影片
附加資料
星期一至五：成人$90；小童/長者$70
星期六、日、假期：成人$100；小童/長者$80
免開爐費
營業時間
星期一至五: 18:00-:02:00; 星期六至日及公眾假期: 16:00-02:00
以上資料只供參考, 請與餐廳確認詳情
我哋一行6人已經唔係第一次嚟呢間燒烤場，天氣比較熱，但仍然好多人 可能因為呢度有房有冷氣，燒到熱就入房涼冷氣 呢間係任食場，啲嘢食樣樣都好好味，我最欣賞佢嘅豬仔肶，直頭入晒味，加上唔係間間燒烤場有豬仔肶食，呢度嘅雞翼有幾種味，其實隻隻味都好好食，但我覺得咖哩味同蒜蓉味最好食，另外咖哩魷魚好好味，我食到唔停，而雞腎亦都好正，食到停唔到口係啲墨魚丸就失色咗啲，因為比較粉 另外呢度啲調味，例如…牛油、辣醬、蒜蓉…全部係任攞，並不是其他場吓吓都要收費，我不停自製蒜蓉包，好好味。呢間嘢整體係幾好，所以我哋都經常三五知己嚟聚吓，我哋一邊劈酒一邊燒，真係好開心
繼續閱讀
真係超難食我未唸過bbq都可以咁不知所謂1) 雞無雞味,朱唔似朱,連獅子狗都冇味2) 蜜糖仲稀過水，搓最小3次先有d甜味3) 冇人加炭不特止,仲要包包計錢4) d野難食, 招夫又差, 搵鬼去咩5) 茄子又難食,好似食番薯咁, 又乾又冇味6) 千祺唔好食魷魚, 好似食腐屍7) d野難食,唸住食獅子狗同丸會好d啦, 點知仲衰. 好似粉餅8) 豬仔脾同牛柳粒正常少少, 叫做入得口就算全世界得返呢一間bbq, 我都唔會再去.
繼續閱讀
一早知呢到非常難去,所以已預先打電話去問清楚點去嗰到。個職員好有耐性同好好聲氣教你點去個燒烤場。講真呢個場九曲十三彎,入到元朗市中心再打多次去問,都重要揸半粒鐘先到嗰度。去到發現停車場幾大,開門唔會撞倒人地啲車,好過大尾篤燒烤王。行入去個職員安排個爐,搬埋張枱,可惜地方太近“市區”,喺石屎地燒烤有啲奇怪燒野食不外乎用料新鮮,呢度一般食物都有,每人兩張飲品卷可以換各樣飲品,選擇幾多。蒜蓉雞翼,豬排和羊排等肉類及丸應有盡有,味度不過不失,但醃料好唔入味,只可說啱晒鍾意淡味的食客。場地啲膠叉都幾難用,杯同紙又小,好彩我們帶了私夥用具。燒燒吓有職員主動問我地駛唔駛分開爐,又話可以幫我們安排一切,咁就冇咁迫。眼見越蒞越多人入蒞就冇謂阻人做生意,但都好多謝佢地主動協助。雖然冇唔該前多謝後,但職員係好有禮貌同誠懇對待客人,客人有什麼要求燒烤場人員永冇黑面或求其回應。最唔好就係安排派糖水時打晒鑼而食客又一窩蜂沖出去,好似孟蘭節派米咁,搞到啲食客好似前世未食過糖水,不尊重客人,所以我地都冇去攞。當晚燒烤場的巨形電視播掌上明珠大結局,個個人落足眼力去睇,好彩不嬲唔睇電視,當晚攞食物時都幾暢通無阻,如入無人之境,廣告前想攞乜就有乜。還有就係呢度畀人帶狗入去,方便啲狗主總括呢度服務應該好過菲律賓會呢種趕客燒烤場無限倍,而食物味度此終係大尾篤燒烤王贏晒。可惜呢度實在太遠,短期內再來機會應該不大後記: 編輯應該好尊重敬配鍾愛“美麗、心腸好、勤力、聰明、熱情、性格優秀和人類典範的大菲律賓共和國紳士淑女”,因為一比較菲律賓人的餐廳就話批評牠們是不當行為
繼續閱讀
今日朋友話耐冇燒烤 , 咁就擇日不如撞日 , 就約齊一班好友燒烤 , 見呢道食評有 15 個笑臉 , 原本諗住去老地方【大旗嶺偉記】, 咁我就突然通知轉一下新場試下啦。下午六時多我到達 , 大人入場費$90元 , 1.3米以下小童收$70元 。現場泊車地方好寬敞 , 駕車o黎都幾方便 , 泊低部車就已經係門口 , 唔使點行。兩個朋友一家大細都到達 , 現場地方都好大 , 可能個場尚係新關係 , 人數唔係太多 , 燒烤爐大致都係放系有瓦遮頭之下 , 外面空地無開爐 , 可以俾一大班細路仔玩 , 玩場有電子遊戲機、乒乓球、射籃球機、鞦韆及玩具車仔。可讓細路仔安心自己玩樂奔跑 , 因外地石屎空地都幾乾淨企理。我地一行十人多都係開一個爐 , 因為方便我地一班好友暢談 , 不過爐與爐之間空間都幾貼近 , 有種好淺窄感覺 , 出出入入都好似幾難。不過枱櫈算係幾乾淨 , 唔使自己再用紙巾拭抹。 講講食物先 , 食物醃得好鹹 . 食物供應安排方面 , 會俾一個食物盆限量拎食物 , 食完可以不停咁拎。但肉類未完全解凍 , 要燒好熟先冇未解凍雪味 , 但如果係牛肉類食物 , 因為通常唔會燒得太熟先食 , 但就因為咁樣食落勁大雪味 , 仲有種難以入口腥味添。雞扒最唔掂 , 一向急凍雞扒都係勁腥 , 就算屋企烹飪都要徹底解凍 , 又要放好多料酒及醃料去腥。呢道雞扒未完全解凍已經夠腥 , 醃料不足又冇酒味遮掩 , 燒熟哂食落口果種腥味 , 令我即刻吐番出o黎丟左。現場員工態度一般無咩笑容 , 但燒烤爐一帶一位哥哥仔 , 態度就非常唔錯又有禮貌。燒烤爐附近有電視機播放 , 又可以睇足球比賽。可能有左比較 , 同【偉記】比呢道肉類較差 , 選擇都比較少 , 同埋【偉記】擺張大枱放滿幾十樣食物 , 任人自己選擇自己去拎 , 蜜糖、牛油、粟米、蔬菜、膠手套、膠刀叉、紙杯碟等 , 而且定時定候打鑼打鼓 , 有各式和樣糖水或涼茶供應 , 較有氣氛。我見現場客人大多係年輕一族 , 相信佢地都係少試其他燒烤場 , 如果以呢個場o黎講唔會差 , 但就唔多適合我地玩囉。不過如果假日時節 , 呢道應該易搵位較寬闊 , 始終個場都新。有一樣值得重點稱讚 , 現場係比其他任何一個場『乾淨企理』~
繼續閱讀
平時BBQ我們都去開龍鼓灘的朱古力,今次因為想試'新野',決定去有好多好評的好之味!為安全,下午一點鐘我們打電話去燒烤場問開店時間和收費.接聽電話的男人說收費是$98一位,嚷著我們要下午四點才好到達,因為BBQ場是開四點.我們三點五十分就到了,看到有一家庭在等待,於是就走去問問.應是老闆娘的阿姨說店未開齊,很客氣咁叫我們入來坐著等店內有很多店員,全部也著手執拾枱面,掃地等,我看到有多個大垃圾箱的垃圾也未處理.(應該是昨晚完場後未執過)我們等到四點十分,只見店員仍忙著執枱,突然老闆娘阿姨走來向我們說"就得就得",然後又走了去.期間望望食物部,什麼食物也沒有,不知道兩位店員在食物部忙什麼了...勁耐心等待期間,給我們看到一位店員小姐將拖完廚房的地拖(她由廚房行出來),放在場內的大型洗手盤中....清潔看到那純熟CHOK地拖的動作,証明做慣做熟...我和老友看完後面色一沈,加上本人有某程度上潔癖.......................看一看電話,時間是四點半,我小聲問老友走不走?老友隨即說好然後我們就逃離此地.順帶一提,老闆娘阿姨已不知去了邊,而多位店員這一刻才開始執垃圾!!!!眼見BBQ爐未處理啦,枱面未蓋枱布啦等等,如果執意等的話,不知道六點開始得未啦?!!!
繼續閱讀