影片
食評 (29)
不知何解，月前行過這裡，又想食幾碟壽司，見人少少又唔使排隊，就來試一試。接近十時，自然位是任坐，就坐在履帶旁吧！看壽司轉了一圈，似乎也轉了好一段時間的，不太對辦，就拿了餐牌來另叫。火灸帆立貝壽司做得幾對辦，帶子僅熟，鮮甜嫩滑，燒上甜美的燒汁，味道很不錯；軟殼蟹壽司凍凍的，已經沒有什麼食趣，明明見履帶上是沒有這一碟的，在那裡拿來的呢？大膽地要了一客蟹腳壽司，蟹肉還要是刺身來的。吃起來鮮甜，但帶點點腥味，始終是遠離原產地，不能苛求，也不應在香港隨便吃這味。侍應服務相當不錯，交帶想外賣幾碟壽司，立即執好成份有醬油有芥末的「外帶套裝」來，相當企理，值得一讚。埋單一百一十幾，不用排隊的話，來吃幾件壽司，也無不可。
繼續閱讀
我都去左4-5次淳壽司,食品唔錯啦, 真係OK ,壽司好多款好大塊, 重做緊promote, 我兩個人食左12客sushi, 埋單$200唔好比d惡意中傷你間店嘅對手
繼續閱讀
跑馬地口禮頓道一連有三間日本菜，有次同朋友行過諗食邊間好，其中一個點名話唔食一壽司，而我又覺得鈴木嘅嘢食一般，所以最後扑鎚食依間。以壽司嚟講依間都做得不過不失，大路嘅款式都一應俱全，比較另類嘅例如秋刀魚、胺康魚肝、蝦仔等通常都麻麻地好食。朋友們鍾意食蟹腳柳同牛油果，而我個人就比較喜歡火炙系列。佢哋個蒸蛋都唔錯，魚生飯同其他小食就份量細咗啲，整體嚟講算平均。環境方面，其實裝修算唔錯，地方都算寛敞，但客人好似普遍比較喜歡坐order枱多過廻轉枱，可能因為師傅嘅態度比較散漫所致。唔知係咪附近多樹木，店內不時有小蟲低飛徘徊，依方面店方要努力改善下。其實各方面依間餐廳都算過得去，但生意就明顯比鄰近兩間對手差，我相信主因係服務方面。侍應嘅態度雖然唔算差，但就總係心不在焉，漏單追單等情況頗為常見，試過有一次同朋友幫襯叫佢哋俾杯熱水，三番四次提醒都係俾唔到我哋。而且侍應嘅訓練明顯不足，俾客人睇見個個好似心神恍惚會好影響店鋪嘅形象。依間壽司鋪開張初期送俾每個客人一個冲繩鎖匙扣，俾人嘅印象都唔錯，但要保持住服務質素先至可以令客人再嚟幫襯，依方面佢哋就要加把勁，否則強敵環伺好快就會俾人淘汰。
繼續閱讀
抱住試新野的心態, 七點半來到, 大把位任我地揀. 因無乜人, 所以揀左迥轉位, 隔離位仲可以用來放手袋添. 點了蟹棒, 玉子, 淳蝦, 帶子, 油金魚, 費城壽司(係卷物, 內有三文魚, 有少少芝士醬....味道有點怪....因未試過, 所以試下). 另外點了劍魚刺身, 炸雞軟骨, 蝦天婦羅.叫了一支李白清酒, 店員拿錯了一杯, 我們通知店員是叫一支的. 各款壽司沒有特別, 刺身算是新鮮, 雞軟骨不夠味, 蝦天婦羅都是一般.坐位舒適, 食物普通, 店員服務一般, 有時要叫他們才會添茶. 可是店內無論是負責做壽司的師傅或是點菜的店員, 全都欠缺笑容, 難怪在銅鑼灣晚餐時都不坐滿了.
繼續閱讀
午餐想食少少野,一個人既選擇第一時間又係壽司,望對面馬路,左邊係一壽司,右邊係淳壽司,左揀右揀,淳壽司!食既包括一客三文魚子海膽軍艦,一客吞拿魚壽司,一客玻璃蝦,一客三文魚,仲有係油甘魚!味道幾好,材料新鮮,不過芥辣一d都唔辣,而且枱面應該供應酸薑,因為價錢唔平,食五碟壽司一百蚊都唔夠俾!下次要試吓一壽司!
繼續閱讀