小南國進駐沙田一排，都未試過。
所以試吓喇！


我哋兩個人今次想食点心，所以冇叫餸。



1) 雞絲粉皮
之前我係尖東嗰間食過，覺得幾好食，我又一向都好鍾意食，所以今次点少得佢呢！
勁多雞絲，連埋麻醬一齊食，勁正！
而且份量幾多，都算抵食！

2) 糯米肉燒賣
一向都鍾意食糯米，所以要試吓糯米肉燒賣......
啲糯米唔會太多油，味道唔錯，唔覺勁多味精。

3) 小籠包
我哋都覺得今次失色咗，以前食開(第2間分店)嘅係皮薄、多肉汁嘅，但今次頂頂嘅皮略嫌厚咗啲，肉汁亦不算多，有啲失望！

4) 蟹粉鍋貼
意外驚喜！
冇諗過裏面真係有咁多蟹粉，加埋啲肉汁漏出嚟，勁正！

5) 上海排骨湯麵
排骨鬆軟香口，湯麵彈牙好食。湯底唔會太多味精，清清哋，唔錯！


我哋6点半前入座已經幾乎滿座，可能喱度地方唔算太大喇！
但裝修新派時尚，天花多盞水晶吊燈，華麗非常。

侍應服務幾好，上菜快，值得一試！

我地6個人去俱...每人成3百蚊到,雖然貴左小小....但都係值得..因為真係貨真價實~~~~~~d野都好fresh~~~
唔記得左叫左幾多樣野食..但就食得好飽飽~~~

我叫左雞都ok~但6個人食既份量岩岩好...
有個豆腐加皮蛋既東東就比較清~
章茶鴨望落乾身...但食上去既口感同味道一流~~好好食
有個用好多咸蛋黃+蝦=咸左小小...但d蝦就非常彈牙 爽口
四季豆賣相不太討好...但就外有小小脆幾得意//
莧菜金銀蛋就唔太突出,但就好食...
清炒河蝦真係好好好鮮味///////好正呀
蟹粉小龍包d皮好薄~~~好多汁~
仲有兩樣野唔記得名
甜品 :
酒釀小九子 + 好似南瓜紅豆餅>>唔係好記得個名 ==>非常好食,一定要試..
飲品 :叫左一"渣"咸柑桔桂花咁既野...幾潤喉~

環境都好光猛~~~
服務就真係唔錯,waiter同waitress個個都好勤力幫你加茶同換碟~~~
因為相比起王x沙好好多~~~上次去mk王x沙,要不停叫先肯幫你加水~~

吃這頓飯其實是五尾/六月一個星期五晚上的事, 忘了確實日期所以才免得打去它的客戶服務部投訴
本來昨日想到這裡吃生日飯, 不過為免又一肚氣, 去了旺角湘川滬, 水準稍遜, 不過吃得開心又扺, 才想到要向大家報告一下

先講食物:

最好吃的竟是信用卡送的一個糖醋排骨之類的菜, 細細粒一口一個, 很香口! 面頭咬上去像冰糖胡蘆的糖面, 醋的味道不是平日吃的那種一味只有酸而是有一種香味, 唔係唔係黑醋呢?很好吃!

醉雞: 入味肉幼但皮有多根黑色雞毛 --咁你話食好定唔食好呀? 最搞笑係我地唔想食飯都要費神理論, 所以由佢. 點知有個待應上其他菜時見到心知'奶'嘢, 話' D酒漏呀' ?咁就搶左碗雞走埋一邊, 撩左黑色毛果邊係碗低之後(!!!)俾返我地, WAHAHAHAHA 冇氣話佢

清抄蝦仁: 正常, 冇味精就好了

雞絲粉皮: 好吃! 個碗低個有驚喜, 係有沙律菜架! 早知就一早撈來吃啦

其他的都好, 最大問題係 --- 佢個Reception! 一個長頭髮二三十歲既大眼粗魯女人, 見到佢好運路走啦!
個度好多人等位, 個個都攞飛, 個reception 就好似啪左嘢咁, 唔耐煩咁俾一張飛就話個客一句 e.g. 唔係呀ma 又殺一個出黎?/ 係你講錯呀, 幾多位呀, 吓?!! 冇訂位呀.....etc, 仲係要叫到係避風塘等佢個d人都望過黎, 要人好尷尬啫, 同同事講起仲話見過同一個reception同個客好大聲嘈起上黎添

乜事呢? 未坐低先被當出氣袋, 都唔平呀大排檔仲好招乎過佢! 遲d霸王山莊都開la,唔洗食佢, 請個咁既人係接待位趕客真係英明!

同理d位都好迫, 我地食飯都鄰桌同様無禮ge呀叔猛'目及' 我地d餸,仲要點菜時隻手跨到我地個餸上空話要lee樣個樣, 你可以想像有幾'迫'

想和和氣氣食飯, 尤其同客/老人家/慶祝 等重要飯, 都係唔好搏啦, 廚房再好都有其他得擇la同區

人数：3个大人1个小童
菜式：
午市二人精选套餐+葱油拌面+香菇素菜包
送花生酥核桃酥（中银信用卡优惠）

虽然邻桌之间距离窄，但灯光够，人精神，胃口都好一些。

对菜式的整体感觉：虽然这个是上海菜馆，但已经十分本地化，没有正宗上海菜那么油和那么甜，十分适合广东人口味，由于上海菜又叫“本帮菜”，所以我在标题中写：“粤化”的“本帮菜”。

椒盐小黄鱼是我最欣赏的一道菜，不太咸，表面很脆，鱼脊和鱼尾的骨头都可以吃，鱼身里面的肉仍有水份，保留着鱼的鲜味。

酸甜小排骨其实不酸，属凉菜，保留了一定的上海特色，值得一试。

百叶卷其实是豆腐皮卷着碎菜叶，卖相不错，不过味道一般，而且碎菜页有渣，应有可以改善之处。

其他菜式中规中矩，没有什么意外。反而赠送的点心有些惊喜，样貌神似花生和核桃之余，内里的馅料是有分别用花生和核桃仁做的，不会太甜。

人手似乎偏少，服务生马不停蹄但有时仍难以兼顾。

结帐：HKD364，人均HKD91。
灯光够，灯光够，

以這店的價錢.食物質數叫差
我叫幾種食物係香麻餅最好食
連最普通小籠飽都無汁...唉
最可惡就係找數...仲有十元末找都唔找俾我.有點呃人的感覺

早兩日放假經過沙田，去了小南國食
我之前都有去過尖沙咀食過了

一定要試佢個沙律，ｄ汁好特別，唔同一般沙律醬，我覺得有ｄ　ｂｂｑ味
叫左一碟類似炒麵既麵，唔記得名，但好味，我覺得好食過佢地的上海粗炒
蟹粉小籠包好正！多湯汁，新鮮滾熱辣
臨尾叫左個糖水，好香桂花
菜肉雲吞比較普通

今日同Honey及朋友一行人去沙田市中心行街,搭電梯看見七樓有小南國,其實之前都有食過ga,都覺得不錯,於是一行人便去了小南國食飯.
一行三個人: 服務員小姐介紹我們吃二人套餐,再加一些點心,仲話用HSBC咭有嘢送tim...
1.糖醋骨,百業卷(凍食既)
2.雲吞雞湯,雲吞皮好滑,湯有雞味 不俗不俗
3.滑蛋蝦仁 (蛋滑,`蝦仁稍小了一點)服務員解釋 正宗上海菜河蝦是小的
4.炸魚仔 唔知咩魚 不過好夠味
5.菜粒炒飯 味道一般 稍為單調
6.小籠包 皮厚了一點 湯汁很多
7.煙燻魚(送既) ok
8.糖水 (都係送既) 補血既 正
埋單都係3百幾 比起其他上海店都算平喇

都無之前寫既咁差丫
兩個人去, 我地叫左小籠包, 上海菜炒飯, 雞絲粉皮, 雪梨紅蘿蔔糖水
都幾好味丫, 小籠包D皮好簿, 個炒飯清清地幾好味
可能食開清淡, 唯一係個雞絲粉皮咸左D
個糖水好特別呀! 幾滋潤!
整體來講都幾好
不過好多人等位~

昨晚數個朋友到沙田探我, 順便外出吃飯, 大家想吃上海菜, 於是提意到小南國, 上到去, 很快便有位, 但限制一個半小時要交枱, 坐到入去, 我朋友想食叉子燒餅, 佢服務員話唔新鮮, 介紹我地食成二百元的鴨 / 雞, 我地無埋佢; 跟住食食下又趕住俾個糖水牌我地叫糖水, 我個朋友開始唔likely, 有小小氣; 跟住幫我地落單個個侍應, 無端端送碟 叉子燒餅到我們枱上, 我個朋友出聲話佢, 頭先我地想叫, 你話唔好呀碼, 個女侍應話叫一碟好耐的, 咁你地叫唔叫呀, 我地反問佢, 你頭先唔係話耐, 係話唔新鮮, 佢唔出聲, 行開左。

我地之後想, 應該係覺得呢個菜平, 時間又耐, 費事做, 所以咪咁講, 我地成班話下次唔會再去, 費是勞氣。

平均消費 : $180 (for dinner) (for 4 adult and 1 child)
包括兩條小黃魚, 例牌碎雞, 海蜇頭, 二碟小籠飽, 一碟芝麻包, 一碟年糕, 一碗排骨麵, 炒河蝦, 一碟炒菜

呢日老婆生日前一日, 同外母一同到沙田找食, 外母之前已親自到此食店訂位,
佢話要 9:15 先有位, OK訂左先, 於是我地 9:00 到, 帶位個姐姐想比位我地, 但旁邊(圖中左手面白色衣服個位)話一定要等到 9:15 先可以比, 最大問題係要限制所有人只可以食 1小時15分鐘.(咁我不如食快餐, 使鬼等又要受氣).
雖然食物唔算太差, 一般啦(係D野唔夠熱, 雪菜毛豆百頁勁少雪菜, 燒餅凍, 小龍包油膩, 小黃魚偏咸), 可能香港已習慣呢種服務方式, 但我個人接受唔到, 以後都唔會再去.

到沙田轉車去西貢睇狗,來小南國一試,點了春卷,上海雲吞,豬扒麵
簡單評語,春卷油多,雲吞皮滑好味,豬扒香囗但略咸

忽然想起食上海菜，於是揀左呢度。在上海，小南國都算係好出名的，前兩年去上海開會，會議之後的晚飯安排在小南國，那次的感覺係非常好味。不過呢度，有讚有彈啦~

兩個人叫了四樣餸：

羅漢素鵝：幾好味。質感似未炸的春卷。
叉子鬆：好味，將d餡料自己放入好似口袋一般的餅中食。個餅好鬆脆。不過有個缺點係餅得四個，餡料有好多，最後一半都浪費了。因爲淨食餡料太咸。
蔥油拌面：不太好，太油膩了，以前o係上海食的時候個面係好淺色的，但這裡係好似落了好多醬油一樣深色的。不過唔肯定點先算正宗。
招牌小籠包：我就覺得一般啦，唔知係咪我地呢籠的問題lei， 望落去形狀怪異。味道也一般，皮不夠薄。

服務好，有禮貌，收碟的時候也會詢問清楚係咪食完先拎。雖然這聼上去好似好基本的事，但我發現好多中式菜館都做不到。另外有個問題係入去的時候要限制人地一個鐘頭食完有點趕客的感覺。從餐廳管理角度，似乎更是多餘的，唔通我話一個鐘唔夠就唔入得咩。最後總結，雖然不算非常滿意，但我仍然覺得小南國比王加沙同鼎泰豐（只指香港的分店，不包括上海同臺灣的店）好d。

以往去小南国都是中环万宜大厦那一家，知道沙田开设分店，今晚同d朋友来试下，食物比起中环那家真的差d（应该是师傅问题吧），好失望！8个人全晚叫o左10样野，没有太特别。

荠菜百业卷
熏鱼
烤麸
樟茶鸭
蒜香骨
芙蓉虾仁
松子黄鱼
百业小唐菜
排骨面
小龙包

整体好行货，好在芙蓉虾仁&松子黄鱼有50%off，否则以同样价钱，加上今时今日各式食肆推出大优惠，应该可以吃得好d。仲有，环境实在太嘈。

係港鐵站見到廣告話沙田新開左間小南國，心郁郁想食上海菜，就黎左呢度食晚飯。七點幾去到，好多人等位，間餐廳又細，等左成半個鐘先有位。

以往通常去中環個間小南國食Lunch, 全部散叫，呢度有二人餐，好似幾多野食，就試下啦！

前菜雙拼燻魚，百頁卷
燻魚幾好，甜甜地，但好多骨。百頁卷都唔錯，馬蘭頭好香"草"味。

清炒河蝦仁
我同男友最愛既菜式，爽口，但多油。

砂窩雲吞雞湯
一人得一碗，好少喎！湯好濃，有雞味，但佢地俾雞翼我地，覺得好奇怪。

香酥鴨
呢個最好，用片皮鴨既皮，包住香酥鴨，蔥，青瓜，加D紅色酸酸地既醬，好好味，鴨一D都唔酥，有少少肥，好香口，正！

勝瓜炒菌絲
賣相晶瑩剔透，但其實全部都係油，D油多到我要用清水過一過先敢食。

小籠包
自問我夾小籠包都有一手，但呢個小籠包我就失手，一夾即裂！皮比較厚，一般水準。

雪梨紅蘿蔔糖水
未食過咁既 Combination，味道一般，甜甜地，不過幾滋潤。

我下次去沙田唔會再黎小南國，服務麻麻，有咁多好食過佢又平過佢既多的是。都係去中環個間好D。

一行三人，所以沒有叫套餐，散叫。
可能就是由於散叫，所以沒有之前食評所說的食物半暖不冷情況。

雞絲粉皮：份量頗多，味道一般
芙蓉炒河蝦仁：賽螃蟹+蝦仁，味道頗淡
上海炒年糕(雪菜)：味道頗佳，熱辣辣時吃"煙靭"
砂鍋雲吞雞：雲吞12粒，味道一般；湯有少少酸味，不過應該是調味不是變壞
百頁小棠菜：百頁有點兒乾及硬，小棠菜味道一般

男朋友說不會再來第二次，並非因為難吃，
只是上海菜館多的是，這裏又貴又不是特別好吃，不值得。
另外我頗不滿的是明明已經訂枱，
但安排我坐的卻是門口第一張枱。
雖然我食相並非難看，
但讓路過的人看著我用餐總有點不自在。
而且不知是坐位近冷氣風口還是普遍問題，
食物涼得很快，年糕涼了便硬，變得不好吃...