已經第三次來三德食素了，佐敦似乎不多素食餐館，以前在柯士甸道有一間，但己結業幾年了
這裡環境及座位尚算舒服，起碼兩人也可以坐4人圓枱，有時坐窗邊位都幾好
感覺食物頗衛生，價錢也大眾化，大中小點統一價 $12，特點則 $18

點心價錢劃一每款 $12
豉油皇煎腸粉
煎得頗多油，雖食素遇到油膩的機會是預料之內，但若可以再減少油份會較健康
煎腸粉焦了，賣相不好看，明白廚房師傅有時會失手，不過相信他們應該有改善空間，因為普通廣東酒樓可以做到沒有煎至焦的情況

雪菜素鴨絲腸粉
這款腸粉很特別，因為即使非素菜店都沒有這款腸粉，幾有創意
雪菜味道特出，但素鴨卻食不出了，腸粉內包著有腐竹及主要材料雪菜

芋絲炸春卷
略嫌春卷皮有點厚皮，但意外地竟仍很香脆，而且不太油膩
餡料很豐富，因為餡料不太少，也就顯得春卷皮不太厚了

三德素菜飽
素菜飽與上海菜館的素菜包有點不同，在味道方面就是少了菜腥味
奇怪，莫非是菜用多薑…但又食不出有薑味，又莫非是多油之致
下次再研究
包的皮有點點厚，但很鬆化，少少甜味

三德鳳眼餃
有素蝦肉
質感十分似蝦
我不是食素之人，所以對食素沒有研究
不過素與真蝦肉的味道卻可以辨別
因為素蝦並沒有蝦味
不過偶爾吃素對腸胃消化有助


白粥
粥底與家中自已煲的白粥十分似，粥底很濃，而且沒有鹽味
白米煮得不完全爆開，就似白飯煲得稀而綿

粟米粥
味道甜甜的粟米粥，感覺很清熱，還有些各菇絲，粥底很清食不出有味精味，下次必再食這款粟米粥

因為當中有同學是素食者，所以通常都選擇到三德素食館。

一行六人，點了套餐，包括五(食送)一翅，另加一個(食送)，全部都好好味，只是南乳溫公齋煲稍遜

紅燒蟹玉素翅
雖然係素翅，我覺得比真翅還好味
五柳仙班
炸得很酥脆
金姑扒西蘭花
好味唷
欖菜雞蓉四季豆
跟一般中菜館的味道一樣，沒有一般齋鋪的怪味
鑊仔咸菜涼瓜豆卜
我一向不愛吃涼瓜，但這個菜跟咸菜結合，出奇特別，而且涼瓜不是大苦
南乳溫公齋煲
這個賣相及味道都比較遜色
南瓜芋頭不知什麼煲
芋頭香氣四溢，我們還把它的汁喝掉呢

碰巧隔離檯有一食客生日，餐廳安排了蓮花燈燃點蠟燭，十分特別

唯一感覺不太好的是：同學們用餐未完，待應逐位問你吃完了嗎，吃完我清理一下，但已經有同學說過：未吃完，待應還堅持逐位同學問一次：你吃完未

3-10-2009

陪屋企人初一十五食齋, 睇了呢度食評好似不錯, 一行 5 人嚟試試. 都預咗初一十五會好多人, 即日打電話訂檯要 8:00pm 先有, 結果我哋 6:30pm walk-in, 7:00pm 有位時都只可坐門口 @_@

「漬物」係罐頭菠蘿,「糖水」度唔嚴重, 真係「漬」過的, 食落帶點辣及 kimchi feel, 係幾開胃的前菜.

香芋春卷仔: 炸皮唔會太厚, 脆口無油, 入面的芋茸就原來係甜的, 幼滑香甜, 好食喎

椒鹽素軟骨:「素軟骨」係大豆製品, 食落帶點黑椒味, 同以前食過的「素牛扒」一樣味;「蒜粒」應該係炸麵包糠, 脆卜卜, 無油, 味道十足芋角層「皮」. 初初以為呢碟會同常悅的「香酥骨」(http://www.openrice.com/restaurant/commentdetail.htm?commentid=1998720) 差不多, end up 就似「走辣避風塘牛柳粒」多 d, 幾得意亦幾好食.

金湯竹笙鮑絲翅 (一窩): 「金湯」底即南瓜, 但好稀, 飲落基本上無味 (係甜都唔甜的, 遑論南瓜味), 落點醋好好多. 素翅及素鮑魚絲就夠晒爽口 / 煙韌, 口感豐富, 都不錯. 不過一窩份量幾大, 每人都分到兩碗, 大家 order 的話要留意.

紅燒鮑片素海參: 仿鮑片喺 non-齋店都食唔少, 呢度的亦無乜特別; 素海參就真係第一次食, 其實只係蒟蒻製品, 咬落 QQ 的, 但賣相造到「起晒釘」, 又真係幾似 杰身的「紅燒」汁就帶點藥材味, 唔知乜嚟?

閩南三絲炒麵線: 炒得熱辣乾身無油又香口, 福建麵線唔係正宗的腍 bad bad, 食落係煙韌又帶點爽口, 配上素火腿, 豆乾, 冬菇, 芽菜, 椰菜 etc, 我食了兩大碗呢.

食物不錯, 店外 (!) 環境就預咗麻麻, 不過初一十五太多人, 無辦法啦; 阿姐們好好禮貌,「唔好意思」前「多謝」後, 問佢攞套新碗碟, 又主動幫我哋用熱水沖吓, 招呼比好多中式齋店好得多!

埋單每人約 $95, 真係幾得的一餐, 值得試試.

家姐話去嘉利大廈食飯 ..."乜唔係俾火 ... " 小女子太孤陋寡聞, 都冇留意已經改為JD Mall , 仲有好靚ge透明電梯, 未食飯, 先興奮!!

真係唔知原來有間素食館在裡面, 雖然裝修係典型中式素菜店的格局, 不過見師太都在晚膳, 水準應該不俗! ... 講多無謂, 開餐!!!

齋鹵味 中規中距, 不錯!
鑊仔苦瓜味菜, 好惹味, 大家都掙食, 入面仲有用蒟弱做的材料
蜜汁蓮藕餅, 見其他食評也不錯, 不過我地覺得好似有d肥膏味, 稍為遜色
椰汁南瓜煲, 阿媽最愛, 佢吃不停, 芋頭好軟身, 配合南瓜清甜
鑊仔冬蔭魚, 非常受歡迎, 紫菜同腐皮製作大魚, 外型真係好似, 加冬蔭汁淡淡辛辣及青檸香味, 必食! 連泰式的"冬蔭"都入佐, 有新意!
薑汁花枝丸玉飯 用薑味帶起清甜味, 不油, 好!

五人食咗, 包紫米糖水, 都唔駛$450, 算ok

周日晚上, 真係好多人, 奉勸大家先訂位!

不過服務就真麻麻, 問親問題都係i dont know, 菜式有什麼材料, 係咪炸, 全不知 ... 有點失望。希望管理層多d留意la!

跟朋友仔小聚，剛巧我近來在嘗試吃少一點肉，朋友仔就提議不如帶我去一間她挺喜歡的素食館晚飯。

地點好方便，一出佐敦地鐵站行兩步就到。

雖然是星期四，但都坐無虛席，沒有訂座的我倆，都等了差不多十五分鐘才有位呢。不過，好在一邊談談天好快就等到入座啦!

坐低點了一個二人餐，但無飯不歡的我就多加了一個炒飯。

先講二人餐 - $142

金湯魚米素翅 - 因為是第一次正式吃素菜，對素菜裡「仿肉」真的好好奇，湯裡面好似真的有魚肉呢，是用什麼來扮的真的不知道啊! 而翅呢，就有點似一般街邊食的碗仔翅裡的翅囉! 不過，湯有點太杰的感覺，麻麻地…

沙爹獅子頭粉皮煲 - 我的心依然是喜歡吃肉的，所以一試就先試獅子頭。嗯，有在吃肉的感覺啊，不錯，好有咬感。沙爹都好惹味，而極多的粉皮就好似在吃河粉，好夠份量呀!

蜜汁煎釀蓮藕餅 - 朋友仔試過推介的。煎得好香口，啖啖都有蓮藕，口感十足，連對蓮藕沒有多大喜好的我都讚口不絕。

而多加的炒飯呢，真的好有驚喜。

欖菜鎗魚菇粒炒飯 - 飯炒得好乾身，但又不會太油，其實我不知道什麼是鎗魚菇粒，只知道啖啖咬落去都不似在吃素。

兩個女生吃那麼多，當然剩啦。最後打包了一盒炒飯，加一塊蓮藕餅回家讓媽媽都試一試質素。不過，今日 (已經星期日啦!) 才發現炒飯原來還在雪櫃(!!!)，於是就叮熱做晚餐，隔了三日的炒飯依然好味，媽媽都讚不絕口呢! 不過蓮藕餅就涯不到啦，林晒!

這次一行四人和家人一起在下午約1點就到了, 到了門口已經見到很多人在等位, 因為是星期日的關係吧!! 2點半還有下午荼時間, 等了半小時至45分鐘, 終於有位了~~

看到有點心紙~就點了湯水餃, 沙律卷, 薄餅,窩貼(煎餃子)......

以上的食物都得好吃~值得一試~特別是那個沙律卷, 其實是類似春卷的樣子, 內裡其實是雜果沙律, 外脆內軟~好吃!!

今天是Budda Birthday Holiday. Hubby 家一行十多人到三德素菜館午飯, 預祝母親節.

食物款式頗多, 都很好吃. 尤其喜歡它不油膩. 我最喜歡:
-八寶粟米粥
-煎Lotus餅
-五柳(芋頭)魚
-腰果甜豆炒百合

價錢也實惠. 有機會會再光顧.

After facial i need to rush back n fetch my car for my parents, transpassing JD Mall, remembering they do have this assorted vegetarian dish, i stopped by and get a small box.

My mom really love the sweet & sour one, so i ask the person which box has the most of this, and she actually tailor made me one such good service!! i am so happy~~~

I too like the sweet & sour one the most the others...it's just so so

But i mean the small box is only HKD15 and big box is HKD20, they are very very worth the money!!!

D腸粉: 料多同款多好正
炸雲吞: 係西芹同素蝦做餡, 完全似平時吃一樣, yummy.
菜包: 素肉做餡, 好味, 完全好清, 真的好好味
蝦蛟:好好味
山x牛肉:好彈牙. 正
小籠飽, 好似平時吃.

前日去尖沙咀買了盒齋魯味，都好抵吃，裝得好滿，都係15元咋，
仲要多款色，味道又好，做下午茶都夠飽。
地下鋪只賣齋魯味和齋點心。

最近三德有特價下午茶, 逄兩點半點心一律11, 炒粉面一律唔過30, 食過一次幾乎個個禮拜都同阿媽來

必試點心:
腸粉: 料多同款多, 唔似其他齋舖一味得冬菇同粉葛
炸雲吞: 係西芹同素蝦做餡, 點埋酸甜汁very nice
生煎包: 係用一隻素肉做餡, 好味, 包都煎得o岩o岩好

點心紙會不定期換款

五個人叫左十幾碟點心再加一碟星洲米300蚊有找係咪抵到爛??

不要對服務有期望, 唔係話好差, 但係下午茶例必人頭湧湧, 阿姐實在唔太有空閒好好招呼你

之前己經在北角的三德素食館吃飯, 覺得幾好食. 今次見到它在佐敦開了分店, 所以再去試下係咪和北角那間的水準一樣.

我們在星期四晚去食, 那日不是初一十五, 所以不是很多人, 又可以坐到落地玻璃位(望彌敦道).

我們兩個人叫了三樣東西: 蜜汁煎藕餅, 炒鴛鴦飯, 沙窩津白雲吞.

蜜汁煎藕餅:好味，"烟烟un un", 它是將兩片藕片切片, 用素肉粘在一起. 不過得五片, 55元份. 但都幾大片.

炒鴛鴦飯: 味道幾好, 尤其是個紅汁飯吃下去不像吃素. 不過飯略為多油. 但我想可以叫她們少油.

沙窩津白雲吞: 最不像素菜的素菜, 因為它裏面有津白, 素肉白菜雲吞, 素火腿(好似真火腿), 還有用素肉和其他材料弄的肉球, 唔知以為係茶樓吃豬肉球. 仲有冬菇和芹菜, 個湯都好味.

我們兩個人吃不完這三碟餸, 打包到一個小飯盒份量. 最後付了$219 (加一還有茶芥小食). 都ok.

overall: 素菜館來說除了黃大仙龍翔那間(忘了名字)外, 這間的味道都很好, 不像素, 好像去酒樓吃飯.

suggestion: 多d人去吃多點選擇.

事發已逾一星期, 而家至有時間寫番, 因為情節好長…

女友的同事是佛教徒, 守長齋, 常推介三德的套餐好好味。
食齋人都話正, 咁就一定要試！

小弟遲到, 晚上8點已座無虛席, 好彩朋友們早到等定位。

一行四人, 二話不說, 點了一個套餐, 菜式如下:
金湯蟹玉素翅
XO醬炒田園什菌
菠蘿咕嚕素蝦球
椒鹽蠔仔脆豆腐
沙爹金菇花姿粉皮煲

女友見到有新出糕品 – 紅豆糕, 落單要一個, 待應姐姐話要CHECK一下; 結果去如黃鶴, 唔知飛左去邊。

咁又叫過第二個啦, 呢個仲堅, 話要問經理喎。嘩！咁大陣仗呀！駛唔駛開董事會？

5分鐘後, 待應姐姐話無貨, 咁唯有算啦。

食下五香花生, 飲了三四壼茶, 胃液充沛, 餓到發暈。
時光飛逝, 已等了45分鐘, 仲未上菜！

問下個待應姐姐, 麻煩佢跟跟單。答得好晦氣, 好！一聲之後行左去！無再回頭。

再叫過第二個啦, 黑面應了一聲走左, 不過帶左個便衣(經理卦?)過黎, 連聲道歉, 話因為人多, 又係散叫, 所以遲左。

咁我就答: 我叫套餐咋喎, 點解都咁耐？

佢話: 係呀, 散叫係耐D咖！(好明顯雞同鴨講, 小弟唯有收線, 太餓無力同佢爭辯)

望下個表, 過左一個鐘有多, 仲未有野落肚, 眾人正考慮走人, 食麥當當好過, 嚴刑烤問經理係咪未煮, 佢又話煮緊, 10分鐘有得食, 餓到無力行落街, 只好信佢…

隔離檯比我地早到早落單, 卻原來仲未有得食, 見我地投訴, 佢又加入埋一份, 其中一個食客仲自稱以前係做廚, 而家退左休, 如果人手唔夠, 佢可以即時落場云云…搞到經理哭笑不得。

終於15分鐘後, 來了金湯蟹玉素翅, 無乜味, 但眾人太肚餓之緣故, 風卷殘雲10分鐘吞哂。望望隔離檯仲未有得食, 見我地有食緊, 個個玄檀咁面。

再過5分鐘, 即時上哂所有菜！真係痴線！應該一早搵經理傾偈咪無事囉。

味道又點, 結果如下:
XO醬炒田園什菌 – 最夠味, 因為食到鹽粒, 其餘菜式就真係…無落鹽囉！

菠蘿咕嚕素蝦球- 菠蘿最好味, 酸酸甜甜, 係本身o既味, 同廚師手勢無關; 蝦球夠假, 一食就知係麵筋, 雅蘭果間常悅素食跑贏佢幾條街。

椒鹽蠔仔脆豆腐 - 豆腐完全無味！素蠔仔仲有少少苦苦地！

沙爹金菇花姿粉皮煲- 多油勁肥, 粉皮過“淋”, 素花姿完完全全係無味！

經理為答謝我地耐心等候, 特意送上每人一碗紅豆沙, 唔係…係紅豆水… 好“稀淋淋”…

食完, 隔鄰檯至上菜, 唔係化！見佢15分鐘完成所有動作(食完), 可想而知有幾肚餓！

埋單361個大洋(連加一), 問各人意見, 眾皆搖頭不已, 稱無下次。

返去質問食齋人點解會咁, 佢話平時都無咁情況, 而且好好食, 可能人多失水準, 我地好彩喎…

看官遇見人多, 請勿入坐。

結論係: 食三德要有三得, 要忍得, 要等得, 同餓得, 真係死得。

P.S.: 如果味道同服務可以俾0分, 我一定會俾佢, 佢應得o既

上星期五, 我們一行六人在此食飯, 預祝母親節. 原本係去尖沙咀的某一間素菜館, 但家姐睇雜誌介紹呢間及有 9折 COUPON, 就改左係呢度食.(最終家姐唔記得帶 COUPON)

個晚 7:00 去到都已好多人(走的時候仲 FULL HOUSE), 個到環境都 OK 及坐位都好闊落, D WAITRESS 有好好, 佢地的服務好恩勤. 唯一唔好, 就係佢地無獨立厠所, 要用商場內的, 仲要男/女厠係唔同層數.

我地叫左個 4 人套餐(三百幾) - 包一個湯/翅(四選一) 及 4個餸(十幾款選一), 仲包甜品(個晚係綠豆莎) 我地選左 - "金湯蟹玉素翅" : 唔錯, 用南瓜做湯底,夠特別. "椒鹽素蠔仔脆豆腐" : 唔錯, D蠔仔味道做得好似, "菠蘿沽嚕素蝦球" : 唔錯, D酸汁做得o岩o岩好, 好開胃, "五柳鮮班" : 普通, 即芋頭魚 "鑊仔鮮竹魚丸浸菜苗" : 普通, D魚蛋做得好似, 再另叫一個 "燒汁金菇素柳卷"(HKD60) : 好好味, D金菇炸左, 然後用素火腿卷住, 味道出奇地夾. (本人推介)
有機會,下次再同朋友試食其他野.

唔講大家可能唔知，依個商場前身就係發生火災慘劇嘅嘉利大廈，可能因此開間齋鋪會比較安心。不過話雖如此，經裝修後其實整幢樓都已經煥然一新，仲有邊個會計較舊時嘅事。

家人近日介紹佐敦有間好好食嘅素菜館，一般人一聽到佐敦通常都會第一時間諗起普光齋，但估唔到依間嘅新派齋菜又真係唔錯。

早前公司出花紅，所以興之所致請咗個好朋友嚟依度食。是夜客人唔算多，所以我哋獲安排坐窗口位，環顧四週竟然俾我發現有唔少外地人，由西人到海外華僑都有。我哋叫咗個套餐，有兩餸一湯，由於大家都怕熱氣，所以主力點菇同瓜而避免叫煎炸嘢。湯我揀咗個魚翅羮，但好唔得，口感比街邊碗仔翅仲要差。反而小菜就真係幾好，我驚唔夠飽再加咗個竽頭煲，連朋友都讚不絕口，如果下次同多啲人嚟就可以試多啲唔同嘢，難怪我啲親戚咁鍾意一家大細上嚟幫襯。

臨走發現佢喺樓下有個地鋪賣齋，果然係豐儉由人一網打盡。