影片
自從有馬唔掂，千登世又差o左之後，我同屋企人就多o左去呢度食日本菜。雖然我唔係日本菜專家，但呢度大部份侍應同客人都係日本人，應該係幾正宗日本口味。我最鐘意食自己揀，自己燒的串燒。咁一定冇大師傅燒得咁好食，但自己燒都好開心。魚春雞翼，雞翼去骨入面塞滿魚春，好好味～！香腸，中間插o左一條骨頭，好得意，又唔膩，冇乜肥豬肉。如果食Sabusabu，烏冬麵好彈牙，可以試下。仲有好多小菜，細細碟，都幾特別o架～好似凍菠菜，清清地，減肥推介。冬天仲有Oden，不過中文菜牌冇寫，可以問下侍應。雖然侍應多數係日本人，但都識Ｄ中文的，而且態度友善。各位有學日文的朋友，不妨試下呢間餐廳，順便練習一下日文。
繼續閱讀