本人好鍾意食意粉 ,細細個跟爸爸媽媽成日去意粉屋
聽聞意粉屋開左一條新line, 價錢同選擇都較年青人適合
於是, 係男友生日個日簡左黎食呢間試下啦

環境方面都唔會好似意粉屋咁要注重儀態
講野都可以大聲Ｄ
見到都好多人一大班人黎食
而且我都覺得一大班人會抵食Ｄ
可以試多Ｄ唔同既野

服務方面, 梗係相當好啦! 唔會令你有不滿既地方
有唔滿意佢地都會即刻解決!

今日唔係太肚餓, 本身同男友2個都係大食之人!
但我地叫左個"豬仔骨"同紅酒後...
已經好飽飽啦....
雖然個豬仔骨$88, 但係好多好大架...2個人食到後尾都差D 頂唔順..
個意粉真係好正呀>V<!!
呢個紅酒燴雞扒意粉好值得推介！
不過冇乜酒味架, 如果閣下以為有酒味就可能覺得唔好
不過個汁都幾好味架!
下次都會再叫!!!!!!!!!!!!

勁鐘意食意粉, 所以見到餐廳個名都好吸引! 今晚約左舊同學們係沙田食飯就揀左黎呢到食.

即日打電話黎BOOK訂, 要過半數先比入, HOLD枱只HOLD 5分鐘. 好嚴呀~~~ 不過星期五晚新城市到到都咁多人, 訂到位唔駛好似rt咁話walkin都要8點半後已經算係萬幸.

款款野都想試, 結果點下點下好似點左好多咁.

Carbonara: 個汁好creamy, 但係好似唔係好夠味咁.
小龍蝦配墨汁石頭窩飯: 個石頭窩真係好熱呀, 食左半餐飯之後再食仲係會出煙. 口感ok但係都係無咩味
豬仔骨配薯角+沙律: ribs焗得有少少過頭, 所以想好斯文咁用刀叉食係食唔到既, 係用手既協助之下就ok啦. 反而個薯角幾好味喎, 搶晒d ribs鏡.
煙三魚厚底pizza: 本人對佢招牌既脆底pizza無咩興趣, 所以點左個厚底. 都幾足料既... 但係.. 芝士味道唔夠濃.
芝士肉醬薯條: 個肉醬汁煮得麻麻, 無左一般gravy有既香味.
雞翼: 普通啦

總括黎講, 呢間野既食物質素普通, 無咩過人之處. 不過我就覺得佢地既servic幾好. 會主動問我哋駛唔駛提供兒童餐具比小朋友, 我哋由7點幾坐到10點都唔會話想趕我哋走. 仲不斷有水加tim. 反正係新城市無咩地方可以比我同班朋友平平地食餐飯坐個夠. 呢到都係一個聚會不錯既選擇黎既!

記得上一次去山頂的Spaghetti 360即象深刻,
今次行沙田的時候,
見到水牌話呢度都有Spaghetti 360,
即刻去搵位食

去到Spaghetti 360之後,
發覺間野唔係好大間,
位同位之間都唔似山頂果間咁闊落

Order左個City bank優惠套餐,
再加多個和風薯條,芝士肉醬薯條,同埋炸洋蔥圈
d野食好快就黎左啦

但係整體上的食物較淡,
份量都唔算大份,
其實唔可以話唔好食,但係就真係冇咁特別,
所以..........下次都係幫襯番山頂分店........

閒日約朋友係沙田食飯，一齊試下意粉360
入到去，侍應帶位到中間位置，我地要求調去梳化位坐
唔駛一陣，佢地見有人走就執位比我地，服務加分呀

兩人點左人氣二人套餐

黃金海岸: 即菠蘿加橙汁加椰奶調製而成
味道酸酸甜甜帶點椰奶香，清清地，幾好飲

意大利菜湯: 飲落小小辣，酸酸地，湯濃郁材料豐富

海鹽燒牛舌伴香蒜脆多士: 多士香脆，有著濃濃蒜蓉味，
燒牛舌粒軟綿綿，口感豐腴，有著香濃牛味，沾小小黑醋食更惹味

Carbonara: sauce味道香濃而且creamy，芝士溶到包住每條意粉
意粉整得岩岩好，有咬口唔會太淋，簡單而美味，正!!!

和風蕃茄咖哩一口豬熱石窩飯: 一口豬乾身，硬屈屈的，
蕃茄咖哩汁超小兼夾食唔出咖哩味，成個石窩飯好dry，唔得

食畢，飽到食唔落甜品，原本諗住試朱古力甜心蛋糕嫁，
好唔開心，唯有等下次啦!!!

看罷Dior & 肥姐展覽,步行往新城市吃lunch…全沒心水,隨便的走進此餐廳。
甫入內,打量四周尋覓是什麼集團食肆…餐牌選擇多,點了香草蘑菇烤雞意粉套餐($72)及雜菜鮮茄石頭煱飯套餐($64),餐湯乃例牌是紅、白湯,沒什麼特別;但忌廉蘑菇湯比較有菇味,而紅湯則淡了點!
香草蘑菇烤雞意粉- 初啖一口,沒有香草味及偏淡,但吃多幾口,就覺味道剛好,可能配料「沉底兼浸住啲意粉」掛,意粉如果煙韌少少就更好!而蘑菇帶鮮香味,烤雞又幾嫩及香口,幾好幾好!
雜菜鮮茄石頭煱飯- 很新鮮的蕃茄味,雜菜很清淡,似媽媽煮菜一樣,簡單、天然! 熱熱的石頭煱令白飯有一點點「飯焦」,既香且脆,不錯!
餐茶一貫餐廳水準,不作評論。
結賬時方知此餐廳乃大家樂集團旗下意粉屋之食店,看他們想另闢一系年青簡約版的意粉屋!走着瞧!

聽日講話好好味...咁去試下囉.....
我諗其實本身應該係唔差既....可能趕收工瓜~~
衰左自己夜左去囉~~~
都可以接受既...有機會下次試下早d去~~

今日去新坊市, 試左呢間under Spaghetti House 既 Spaghetti 260.

我同老婆order 左個 2 人 set dinner, 有蘇疲湯, 雞軟骨, 石頭碢墨魚汁飯, 360 pizza, 再加$8 換特飲同加$18 加個蛋糕雪糕dessert.

食物味道唔錯, 服務員態度好好, 座位都幾好, 可以再去

尋日去到沙田食夜晚
諗左好耐唔知食乜好
因為好似新城市所有店都食過哂
咁就走左過一田
落到地下睇下有咩食
揀左幾間,甘味又食過,食素果間好似又唔安全,嚼江南又貴得滯
pizza hut,kfc唔洗諗,元氣no唔想食sushi
咁見到中間開左間奇特野咁就試下啦~!!原來佢係意粉屋開的
2個人入到去叫左一個~~~>燒豬仔骨配薯角+凱撒沙律
同埋一個~~~>龍蝦汁配墨汁海鮮飯
我覺得一定要試下個招牌菜豬仔骨<<,檢視過其他人食應該安全
食落好腍中間果d~但係到到邊邊果d~好硬~有d燶,切唔開~但係中間果d燒得香,個汁都ok match~係個沙拉冇味~
龍蝦汁配墨汁海鮮飯<<賣相好似好核突,但係好好味~有特色~有墨汁的得2個,,小龍蝦果個又單調左d~所以揀左個海鮮飯
飯上面有芝士.龍蝦汁,蝦,墨魚,有菜@@,如果冇左龍蝦汁應該可以byebye
總結黎講都係好味既

作為意粉屋的旗艦店，這裡的最大賣點，是食譜上的顛覆，內裡竟然加入了大量的Fusion菜式，以韓式的石窩燒飯作為主打，有時和家人吃「西餐」，最難解決的就是主食的問題，如果只得意粉或者Pizza，未必適合他們口味，有了這些飯食，可平衡到各方的需要。

週日的開門時段，店家亦有所優惠，只要在指定時間前結帳，可用優惠價享用一系列的午餐，四個人來了三個午餐，先來幾個酥皮焗湯，全部都是即叫即造，上桌雖然需時，每一個都是熱燙的，和快餐店的完全是兩回事，酥皮賣相堅挺，切開下十分鬆化，內裡的菜湯和滑溜的忌廉啺，也不是罐頭湯可比擬，足見店方的誠意。

當日的石窩飯，分別有牛舌風味和吉烈咖喱一口豬，上桌後加以攪拌，好令石窩餘熱煮出飯焦，用的是珍珠米，口感十分煙韌，最精彩是丁方的牛舌肉，口感十分軟熟鬆化，牛味也十足，伴上飯身，比那些一堆汁的焗飯好吃得多了。相比下的咖喱一口豬來得硬了一點了，可幸咖喱汁味道也不俗。

另有煙三文魚Pizza，雖然是厚批，也不是「必勝客」那種厚如麵包的，勝在口感鬆軟，餡料有蟹籽、雞蛋、千島汁和煙三文魚等，味道也是不俗。

臨尾的飲品除了有即磨咖啡之外，妹子加了錢，換了一杯以玫瑰為名的特飲，據當事人而言甚有花香，只是甜了一點.......四個人三個餐，約吃了一百六十元，得得甚為飽足，加上開放式的環境，有了好印象，應該可以再來。

為左慶祝本人第360個食評，所以就搵左呢間餐廳。原來此店乃意粉屋集團成員....呀

唔好以為佢間野細細地，d野都幾貴! 冇午餐俾你揀，全部a la carte! 兩個人叫左一個有蘑菇既意粉(個名都唔記得)、煙三文魚pizza，咁就每人食左$70! 貴! 仲要唔好食! 個蘑菇意粉賣相唔差，但係味道就冇特別，仲有拌碟既蒜蓉飽係韌既! 另外個pizza，完全唔覺得有味道...係咁易有少少煙三文魚既鹹味....而且賣相好港式，pizza hut好食過佢喇!

意屋粉集團既出品真係令我好失望，以後都唔好再叫我去意粉屋!

同細妹行住街等埋男朋友過黎食飯
本來想食pizza hut, 但齊人果陣人地已經last order

咁過對面食新野啦~~ 橫掂之前都有朋友話呢間pizza 好食

我地點左炸洋蔥圈、芝士肉醬薯條、雞翼串燒同日式唔知咩pizza
應該點錯野.... 三樣炸野咁樣食真係好膩

炸洋蔥圈 三個都食唔停口, 幾好味
芝士肉醬薯條 呢碟一黎到個感覺似瘋薯, 而且個人比較喜歡脆脆地硬硬地既薯條, 可惜係稔的, 男朋友同我相反, 食到lam lam 利
雞翼串燒 有少少辣粉係面, 細妹唔食得辣都食左兩隻, 但我覺得比較乾身, 下次都唔會再叫呢樣

最後重頭戲~~日式pizza薄批!! 朋友之前已經再三強調薄批好食, 原來真係有驚喜, 脫脫地, 三個都好欣賞
可惜pizza一黎到我就掛住食...唔記得影相

如果我下次再黎都應該係為左個pizza 架咋~~ 小食真係麻麻
或者試下其他意粉啦

好好食架, 我同男朋友order左個DBS套餐, 有湯, 意粉, pizza, 蝦沙律, 凍啡+凍檸茶, 找數$190
湯另加$8轉酥皮, 酥皮好酥好鬆, 好味的
蝦沙律, 最難得係隻蝦無雪味
pizza又溥又脆
整體很不錯, 凍檸茶個茶就可惜唔夠味

不過, 要提提大家, 如果唔鐘意奶或芝士, 就要叫第二樣呀!!!

一直留意呢間野.. 經過上網做完資料搜查後上星期六終於黎左試
同一位女性朋友..一行二女士
因為已經９點幾. 去到雖然仲要等位. 但係好彩只係等兩張
好快有位啦 . 不過留意到有張卡位汁緊. 侍應女都好識做. 問我地洗唔洗等個張
個場係有一半係商場. 有少少露天FEEL

揀左個２xx＄既２人餐..
有酥皮三文魚湯x２
有一碟小食,, 我地揀左雞軟骨
２個主菜..有飯有意粉.. 我地貪心d 揀左兩個飯
　一個小龍蝦石頭窩飯。一個雞扒鰻魚石頭窩飯
　另外有２杯野飲啦～

最先上係雞軟骨。　估唔到仲快過ｄ湯..
唔太夠熱～脆就夠脆。　配埋蛋黃醬,,可以咸少少
之後個湯上.. 熱辣辣 ..掂！

跟住係雞扒飯.. 上台仲"渣渣"聲仲好香 .. 因為未飲完湯 ..比我地冷落左
過左陣龍蝦飯都上埋. 個飯係墨魚汁. 配埋芝士其實好香..
二話不說即分左黎食先.. 個雞扒飯再度忽略埋
可能ｄ汁唔夠.. 冇我想像中甘好食. 不過整體黎講其實幾好

食完個龍蝦飯其實有少少濟. 因為有芝士..
再分埋個雞扒飯食.. 已經有少少失色, 因為比我地搞到唔太熱
加上已經有少少飽. 後尾要靠第三位友人幫手食先食得晒
鰻魚有少少惺 ,, 雞扒冇咩特別.. 個飯底就OK既.

其實上過黎睇食評先去食. 好多位師兄都話佢地加水速度好快.
不過我食晒D飯個一刻先有人幫我加水. 我隻杯已經空左好耐
餐飲叫左熱檸水. 因為大細杯兩啖飲晒.. 此時佢幫我加暖水正可以倒落去飲多杯

整體來說OK既~ 實有下次.連埋加一每人11X$落樓~

坐低睇左好一陣menu都唔知想食咩
我比較細食, 佢本身小食唔多+唔係好吸引... 諗左好耐最終決定要set
選左 $208 果set, 包括湯，ｔｅａ／ｃｏｆｆｅ，　一個小食，　２個主菜

個湯好味, 好濃的cream味, 不過飲落去又唔係'流'
小食要左雜菜, 好淡, 完全係原味(咁岩我like), 不過食完見到隔離台果有跟salt & black pepper 先知原來佢俾漏左... 真係好在我不嬲鐘意食ｓａｌａｄ

主菜有2個 要左360 pizza, 要左薄批，味道OK, 可惜有小小over cook, 個邊係苦的,,,

另一個要左蟹子海鮮香草意枌
首先, 係冇咩海解, 份量有幾多可以睇下最尾張相, 我分左碟之後 就得咁多...當然, 意枌的量唔止咁小, 我指D"海鮮" 係咁小遮 我男友比我多隻蝦咁囉...that's all...

仲有, 佢係有好多香草, 不過就一D都唔香

真係有D失望, 普通得來仲要失水準...
如果around $100-130 會合理D
lunch 的價錢會抵D
應該唔會再去食晚餐

BOK BOK BOK 石鍋 !!!!!

本來拿了飛, 但過咗去睇一田TEE...結果遲了回來...號碼已過.
幸好NICE接待員見冇人等二人枱, 好快已經補上了一張.

一入去侍應都好NICE, 加水速度好快, 無論熱水冰水都未缺過..
其實佢地有BEA CARD PROMOTE, 有二人優惠餐同非酒精飲品一送一

但我地最終散叫 : 1) 洋蔥圈 2) 溫泉旦青露筍煙肉意大利粉 3) 龍蝦汁海鮮石鍋墨魚汁飯 4) 鐵板芝士雞軟骨餃子

唯一覺得不夠水準的是意粉, 比較硬身同乾....冇咩汁, 煙肉又太搶...攪到露筍冇哂味, 溫泉旦又過熟.....
洋蔥圈同鐵板芝士雞軟骨餃子雖然比較普通, 但都ABOVE AVERAGE.
龍蝦汁海鮮石鍋墨魚汁飯就要大讚, 上到枱仲"BOK BOK BOK" 咁滾住...又估唔到有芝士...配搭得宜