影片
食評 (14)
第一次黎, 中午十二點幾黎到, 竟然午飯時間都無乜人只有老闆負責煮麵及一位後生仔負責落單執枱冬菇亭無冷氣就一定ga la我地揀左個位旁邊有風扇, 坐低後都唔覺得太熱粉麵只係$25/碗, 今時今日真係好少搵到咁街坊價墨魚丸真材實料, 配上紫菜, 十分香仲食到有粒粒墨魚肉魚蛋河, 有魚蛋魚片魚蛋雖彈牙, 口感偏軟, 但無魚既鮮味比墨魚丸遜色另外叫左碟魚皮, $15 咁大碟, 好抵食魚皮好脆, 仲俾埋碗出哂煙既湯俾你浸魚皮
繼續閱讀
N年前睇過篇報導 介紹呢間明記同九龍城德昌魚蛋粉 甚有淵源今日有空 就特地上門拜訪一下紫菜墨丸 足料 啖啖咬到墨魚粒 質素中上魚蛋豬肉雲吞河 豬肉雲吞 蝦肉比例1:1個人覺得比 蝦肉比例 3:1 好食魚蛋則有小小失望 近乎冇魚味 估佢唔到魚皮 厚身 較硬 浸湯食 剛剛好 奶茶 沒有提供 要在附近茶餐廳另叫價錢唔貴 質素ok 有機會行完飛鵝山再黎整番碗淨豬肉雲吞
繼續閱讀
等睇show，夜晚6點零七點去食，一個客都冇，見到一個阿姐切魚片，另外一個就煮麵。睇到Openrice食評就走黎試下，叫左碗墨丸麵，湯好濃，麵夠咬口，墨丸有墨丸味狂加炸蒜同辣椒油，醋就唔好落喇，好似同D麵唔係好夾30蚊都唔駛，我仲飲晒成碗湯，抵到爛btw熟食中心一定冇乜服務可言，但態度誠懇有禮貌，「唔好意思，墨丸要煮耐Ｄ」都同我講左兩三次，切魚片個位姐姐收錢，佢自覺對手太油用雞脾位夾住要找既錢俾我，總算係石屎森林入面搵到些少人情味。
繼續閱讀
午飯時間在附近，隨便入這麵檔醫肚。麵檔給我印象是乾淨，物件擺放整齊，枱、醬罐都抹得乾乾淨淨。點了一杯凍豆漿及一碗墨丸、鮮肉雲吞河加紫菜。鮮肉雲吞在餐牌上是「招牌」，但由於我吃慣稔身（餡要加油搓～）的雲吞，這個雲吞不太合我口味～純粹口感問題。河粉也是正正常常。但有驚喜的是墨丸！咬開有墨魚粒，調味亦適合。之後問老闆娘，說是親戚打的～3粒丸3粒雲吞，其餘空間就係滿滿的河粉，份量非常足夠，好少食粉麵會飽咁耐。除左墨丸真係好好食，其他一切都只是正常；但「正常」呢種平凡已經買少見少⋯⋯ 會再去食～
繼續閱讀
好多年前睇過《飲食男女》嘅一篇報道後就一直好想去了，但大家都知道彩雲邨嘅位置啦，彩虹港鐵站行上黎都要差不多10分鐘斜波路，無啦啦又唔會想坐巴士特登黎嘅姐，所以一直苦無機會，今次終於有了😚幾年前居然俾我老豆攞到公屋，我在南非，知道佢有地方住就放心，一直都唔知佢住o係邊，決定返香港了，就當然要問清楚啦。邊度呀？彩德邨？咩地方黎架？咪彩虹邨附近囉。。。。。。終於有借口黎喇，當年話領匯會整頓彩雲邨，睇咗雜誌老闆明哥嘅故事，佢話可能會做唔住了，所以特別想黎，都幾年了，唔知情況點呢。。。到喇，間鋪都唔係好難搵，巴士站行落小小就到了，坐低就四圍望，明哥還在嗎。。。嗯，中年男女各一，年輕男女各一，睇黎間鋪已經易手了。。。既然黎到，當然要試下啦，食乜好呢。。。【唔該牛丸伊呀】【冇伊麵wo】【賣曬?】【一直冇賣，我地有生麵，米粉同河粉】。。。我想食伊麵wo，伊麵加醋係我一直嘅心頭好。。。算啦😪【咁就牛丸生麵啦】落完order就繼續周圍望。。。角落有個甜品位wo。。。怪怪地，應該係領匯高租金下嘅效應，為己為人，就要多碗薑汁豆腐花啦😊麵到喇，試試先。。。牛丸嘛。。。幾爽wo, 口感唔錯，就牛味一般啲😉麵嘛。。。生麵嘅優點係好難煮得難食😁湯嘛。。。正常冇乜特別嘅味道囉整體味道正常啦，冇驚喜，以哩個價錢亦冇令人太失望😜薑汁豆腐花到了～ 薑汁都放得夠wo，味道剛剛好，唔會太甜，當然唔會淡😊 豆腐花本身係一般貨色，冇乜特別【其實之後仲去食過一次蠔油撈麵，非常一般，啲麵仲粘埋一齊，冇咩好食】
繼續閱讀