6-11-2009

想試呢度好耐, 奈何每次經過佢唔係無開門就係無位, 呢日「下場」前終於同朋友嚟了. 大家都叫了 set dinner, 其中一份加了 $20 飲湯 (亦可選沙律) 兼食 dessert; 另一份就齋跟一杯餐飲.

餐湯係 potato & leek soup (?), 質地有點稀, 味道較淡, 不過都飲/ 食到粗糙的薯肉, 算啦; garlic toast 薄薄一片, 幾鬆脆, 不過我覺得唔夠味, 感覺一般.

主菜「西班牙紅酒汁焗鴨胸伴薯角」屬呢度「名物」, 鴨胸層皮焗得微燶,「走咁 d油」之餘又香脆, 而酒紅色的肉就十分嫩滑 juicy, 帶少少 smoked 味, 配上甜甜哋, 無乜酒香但帶點果香的「紅酒汁」, 又幾好食 On the side 的薯仔亦唔馬虎, 夠香又幾香口, 不過其他的 veggies 就 hea 了 d, 仲有我最憎的青紅椒

餐飲揀了熱咖啡 -- 幾香,「齋」飲味道甘濃, 帶點澀, 可幸酸度唔高; 落 full cream milk 及 brown sugar 後, 就當然易入口又滑了唔少, 都不錯.

唔飲咖啡的朋友飲熱 (港式) 奶茶, 色水好「茶」, 唔知好唔好飲?

甜品可選 apple crumble 或一 slice 自選蛋糕, 為免 apple crumble 要等搞到「下場」遲大到, 都係食餅櫃內的 homemade 朱古力香蕉蛋糕算了, 估唔到又不錯 -- 香蕉落得唔多, 食落亦唔多覺, 但蛋糕係好 moist, 朱古力味香濃, 甜度剛好, 不經不覺好快就「啄」晒了, 滿足.

食物不錯, 小店格局帶點家庭式, 衛生就較差, 成餐飯都有蒼蠅飛來飛去, 仲飛了落我杯水內 , 唯有唔飲吧; 兩位女店員態度友善, 招呼就不錯.

埋單每人約 $80, 唔貴, 雖然整體幾港式, 但「名物」及蛋糕係幾好食, 值得一試的.

估唔到咁好食！
食咗好多間鴨胸,這間係無敵架！
個環境比較細，但乾淨!
三五知己去食下無問提！
特飲都唔差，個cake 食得出係home made,食得出用心整，
個意粉質感好好呀，彈牙,但個份糧比較少，但價錢係用抵字！
唔記得影相，下次會後補！

週末從大坑散步至灣仔,經過不少很有回憶的路,最後走到這間我很喜歡的小小cafe,除了取蛋糕外也順道小休一下。從tea set中點了寫了"必食"的 鮮果忌廉自製窩夫配薄荷葉檸檬冰, 讓酸酸的檸檬為我打開胃口嘛!

窩夫製作需時,飲品首先送到,大大塊像鵝蛋石的冰塊首先吸引自己的目光,很少見會用上那麼大的冰塊呀!!移動杯子時發覺底層仍然微暖,一定要拌勻才可以飲用。淡淡的薄荷味道首先衝擊舌頭及喉嚨,涼涼感覺讓喉嚨非常舒服,在這開始乾燥的季節真的適合得很,個人認為薄荷味道以再重一些,要是不喜歡薄荷的也不會點這款飲料嘛;如果可以換上鮮薄荷葉又或者乾葉和新鮮葉兩者一起泡, 味道應會更加清新的; 加上幾片夠酸的檸檬片和應是來自蜂蜜的甜味,的確是一款很滋潤清涼的飲品。

廚房傳來香氣,窩夫到了! 三片窩夫重疊一起, 以下午茶來說份量非常ok了。幾片窩夫大部份也是軟軟糯糯的,有著麵粉及蛋香, 以香味來說蠻不錯,只是窩夫做不到外脆內軟的感覺,總覺得這個貴價版格仔餅有點失色! 另一方面鮮果只有一條切片香蕉和三件去了芯的雪梨!連草莓也沒一粒,用雪梨作配搭已算少有,雖然香蕉片熟透香甜,味道真的不錯,但真的少點變化,莫非小妹們希望來個全黃色調系列給我??窩夫加了少量朱古力醬/清甜蜂蜜和香滑鮮忌廉作配襯, 味道更形變化,但也彌補不了視覺上的單調感。

由於晚飯地點在灣仔區,也在這裡訂了2個蛋糕給壽星們, 姑姐hon的pineapple upside down本來以鮮忌廉作裝飾,但我要求全部走cream,Icy姑娘改以菠蘿片、脆身格仔餅和apple crumble的脆脆作裝飾, 再來一次純黃色配搭!! 蛋糕本身質感綿密, 感覺很實淨但又帶濕潤的蛋糕底, 當中混了菠蘿粒但感覺不到丁點菠蘿味,跟吃清蛋糕沒兩樣。雖然壽星夫人說蛋糕很好吃,但個人卻不太認同,也許以前吃過做得更好水準的蛋糕,今次這個蛋糕實在是有點失色, SORRY hon!!

壽星仔的朱古力香蕉蛋糕是店中名物之一, 相當受食客歡迎。今次的蛋糕表面比較脆身, 而且看來有點閃亮,似乎比菠蘿蛋糕對辦。說是用上法國 valhona朱古力所做蛋糕中間像brownie般略為濕潤, 吃來質感也頗相像,朱古力味道沒想像中濃郁,混了少量熟透香蕉在蛋糕內,香味比較明顯,起碼真的吃到香蕉味!兩者以這個味道較佳, 不過仍覺得以前吃過的出色得多。

今次的蛋糕水準不比以前,不過icy姑娘和另一位姑娘的服務仍然很好,洋燭、膠刀沒缺少之餘, 又細心地替我設想如何將2個蛋糕包裝到讓我拿得輕鬆一點, 真的謝謝兩位的細心。

同表姐一家食飯!
因為會帶埋bb恩既關係
所以就提議去附近既Rose!
一來唔係好多人, 二來同寶試過覺得唔錯~

呢度有不少set dinner選擇
跟餐加$20有沙律/湯, 多士同一件蛋糕

我地一行5人再加bb
叫了以下食物:
今次是南瓜湯~ 飲得出是真材實料! 我幾鍾意淡淡既南瓜味!!
多士 – 沒有什麼特別! 幾香脆

紅酒鴨胸伴薯角 - 這裡改變了我對鴨胸的負面想法!
先是沒想到會有這麼大件鴨胸的，而且賣相討好! 還帶有濃濃的酒香! 鴨胸外脆內軟~ 記得要趁熱快食呀! 如果唔係d酒揮發曬，成碟野會變得好油!

BBQ豬仔骨西蘭花配薯角 – 很一般。豬仔骨好細件而且乾，不過個source唔錯; 西蘭花凍冰冰的; 至於薯角太林了, 脆一點會好些; 驚喜的是這個set原來是連埋意粉的~

雞肉意粉 – 不過不失~沒有什麼特別

雙層芝士漢堡扒配飯 – 寶本來對它很有期望的…雖然芝士味濃但偏鹹，可惜漢堡扒一夾即散，亦不juicy…飯的份量又少…配菜冷冷的…

海鮮意大利飯 – 我是意大利飯的fans!!
這個意大利飯的軟硬度也合心意，可惜的是意大利飯本身很淡，蕃茄source與飯未能「二合為一」! 幸好海鮮不俗, 挽回不少分數!!!



飲品:
大家也嘗試特飲 --- 沙冰 (/冰沙?), 餐本身連一杯飲品, 轉特飲加 $8!!
1)綠茶沙冰: 得到讚賞~ 茶味濃!
2)芝麻香蕉沙冰: 味道出奇地淡!! 於是問問那裡的哥哥, 他是這款飲品本身就是淡淡的…還提議幫我們再make過~ 不過算了~
3)士多啤梨沙冰: 感覺很足料, 不過味道也是偏淡

我叫了熱情果茶(熱) – 跟餐好似要加入$5/6~: 幾香~ 味道唔會覺得好假!

蛋糕:
叫了幾款不同既蛋糕
最喜歡朱古力香蕉蛋糕 – 店主先微微丁熱件蛋糕~ 質感好似朱古力brownie!! 好rich! 不過size好似細左d…

overall 都唔錯, service好好~ 店主/店員好好笑容同好有禮貌!
值得一試!

一行四人找地方吃中午飯，隨隨便便的來到這間cafe。看見餐廳貼著OpenRice開飯熱點的貼紙，心想水準應該不會太差吧！

中午套餐有五、六款選擇，都是圍繞著意粉和意大利飯。每人揀一款，大家share食。

先講香草汁三文魚意粉，賣相隨意。意粉煮得太稔身，也嗅不到香草的香味，基本功不足。至於三文魚，又是過稔，未能吃出三文魚的味道，真的淡口；青椒煙肉意粉，都是太過稔，煙肉則太硬，很極端的兩種感覺，青椒亦是硬而不爽，又唔鮮甜，不好吃。可是，這兩碟已經算是正常的了，稍後來的更為恐怖。

南瓜醬什菌蕃茄意大利粉，上檯時一陣怪味。起初未能分辨怪味的來源，也照吃。蕃茄是沒問題，亦不會太酸，只份量不多；嚐點南瓜醬，味道亦正常；問題出現在什菇上，肯定是變壞了。向店員提出，要求換一件蛋糕也不行，只能換番意粉，既然吃過三碟也不出色，還是算了吧。

我點的魷魚意大利飯，是香，飯卻未能做得粒粒分明，而且太糊口，我個人並不喜歡。再說，魷魚又出事了，很腥，吃一件夠了。

以上四款，沒一樣是合心水的，以我的性格，應該不會再來了。

女友想食意大利粉, 唔想去 Delifrance 或 Olivers, 就想起呢間小店.

太約7時入到店內, 只有一枱客, 我們叫了白汁盧荀蟹子意大利麵及西班牙紅酒鴨胸伴薯角. 白汁盧荀蟹子意大利麵, 麵條煮得很滑, 汁雖不濃, 但很香, 至於西班牙紅酒鴨胸伴薯角, 鴨胸好大件, 嫩滑而多汁, 外皮很脆, 全力推介

另外, 一個餐加$20有蟹子沙律, 蒜香多士 及 一件蛋糕, 我們只加了一個 Set, 選了檸檬罌粟子蛋糕, 蛋糕的質感有點像 Muffin, 甜得黎很清新, 又不覺得膩.

我會再來的.

From the day that i do this job, i know i cant to BE MYSELF any more.. i want to throw away the complicated relationship n messy office table in my mind...

havent been to wan chai a long time , i walk alone, trying to find sth sweet,keep waalking
i go in n choosing cake or waffle..
a lovely girl with shinning smile made a choice for me... waffle with a cup ofCamomile
waffle...big size, good, iwanna FULL,seems like winnie the pool working here, a lot of honey on the top , crazy
Camomile is smooth,the sunshine girl said can help me sleep well tonite, hope so.....
magazines, jazz music.......
wonderful day .......

又多了一個offer，沙漠王子特登黎接我放工慶祝，問我想去邊度食，我亳不猶疑地選擇食返rose home kitchen啦！
carrot soup：今次好好味！唔算係cream soup，清清地，好多carrot，好正！
BBQ豬仔骨西蘭花配薯角：有三大件薯角，三件細細的BBQ骨，無諗過仲有意粉墊底添！薯角今次都唔係炸到好似薯皮咁，但係都算脆，又唔太熱氣，我鐘意！BBQ骨烤得皮脆，又不失juicy，仲有軟骨添！好味呀！個sauce係返漢堡扒的芝士磨菇汁，好好味呀！不過都係芝士漢堡扒多D，等下次試埋雞肉同牛舌後再返炒！
strawberry cheesecake：唔係成日都有，今次見到就一定要叫，cheesecake唔漏，但勁香芝士味，餅底又香，好好味呀！下次好想試埋百吉利甜酒蛋糕呀！
試埋蜜糖雞肉同埋南瓜牛舌後，我就食過晒rose的所有menu了，我都係咁鐘意佢呀！

不太舒服,胃口也不大,陪朋友找吃,他一直也有意思來這裏一試,我也沒有太大意見.

店內正好有兩女子在吃意粉,原來正是這裏的主人,給我們遞過餐牌後便繼續進食.下午茶餐有20款,主要是甜點或小吃.早已看準apple crumble.友人則對吞拿魚蕃茄杯起了興趣.

小店只有一個小型的家用焗爐,把apple crumble焗了約10分鐘便奉上.用來盛放的小碗很別緻,猶如一隻高身咖啡杯.Crumble面上放的不是雪糕亦非custard,而是加了朱古力醬的忌簾.至於Crumble,真的不合格,不香不脆,吃下的感覺只是浸"淋"了的麵包,沒有香濃的牛油味,很失望.Crumble下的蘋果很多,也切得很薄,吃到淡淡的玉桂香,所以結論是在吃蘋果.

吞拿魚蕃茄杯如所想的蕃茄裏塞滿吞拿魚,蕃茄面上很細心的放了一條條的乾意粉,賣相是一流的,只是味道總是未達標,不應互相融合.

熱咖啡極之香濃,要加很多奶和糖才能脫離苦的感覺.

小店的確很有Home feel,兩女子的衣著更是住家感十足.碗碟也極其精緻,只是食物未有餐廳水準,還需好好努力.

下定決定要試晒Rose的所以菜式，今次要了龍脷柳餡餅，蛋糕要了香橙芝士蛋糕和白朱古力慕絲蛋糕
soup of the day：potato soup，唔算好creamy，但係薯仔味好出，正！
香蕉杏仁龍脷柳餡餅：本來以為係酥皮魚，原來只係炸龍脷柳，感覺一般，不過夠大件，有兩大件咁多，個皮都脆，其實唔錯，只係我唔鐘意姐，無諗過佢用意粉墊底，個汁係杏仁白汁，幾香，唔錯～
香橙芝士蛋糕：橙味濃，仲有粒粒橙皮，反而芝士味就唔太出，比之前食的遜色～
白朱古力士多啤梨慕絲蛋糕：上面層mouuse幾滑，勁strawberry味，但係無朱古力味，下面係普通清蛋糕texture，唔係我杯茶反而上面粒strawberry就好甜好味～
薑汁Latte：開始戒飲凍野，唔要milkshake，要左薑汁latte，ginger味真係好勁，蓋過咖啡味，但係好好飲！
下次再接再勵，試埋雞肉同豬肋骨！

本來去睇drama，但係頭兩日返工唔敢唔OT，做完晒D野已經8點幾，由灣仔去葵青可能連半場都睇唔到，我又攰到死，所以寧願唔去，枉我期待左一個月不過為左過Probation，唯有忍啦！好在宅男不單無話我，仲專登黎灣仔接我放工，好幸福啊
又攰又餓，宅男問我想食乜，我話無所謂，佢就話黎返呢間（因為我鐘意），好感動！
上次食左漢堡扒，今次試紅酒鴨胸（都係廚師推介！）
紅酒鴨胸都幾大份啊！雖然我嫌鞋左少少，但係因為紅酒汁好多，酒味好濃，我諗佢加左honey，所以仲有甜品！點住好好食！（宅男都話鐘意！）尤其係近皮個位好滑！雖然都係漢堡扒好味Ｄ，但係都好味！下次一於試埋蜜糖雞腿肉同豬肋骨！
佢伴薯角，薯角唔脆，但係仲好，因為唔會咁熱氣，我鐘意啊！
今次終於試左綠茶冰沙，佢的冰沙係淡版奶昔，綠茶味都OK，不過整體黎講淡左少少～但清清地唔錯～下次試埋咖啡奶昔。
上次草夠五個印仔可以有free cake，今次試左伯爵茶蛋糕，無乜茶味，我覺得似花草味多Ｄ，清清地都可以，不過無之前那些好味～下次要試百利甜酒cheesecake~
睇黎Rose Home Kitchen真係會成為我地的home kitchen了，不過只要跟你在一起，邊度都係home
多謝你陪我啊！我會努力做好呢份工，快Ｄ草夠錢同你結婚的啊！

四點幾上完堂，宅男同我都超級肚餓，就去食一個early dinner
因為仲係tea time，姐姐見我地想食咩都猛推薦我地食tea set，無因為想賺多Ｄ錢而由我地，好均爭啊！但係我地實在太肚餓，所以拒絕左佢的好意
上次覺得意粉唔好食，今次改叫肉類試試叫左兩個餐：
西蘭花湯：鐘意上次的碗豆湯多Ｄ，今次有Ｄ曦，不過有粒粒西蘭花，也不錯～
garlic tosat：今次除左garlic外仲加埋肉桂，更加香呢！而且烘得外脆內軟，好好味呀！
白汁三文魚意粉：宅男對門口的外賣白汁三文魚意粉有興趣，姐姐就叫佢點set dinner的香草三文魚意粉，仲主動幫佢改返做白汁，好好人啊！這個sauce比香草汁濃多了，終於唔似係食皂水意粉，不過我都係嫌唔夠濃味，但係宅男覺得好味～
雙層芝士漢堡扒配飯：不愧係廚師推介呢！漢堡扒好高好大（仲高過飯！），牛肉唔會整得老（仲有Ｄ紅），所以唔韌，可以做到皮脆內淋的效果，仲有大大塊芝士融埋入去件漢堡扒度，超級好味！個汁係磨菇汁，夠晒creamy（點解意粉唔用呢種汁？），仲有芝士味，飯的size就比較細，不過女仔食就好夠～果然肉類係好味Ｄ！
朱古力香蕉蛋糕：其實係brownie，佢整返熱加埋朱古力醬先serve俾我，所以好軟熟！用朱古力layer包住朱古力蛋糕，所以朱古力味更濃，反而無香蕉味，超級好味啊！
薰衣草蜜糖蛋糕：呢個蛋糕個texture比較散，也比較乾身，我唔係好鐘意呢種texture，不過個蛋糕好香薰衣草味，好fresh呢！overall都幾好味呀！Rose的cake質素真係好穩定，我試過咁多種都無一種覺得唔好味！
凍朱古力：好難飲！因為佢係熱朱古力加冰，上凍下熱，極怪！
朱古力奶昔：我覺得佢先係朱古力！因為佢朱古力味好濃，而且好滑好creamy！
Rose的肉類同cake真係好好味！下次我要食鴨胸！
滿$50又有印仔吸，我下次可以有免費蛋糕食了啊！

我係熟客, 由佢地開張一直幫襯至而家。
一直以來, 食物o既水準都唔差, 只不過因為佢地強調健康, 唔會落重手調味, 所以久不久就有人話o的o野味道淡。但係, 最起碼, homemade cake 同埋鴨胸, 都一直係水準以上。

至於服務, 如果大家係去晚市就冇事o既, 因為會係一位後生仔同兩位後生女負責番。但係午市果位叔叔, 就一直以來有問題... 唉...

我睇番呢度好幾篇批評服務方面o既食評, 矛頭其實都係指向午市果同一位阿叔。其實由以前直接落單到近期改成做自己"剔紙仔", 我懷疑都係因為果位阿叔成日落錯單, 所以不如等o的客自己剔 (兩位美少女要落廚, 好難兼顧樓面).....

我亦試過, 我張檯叫左兩客鴨胸, 隔離檯遲過我五分鐘到, 佢地又係叫兩客鴨胸, 點知廚房焗好兩客鴨胸出黎, 阿叔竟然拎左俾隔離檯先, 我真係激到啤一聲...... 不過見兩位美少女一直都好努力經營呢間"實現夢想"o既小 cafe, 我只好忍住, 埋單時先至嚴正地同阿叔講: 「你知唔知係頭先咁樣, 好易連我呢o的熟客都得失埋?」而阿叔o既反應只係笑笑口「唔好意思唔好意思」。

我都唔想針對阿叔, 但係兩位美少女咁俾心機打理間小店, o的蛋糕又整得咁好, 熱咖啡又咁好飲, 鴨胸又咁好食, 如果只係因為果一位阿叔o的 service 差, 攪到趕晒客, 我會好戥兩位美少女唔抵囉。

大家如果怕 service 差, 去晚市啦。因為晚市唔係果位阿叔做樓面。

希望餐廳的負責人會來這裡看食評，因爲他們的服務實在需要改善

同事不久前來過這裡吃飯，覺得不錯，於是推介我們嚐嚐

昨天預訂了：今天下午1點，5人

今天有點忙，遲了出發，同事已經在1點前打電話告訴餐廳我們大概1點10分到達，麻煩他稍等，電話中人說沒問題

腳踏高跟鞋的我們已經盡力加快腳步在車水馬龍的街道上穿插，希望盡早到達，最後我們1點05分來到門前，餐廳的那位伯伯竟然告訴我們桌子已經給了別的客人了!

我們沒有跟他理論，但他也沒有絲毫歉意

我們就這麽站在門外等，到1點10分-15分叫我們進去

給我們坐的是4人桌，把兩張桌子連在一起放，有3個人要共用一張桌子，才勉強容得下5人，桌子旁加開那個位子竟然是沒有椅背的摺櫈! (我們已經提前訂了5人桌)

我們有兩位同事比大家遲了3-5分鐘到達，所有人到齊之後不久，剛好旁邊的6人桌（3張桌子連在一起放）結賬離開，我們跟那位伯伯說想搬過去那張桌子（當時我們還沒有點菜），他說有人訂了。我們也訂了啊！不是應該先給我們嗎？！

我明白對於家庭式經營的小店是不能要求太高，但是總不能這樣對待客人吧？我們已經盡了客人的責任，提前告訴他將會遲到10分鐘，他可以說不等，但他答應了會等之後卻食言！

其實食物真是不錯的。招牌菜鴨胸薯角的確很好吃，鴨胸分量充足叉燒大小，以這樣的價錢當然是物有所值！蛋糕也很好吃，我吃的是薑汁金寳芝士蛋糕，薑汁的味道很香~ 連不太喜歡吃薑的我也覺得很好吃。其他同事點的蛋糕我也嚐了一些，也很好吃。不過我喝的凍檸水可以説是沒有味道的清水... 加了糖漿也一樣... 可能特飲會較好吧。

我是第一次來這家餐廳的，第一印象就是他們待客不周。（其實有一位小姐頗友善的，不過主要招呼我們的不是她。）

給了"OK"是“食物很好，服務很差”兩者之間的平衡。

名叫home kitchen，確實有幾casual的感覺，格局則似食件cake、飲杯咖啡的地方。

下午茶餐有很多選擇。選了生果忌廉窩夫。是日的生果是香蕉和士多啤梨。窩夫幾香又鬆軟，不錯。跟餐的咖啡頗濃，可惜未夠香。

另外在主菜menu中散叫了香草羊肉意大利麵。香草就下得多了，羊肉亦幾香，不過只得兩三舊羊肉，太少了吧？！也嫌意粉偏硬身了些。

食物水準只是一般般，沒有什麼突出的地方。

過來hea下、傾下偈ok，正餐就未必揀佢。