昨晚再光顧此間旦王花, 唉, 我們一行六人(壽星女幾乎每月必來一至兩次), 全部失望而回!
(一) 服務態度 - 無水準!
當我們向一位黑衣女侍應生 (高级侍應) 落完單時, 已提醒她寫下，她竟說全記得我枱的order, 毋須用筆寫。結果有一半order 漏單, 甚至乎千叮萬囑幾次的飲品,(同款幾杯) 郡可以漏，咁就真係有記牲了！
(二)死雞撐飯蓋
當另一侍應送來冬蔭功湯時，我們發覺份量很少,只是一碗份量, 原來是黑衣姐姐不單漏單兼落錯, 於是馬上叫另一侍應更改為例牌。哈哈, 更大笑話出現。當例牌冬蔭功湯送來後，黑衣姐姐只係分5碗，而唔係6碗。於是我們指她出錯分小一碗,我們共6位,她還死撐, 說一個例牌冬蔭功湯, 只能分四碗、最多5碗，所以她沒有分少一碗。我們便說落單時，無人說清楚份量不足，而且一般食肆都會按人數分,她就說已經分好5碗。壽星女就話,我唔飲好了!
(三) 食物大大退步
當晚點了很多食物: 鹽燒鱸鱼 (一般，好乾); 蝦餅、粉、炒菜，蒜蓉包、咖哩雞、水準一般,春卷唔脆,椰汁千層糕 (一陣粉味)，最失望的, 你們有沒有嘗過只有醬汁味而沒有牛油味道的所謂牛油雞翼，賣相及味道比以前大大退步。以及黑衣姐姐確認不含豬肉但结果送來有豬腩肉伴碟的煆醬飯 (因為我們其中一位不吃豬內,所以落單時已經先問清楚)。
(四)計錯單
奉勸各位還會光顧的，一定要check 單。送錯的冬蔭功湯(一碗份量), 早已提醒改單，結果又計多!
總括,我們估計一係廚師已轉，一係老板換了! 難怪壽星女話最近一次星期三晚,只有兩至三枱客，她叫了鹽燒鱸鱼、炒菜、及咖喱。
我們一致決定再不會長途跋涉來光顧，相信九龍城一般泰菜館都比旦王花好幾倍!

在朋友推介下我與好友 Niki 到此用餐，點了青杧沙律、燒大蟶子、大蝦等等...當沙律上桌時即與 Niki 分享，沙律酸甜又爽口，作為前菜夠開胃。正準備鯨吞之際...口腔傳來了一絲痛楚...呵呵...不要誤會食物有雜質...只是自已不慎咬到腔壁...但沒多久口腔內有泡型物體不斷漲大...這時意識到可能咬破了微絲血管，便用手將腔壁壓向牙肉使那泡泡破裂放血並吐出大量血往杯子裏去，Niki 與眾服務員見狀即施以援手，有的往取冰水清洗傷口，有的取來葯棉幫助止血並說要去急症室。最後更拿來塗了XX白葯的棉花往咀裏塞...過了一會...真的見效...血止了...但已沒機會品嘗餘下的美食...不過在這裡感受到香港人的一份特質...在突發事件時無分彼此，有效率地作出無私的行動...借此多謝旦王花一眾優秀的員工...多謝...

遙遠偏僻的旦王花, 去到泊車等位都好多人, book 咗位去都要等咗20分鐘先有位, 今次一行9人既飯局, 叫到成檯都係食物!!
環境真係幾靚, 香港有如此大間露天泰國菜館的嗎, 餐廳很有心思, 連周邊都種咗棷樹, 不過睇唔出係真還是假, 令人很有身在泰國的感覺, 好似thailand resort , 村屋大花園可改裝得咁靚, 好落本呢!! 大部份都係露天座位, 極具浪漫氣氛,!!
除了餐牌上的食物,仲有一個BBQ Counter, 有好多海鮮, 牛扒, 蔬菜揀, 海鮮有...帶子, 大蝦, 老虎蝦, 聖子, 大蜆和魔鬼魚等!!

金柚沙律 ~ 柚子多汁, 酸酸甜甜
青木瓜沙律 ~ 呢個沙律無得頂, 青木瓜新鮮, 略嫌份量太少, 好味
泰式生蝦刺身~ 新鮮好味...值得推介!!
泰式珍寶拼盤 ~ 有沙串燒, 炸蝦餅, 炸春卷, 南瓜粟米餅, 仲有蝦片添, 無乜特別!!
冬蔭公湯 ~ 太細煲, 毎人分到少少...唔係好辣, 仲好足料!!
炸蝦餅 ~ 好重蝦味..得!!
鐵板蠔仔煎旦 ~ 蠔仔都幾多, 好香, 掂喎!!
燒豬頸肉 ~ 爽脆入晒味!!
燒牛仔骨 ~ 燒得啱好, 唔韌又嫩!!
燒西冷 ~ 好有牛味既西冷, 唔差!
燒鱔 ~ 好厚, 淡淡肉, 皮脆!!
蒜蓉包 ~ 好香口, 軟綿綿, 點咖哩好好味, 再order 咗一次!!
香芒黑椒牛柳粒 ~ 牛柳有牛柳味，芒果有芒果味, 味道頗特別!
燒魷魚 ~ 好味, 一d都唔韌!!
咖哩蟹 ~ 真係好大隻, 啖啖肉呢, 咖喱汁點蒜蓉包食都好好味!!
馬拉棧通菜 ~ 正.....味道很好, 最重要不太鹹

食物質素我覺得一般, 但環境搭夠!!!

上星期六我與家人去那裡! 首先，我希望談論他們的服務。 一個字能说明他們的服務 - Terrible!

首先，我們有9個人，他們设法緊壓我們入一張6個人桌。

其次，服務我們桌的女服務員極端無禮。 她總是假裝看不到我們的要求，三番四次”忘記”落order, 講話非常粗魯，就像我們在麻煩她。

第三， 在我們的桌的輪盤沒法运转。 我們兩次要求女服務員處理，但是她似乎失去了記憶，继续忽略我們的要求。

第四，Refill水 - 需要要求許多許多次。

食物 - 沒什麼特別。 1.咖喱蟹 - 完全沒有咖喱味。 2. 木瓜沙拉 - 分量非常小。 3.蒸魚 - 無味和不新鮮。 4.綠咖喱雞 -極甜。 5. 燒king pawn, 雪的，但HK$168一只。

環境-，雖然它有裝飾, 它是附近有許多要蚊子咬。 明確地不值得再去! 特别是與這樣的服務態度。

We found ourself so stupid to drive all the way to this restaurant.

Firstly, when we arrived there, we found a parking outside the road, after we park, there are 2 parking boy from the restaurant come out and told us to move our car. We ask them why can't we park here, this is a public area.... then they just said, YOU CAN NOT PARK HERE.... then they try to start to move their car towards our bumper, they nearly smash in our car..... Since this restaurant is in the middle of no where, and we are so scare about them, so at the end we have moved our car.

We ordered a mix satay, which we expected to be grill but it is not, they just use the quick
& easy way to fry in the pan. the peanuts sauce was worst than the real to use one.

Seafood Coconut Rice : The rice come inside the coconut , with no taste at all. And the seafood is only available on the top which is only a spoonful. How can they charge this price ?? Plain Rice with no ingredient.

The Pork Ribs which is cheft recommendation on the day was unbelievable, It is so hard , you can't even chew...... Very extremely bad

The Singapore Curry Crab .....100% this is not Singapore style, it is just noraml red curry with crab.

The salad was the only dish which is eatable.....

This is a open air restaurant which is extremely hot , we eat under the heat and in the middle of the dinner, they black out ..... check with the waiter, he said this happen all the time.... Ha...blackout all the time....... can u image the food in the fridge ?? It will gone off so easily in this hot summer.

I would never recomend any of my friends and people who read my ad to go to this restaurant.

其實由book位開始我哋都因人數左改右改,改咗五次改到連自己都唔好意思,但係佢哋都無嫌我哋煩仲好好聲氣,服務態度都算唔錯幾ok嫁喇,去到代客泊車班哥哥仔服務都ok細心仲提我哋攞齊嘢添,入到去待應帶位都ok無乜問題仲有d貼心位,就係負責二樓個待應姐姐雖然笑容欠奉但就幫仔仔搵櫈坐,事源仔仔坐bb櫈就頂住隻腳,坐普通櫈就唔夠高,於是待應姐姐就攞咗3張太陽櫈疊高比佢坐,後來佢見我哋人多仲攞多張太陽櫈比我哋擺手袋添,呢方面真係值得一讚呢位細心嘅待應姐姐(如果有笑容會更加好),但係唔知係咪因為呢期d食評個個都話唔好,所以我哋8:00pm去到入座率只得六,七成,可能因為咁所以各方面服務都好d喇,到點菜因之前睇過食評話燒蟶子唔錯所以叫咗半打,點知得一半新鮮另一半又細又唔新鮮,食唔食到好嘢就真係要睇下妳好唔好彩嘞,泰式拼盤水準一般,咖喱蟹個汁ok,蒜蓉飽x2ok,白飯x2ok,明爐酸辣炸鱸魚幾好味,咸魚炒芥蘭ok,紅酒牛尾ok,唯獨豆豉雞超唔掂,無豆豉味又無雞味,好似烚熟d雞之後求其加配料炒埋一碟再灑d豆豉係面無味到離晒譜,今晚七位大人一位小童消費盛惠13xx,其實睇下環境ok,食物ok,價錢勉勉強強ok,間唔中當拍拖咁行下都唔錯嘅,所以咁多樣嘢加埋咪比個ok佢囉.

當晚食同女友慶祝生日,但因為冇訂位...8點去到都已經開始要等!!
等既途中我見個女仔響門口都成日走入去幫我地睇有無台...
我就多口問下個女仔,平日係咪都咁多人~
個女仔都好好咁建議我地下次平日黎...仲即刻俾咭片我地
話平日人會少d!!但我剛剛睇返d食評又講到個帶位好差咁!!
我唔知係咪同一個人la
但有時你用咩態度對人,人地就點對返你既...
至少我又覺得個女仔態度真係算唔錯......
出面幾多由得你等,睬你都傻呀~~
所以都響度幫個女仔平反下喇

講返食物，雖然唔算好好食
但係都係叫合格有餘~~~
最好食就係燒超大帶子......好惹味
我同女友一人一隻都話下次黎都會再點…

首先要向之前評旦王花為"差"食肆的食家Say Sorry同埋向你們致敬, 因為我不聽勸告,走去一試,點知中埋招....唉!!亦向評"正"的食家講聲"你地食完有無買番張六合彩"??
話說我有一位好友生日,佢係一個龍友,知道旦王花環境靚,已經一早渴望到旦王花食泰菜兼拍照,適逢她生日,所以另一位好友就建議到旦王花慶祝。
由於要訂位,所以我就來到open rice找電話no.,同時亦參考各位食家品評,一睇已經心知不妙, 但歸納結果都係彈BBQ燒烤多,所以決定唔會order海鮮BBQ!!純粹食一般泰菜。
我們一行4人驅車到"山卡啦"咁遠 嘅旦王花,仲一度迷路,到達後坐係一個有帳棚的地方,望向四周環境真不錯,之後侍應放底水& 餐牌,我已經急不及待立即看一看有甚麼特色食物&推介...在廚師推介中看中"香茅蒜香雞",到order 時點佐粉絲沙律, 蝦餅,串燒(雞 牛)青咖哩雞,馬拉盞炒菜,芭提雅蠔仔蛋(唔多記得個名),蒜蓉包6個食物,但order後發覺忘記點 "香茅蒜香雞",但為免食七,唯有加多個酸辣鳳爪。
粉絲先上枱,各人拿起水杯飲杯,我吞了一口, 發覺口中有異物,以為係茶葉,但再望隻杯,係水無茶葉,再用條脷感受時, 一道惡嗅從口而出,連忙吐出來,一看有隻黑色"嗅屁蟲"物體(唔知正確名),吐出後個口仲好嗅,漱口後,叫個侍應來投訴,答案竟然係:先生,坐露天有昆蟲係正常...OMG!!我反問佢,小姐,我之後每一道菜有昆蟲甚至係甲甴都係正常?Sorry 都無聲,條女係做帶位各位認住佢。之後朋友為免掃興,叫佢換杯算數,但條女攞走後就無攞返來!!態度不知所謂。
講番d菜, 一般過一般!!沙律,串燒,菜,鳳爪底級煮法,好難煮得唔好食,OK!!蒜蓉包,唔脆,無乜蒜蓉味又唔塗牛油...蝦餅,衰過我之前推介點姐泰菜D蝦餅,舖仔 vs 大舖...舖仔鮮味加底食取勝!!!青咖哩雞,不知所謂,雞完全無味,係烚完雞肉後放返入青咖哩煲一煲就上枱嘅感覺..失敗!!芭提雅蠔仔蛋...嘩!!精彩,完全係無芭提雅感覺,甚至係無啦啦返佐屋企食僅我老豆D蠔仔炒蛋囉!!出晒水嗰隻!!(我明白星洲係無星洲炒米,但我心目中呢個菜,起碼都有D辣辣地,唔似芭提雅都不至於返佐屋企咁大鑊)。依然失敗!!
壓軸介紹,廚師推介:"香茅蒜香雞"不愧為廚師推介,買點Selling Point,外香脆內軟,解構:秘方醃製,油溫要猛,一定要猛才炸得香脆可口,就係因為夠猛,佢先可以炸得出睇落香脆,內裡得2成熟,真係"香脆內軟",我d同事都以為我吹水,但有相為證立刻媽媽聲!!起初試一件,細細舊,咬落感覺無香茅味已經失望,香蒜味又無乜,勝在香脆,但咬落,發覺纖維組織有d特別,咬多2口,我大叫唔好食,未熟,朋友都話無可能,咁炸法都唔熟,之後另一位朋友都話係wow,唔熟!!之後同個侍應講唔熟,佢話換過一碟,起初都話好,但諗吓,嘅然惦過口又冇香茅&蒜香味,我立刻叫佢返來取消碟雞,無謂"side"錢,之後我就攞起相機拍下罪證比各位睇,之後有位朋友夾起她放下無食嘅雞,叫我影埋:呢度d雞炸得燶,影埋佢,影完,我將件雞撕開....嘩!!!唔講喇!!你地自己睇相啦!!
各位:野就講完,好自為知!!

用餐日期...已忘了...

那晚, 在附近買完東西, eatmate說想順道來這裡, 但忘記店名 ~
幸得openrice與手機上網功能, 我們竟能找到!

估不到, 人很多, 要等位...

環境不錯, 食物一般, 只有串燒較好, 甜品甚弱 ~
順道來也可, 不值專程來 ~

一直玩到大, 直至7年前赴英國留學的一對孖仔2個星期前突然回港, 嚇了我和同齡的妹妹一大跳.然而約到他們吃飯的時候, 已是離港前三天的事了. . .

容我說一下廢話, 我總覺得和他們2人很有緣呢. 孖生對龍鳳, 大家又是同姓, 年齡也不過差一年幾個月(他們比我大少許), 再次見面時是異常的興奮 . . .

於元朗的麥當當會合後, 一行四人叫了輛的士前往旦王花, 沿途一路上盡言舊事一大堆. . . 還聽說會有三個朋友一起吃飯, 不過一概少理, 因為今晚是我們聚舊的一夜! (他們沒有份=])

好了, 廢話說完.

車子在紅色的霓虹燈下漸漸停下.下車走上幾步, 發覺付近比較漆黑, 只靠餐廳的光和的士車頭燈照亮. 餐廳的燈光柔柔的, 很舒服.

我們挑了一張較暗的圓桌, 整體地方開揚. 三位不認識的朋友作過介紹後就由他們點菜了. 而我們呢, 當然又是. . . . .

點好的菜逐一呈上, 首先頭盤是個芒果柚子沙律. 好像加了些千島醬汁, 他們說是不錯但我不太好這個, 只是試了一小撮而已. 不過也算是挻開胃的.

之後是一大堆的燒物, 也是我最期待的~ 一塊燒牛仔骨, 7人分不了多少. 不過少食多滋味, 還要留肚吃海鮮! 牛仔骨約六成熟, 沒有滲血, 有油脂香. 醬汁酸酸的, 不過挻辣. 我第一次點了太多, 竟被那突如其來的辣味嚇倒了. . . = =

當燒蟶子和燒扇貝上桌時, 我無言了一會. . . . 怎麼從沒有見過如些大條的蟶子! 7條蟶子足足有小手臂那樣長! 平時在大排擋的約是一隻手指般的大小,這條就是平時的3倍! 肉就當然不止三條的總和了. 咬下去有爽口又濕潤, 新鮮十足. 一份鮮味加上烤過的香口, 那時我真的感覺有點幸福呢. . . 哈, 原來有時要滿足是很易的.友人加上佳餚,再也不需要什麼了. 扇貝也是 oversize 的,整個比我手掌還大. 我和妹妹二人分一隻. 我還是喜歡吃裙邊和橙色的那東東, 貪它那份口感和鮮味. 帶子肉很巨型, 不過相比下總遜色一點呢

再來的是巨型燒蘑菇. . . . 我在想為何所有東西都是 oversize 呢, 我想起mario....
這個大大菇味道很淡, 和剛才的燒物對比很大. 大大菇沒有伴上醬汁,應該是來清清味蕾的. 我說話說得多, 只吃到一片. . . = =

中間有一段空檔沒有上菜, 大孖叫了一支白酒. (吃完了海鮮才叫咧 = = ) 我本身對酒不太有認識, 於是便學人搖兩搖, 小啜一下, 沒有了.

下場開始, 架喱蟹登場. 吃這個蟹當然要配上蒜蓉包! 架喱中加了蛋絲, 感覺特別. 它不是很辣, 有著絢麗的彩椒,甜甜的蘸蒜蓉包一流. (哈我反而沒有在意蟹肉本身了) 結果叫了兩籃才肯停手. 最後的是個烤雞件, 很多配料很濃味. 不過我沒什麼印象, 覺得有點太普通, 不驚喜.

吃吃談談之際, 有個人拿著結他唱起歌來~ 都是一些舒服的小品. 當中有一首好像是印尼話還是什麼的, 很想跟住唱. . . 如果全場都是這麼投入就好了, 氣氛一定會很好.

還有在閒坐的時候, 侍應送了三支啤酒, 上面有塊青檸很得意. 可惜我不嗜酒, 都讓給他們了.

要說一點挑剔的話, 就是那個洗手間吧, 太小了...差點男廁要排隊! 和大孖竟然玩起水來...和當年一樣貪玩!

最後結帳約一千多, 間中一次可以吧. 整體來說是十分不錯的.

畢竟在這溫馨的晚上, 一切都會看得特別的美好. . . 環境好食物質素也不錯. 相聚一刻幾時再有? 也許已是幾年後了.

我們夫婦2人第一次到這地方，環境相當好，枱與枱之問很闊，好有泰國情調l。我們點了冬蔭功、泰式炒飲、咖哩飯炒雜菜、燒魚和黑糯米，我們都不是食家，覺得餸菜泡製和其他泰國食店都是大同少異。這裏的餸味道沒有九龍城泰國店濃烈，若你不提醒侍應生，一般都並不太辣。海鮮就有很多種類可供選擇燒烤，全是冰鮮。
我反而欣賞他們服務，侍應生相當充夠，不停為我們添水，上菜有層次先後，對菜色認識充足，她們還主動提醒我們每碟份量大小。我認為價錢是比一般泰國食店畧貴，但偶然試一次無妨。

環境靚.又抵食
跑Online的公會一行14人去食埋單只係每人140蚊.抵到爛gag

不過冇叫海鮮bbq.


食十幾樣野

但咖喱蟹唔好味.因為d咖喱原全冇味
冬陰功則可以再辣多少少
其他食物沒什麼大分別. 都幾好味

黎呢度食飯.最主要都係食環境

本身都冇諗過去, 不過細佬話要試, 死都唔信D食評食到咁差, 最基本因素系間野開到咁Q遠, 裝修又OK, 價錢都有返咁上下, 理應唔會難食.
不過事與願違lor.. 真系估佢唔到咁差!!!


先講食左d咩先
1. 超鹹唔酸唔辣冬蔭公蝦湯~例排
2. 龍蝦級價錢o既燒海虎蝦~2隻
3. 炭燒勁鹹無鮮味阿拉斯加長腳蟹腳~1隻
4. 蕉葉燒疑似老火湯瘦肉渣o既魔鬼魚~1份
5. BBQ鹹雞翼~1客
6. 炸粉團蝦餅~1客
7. 疑似蜜汁叉燒o既燒豬頸肉~1客
8. 鹽餅厚糊炒雜菜~1客
9. 室溫椰青~2個

餐前先送: 有魚腥味過濾水喉水
餐後再送: 菠蘿西瓜片 及 泰式甜品

全餐1300蚊左右, 4個人

先講個湯, 之前有食家話冬蔭公唔點, 好似鹹魚頭湯 (We Proved true!!)<--我地唔系明知都要叫, 系冇得choice囉... 叫咩冇咩. 想食翅又話返唔到貨...唔好玩我啦.魚翅冇貨?? 你估恆指爆升4萬點, 人人搶住食??
到個海虎蝦...你話佢唔好食又唔系. 好食又不叫得...總之唔值啦.$168蚊隻.. size約似條司華力腸咁lor
阿拉斯加長腳蟹腳... 話晒都成日食, 最少1個月幾次..真系未試過今次咁冇味o既腳lor..好似系放左好耐冇人食..要用鹽除去味咁, 得一個字形容 "鹹"
食過魔鬼魚o既朋友, 一定知道佢d肉系一疏疏, 好似豬肉咁..但系正常應該肉好滑, 有d甜味... 尋晚過野真系....佢一定系燒over左不特只, 又用左d唔知放左幾耐冇晒味的蕉葉. 最過份系...燒完之後加左好多唔知咩香料魚露多鹽o既汁lor(黑色好似獲屎).. 大佬, 燒over左唔緊要.蕉葉唔香都唔緊要, 你唔好將黑色獲屎淋晒上面呀.. 個waiter重搞笑, 拿左1碟辣魚露黎之後, 重話比多碟我地, 怕唔夠味tim...唉
雞翼冇咩特別, 都系得過鹹
個蝦餅應該有80%都系粉
至於叉燒(真系唔似豬頸肉)燒到黑晒..冇汁..
我咁大個仔..真系未食過...生粉水炒雜菜多鹽 lor...冇話可說...已經系全餐最淡味的?.....
食到咁上下..個口都鹹到頂唔住..叫左2個椰青... 唉...雪左等如冇雪...

最好食.. 就系果幾一片西瓜.. 大家知唔知點解??
因為老人家教落..食西瓜加鹽係好食好多...
你地諗下..食到成口都系鹹味.. d 西瓜一定好食

老實講...我相信系新界西或北...任何一間大大小小o既泰國野..一定一定一定好食過佢...
返正都系?車去.. 不如食泰屋冇咁勞氣...又唔洗去咁遠, 食品唔算叫好好食...但都唔會好似旦王花咁差....真正不知所謂!!!

早幾日同一班朋友再去呢間成年前去過既旦王花
一去到唔使講野就叫左個馬拉盞通菜先(因為要等埋其他朋友)
跟住就出去揀野食
成班朋友e wa鬼叫咁揀
最後揀左一條班(唔記得乜名=0=)
元貝,牛扒,仲有幾隻大蝦(不過有d貴.........)

跟手叫左個冬陰功
仲有幾個送(咖哩雞之類)
等埋d朋友黎就開餐
講環境就一定係一流
d野食亦都keep到水準
今日既元貝仲好似特別大隻咁

但唯一要彈既就係烏蠅太多.....

最後埋單一人都要200幾
但呢個味道加呢個環境我覺得耐唔耐一餐都ok

冬蔭公好鹹,仲以為自己叫錯鹹魚頭湯,最值得推介係泰式無骨鳳爪,佢哋唔單止做到完全無骨而且特別加送D鳳爪完全冇味係一個技巧,BBQ燒得好濕上檯時凍晒,佢哋亦能夠做到唔似BBQ嗰下緊要,厨藝真係神乎其技.
最跨係埋單五個人可以成$2321有嘜可能,侍應仲覺得冇問題,經我們仔細CHECK單後,發現所有BBQ食物都DOUBLE計算,結果重複VOID單四次先搞到正確O既銀碼,但都仲要$1212
所以建議各位三思後行會好D,有勇氣就去試下囉