影片
我日日吃飯都是外賣回公司，所以不同食店都會去，今天去了沙田潮家酒家買燒味飯，選了雞鴨飯前兩天就選了义雞，切雞肉很嫩，鴨肉外皮很香口，鴨肉香料很足味，不會口渴，义燒更是首選，肥瘦適中，很可口很諗，加上蜜汁，每個飯盒都付上油菜，却是我最喜歡。
還有份量很足，單餸$19，雙拼$23，很抵食。
繼續閱讀
個晚同屋企人行開沙田，夜晚想食中菜，所以就去左禾輋附近嘅一間酒家食晚飯。入面嘅環境有d細，但人情味都幾濃厚，一坐底就有侍應斟茶比你飲，仲會好親切咁問你想食咩。我地叫咗其中一道菜叫沙律海鮮卷，金黃色的外表令佢睇落好似好油膩，但一咬落口，入面嘅沙律醬令成件事變得好清新，令人想食完再食。另外，我地都叫咗飽D肚嘅菜式，好似福建炒飯同紅燒伊麵。個福建炒飯嘅醬汁幾濃，而且有唔少配料。但個紅燒伊麵嘅麵質就太軟，味道亦都麻麻地。最後個鮑片生菜，D鮑片冇咩口感，咬唔開。但成餐飯都食得幾開心，叫左7－8個菜都唔算太貴。
繼續閱讀
潮家今年我學系去左呢間酒樓搞春茗，包房，有麻雀提供，１０道菜加埋只係＄９８蚊位，真係抵到爛！而房出面都幾旺，７點幾都坐爆哂，證明幾受食客歡迎。我特別想講既係個福建炒飯，飯乾身，唔太硬，而且好有鑊氣，加上個汁濃度適中，個飯不致太乾，做到福建炒飯既基本要求。而蝦都幾彈牙，不過成個飯得兩粒蝦，我真係接受唔到。另外鮑片配生菜就比較難食，Ｄ鮑片有Ｄ腥，汁太鹹，上菜個陣都差唔多凍哂，所以我都幾唔滿意。伊麵太濕，而且都偏鹹，個大廚似乎好鐘意食鹹。而佢既菇絲都幾少，個乾燒伊麵就有Ｄ寡，要我齋啃伊麵。其他菜式都普通，係一般酒樓食到個Ｄ，中規中舉。呢間野最好就係夠平，仲每圍仲十二罐飲品，我地都食到好飽！
繼續閱讀
是日幫襯左$388既四人「10道菜海鮮盛宴」，由於臨時多左一位既關係所以按比例加左一位。可能因為係閒日夜晚既關係，人唔算太多，枱同枱之間擺到好鬆動之餘全場亦都只係七成滿左右，唔算太嘈。Anyway，侍應非常快手，點菜唔夠5分鐘之後隨餐奉送既「美國橙汁」已經上枱，再過多差唔多10分鐘之後已經開始有野食，速度非常快，值得抵讚！陳皮汁蒸鮮鮑魚︰鮑魚蒸得非常腍，極之易入口。味道方面個陳皮汁整得非常入味，淋喺飽魚上面令到口感大增，非常之正！琵琶手抓BB乳豬︰份量好似少左D，每人只係分到兩舊乳豬左右，但既然係團購餐真係唔敢期望太多。雖然係咁，乳豬整得都算唔錯，腍腍地得黎又唔似一早整定晒然後整返熱咁，都叫做收貨啦！風沙黃金美國蠔︰蠔既質素只係一般，而炸蠔既粉亦都好似厚左少少，而炸既油亦都重手左，令到入口既時候油腍腍咁，口感唔係太理想，只係勉強可以接受！猴頭菇燉豬展︰老火湯煲得非常夠火喉，而且料亦都落得十分足，除左猴頭菇同埋豬展之外，雞腳、花生等等既材料令到味道更加突出。另外由於冇落到味精既關係，飲完之後成晚一D口渴既感覺都冇，抵讚！當紅炸子雞︰雞既質素只係好一般，一入口已經食得出肉質比較差，似係返炸出黎既產品。最特別既係D蝦片，有好幾塊重要好似塑膠咁，口感差到爆！黑椒炒美國青口︰青口唔係太新鮮，而且出水既情況好嚴重。可能因為炒得太耐既關係，全碟既幾乎所有既青口都係「肉殼分離」，而口感一如所料因為overcooked既關係硬到乜咁！濃湯金瓜浸鮮竹︰冇食過，但賣相同D湯渣冇乜野分別，認真麻麻！砂窩飽汁海味飯︰份量十分大，完全食唔晒，打包既時候幾乎連一個standard size既飯盒都裝唔晒！味道方面叫做一般啦，料亦都唔算話係好足，只可以話係同平時茶記食開既差唔多！滋潤糖水︰唔知係咪冇貨轉左做桂花糕。Anyway，質素勉強可以接受，甜甜地都幾易入口，只係質感比較「刪」，用膠叉食既時候必須「小心翼翼」，如果唔係好容易跌落枱！總括黎講雖然只係團購餐，但係整體份量真係夠晒大！我諗就算六個人黎食呢個四人餐都食唔晒，只可惜既係食物質素只係麻麻地！雖然係咁，但侍應亞姐既服務質素真係可以算係一個亮點，雖然可能因為冇乜training既關係好多presentation skills都重有待改善，但睇得出佢地真係好有heart想做好D！成日換骨碟唔在講，見到枱上面一碟碟既餸都會主動幫我地搵位擺好佢，唔會求其放低就算，抵俾個「笑」佢地！
繼續閱讀
本來二月之星既生日會安排係沙田盛記搞，點知book唔到位，大家唯有移師到同係瀝源邨既"潮家海鮮酒家"打邊邊喇！我地黎到後，分別被带領去坐兩張大圓枱，體貼既侍應姐姐提議話合併兩張枱而坐，仲幫手整理，希望我地傾得自在，坐得温馨舒適咁話！認真唔該哂 佢地！不過呢度既冷氣唔多夠 ，我地要催几次先有改善咋！我地點左1個沙嗲湯底，唔太辣。1個豬肚湯底，d豬肚係分開 左好耐吓先上架，d豬肚甘爽口 ，由他吧！大衆化既配料有: 各式唔同種類既丸丸，好彈牙 。肥牛，肉質滑溜 。鯇魚片，切得夠薄，夠新鮮脆囗又無骨 。吊桶仔，好爽滑 。炸魚皮，鹹鹹地又卜卜脆 。魚皮餃，皮又柔韌肉又香 。粟米粒粒好爽甜 。娃娃菜鮮嫩清甜 。飲品有啤酒、汽水、庶水等。唔錯唔錯！算係平民化既享受 ！
繼續閱讀