跟tips,平日三點半,可避過peak hours。前頭有四五張枱,來的都是兩位兩位,等了廿多分鐘,便可入座。(四至五點鐘更不用等添!)
泡菜牛肉餃,食到有爽爽的泡菜,但泡菜辣味就無乜喇,欣賞佢澄麵皮薄而通透,即蒸上枱仍是軟腍腍!
牛肉腸粉,正!皮厚度啱啱好!(有d人求,皮薄透,咁就唔係食腸粉啦!要食薄皮既,不如食越式包粉卷!!!)添好運有半透明,煙韌軟綿而不粉口的腸粉皮,好食到個餡都成為配角!
錦繡菠菜麵春卷,皮脆,一心以為係春卷皮包住成扎菠菜麵,原來係椰菜+紅蘿蔔+菠菜麵碎+一pat獻漿,no good。
鮮蝦燒賣,雖然有隻鮮蝦,但下面大部份係肥豬肉。
古法糯米雞,果然如「sze詩」所講,得個大,糯米多。餡冇料到,一片片的肉片、半隻蛋、一件雞。
好戲在後頭,等左十零分鐘,酥皮焗义燒包終於到喇!皮又薄又脆,义燒餡企理汁香,果然係招牌作!!
因為得兩個人,試唔到咁多,仲有馬拉糕、蘿蔔糕、凍珍珠芝麻番薯露都好想食。
我諗佢點心好食,主因是即叫即蒸。但再好食的東西,在一個既速食又逼的環境下,又怎去enjoy?想食得自在,要突登請假來,可有多少次?

晚上重來添好運，門口還是排了長龍，內裡座無虛設。我們四人入座後，叫滿一桌點心。

首先當然是再嚐馳名的「酥皮焗叉燒包」，兩個字：『勁熱』。也聽到四周叫了叉燒包的都說：「嘩，好熱！」
「酥皮焗叉燒包」酥皮脆、肉甜，燒汁溢口，熱到辣口，真是一絕，一嚐再嚐，再叫多客，不能停口。

今日難得主人培師傅親自下廚，做布拉腸，當然各式腸粉都點齊試試。腸粉皮薄而滑，油光閃閃。培師傅說蒸出靚腸粉，要有經驗及把握時間，蒸蜜味叉燒腸粉最快，蒸免治牛肉腸粉最慢。韮黃鮮蝦腸的蝦要大大隻，才過足癮。別家弄的豬潤腸都老而「鞋」，此間豬潤特別滑而細嚼沒渣滓，可見選料及廚藝都講究。

新出一個「泡菜牛肉餃」，才 $12，培師傅特別介紹，必試。皮薄肉嫩、泡菜勁辣，入了口，辣得暴汗，出不出聲，非常刺激。
　
這裡點心，尚有：陳皮牛肉球、晶瑩鮮蝦餃、豉汁蒸排骨、鮮蝦韮菜餃、鮮蝦燒賣皇、豉汁蒸鳳爪、潮洲蒸粉果、時菜鰻魚球、煎釀茄子、馬拉糕、春卷，都是酒店水準，值得一試再試。
還有一些細份量的盅頭飯供應，如鳳爪排骨飯、煎蛋牛肉飯、臘腸雞球飯，配白灼青油菜。我們叫了臘腸雞球飯，蠻好味。

煎炸的香煎馬蹄糕、家鄉咸水角、豉油皇炒麵、臘味蘿蔔糕，都值得推薦。
甜品有：珠芝麻番薯露、雪耳燉木瓜、還是杞子桂花糕最具色香味。

重來的感覺，自製點心，即叫即蒸，是保持水準，這種大酒店大酒樓才能嚐到的精美點心，在此間，大家都有機會品嚐。以這平易價錢，吃到如此美味點心，簡直是超值又好食。

如果店家的甜品，能增加品種如紅豆沙、綠豆沙、芝麻糊，粥品除了柴魚豬骨粥外，能增加生滾牛肉粥、及第粥，則更加客似雲來，爆晒棚。

昨夜寒風呼呼, 晚餐真想吃些熱騰騰的點心, 再喝1口熱茶暖暖身子哇~~ 7時半, 時間勉強算尚早, 來到添好運的門外, 剛好成為第1檯等位的客人。 店面2邊玻璃都已貼滿報章雜誌的專題介紹, 店子真的非常少, 座位不多, 客人都已經坐得很擠擁, 加上點心即叫即蒸要花更長時間才上桌, 就難怪門外總是大排長龍了。 為了節省時間, 客人都會在等位期間先填好點心紙, 也算是等位時的細藝吧= P

還好妹妹來到合時, 只等了幾分鐘就可以入座, 只有妹妹和綿羊2個, 大路的點心如蝦餃燒賣就省去了~ 先來是古法馬拉糕 ($10), 整整齊齊的1個深褐色正方體, 香甜味道隨蒸熱飄散, 清甜而鬆軟, 只是size比較小, 意猶未盡呢~ 接著是引頸以待的焗酥皮叉燒包 ($12), 味道的確是期望中的美味, 然而面頭並不如想像中的酥皮, 有點像簡略版的菠蘿包, (菠蘿叉燒包 o.o?) 餡料甜度恰好,叉燒則稍為太多肥膏了~ 腸粉都是蝦腸叉燒腸牛腸, 就選黃沙豬潤腸 ($14)~ 可惜上桌時已經不見任何熱煙, 成為全最晚唯1失望的1環 =[ 腸粉的確又薄又滑溜, 只是豬潤份量很少, 未能充分表現出獨特之處, 而且已經放涼了, 唉~ 馬上黯淡失色=[ 還有個鯪魚球 ($10), 上桌時侍者會淋些腸粉豉油, 配起來吃感覺有點怪怪o~o 鯪魚球魚味夠重, 沒甚麼特別~ 由於我們趕時間, 寫了的油菜和木瓜燉雪耳想取消了, 而木瓜燉雪耳本身是數量有限, 既然已經預我們1份, 就繼續要吧~~ 小小的1盅 ($10), 用料欠佳, 吃得出甜味是來自糖的 =|

計上茶芥為位$2, 1頓暖笠笠的點心晚餐每人平均才不過$30~ 這價$$跟 食物的質素實在物超所值 =]

星期四晚上等左大半個鐘

酥皮叉燒包($12): 驚喜之選! 未食過咁好食既叉燒包，菠蘿包既皮，熱辣辣，甜味適中，非常好味!

咖哩牛肉卷($12): 春卷樣既咖哩角，一般茶樓好少有咖哩角，好味!

韭黃鮮蝦腸($16): 皮薄，唔錯

鮮肉香茜餃($12)，晶瑩鮮蝦餃($16)，蠔皇鮮竹卷($12)，香滑栗子露($10): 普普通通

陳皮牛肉球($10): 好普通

食物味道幾好，可惜地方太細，環境太迫，坐得好唔舒服。
茶只得普洱同壽眉，而且無茶壺俾你自己加茶，下下要阿姐加茶。
阿姐既服務質素參差，有個好nice，但有個好惡。

飲茶應該悠悠閒閒，好好茗茶，所以我唔會再黎了!

今日等左 分鐘先有位，我地係第一次嚟， 見到有好多.雜誌介紹過， 去試試！！！！點知味道一般， 偏淡， 冇特別， 唔難食， 價錢唔貴


酥皮叉燒包
牛油味好重， 叉燒餡ok




馬拉糕
顏色深一點鬆,唔知係唔係用黑糖, 鬆



鮮蝦燒賣皇
唔知點解D辮肉咬唔開， 好大片豬肉係入面

家鄉咸水角
一D都唔特別， 我食過好多好味過佢的

臘味蘿蔔糕
好重蘿蔔料， 不過偏淡

唔再嚟， 又要等， 又冇特別， 我食開沙田利苑 好味好多

今天友人帶了我來吃一直都想試的點心
之前常常聽人說這兒有多好,但是自己試了卻不覺得怎麼一回事
我們一行兩人點了六個點心

古法糯米雞
很大的一隻,上桌時都有點後悔
餡料不算多,但勝在味道夠濃,配上糯米飯都算不錯
不過多吃幾口就立即飽飽滯滯,最終我們是放棄了它

香滑馬拉糕
友人舉腳推介的,比外面吃到了顏色深一點
有很香蛋味,又香又軟的馬拉糕真是令人食不停口,不過有點鬆,很難夾

酥皮叉燒包
酥皮十分的鬆化,叉燒包很軟,叉燒餡頗多
叉燒包非常的熱,一個不留神都差點被燙到了

鮮蝦燒賣皇
跟平時酒樓吃到的沒太大分別
豬肉比一般的燒賣鬆軟,夾著幾隻爽口的鮮蝦,味道不錯

家鄉咸水角
皮外脆內裡滑糯,餡料不太多,味道麻麻.而且有陣油味

臘味蘿蔔糕
也是人氣之作之一,很有蘿蔔味
蘿蔔糕較軟身,食得出有一條條的蘿蔔絲
材料不算太多,只是有點零碎的臘腸粒

真的不明白為什麼會有人說到這麼的跨張
其實只是一家比平價酒樓出色的點心店
大家用心尋找的話一定會找到比它好的點心的
呀姐的態度也沒有大家說的那麼差,整體上還好吧!
有機會有時間有心機才會再來等位了
不然就不會再來吃了

先後三次到這舖用餐,實在不得不留下好評以抒己見
首先要幫工作的大姐大哥們平反
三次用餐大姐的態度都沒有下文所說的兇惡..無理
是有一位半位有點愛理不理的感覺..要求加茶時有點不喜歡的樣子..

幾乎每一次我都等了至少十五分鐘,亦有點心浮氣躁
可是舖面大小問題並不是阿姐們的問題呀
況且點心出菜速度頗快,只是有些像酥皮叉燒包就需多一點時間

至於調位,我想大姐們亦只是想儘量安排,可以讓更多客人入座
畢竟舖面細小,客人和員工進出都有點不便,
大家有心品嘗點心的都請忍耐將就一點吧~

至於點心方面..
酥皮叉燒包: 鎮店點心不吃不可,等得耐一耐都抵! 曲奇般的表面加上內裡的醬汁..完全改變本人對傳統飲茶點心的印象
馬拉糕: 第二最愛. 吃下口有黃糖和蛋黃的香,加上其香綿鬆軟的口感..和一直在外飲茶吃到的級數差太多了

蝦腸也很正點,看見師傅新鮮即制,賣相亦一流; 蝦餃略嫌縮了水; 而排骨香濃入味而不油膩,一反傳統茶樓"油浸排骨"的感覺,令我覺得自己食得健康,甚至愛上飲茶...

想食好的,付錢之餘,付出一點點時間等候絕對值得..埋單只是八十元,就連加一服務費都不用..,2元茶錢,何足掛齒?以這個價錢提供的質素,絕對比街外大部份酒樓優勝



PS:曾經一次吃過"白汁青芥咸水角",師傅將中西合壁的點心呈獻,油炸的咸水角入口一點也不油膩,沒有"油益味",加入青芥平衡了咸水角飽滯的感覺..堅! 可惜可一不可再,自此不再在點心紙名單上出現

今日得閒, 諗住早啲去到實有位, 點知早上十一點都已經有人排隊等位! 好彩我一個人就唔駛等, 坐埋人地一枱五人...地方子迫, 不過都唔係好似其他人咁講, 個個亞姐都咁無禮貌既...有個好好笑容!
因為得一個人, 唔試得多, 當然試最出名的酥皮叉燒包!

酥皮叉燒包: 我不嬲唔好叉燒包, 不過新鮮熱辣好吸引, 不過我覺得好甜!
蝦腸: 啲皮好薄, 不過啲蝦唔知點解有啲腥味, 我平時食腸粉, 會先反一反, 等另一邊都有豉油, 點知一反, 條腸粉就散咗! 要用匙, 筷子夾唔到!

另外點咗鳳爪排骨飯外賣, 豉油只係李錦記甜豉油, 有點失望! 因為好多大排檔自己整啲豉油好食好多! 個飯真係好一般, 不及上水街巿果啲好食!

不過, 若果有機會, 都想試其他點心! 可能只係咁啱食著啲唔係咁啱我口味的!
啲亞姐加茶都算快!

唔講食物, 先講阿姐既態度

小女子 5點幾到達, 約左6-7 個吉位, 我一人理應可以任坐, 但都同阿姐 "旦” 聲
於是阿姐點我坐張六人枱的中間位, 但有張二人枱是無人的, 於是佢見我望住個張枱, 於是叫我坐二人枱, 當我點好食物之後, 又比佢再點我坐另一個位… 於是我無名火起, 回左一句 : “ 家下都無人等位”, 佢就話: 廢事一陣有人等要我轉位 ….
我咪”啤” 鬼住佢, 真係啋佢都有傻架 , 唔通我食食下你叫我轉位, 我會轉比你咩 ?!
而後來, 有個男仔入黎, 我見佢足足叫左人三次轉位, ((係三次))
同男仔又傻聽佢up ……
唔該老細請呢位既阿姐, 對客人禮貌點, 人客黎食野, 唔係比你點架 !

再講食物
粉果 : 未食過咁薄既粉果皮, 而且很有彈 性, 錎靚料足, 讚
炒麵 :份量小，還出奇地多油，not good
酥皮叉燒包 : 由於新鮮真係好鬼熱，叉燒汁更是驚喜，甜度調教得十分出色，叉燒肥肉不多, 美味


態度唔改善, 點都唔會食回頭草

已經唔係第一次黎, 第一次睇完d食評話佢服務差, 諗住個個人感受唔同, 試左先啦. 可能第一次黎係星期六, 人好多, d呀姐只係唔敢亂黎, 終於尋日第二次黎, 所有之前睇到的評語出現哂.

12點多到, 都已經好多人, ok, 多人唔緊要, 因為呢度係真係好食, 而且真係好平, 黎得都預左等.

差唔多等左半個鐘到, 應該差唔多, 所以就企近d個門口, 睇下有冇人走啦, 有喇, 見到有四人位走喇, 好開心啦, 因為下個number到我地啦ma, 而我地3個人.
正當我地想準備之制, 有幾個姐姐仔行入間舖到, 坐左落去呀.........
我真係估唔到, 我地問呀姐, 佢地幾多號呀, 呀姐就話, 佢地黎先.
有冇搞錯呀...........
之後我再一路問呀姐, 佢地幾多號, 又話過左3個號碼冇得補, 可能呀姐跟本講 大話, 所以問非所答, 而且仲發爛渣大聲話, 我地點做野唔關你地事, 唔駛同你地講, 係要等架喇....

真係好好好失望, 唔係d老人家等到好肚餓, 真係即刻走呀.

义燒包係好食, 好脆好香,
腸粉好薄, 好滑.
咸水角個皮好脆而入面好滑
粉果皮好薄料好多....

食食下見到好多冇號碼的熟客靜靜雞咁走入黎, 呀余慕蓮小姐都係其中一份子..都唔知好唔好意思, 人地蔡瀾咁都係同大家一齊係門口等架..

仲有, 明明門口寫住外賣暫停, 點解有兩個同收銀呀姐好好傾的女人可以外賣义燒包呢???

其實呢間舖咁細, 點可能打尖呀, 醒少少都見到啦. 唔係野食好味就一定好生意, 呀老細你地都唔好只係掛住係廚房整野食, 你個收銀呀姐咁冇禮貌, 有violate哂所有規矩, 咁所有生客點都唔會變熟客啦? 真係有心食你地心機的客人就個個變哂傻仔係門口幫你做勢?

如果得一兩個相同的評價可以話係大家感受唔一樣, 但係當有好多個相同的評價都應該唔係假啦.

黑水, 鬧客, 我相信再好食都唔會有人鍾意貼錢買難受.

人龍長,等位耐,店鋪細,價錢貴,冇服務,少選擇,出品差...
所為出名的點心
糯米雞只得個大,冇材料
叉燒飽更加乾曾曾
腸粉皮厚...啖啖粉
收茶錢,只得茶杯供應,茶只得兩款選擇

學校附近難得有家好評點心店, 無論如何都應該試一試的~
因為放得1小時10分鐘lunch, 知道有機會要等, 所以都不敢叫得太多...

菠菜餃: 菜很綠, 很香蒜味, 幾乎沒有肉的. 難得連不喜歡吃菜的友人都被它的蒜味吸引, 食過返尋味~ 推介!
蝦餃: 細細粒, 中間全是蝦, 很爽之餘吃不出有肥豬肉~ 味道偏清淡~ 不錯~
咸魚肉餅飯: 很多咸魚 飯中帶"食送"香, 飯沒有焦兼軟硬適中~ 好味~
黃沙潤腸粉: 腸粉皮跟其他地方不同, 有口感, 豬潤粒剛剛熟透, 配腸粉有點特別~ 不錯~
酥皮X燒包: 其實跟菠蘿X燒包差不多, 新鮮出爐幾好食~ 但我個人覺得包還包好食, X燒餡正常, 兩樣配起來好像反而失色了一點點...... 我比較喜歡傳統的呢!


兩個人, 去到等了5分鐘就有位, 點菜之後10mins開始有得食,
最遲係酥皮包, 好像等了20mins... 一個鐘堂食剛剛好夠時間...
$75, 價錢合理
不過如果點心可以大件多點就好了~

本人聽聞旺角有一間點心專門店老闆放棄四季酒店龍景軒高薪厚職自己開鋪創業，仲要日日大排長龍，本來唔鐘意排隊嘅我，帶著好高嘅期望及民望，今日約埋父母下午去試吓有幾好食。為免父母等得太耐，我建議過咗中午高峯時間，即是兩點後才到達，果然等了15分鐘就有位。

店鋪面積唔算大， 可容納大約三十人坐位， 不過枱椅排得非常密， 差唔多全部要搭枱。

我們點了8款點心，食評大致如下：

糯米雞 (size大隻但味道一段 = 普通糯米雞 )
酥皮叉燒包 (新鮮出爐脆脆嘅酥皮幾好食, 跟傳統叉燒餐包不一樣, 加入了西式元素 )
鮮蝦腸粉 (腸粉皮唔夠薄唔夠滑, 一般 )
排骨 (都係一般 )
菠菜餃 (皮薄通透, 菜多肉少多汁, 大大隻好好食, 女士們一定喜歡, 值得–讚 )
馬拉糕 (sorry，唔好食，很懷念兒時跟爺爺嫲嫲去隨便一家酒樓嘅馬拉糕，鬆鬆軟軟有口感有香味，現在很難揾 )
燒賣 (味道一般因為我自己係燒賣fans，去飲茶必食 )
陳皮牛肉球 (食唔到陳皮味, 都係一段 )

點了8款點心, 結果係6個一段 加2個驚喜 ，雖然價錢係大眾化，但作為一個香港人，我覺得有好多酒樓價錢都好大眾化，而且飲茶文化係自己有壼茶，打開雜誌報紙，同友人家人食吓點心，而唔係好似食快餐咁，仲要成日等阿姐添茶, 食咗成餐我媽媽投訴飲得兩杯茶咋 ，sorry mom !

最後講服務當然唔能夠接受，要睇侍應阿姐啲面色，仲要係個個阿姐 。作為餐飲服務行業，食物水準一般加上服務態度差，我當然唔會再去，希望佢哋會有改善。

Went there for lunch, didn't need to queue at 11:30 am.

Service was similar to "Cha Charn Tien", not bad, but they didn't charge service charge.

Majority of the food was excellent. I have been to lots of high end Dim Sum restaurant and this is one of the best, and man, it is cheeeaaaaappppp!!!

We tried most of the dim sum on the menu, except for the "Cheung Fun". The Char Siu So was great, taste a bit like Por Law Char Siu Pal, but the content was great and well marinated, the top was crusty and thin - recommended

The Siu My was also excellent, so was the Law Mike Guy. The skin on the Har Gal was torn when it arrived!

The congee was the surprise - so unexpected - quality was great and surpasses the price!

The only disappointment was the Jong Tal Farn (Pot Rice) - the rice was not fully cooked.

Overall highly recommended!

推介1. 腸粉! 好薄既皮, 滑嘟嘟! 今次叫左叉腸~

推介2. 金銀蛋瘦肉粥! 我同我朋友都覺得個粥好味, 好綿. 米+咸蛋碎已經溶入為一體.
(但我知道之前D食評對呢個粥都不是太好)

推介3: 爽菜餃~ 有D雲耳, 好多豆苗~

推介4: only my 個人喜好, 蠔蝗鮮竹卷

*** 馬拉糕真係麻麻.........

***: 地方不大. 怕迫千萬唔好去~
***: 其實幾岩情侶, 價錢ok, 而坐位多係2人位~