食物真係好一般, 你當係食家常便飯好了, 唔好有祈望, 蒸水蛋, 獅子狗魚蛋, 清炒棻心, 炒雞件, 加里雞, 用來餸飯真一流. 曾經見到有煙三文魚, 青口, 不過都係驚鴻一瞥. 飲品限一杯, 再要就要加錢.

一心想食的BBQ食物, 燒雞翼, 排骨, 羊架, 秋刀魚, 魷魚. 各位請排好隊, 每人每次限取2件, 明明睇住佢地燒, 唔知點解到我手個陣已經涼哂.

雖則$120不是很貴的價錢, 但呢餐絕對不值. 是阿So繼北角酒店海南雞飯後, 再老點人之作. 可能佢口味獨特, 以後經佢介紹的食店, 唔好信太多,要周圍問清問楚先好去.

由於食評上都是評得一文不值，所以是慕名而來。食物方面，熱食款式不多，但食來還不錯，碟頭飯都要三四十元，而家一百元左右可以有十多款食物任食，經已不錯了。唯只提供一次飲料，沒有汽水選擇，則對小朋友們有點掃興！食物是分時段出場，所以不用太早到，7點半到最合適。場內很大，外面池畔環境可以，唯有蚊子為伴，與大家共進大餐矣！

睇完阿SO嘅介紹，佢極力推介呢個BUFFET，就一於去試，點知....唉！咁嘅食物，呢個價錢真係食唔到。

成個ＢＵＦＦＥＴ，最好食嘅，竟然係粟米！！！唔好以為有咩特別，只係普通嘅燒粟米，仲要係凍嘅，不過佢係唯一一樣可以入口嘅！！！

再試下「老」水雞翼，嘩～！　隻隻都有成寸長嘅毛，真係大開眼介，第一次食ＢＵＦＦＥＴ食到要拔毛！！！！！！！！！

咕嚕肉。。。顏色就有啦，不過唔係甜亦唔係酸，係咸嘅！！！

龍蝦湯。。。好滑，因為一粒渣都搵唔到，:huffy

好，再試下阿ＳＯ極力推介嘅ＢＢＱ先：

１）燒蟃魚，嘩，皮同肉一樣咁厚，仲勁「聲」添呀！！

２）重頭戲：阿ＳＯ狂讚燒雞翼，冇得頂呀，剛剛喺個燒烤爐度攞出尼，竟然又係凍嘅，外表方面，尚算潔淨，因為係「白ＬＡＩ　ＳＡＩ」嘅；仲有味道方面，一個字：冇！！！

不過環境真係唔錯，好清優，仲有噴水池添！唔單止咁，仲唔使怕冇位添

呀，順帶一提，用膳時間為下午７點至１０點半，不過８點半已開始有打「樣」現象，所以都係早啲去好！！

所以話。。。咁嘅ＢＵＦＦＥＴ，要＄１２８，真係搵唔到！！！

聽聞阿蘇介紹科學園有好去處, 咁昨日就一行12人去見識下。去到之後四周環境都ok, 幾舒服。
至於食方面, 一早就打電話一心想去book位, 點知個電話一係就唔通, 一係通咗就冇人聽, 我足足打咗至少20次左右, 終於有人聽電話。我就講要book位, 點知回覆係最快都要book到去11月份先有得食。當時心想係咪真係咁得, 咁好食。結果, 昨日去到見到好多座位都係吉的, 之後走埋去問佢哋的職員又答我有位食自助餐, 咁我哋就坐低試下。原本自助餐係由6:30開始的, 點知到最後講7:00先開始, 咁就一心等啦, 點知又未夠7:00已經見到好多人排隊開始取食物。真係一時一樣。好啦, 開始食啦, 真係...... 熱食唔夠熱, 凍食唔夠凍, d嘢食又冇味, d食物盤經常吉的, 唔係俾人攞晒, 只係佢哋出唔切d菜。仲搞笑的, 食到9:00原本都打算走頭, 點知佢哋先出d 蝦, 炭燒蠔, 一心又係試啦, 點知..... d蠔真係唔知係咪用鹽醃的, 咸到你想死, 一人仲只係限取2隻！昨日聽到好多人都講係睇完阿蘇的介紹去, 今次阿蘇真係俾人唱衰晒囉！總括︰食完得個嬲字, 不如返沙田市中心食大家樂好過, 我哋一行12人去酒樓食一圍全包宴都仲抵d啊！

係附近踏完單車,之後去左呢到食自助餐(夜晚),6點已經到左,但係要我地等到6;40先拎得野食,(P:S我地24個人去食;同埋訂左位)
之後開始食,並唔係想像中咁好,好多野食都冇味同有怪味,仲有d燒雞翼係唔熟ga(有血)
從來未食過咁難食ga自助餐,裡面環境好似d飯堂咁,食完野仲要自己拎開d碟,完全冇人幫你拾,如果想去呢到食ga話就唔好抱太大ga希望啦(我地都係睇左蘇GOOD先中招去食)..仲有佢d野食完全唔值$150呢個價錢(如果冇優惠卷ga話就仲唔抵)

和朋友踏完單車晚飯，十多人去了這阿蘇「推介」的自助餐，之前還特地訂位!

乘後一架的士，先頭部隊已從電話中傳來不太好的聲音。

到了，心涼了一截: 差得要命!

先是文革形式的糧票: 湯票(每人一碗)、蝦票(每人三隻所謂大蝦)、汽水票(每人一罐)

沙律沒人排，但肉類就差了。

雖然廚房弄得全場濃煙，但90%的盤是吉的。補充過的盤不消三分鐘就給哄搶光了!

蒜蓉肉掛是乾、冷、硬 ! 配給的幔魚只得可憐的三兩塊!

更甚是有食客在排隊配給時打尖爭吵，互相問候全家 ... 傳來餐具狠狠著地聲 ..... 怪不得烤肉配給隊由壯男廚師主理!

... 吃自助餐到如斯田地 ... 很難不掃興 ...

甜品全靠朋友搶到些耶汁西米糕，一人一件硬幣大的西米糕 !

一晚下來吃得最多是油油的春卷和咖哩角 ....

回家還要立刻洗掉身上燒焦的氣味

But don't expect too much, 比$90, 有景有涼風有噴泉有野食.... 唔好要求有$300金鐘酒店既野食喎...係唔會有魚生壽司生豪架....

都係睇過阿蘇, 知道呢道幾平($90一位), 又可以坐室外同朋友吹水食飯, 仲可以食煙, 所以今日同老死兩公婆老遠死入去試下, 食物就 :

泰式Papaya Salad -- OK 啦, 不過都幾Spicy
Salad 菜 -- 好食架, 因為有Aloha菜同火箭菜, 有時大酒店食都未必有..
泰式鳳爪 -- OK 啦
瑞士汁雞翼 -- 好食
龍蝦湯 -- 好
司華力腸 -- OK 啦

其他如, 煎雞扒, 煎雞骴, 燒RIB, (樣)雞翼, 燒蝦, 都係冇乜味, 好似冇調好味咁. 入得口囉...平時食大廚老公d餸又可能太濃味, 所以覺得淡, 不過都係淡左d

不過有生果, 甜品有旦糕(好快比人攞晒), 好在都仲有涼粉(OK啦).

$90算係咁啦..d食客都好有規距, 都會排隊.. d員工同服務都好好, 最後食剩件西瓜, 個收碟姐姐都好有禮貌地叫我地食埋去, 大家都好開心tim...

呢餐算係咁啦, 不過就會有排先會再黎食, 除非下次入開黎踩單車啦....

我昨日2:35pm 去到 ! 已沒有任何自助餐, 我一心都是想食期他 !
因 亞蘇之前介紹都係自買食物 !
點知咩都無 ! 只係 2:35pm, 石頭鍋飯又無, 湯麵又無 ! 真係無引 !
算喇一心帶媽媽來到,出面池邊環境又好 ! 點知咩都無得食 ! 好慘 !
清潔叔叔態度好, 一舉手, 佢會比反應你,會過來清潔 !
但收銀處d姐姐仔就態度就唔多好喇 ! 個個做度火火地 !
老板應該要再考慮吓喇, 浪費咗個環境同亞蘇個介紹 !
我給 50分 !

有屋企人生日,被繳請去呢間餐廳食飯(事前唔知係食buffet,亦唔知係去科學園)
一入到去,嘩...煙霧迷曼,以為火燭呀,再行,以為自己去咗廚房到食飯
我哋一行11個人,佢竟然安排2張枱俾我哋,而唔係一張,要我哋分開前後排坐仲要安排我哋坐向攞嘢食側邊,本來都係好事(對正常buffet嚟講囉),但呢間....成日都有一條好長嘅人龍向到排隊攞嘢食,向你張枱旁邊排囉,睇住你食嘢咁囉
都唔知點解,咁大間餐廳,又咁多個bar area,但佢要將所有嘢食迫埋向一個角落,係咪咁樣睇落去會多d嘢食?把鬼啦,一眼見哂,多極有限!仲要無時無刻都有一條長長嘅人龍排隊攞嘢食,個個又帶住條手帶,攞住隻碟,好似監犯咁排隊攞飯
俾錢時,佢又會俾兩張飛你,一張係湯,一張係蝦....真係唔明,點解湯同蝦都要限量,又唔係咩名貴嘢,仲話泰式buffet,連泰式魚翅都冇呀!佢都有蟹,但霉架,佢又有青口,但有怪咪囉! 甜品? 得涼粉同唔知咩糕(因為唔同色都係同一個味---超甜) 連泰式粟米糕,芒果黑糯米都冇呀!
我成晚只係食咗so called瑞士雞亦,同蘋果salad,唔係話好食所以食,而係跟本其他嘢都唔好食,呢兩樣係可以擺入口咁囉
啲咁嘅質數同嘢食仲可以收位位hkd150,真係下次有人請都唔去

前食家 LEO 所提供的相片,和電視節目中介紹,完全係兩件事.

6點半到達已經見有人排隊等入餐廳,
大約七點可以入座,
要買票先,90元包一罐飲料,一條紙手帶,同蝦票和湯票各一張.
不過要自己搵位,(又唔早講,)

至於食物就有
沙律,泰式鳳爪,
瑞士雞翼,雞脾,腸仔,肉丸,
菜....等等,
到走時先至見到有蟹.
不過只是一般快餐店品質,
不過不失.

唔講食物,講環境,
又唔差,坐池邊很好呀,

一行七個人,自己帶了兩瓶紅酒飲,
和朋友聊聊天,
一個聚會的好地方.

有室外坐位, 對住個水池都幾靚, 有情調

一如樓上各位版友所講, 食物 , 冇乜野揀不特止, 大部份都係煎煎炸炸, 冇味, 太油
係得個沙律吧比較接近一般自動餐, 其他類別都冇乜野揀兼難食.

有個龍蝦湯, 稀左少少但都 OK, 不過就實施 "配給", 每人只淮飲一碗, 唔係任飲

仲有個炒蝦又係配給, 每人只淮食兩隻, 咁就即管埋去睇下有乜咁巴閉啦, 點知一上碟 .... 霉既, 死左十年既死蝦.

偶然會出0的特色食物, 但當然又係排餐死鬥搶

最唔掂就係飲品同甜品, 雖然大部份中下價自助餐都唔包任飲, 但都冇理由只係俾一罐汔水丫 ! 仲要唔係 COCA COLA, 係 MIRINDA 炸, 清水要自己走出去水吧問佢拿 (唔凍, 冇冰的), 更加唔好旨望佢會有人埋黎幫你斟水. 咖啡奶茶果0的, 俾錢都冇得飲 !

甜品嘛 ....... 近乎沒有, 只係有一大兜水汪汪既涼粉, 蛋糕就成晚咁長只得一盆, 一盆蛋糕俾 200 個人分囉, 連水果都衰過人, 半個鐘先拿一盆出黎, 結果攪到0的人股噪, 先至勉強再拿一盆哈蜜瓜.

日式食品 -> 冇
壽司 -> 冇
雪糕 -> 都冇 !

食到8 點幾, 0的客開始埋單離場, 就索性乜都唔出, 執野收工

雖然佢既價錢只係一般自助餐既一半, 但我都寧願俾 $2XX 去尖沙咀食, 怕貴既就最多夜0的先去食宵夜 BUFFET. 呢0的錢, 真係唔好慳.

一句到尾, 以後都唔會去.

(太勞氣, 可能有好多錯字, 請見諒)

從來未試過食完自助餐後仍然覺得肚餓，我地返到屋企都仲要煮野食填肚；今晚一行四人去咗科學園Fresh食自助餐，之前睇食評都話呢間野好唔掂，以為d人要求高，但係我地去咗呢間野之後就非常後悔和一肚氣，我地喺晚上6:45已去到，當時出去周圍睇食物盆有什麼食物，發覺有好多鐵盆內係空空如也的，以為未擺好食物，點知再過多一陣出去，情況依舊，之後去了一個燒烤爐的櫃檯排隊輪候食物，當燒烤爐入面那些廚師將一盆食物遞出來放在鐵盆上時，那些人便不排隊蜂擁而上地搶食物，我們三個人出去也都攞唔到一件食物，之後一路都係圍在燒烤爐的櫃檯等候著廚師正在燒著的魷魚，正在等候的時候，有其他一齊在等候的人已經話無乜野食，係完全無野食，大家都在搶食的原因係根本無食物拿出來比人食，唔好話比你選擇，係無野比你食，等廚房燒完魷魚時已係4個字了，根本d魷魚一早已熟了，個廚師亦不會夾起攞出來比你地，到攞出來時魷魚係已經燒焦了，黑到成舊炭，苦到食唔到，各人都表示不會再光顧；那個龍蝦湯係勁難飲，其實係煲燶了，其實這間Fresh係無一樣野係食得落口。

一直都係圍在燒烤爐的櫃檯等候著廚師遞出食物到鐵盆，我們才取食物，跟住這一次在等候廚師燒羊架，等了半個鐘將近燒完攞出來的時候，個廚師竟然說要攞羊架的要在另一邊排隊，我便說我們已等了半個鐘，你先至話要在另一邊排隊，有無攪錯，點解唔早d出聲？當時有一個女樓面前來收鐵盆時，聽到我們的不滿，態度好惡劣和極之囂張地話我地：咁你唔問？ 然後我老公便鬧她：我比錢嚟食野要我問你？你有無攪錯呀？ 然後她才說唔好意思，我唔係咁嘅意思，當我講錯囉！(比錢去食野無野食之餘，仲要好似要受佢地氣，90元剩係比你得一罐野飲，到飲完之後連水都唔比你飲，問佢要水都話無連廚房都無哂水，話煲唔切水！呢度啱d挑戰自己忍耐力有幾強的人士！)

一直d鐵盆佔9成都係空空如也的，剩低那一成係”淋”哂和標哂油的春卷、無味的西蘭花、翠玉瓜，西蘭花和翠玉瓜都係又梅又黃又爛哂一pat野，全部盆都係得一些人地攞剩的冷飯菜汁，兩個鐘頭內只加一至兩盆食物，但加親都係爛菜、腸，完全沒有雜誌廣告所刊登的食物，仲有蘇絲黃在節目中介紹的炸魚薯條都是沒有的，無一間食自助餐的食肆(包括酒樓任食)會好似呢間Fresh咁差，我地百份之百無吹水，我地四個人比了360元只換來4罐飲品，之外都無野比我地食，如果你要我比十個係最差的得分，我會比夠100個差比佢，呢個世界上都無一間食肆可以差得過佢。

你呃得人地一次入嚟食，唔會再有下次，而且會一傳十，十傳百的傳開去，遲早都會玩完！

經朋友介紹後跟男朋友到來食晚飯, 朋友說食物不過不失, 主要欣賞身邊景色, 朋友亦留了電話給我留位, 但電話一直不通...
去到已經7.30左右, 眼見餐廳裡還有大量位置, 飛奔過去問receptionist, 點知佢話full咗要留waiting list, 問佢要等幾耐, 佢就話:「無位喎, 等呀...等半個至一個鐘喎...」, 之後同佢講反佢地個電話唔通, 佢就話:「係咩, 唔知喎!」...好啦, 都等啦, 科學園都無咩其他選擇...都5分鐘過後再問一問已經有位吉咗出嚟, 本來好開心有得食喇, 但係入到去有另一個人帶我地俾錢入場, 等俾錢o個陣o個個女侍應同我地講:「你地可唔可以快d呀?我好忙架!」, 我地都想快d呀, 係你地個casier慢咋!!!
我同男朋友坐咗o係outdoor度, 跟本就無咩人....點解個reception會同我地講full house呢??

到食物, 完全係難民營食物, 司華力腸, 瑞士雞翼, 雞脾, 粟米斑腩, 西蘭花.....一大盤...d人又不停搶.....又難食, 全部肉都係「鞋」, 完全一d肉味都無, 尤其個羊架, 又細又難食, d羊脂又未熟, 一放入口即吐反出嚟...d鱔燒到燶哂...龍蝦湯兩啖就飲哂...無一樣野係好食, 普通茶記都好食過佢...

仲有一樣拎我地好唔開心, 我地每個人都有拎肉類, 蝦同湯嘅食物卡, 男朋友去排隊拎羊架o個陣排佢前面d人拎得好大碟, 講明1人1份, 到我地嘅時候, 得細細塊羊架....我地全晚排隊仲多過食野....完全係食唔落!!!

我好記得o個度有張紙寫「請勿浪費食物, 否則要作出賠償」,我覺得唔係我地浪費食物囉, 而係科學園嘅廚司囉!!!我唔會再嚟呢間餐廳, 太失望了!!!!

呢間餐廳..(可能係快餐,美食廣場) 我都有留意..原因工作關係經常需到..

近日在網上看見部份食客批評及食評有天堂地獄分別!

好的說到天上有地下無..而不好的亦有多個所以..昨日收工去一轉..

6:00 多一點去到..因為未正式開始(06:30)...所以先看看食品才決定是否比錢..
我同佢地員工可否去看看才決定..佢地說無問題...

1. 主要食品種類 (8盆 x 2款) 共16種中西日式選擇

2. 賣相..(因未開始比客人取..都幾正!)

3. 生果,沙拉,甜品 (約十款)

最後看了表面証供Ok 比$ 88 連1 No 汽水!

食品整體質數我會比 7/10 分 (10分滿分)

環境 我會比 9/10 分 (10分滿分)

員工 我會比 6/10 分 (10分滿分) ---因為正如之前食評說真係有員工食煙!

最後都係$88 對比環境,食品種類都算底....可以一試!
如果計$28係環境$60係食品(都Ok啦!)

久未見面的朋友剛從外國回來,相討後決定來這間雜誌介紹過的餐廳一試.
這間餐廳要是無看過雜誌都不知它的存在,因為實在偏得緊要,當我們到步後餐廳的員工說可讓我們先看看食物款式後俾錢入場食野,當時我地心諗都山長水遠入到黎,幾差都要食,但係我地都去行一圈看看,結果我地看見食物款式少得可憐,只有8個爐,我心裡即時萌起想走的念頭,但奈可附近只有這一間餐廳,又無理由山長水遠黎到就咁就走左去,我終於明白為何這餐廳要開係咁偏嘅位置,原來就係靠咁樣去呃啲客入去係野最後我地都抱住一個純粹有個地方可以坐低食下野吹下水嘅心態入去.
起初我地自我安慰食物款式少,但好味咪得lo,但原來係錯,係大錯突錯,先講啲炒麵同意粉,一個就太"林",一個就太乾,想點呀新食法呀,係咪要攪埋一齊食balance返呀,到個啲炸野,啲皮咬落去都係"林"嘅,算啦我同我個friend都係坐低飲野算,好彩啲飲品係罐裝,如果係自己斟個啲我相信間餐廳又會加大量冰.還想起當我地俾完錢後該員工俾左張意見書我地,同我地講話出品部的員工換哂,希望可以比啲意見,咁我相信一係這餐廳之前啲食物水準更差,一係這餐廳的老闆請錯了出品部的人.
題外話,我看過這餐廳之前的食評,發現應該有這餐廳的員工在這褢扮食客打食評,還留言大罵其他不滿意這餐廳的真食客,其實你地不如反省下,做好出品部,在這褢打假食評係無用,就算比你呃到人去,人地最多去一次.話個buffet150蚊無資格要求咁多,打開門口做生意,你收得我錢,我就有資格評論你,而且你都有責任做到最好,依d係商業道德,良知同良心.唔通我落樓下買廿蚊一個飯,發現d野變壞過左期,我又唔可以出聲咩!