又到188商場朝聖，每次例牌到附近買些小吃止止痕。泉昌的臭豆腐、十三座的牛什、腸粉皇的腸粉等等已吃過很多次。事實上這兒的港式漢堡也已吃過一次，照道理不是甚麼新奇的事物，但面前的這隻"芝士漢堡加熱狗"的混合體，印象中就沒有太多機會遇到了....

以長型的熱狗包夾入漢堡扒及芝士，感覺上總是格格不入的相信可能是時間太晚了，漢堡包身已全沽清，所以便以熱狗包來濫竽充數便算。小弟對熱狗包沒有反感，感到不爽的是店方在弄好之前，也應打聲招呼才是道理吧....

最弊的一點是，漢堡扒煎得樣子"黑掹掹"的，未吃之先亦幾已肯定是弄焦了，而且肉入口又是"散修修"，味又調得很鹹。熱狗包外皮沒有烘得微脆之感，失敗；芝士不是呈半溶狀態的，硬梆梆的極不好吃；沙律醬又落得太少....

總括言之，這隻四不像的東西，賣相及食味皆無，可棄之可也....

叫左個漢堡包
即叫佢即刻煎既
等左差唔多5分鐘先有
個句煎到好脆確實唔錯
但係塊肉就無乜肉味而且好淋好散完全唔得
雖然只係$7但係應該都無下次

人人o黎到呢間o野唔洗問，芝士漢堡，炸雞腿。不過我唔係想講呢o的大家都知到好食ge野。
呢間野開o左30年都有la，入邊個肥仔廚師都做o左好耐，佢ge炒飯功力非同小可，用ge係新鮮飯，但係粒粒米都識跳，我最鍾意係叉燒粒炒、西炒飯同菜甫豆角粒炒飯，味道不錯，但是肥仔廚師鍾意用好重油，記住題佢要少油。
另外，佢ge黑椒蔥爆牛肉飯都有一手，和漢堡包一樣，牛肉唔算好高質，但是和黑椒，蔥等物配合得天衣無縫，好好食。
此外，可以叫芝士漢堡扒燴意粉，餐單果道冇ga，不過可以食到兩塊漢堡扒，好低食。
有一樣o野仲絕，如果大家好想一次過食佢最出名果o的o野，可以叫個炸雞腿餐「走狗轉芝堡」，即是唔要熱狗食芝士漢堡，只要加少少錢就ok，如果大家六七點去到，不妨飲碗中湯或羅宋湯，個人認為不錯。
間o野睇落好似好髒，但其實o的o野乾淨，間o野最好就係低食，正當自己的招牌菜賣到出名，都唔會加價，值得一讚。廚師功力又深，如果下次有機會去食，不妨自創一個飯(當然不可太過分)，佢可能直係煮到比你ga。

Hamburger has long been my love, for a western one, Triple O at Great is my most beloved one. Then came to hong kong styled then I realized it's the patty together with the lightly flavoured sauce that has captures most hongkonger's soul, not to mention its relatively cheap price.

Lucky's hamburger has been a legend among locals, together with its effectiveness and friendness of staff, one wouldn't resist waiting a bit while for its delicacies.

Got its hamburger, freshly grilled, juicy patty with generous portion of tomato sauce, together with the crispy heated bun, can't deny it's absolutely a bargain treat for one's quite bite.

However, my fragile GI system may be too weak for such a fast food, got gastroenteritis the same day.

之前睇openrice介紹過灣仔都有間賣港色漢堡包的店,今日經開灣仔就去試下

叫左個芝士漢堡($10), 比起時新,佢細個d, 而且用的醬只係普通的茄汁,而且塊肉只得半個包咁大,又厚薄不均.

不過佢個包烘過, 塊牛肉都熱熱地, ok 吧, $10 一個都ok喇

不過個人鐘意時新多d ~

14-4-2009

想試呢度的港式 burger 好耐了, 呢日終於拉了朋友0黎 dinner 試試. 一人叫了一個芝士漢堡 ($10 each) 及凍奶茶 ($9 each), 另加一客薯條 ($7) share 食.

先0黎芝士漢堡: 嘉頓芝麻包雖然烘得唔夠鬆脆, 但熱辣辣的, ok 吧; 中間的牛肉腍腍糊糊的, 無乜肉汁, 芝士就係無味「卡夫」牌, 不過夾到半溶, 加埋茄汁, 加加埋埋都 ok 吧 -- $10 一個仲想點? 雖然時新 (http://www.openrice.com/restaurant/commentdetail.htm?commentid=1858266) 好食 d

波浪薯條就好好食 -- 薯味一般, 不過勁熱辣脆口, 仲出奇地完全無油的, 蘸點茄汁, 食唔停口!

凍奶茶就得啖笑, 色水「花奶」, 飲落就係冰凍奶水的味, 可以不試.

呢度主要做外賣生意, 鋪位比附近的迫夾熱狗店 (http://www.openrice.com/restaurant/commentdetail.htm?commentid=1984123) 更細, 亦幾「街坊」的一個地方, (老闆?)阿叔幾友善的.

下次食炸脾

只是一海之隔，同是舊式快餐店，同是賣包的，為何分別那麼多? 所謂人比人，比死人，如果要比，做人真係太辛苦。世界就係咁，既有出名的人，也有低調的人。

沒有長長的人龍，但有的卻是同樣高質的漢堡。包是微熱的，漢堡有肉汁，加上了溶化的芝士是一個無敵的組合。

連港式咖啡一杯都只是14元，都算抵食。

http://hk.myblog.yahoo.com/zen-thefoodhunter

本來想打樂景很久了，新開始到灣仔區不知道有什麼好吃的地方，我連點了大半個月樂景的外賣。最平的飯十八元有交易，是那些汁加肉的自由配對之選，是那些常常見到的白汁、咖喱等配雞、豬、牛。其實味道是可以的，只是偏鹹了一點，如果師傅在每碟飯也加少些鹽就更好呢。另外一款會選的飯，是鹹魚雞粒炒飯少油多菜，不說少油的話，吃完飯盒底也是油的。

不過今次要介紹的當然是人氣不太強，但味道真不賴的芝士漢堡包。一咬下去，就知道有什麼大不同，牛肉是碎牛肉煎拼合而成的，雖然比較薄身，咬下去口感很好，不會身不是ｍ記的一塊過，牛肉味道濃，加上茄汁和芝士配合得天衣無縫。一個十元有交易，抵吃也。

不知道OR超人氣時新會不會令我吃到味道更上一層樓的港式漢堡包呢?

今時今日 $7 可以做D咩...?

相比個D $70-$80 一個既外國漢堡店, 呢度D burger真係另一番風味

呢度D burger 唔會有乾爭爭鞋sarp sarp 既牛肉patty, 新鮮patty 好夠肉汁, 面包烘到少少脆, 有香味透過黎, 由於唔會有個salad 夾係裹面, 所以食到味都仲係脆同熱唔會好似出面D burger 咁soggy...

昨晚專程和我的他來了這兒吃飯
叫了..
芝士漢堡-- 個包脆脆地，塊牛肉幾好食，芝士唔太溶，個汁唔太多，好似時新個d好食d，不過呢度都唔差
炒貴勺 -- 我覺得唔夠咸
雞柳um列--冇乜特別不過都ok
呢度d野即叫即整，夠熱
但係侍應會叫你自己去櫃面攞，少少搞笑囉

較早前黎到灣仔,想起附近有一間備受好評、賣burger 的快餐店,便決定去食個芝士漢堡!

芝士漢堡($10),比起burger king,mos,m記..它真的十分經濟

下午時份,餐廳一個食客都無,我靜靜地等著芝士漢堡出爐時,發覺牆上貼有唔少雜誌都介紹過的食評。

芝士漢堡終於整好喇!熱辣辣!芝士在半融狀態,包同時新一樣,都係嘉頓出品,漢堡扒雖沒有洋蔥粒混入,但唔會死實,稔稔地,加埋茄汁,味道豐富,真係好正!!

奶茶係真正港式奶茶,滑而茶味濃郁..不錯!!

總體而言,時新同樂意各有千秋,前者勝在混入洋蔥粒的漢堡扒,後者加入我最愛的茄汁,漢堡扒較稔,值得再三一試!

現在每次途經巴路士街，步履都會不自覺的往樂景走，回味那簡單及愜意的美味．
簡簡單單的漢堡，還不過是賣$10，在這百物騰貴的今天，真的不可思議．簡簡單單的即煎漢堡牛肉，配合那簡簡單單放在鐵板上烘暖的圓面包，原來快樂就是這麼簡單呢^^

2008年7月17日，樂景快餐

一買買了兩個包吃, 個袋好懷舊好有feel, 收銀嘅哥哥都幾友善, 不過...
芝士漢堡：件漢堡牛肉好鹹喎，唔係講少真係好鹹…乜味都遮哂啦…
豬扒包: 鹹度好D，不過豬扒有點點雪味，同埋個沙律醬不太啱我。
有點失望...

"樂嚐芝士漢堡飽，景咬美味炸雞翼"you can find these at the shop ,so fun.
門面好有7~80年代feel，我很鐘意啦～無遲到的話我都會在這裡買個飽。落單後師傅們就會整，要等一陣架。飽到手時很暖，咬落去，好吃！不過我係吃魚柳飽，皮脆肉嫩，日日吃都不會厭呀～～～～
試過請四仔吃雙層漢堡包，佢地都話好吃呢。
It's the best choice fo breakfast and tea.

早一排師傅再次黎到呢間食店, 全因為臨別秋波, 所以就黎多一次! 既然如此師傅就試下個廚房炒野炒成點啦, 於是師傅就柯打左個西炒飯加多罐汽水!

等左一陣就有得食, 即叫即炒熱辣辣; 先試下味道先, 炒飯都炒得幾香, 飯亦算乾身, 不過味道偏酸, 應該係茄汁較多嘅關係, 料亦算足, 係油少少啫, 口感都可以啦; 至於汽水係罐裝, 所以一定冇問題!

總括黎講西炒飯味道一般, 環境地方細細, 服務都可以, 價錢係廿蚊碟飯, 加多五蚊有汽水飲, 都幾抵食; 有機會都會再黎, 不過機會渺茫, 笑臉今次收起, 皆因水準差少少!

難得星期五唔使著制服, 所以心情都幾靚, 到放飯時間見到陽光普照, 真係好有放假嘅心情, 突然間師傅心血來潮, 好想黎呢間食店, 於是就各住目的地出發!

一入到去, 師傅即刻柯打番個上次食唔到嘅雜扒飯, 再加杯凍檸茶! 等左一陣就有得食, 雜扒飯賣相都幾靚, 有煙肉, 腸仔, 豬扒同牛扒, 而汁就揀左黑椒汁; 先講下個黑椒汁, 味道都幾香辣, 味道唔錯; 煙肉一塊, 都煎得幾香, 味道唔算太咸, 唔錯; 腸仔一條, 冇咩特別; 牛扒都係比較乾身, 韌左少少; 而豬扒反而夠鬆夠腍夠入味, 但咸少少, 不過都都幾好味; 份量師傅就覺得少左d, 皆因食晒之後仲有少少肚餓, 飲埋杯凍檸檬茶就啱啱好; 而凍檸檬茶就幾好味, 檸檬幾清新, 係茶味淡d, 可以!

總括黎講食物質素尚可, 環境地方細細, 服務態度都可以, 價錢廿五蚊一個飯, 加多五蚊有凍檸茶, 都幾抵食; 有機會下次一定會再黎, 炒粉麵飯點都要試一次, 笑臉比得過, 皆因飯後心情極靚!