一路覺得滿記又貴又唔特別，今晚再食發覺多左選擇，味道也好左，只是同樣甘貴。
雪山榴槤 ($33)：雲尼拿雪糕加榴槤 match 到爆，榴槤好香軟。
榴槤忘返 ($32)：無左雪糕換上黑糯米差甘d。
雪山芒果西米露 ($32)：普普通通，緣茶雪糕唔好食。
焗荔蓉西米布甸 ($22)：荔蓉軟滑熱辣辣，好正啊！
白雪黑糯米 ($22)：我覺得好味過榴槤忘返，口感清d，無配榴槤甘“濟”。

一夥兒食完海鮮，又想找地方坐坐傾談，所以最後決定去滿記食甜品，估唔到我在同一天會去兩間甜品店呢!

看它們的宣傳單張，看見有一個二人份量的生果雪山，個名我唔太記得，賣相真的不錯，男友便提議試這個。

由於是二人份量，所以真的很大呢! 賣相果然如宣傳照片一樣吸引。一上枱，朋友都「嘩」一聲，真的很大呢! 咁吸引，大家都忍唔住也試了少少呢!

這個雪山其實是綿花冰，再加一個綠茶味雪糕球及一個雲呢拿雪糕球，還有少計花生味脆脆及生果，味道不錯。 估唔到個雪糕球都幾硬淨，不會一上枱便極速溶化，可以慢慢品嚐上面的棉花冰，再吃下面的雪糕球，估計是貴價雪糕，花生脆脆也佷美味，雖然$68有點貴，但大夥兒分享，也不錯呢!

有如便利店開到通街都係既滿記,
都係西貢總店ichiban.

被滿記覆蓋住既西貢, 食完晚飯必到,
分開榴槤專區及正常區域.

是晚宵夜:-
榴槤pancake
榴槤愛好者必食!
一個人食兩件, 濕濕碎.
不過加了價都唔知, 現賣$25@兩件裝
比起以前仲貴多兩蚊, 少食多滋味
榴槤蓉仲係好多, 真係一次咁多~

榴槤椰汁涼粉
似曾相識的起九龍城食過.
榴槤蓉裡面有沙冰, 超濃味, 成個雪糕球咁!
加埋椰汁已混埋榴槤味,
整個甜品充滿住一陣又一陣的榴槤香.
涼粉本身冇乜味, 同榴槤一齊夾晒味.

焗芋蓉西米布甸
百吃不厭, 但不要超飽肚時進食.
同埋最好多人share~
焗品需時, 等了約15mins.
熱辣辣的布甸面層金黃色, 外表似葡撻.
入面佔1/3芋頭蓉, 好軟滑.
份量只不過係葡撻大小但一個人食就太heavy

店內冷氣太強, 黎過幾次都頂唔住食完就走,
可能係趕客其中一個招數!

每次到西貢用餐後必到滿記吃個甜品,
一段時間沒有光顧, 發覺價錢真的貴了很多,
特別是一些特色一點例如綿花冰...
所以還是點了傳統的糖水,
預了沒有驚喜, 不過不失吧!
建議想留多一點客的話,
價錢親民一點比較好!

滿記的分店開得越來越多, 甚至去到深圳都有滿記的蹤跡
滿記分店我都去過好幾間, 吃完我會覺得平平無奇, 只吃他們的brand name
不過滿記之所以開那麼多間分店都是源自總店的西貢弄甜品弄得出色才會建立自己的品牌, 繼而開分店.

入正題, 今次我再到總店試其最著名的楊枝甘露, 我又加上一向不錯的涼粉試試看. 其實我沒有試過滿記的楊枝甘露, 反而椰汁涼粉也有試過, 椰林涼粉真的很不錯的. 所以我試一試楊枝甘露+涼粉

果然楊枝甘露令我感到驚喜, 當造的芒果甜甜的, 加上西柚絲酸酸的帶澀簡直是完美配搭, 還有細而煙韌的西米, 吸了芒果汁底的精華令我越食越興奮!! 甜甜的加上酸酸的很吊味, 使我推翻了一直認為楊枝甘露貴而一般的理論. 感覺就像西甲的巴塞打出漂亮的進攻足球一樣, 球員不斷打小組入滲般絲絲入扣. 可是加上涼粉確實畫蛇添足, 涼粉本身是可口的, 不過與楊枝甘露不合拍, 就像巴塞買入貴價前鋒伊巴謙莫域般一樣, 伊巴是好球員, 可惜風格與美斯, 沙維, 恩尼斯達等矮小而靈活的戰將不夾, 從而影響了進攻的質素.

所以楊枝甘露還是吃原味的最好, 不要加其他配料

自己算係半個西貢人, 西貢最出名既甜品屋, 雖然食過多次, 但咁多篇食評中完全了有我的筆跡, 實在太過份. 而家, 就用我第1500個食評, 來彌補以往的忽略.

在滿記未開到全港九新界中國大陸外國唐人街前, 從一家小小甜品屋開始, 我們便有時特登開夜車從村子出去, 食糖水. 當時的味道, 食左咩甜品, 年代已久已經不記得了, 不過, 我對用榴槤做的甜品既認識, 就是由滿記開始. 而我食既第一個榴槤甜品, 就是榴槤Pancake.

其他不用的榴槤呀, 芒果呀已經食得多. 今次黎, 都係以食榴槤為主. 而且咁耐冇入, 都想睇下佢地有乜野新意思. 西貢店, 好識照顧頂唔順榴槤既人, 分開了榴槤專區同非榴槤區. 故明思意, 非榴槤區就係沒有榴槤做既甜品供應. 而我是日為了榴槤, 當然直接行入榴槤專區啦.

未食過既榴槤甜品有什麼呢. 我呢個就叫做榴槤白雪涼粉. 白雪, 是椰汁吧, 涼粉係大熱天時食, 非常之透心涼. 而且白雪汁, 是冰冰的. 若不加榴槤也是一個非常好的甜品. 而榴槤, 是熟透的新鮮榴槤果肉, 氣味香溢. 剛好是榴槤當造的季節, 榴槤味實在是瓢香. 加埋涼粉椰汁一起食, 又夠冰凍. 最重要是榴槤夠香又甜. 說食厭了滿記, 不會, 問唔中回來一下, 看看有沒有新意思, 是不錯的.

而且, 來總店, 感覺上始終比起市區的勝一籌. 味道雖是多年來不變, 偶爾回味一下, 也不壞.

其實我吃過很多不同分店的榴蓮pancake，不知爲什麽還是西貢的最好。
榴蓮pancake的榴蓮味道很重，很香。還有很creamy，很引人入勝。還有cream不算多，大概和榴蓮5比3，十分match。
吃過云云衆多的甜品店的榴蓮pancake，滿記的是我五佳之一！！

都已成習慣了，每次來西貢，如時間許可必往滿記總店朝一朝聖，一來既為消暑，二來也順便以特價回味一下滿記的甜品!
　
母親節之行也沒有例外，為滿足兩位榴槤迷媽，特別選坐榴槤特區，來頓消暑糖水餐。原來總店的食品價位，已與市區廣大的門市看齊了，既來之則安之，也一回味滿記的幾款特色甜品吧：
　
榴槤班戟($23)-這是滿記多款甜品中，幫襯得最多，也是店內水準最好的食品之一，美味柔軟香滑程度，可以令一個不吃榴槤的人(我!!)，也慢慢接受這異物來，對於兩位榴槤迷媽以及榴槤迷老公，更是珍品。試過一次柯打芒果、香蕉多款班戟，榴槤味的水準最高的，的確是幾值得一吃的甜品。
　
榴槤忘返($35)-滿記另一項由榴槤肉+黑糯米+椰汁組成的名物，早年兩口子幫襯過，今次又來重溫，始終吃不出兩款食材間有甚麼火花。覺得只是一般，要吃還是留quota來多件榴槤班戟好了。
　
西瓜豆腐花($15)-生果怪細妹的選擇，豆腐花夠滑、西瓜亦算甜無法挑剔，但也留不下多少深刻印象。
　
白雪黑珍珠($25)-我對中式的糖水只是一般，最愛的湯圓又太熱且滯，就選了糖水中最滿意的白雪黑珍珠來消暑。滿記的出品做得很好，由芒果、黑珍珠、香蕉粒、海底椰及椰汁溝起的糖水口感豐富、香甜清潤，平日不喜黑珍珠的我也能清光，而且飲後用感冰爽怡人，很舒服!
　
滿記還有一款甜品很美味，就是荔茸西米焗布甸，但這熱食的甜品似乎冬天來較適合。然而隨著優惠不再，下次還是改變一下習慣，將配額留給其他甜品，反而這帶的選擇是爆多的!!

呢一次係我男友帶我黎西貢玩..亦都係我第一次食到西貢滿記
呢一間同出面唔同, 有D野出面冇得食..

我地一入到去就問我地食唔食留連, 我地唔食就坐去第二邊
跟住我地就叫左4樣野, 我地等果陣, 雖然呢度就話唔係食留連
但係整就係呢度整, 都聞到陣味, 好采我對呢d留應都唔係好大

不過都唔緊要, 最重要就係我地d糖水好好味
真係有讚冇彈, 西米又唔林, 又唔硬, 真係岩岩好, 仲有佢d椰汁味, 真係好香

另外佢個 芒果西米露, 個芒果真係好大舊, 一嗦放落口, 好滿足..
至於芒果班戟同芒果糯米糍, 真係想食都要黎返滿記

有機會下次同男朋友黎都會再食多次

曾到滿記位於港,九,新界北不同的分店食過,總覺得:
總店的甜品味道,比分店有很大程度的分野.
其中就以最基本的杏仁茶,芝麻糊,紅豆沙分別最大;
而凍品和班戟就分別不大,是不同師傅的手藝問題!?

今次週末午夜到此,八成客,因我們人多,所以要將最後防線開放,讓我們齊坐.
(此店有五個以上的獨立單位,一般只開正面的三個.其餘的會因應情況而陸續開放.)
到凌晨一點多離開,坐上客更接近全滿,一家獨大夾好味道的店鋪,冇得挑剔!

滿記的榴槤芒果糖水出名就是人所共知, 它的各款糖水我都試得六六七七, 但最近我就迷上了這個綠茶雪糕楊枝甘露, 它已經變成了我最愛的甜品了!!!!

最滿意的是那一球的綠茶雪糕, 實在不知道滿記是從那裡找來的綠茶雪糕, 感覺就像品嚐來自日本的牛奶雪糕一樣, 綠茶的味道非常濃郁,每一口的綠茶雪糕都令我甜在心頭, 忍不住一匙一匙不停的吃下去, 偶然才會想起底下的楊枝甘露,hehehe~

楊枝甘露也不錯吃, 畢竟滿記的楊枝甘露也是不錯的, 新鮮的芒果,加上一些柚子和爽口的西米露, 這個一直都是我十大喜愛的甜品之一, 現在再加上綠茶雪糕, 簡直是錦上添花!!!!

不過奉勸大家, 感冒的時候還是不要叫這一個, 上一次我感冒, 但還是貪吃的叫了, 結果當晚回去半夜因為胃不舒服就嘔到七彩, 吐完之後就發覺為甚麼我的嘔吐物全部都是綠色一堆..... 想了一陣, 才發覺原來就是這個綠茶雪糕@.@ 叫大家感冒時不要吃這個, 不是說這個甜品會令你嘔吐, 而是說不想大家嘔吐的時候見到一堆綠色的嘔吐物啦 -.-"

this brance is very busy... so busy it feels like the staff are watching you eat...ready to kick you out so the seats are available for the next customers!!

i ordered black pearl, mixed fruit with coconut milk...my favourite, very healthy full of flavour and cleanse your palat after a meal out somewhere

the durian pancakes are yummy as well, the cream in the pancake isn't heavy at all and is very light

the tofu you get are very smooth and light as well

we also had this vanilla ice cream with durian, this is nice as well

in fact you can't go wrong with what you order at honeymoon...just that the service feels like your pushed to rush...rather than relax and enjoy...think i'd enjoy the dessert more if i got a take away and ate it at home

部車今日開始終於都可以盡情咁玩,
老公就忍唔到手, 所以去西貢玩返轉,
回程經過滿記, 就食埋糖水先返家啦.

因為而家榴槤唔係時候, 所以我地都唔多敢試,
反正係呢度又冇食過熱糖水, 不如試試啦.
我點左個"紅豆+蕃薯",
老公點左"芝麻糊+杏仁茶".

等既期間, 老公發現佢張手寫單寫錯價錢喎,
同佢地講左之後即改返正確,
所以各位去食真係要睇清楚.

我個糖水味道ok, 紅豆亦夠淋,
但硬係入口藥味太濃, 感覺唔多好.
至於老公果個跟本就唔可以叫做糊,
芝麻同杏仁都唔夠香,
茶餐廳熱杏霜都好飲過佢.

以後真係食佢冰品算啦,
糖水就真係...麻麻...

上個月28號,跟SHIRLEY,PIK,KWAN,SIM,JULIA,FLORENCE,JOHNSON一齊去滘西灣出海鈎魚.在那兒逗留了2個多鐘,便回程了.

8:30已經到達西貢碼頭，阿PIK就提議大家去食糖水，咁好啦，冇人有異議．

我地黎到滿記食糖水啦，印像中，咁多年黎，我只幫襯滿記一次，加埋今次係２次．

西貢呢間滿記，佔了２個舖位，證明這兒生意旺啦，仲越夜生意越好．

我地坐低之後，各自選擇甜品，我就選擇了芒果楊枝金露配涼粉，要２７元才能成交，價錢我覺得幾貴，同個飯盒價錢差唔多．個甜品幾好食，唔會太甜，芒果味道都幾香，呢方面做得唔錯．

除我同阿SIM之外，其他人夾份叫了３客既榴槤班戟，呢客甜品２件賣２３元，又係幾貴，不過聽番佢地既綜合意見，話件榴槤班戟幾好味，但榴槤只得少少．

如果ｄ甜品價格可以降到１０多元既水平，咁就好啦．

今天走前眾人前往滿記享受一下，但未能盡興。

店鋪位置蠻擠迫，眾人先坐在位置A(因為沒有其他位置)，後來因太熱而轉往位置B，其後因為上菜錯誤的問題開始受店員的白眼。

我點了芒果白雪涼粉($27)，另叫了一個芒果Pancake($24@3)3人分享。芒果白雪涼粉非常好吃，涼粉不會太硬，而雲厘拿配一些冰碎的口感非常特別，不但清涼，而且脆脆的，雖然芒果有點酸但不影響整體，沒有扣分。芒果Pancake則沒有太大的特別，但不是差，要平均$8一件則不太化算。

另外友人點了芒果西米露但店員拿來了芒果豆腐花，而且反指我們說得不清楚，很離譜。收銀時要過鄰邊，收銀員連多謝也沒有一句，而且似是晦氣的把找續放在盤上，態度有點問題。