係等左一陣就有得入. 超級肚餓嗰日我哋點左: 田園沙律 ($19); 雜菜湯 ($12); 焗薯角 ($14); 煙肉波蘿簿餅 ($28); 蕃茄煙肉焗意粉 ($22)

呢到d野真係好平, 一個意粉都係講緊$22! 份量未去到話好抵食嗰個size, 不過以餐廳既環境質素黎講, 2個人食到飽埋單都係 $95 就真係好抵. 不過唔可以話好好味囉. 咁多人捧場我覺得係因為平同抵多. 材料同埋食物既質素都只係just ok! 我好慶幸我第一次黎既時候無癡癡咁等落去. 如果因為個平字要等呢個質素, 咁我寧願比多幾蚊去食大家樂個焗意粉仲好.

只於服務方面, 除左第一晚負責叫枱嗰位哥哥仔比較好禮貎之外, 今日ser過我張枱既我都覺得唔係咁ok. 佢哋放野落張枱到係好似dum係張枱到... 未去到砰一聲咁無禮貎, 但係絕對唔似對待緊一盆野食. d野黎到時張枱唔夠位, 我接受佢哋因為兩隻手都ling住野而唔主動去執番d位出黎, 但都唔係唔出聲, 作勢要夾硬放落張枱到而 "迫" 個客出手執囉. 另外有一個小意外, 今日其中一個waiter比左杯本來屬於隔離枱既香檳酒比我哋. 我哋開頭唔知以為係送既所以照飲. 食到一半有一個waiter走過黎問我哋有無order到, 我哋答無, 佢就問我哋駛唔駛落番. 下, 我都無話要, 跟住佢就收左我杯野走. 佢咁做係無問題, 不過錯係你哋到, 個客又已經飲到一半, 點解唔大方d送左俾個客飲當係extra呢?

距離 + 等候時間 + 服務態度 = 一次就夠

琴晚同Honey 去試呢間
估唔到我住的附近有呢間又平又靚又正的意大利餐廳喎!!!
朋友們話排隊排成 1個鐘,但我等左半個鐘,行開左仲要過晒no,又要拎過位,但係都係再等多一陣就有位

是晚點了蝦沙律,墨魚汁墨魚麵,唔知咩汁但我覺得佢似普通肉醬汁加意大利飯,仲有雞亦
飲品加$13任飲汽水奶茶咖啡等等
係個墨魚麵無咩味,意大利飯太濕,要加多少少芝士粉
其餘一切,都係廿幾三十蚊,好抵食

坐得又舒服,2個人俾卡位/4個人的位

呢一餐仲要不加一!
咁ge 價錢,不追求非常好的質素,算係食得飽~又慳到錢
平靚正!!!

第2次黎食, 諗住6 點幾食可以唔洗等咁耐, 點知去到拎飛, 足足要等80幾張台。好恐怖。
記得第1次食, 都唔算等得好耐, 所以今次都等下啦, 諗住d no.去得好快。之後我地去行下街,行住等, 點知足足等左2粒鍾先入得囉。
今次我地叫左蝦沙律, 羅宋湯, 蒜蓉包, 焗田螺, 墨汁意粉。
蝦沙律係我至愛, 鍾意佢d 汁, 係日本食過之後愛上。
羅宋湯普通, 不過應該唔係罐頭個d, 都多料既。
蒜蓉包熱la la 好食, 好似d 薄餅仔咁, 特登叫左個湯點黎食。
焗田螺, 好多蒜蓉, 好多油。
墨汁意粉, 夠特別, 不過唔多料, 只係得4隻魷魚圈, 意粉無咩味, 食到d 牙黑晒, 女仔嚮男仔面前就唔好食啦, 影響儀容呀!
野飲+ $13可以任飲, 水就可能任飲既。
呢到出菜好快, 唔洗加一。
最後我地100蚊唔洗就落樓啦! 抵食!
不過等左2粒鍾只係食左半個鍾!!

好多人 等左好耐


菠蘿煙豬肉pizza：一般, 多料, 但無咩味, 唔香

田螺：ok, 都係唔夠香, 配料既口感太粗糙

青口：ok, 比田螺好食

奄列：好多料 有點乾

鴨胸：普通, 好salty

北海甜蝦沙律：好正 好fresh!!

米蘭風味肉醬多利亞焗飯：味道有點怪 奶味香

番茄意粉：火腿+意粉 ..無咩特別


抵就真係好抵
我諗我會再去食既~~

咁既price
食到d特別野
都唔錯呀
但係唔好expect超好食囉

staff都好nice

15/10/2009 Thursday


友人帶我黎呢間食下午茶
佢話平日午飯時段一定好多人
所以我地2點幾先黎到,果然唔洗排長龍

我係第一次見用自座等位
特別 =]
希望人多時唔會有人冒認入座吧

餐廳環境唔錯,都幾闊落
侍應服務都算好 & 快手 (可能因為非繁忙時段)



墨魚汁意大利粉 - $26
友人推介呢個
味道唔錯
嫌唔夠熱

地中海海鮮PIZZA - $30
PIZZA好抵食
2個人share一個剛剛好


辣味雞翼 - $20
少辣，味道比預期淡左
有一兩隻生左D


Drink Bar $13 無限飲
絕對抵啦!


下次會帶朋友黎食!

6時半到餐廳,等了一小時, 雖然中段好想放棄, 但見人流不斷, 我要堅持!!

2個肚餓的人, 點了很多食物:

1) 芝士佛西亞意大利包
很鬆軟, 芝士味幾濃, 唔錯.

2) 蒜蓉焗田螺
唔太濃郁的蒜蓉味, 反而幾多洋蔥, 味道一般, 但很油.

3) 海鮮焗長通粉
非常creamy, 熱辣辣, 份量不多, 味濃, 我覺得唔錯.

4) 菠蘿煙肉薄餅
好吃, 料足, 以約$30的價錢有這麼大件的pizza, 很抵食.

5) 蒜蓉焗青口
這個比焗田螺美味, 不太油, 蒜味很香, 推介.

6) 任飲bar
抵! 一餐有多種口味, 好!

出菜快, 食物熱辣辣, 雖然等1個小時, 抵試!

其實也想試試此人氣店子很久了，但每次午飯時間也要等太久了，所以未有機會，今天再接再厲，怎知就得了。

也要快快手點菜了，畢竟也要趕回去開會，所以大家快快的看餐牌，不看由至可，一看就下巴也跌了下來，嘩！咁鬼平，二十八元一個比薩，其他東西也只介乎二十多至三十多元，所以也沒有理會加十八元的沙律跟湯，一於叫多點主菜，三個人一於狂吃，點了五款東西一起吃，分別有意大利芝士鐵板漢堡、芝士佛西亞意大利包、菠蘿煙肉比薩、邦哥尼香蒜蜆肉意大利粉及雞肉多利亞焗飯，相信一定會超飽吧。

先來的是鐵板漢堡，其表面淋上了蕃茄醬及芝士，另外也配上點雜豆、西蘭花、薯條及雞蛋一隻，雞蛋煎得過熟，蛋黃不流不香，蛋白不嫩，硬硬焦焦的；薯條是軟腍腍的，可幸吃起來有點薯香；至於那所謂的意大利芝士，是半融化的芝士，也當然沒可能要求是什麼洛克福芝士、山羊芝士、金文畢芝士及莫薩里拉芝士等，相信是卡夫也不如的芝士吧，香味不高而只有黏稠的口感，所謂的蕃茄醬也真的沒任何蕃茄味，反而有點像茶記的洋蔥汁；漢堡扒的肉粉粉腍腍的，但吃起來有肉味，已是非常不錯的了。

人氣的芝士佛西亞意大利包，說穿了就是在烤餅上撒了點芝士粉，烤餅鬆軟好吃，雖然芝士粉是乾身了一點，但吃起來帶點味道，伴着鐵板漢堡來吃又不會太寡。

菠蘿煙肉比薩足有九寸，以二十八元來說，真的是超值，餅底是港式的Pizza Hut形厚批底，但難得吃起來既鬆且脆，芝士如上所述，不會是什麼靚貨，但勝在就是也下得足，味道夠而有點濕潤口感，和充滿果汁的菠蘿粒滋潤了餅底，而煙肉也帶來香濃的肉味，也算不錯，雖然本人不愛Pizza Hut的Pizza，但勝在夠便宜，有時候一大班人吃飯也難免，但吃過此處，使我更沒有理由說服自己再去Pizza Hut了。

也吃點意粉，邦哥尼香蒜蜆肉意大利粉說穿了也只不過是茄汁蜆肉意大利粉，連殼的蜆也是隻隻有肉，不會得堆殼而冇肉食，蜆肉吃起來也軟身，咬起來清清的又不錯，可惜偶爾也會吃到不少的沙粒，而蕃茄汁的味道不厚，只勉強的可用來下意粉，意粉不al dente，但至少沒有煮得過腍，有點咬口，總括來說合格。

最後再來多一碟飯，乃雞肉多利亞焗飯，其實也只不過是忌廉汁雞肉焗飯，忌廉汁口感很Creamy，但忌廉香又不太強，吃得多有點膩，雞肉是以雞脾肉切過再切件，雞皮煎得脆但太油，而雞脾肉當然不會嚡，所以也可說是不錯，至於飯粒呈黃色，相信是下了點藏紅花水來煮吧，但吃起來飯粒不夠挺身，完全不像意大利飯，又一港式例證。

吃完食物後，也要急急腳走人了，點了五款食物，也只不過是一百二十五元，真的是便宜得令人發笑，但再來幫襯？又真的未必，看情況吧。

在此有數句後話，此處可以做得那麼便宜的原因，就是其控制成本的能力非常高，除了專開分店在非中心城市外，人手也是非常少，門口等位的人客需要自己填上候座册，然後店員隔一會才過來帶位；汽水飲料等東西全是自助的，以一個價錢任飲的方法，讓顧客自助飲料而不需要特別的監督；最後就是付款的環節，一律走出收銀處付款，但收銀處又不會有店員長駐的，免得浪費人力，以按鐘的方式召喚店員來收錢，真的很大想頭，但如果間間餐廳也如此，心想失業率一定飆升。

我朋友說這店不論任何日子與時段都很多人, 星期日想陪佢食, 但佢等到發掹掙. 好啦, 終於選擇平日晚上去食, 結果等咗一個鐘, 我們便論流在商場流連等位。

一入去先知位其實不少, 只是人手不足, 入座較慢. 加上餐廳不用派飛制度, 只靠顧客自律寫名登記, 有不少人冒認提早入座, 也有不少人遲到懶三懶四與侍應交涉, 所以都幾混亂。

朋友本來是發脾氣, 但打開餐牌看見pizza, 意粉等都是廿多元一客, Kirin Beer都是$14一支, 紅酒$20一杯, $30一小Jar, $40一大Jar. 跟餐無限飲汽水咖啡茶都只是$13, 於是朋友收起火氣, wait and see.

我們二人點了:

周打海鮮湯$14: 細細碗, 料幾足, 味道OK, 好過茶餐廳, 不過回到家我要勁飲水, 可能味精幾厲害?

蒜蓉焗青口$20: 最唔掂, 雖加了很多蒜蓉, 但吃不到一丁點蒜蓉香, 自己去超巿買自己弄好過!

墨汁意粉 及 卡邦娜意粉: Ok. 不過略嫌咸了一些. 始終是平民食堂, 很簡單的serve你, 沒有任何裝飾

波蘿煙肉pizza: 全餐最好食的東西, 是半厚批, 上軟下脆, 熱烘烘的, 味道適中, 芝士, 肉, pineapple配搭好哮. 份量不少, 本以為吃不下, 但最終甚麼都吃下肚

本餐完畢, 70% full. Well done.

在香港很難找到這種價格與質素的餐廳, 難怪咁多學生及一家大少幫趁, 只要你有時間與腳力等.

住在將軍澳卻久久未試此區內人氣熱店，這次專程去試一試看看是否物有所值。

當時店裡的人其實不多，但服務員仍指示我先在門前登記。既然店內有足夠的位子，登記其實是多餘的也浪費時間，有關方面不要那麼死腦筋，在非繁忙時間直接帶位就好了。

點了三款食物—墨魚汁意大利麵、辣肉腸pizza、蕃茄煙肉焗長通粉
1.墨魚汁意大利麵 聞起來很香洋蒽味，吃起來也是，結果被其霸道的味道蓋過了一切。墨魚很少味道平平，意粉有點硬不知是否未煮熟。
2.辣肉腸pizza 辣肉腸並不是大片薄切那種而像厚切芝士腸，個人較喜歡這一種因為較惹味。辣肉腸芝士也放不少，味道還可只是有點難切開和烤的時間過長。
3.蕃茄煙肉焗長通粉 應該改名芝士煙肉焗長通粉，蕃茄實在少得可憐，不翻開根本也不到，芝士反而多得有點膩。味道也不錯，如果蕃茄和芝士的份量倒轉就更符合菜式名了，還有就是很多油，吃畢後看到的油有點嚇人……

價錢很便宜食物質素還可以，不過味道比較濃，大概是日本人吃的比香港人濃所致。幸好水吧是自助要喝多少有多少，我吃畢這餐都喝了四、五杯水……

每次來此都要等位達1小時以上，受夠了! 要等這麼久，很難跟老人家來試菜的… 得悉此店開門時間, 於是便便早店來跟家母試菜了~

早點來, 確實感覺良好, 不用等, 店子裡還有很多空位呢!

尼哥狄索比亞墨魚汁意大利粉 $26 – 味道很好! 配料ok 鮮味, 只是意粉比較硬身了一點~

地中海海鮮焗飯 $28 – 初以為這個飯的味道是會令人失望的, 但剛好相反! 飯不會因鐵板熱力而變不乾硬, 醬汁味道很好! 茄醬味跟海鮮很配! 本身不好青口我, 在家母的利誘下最終嘗了~ 出奇的鮮甜啊. 整體值得推介.

菠蘿煙肉比薩$28 – pizza 水準依舊!! 正! 芝士非常”鵬拜” 地溶出來~ 要襯熱吃啊~

如大家有時間, 在旺市時間前後來 (建議早上來~~~), 便不用等到變值物人了~~