we went with total 6 friends (include myself) there for the decoration & for fun

even thought i heard some bad feedback that it was expensive & not tasty, but it depends on what kinda food you like it!

the service can be improved better, as they don't write down the dishes & they lack of staff as well and need to chase their butt to get our orders

too bad there's a maximum limits to upload the pics

我好少食openrice的食評，但我好欣賞openrice呢個網，因為我都會睇大家的食評，去大家推介的地方，搵好野食食。今日係我「食」經驗中，最失望的一次，絕對不可以讓大家蒙在鼓裡！

今日係旺角食完飯，諗住食甜品，朋友介紹黎食甜品刨冰話okay，於是黎試下。

入到去叫左個朱古力刨冰，個writress問有冇其他order，我地三個話無，個writress開始黎料：我地呢到最抵消費要30蚊一個！(樣貌很不屑)....然後，我地唯有再點野(雖然已經好飽)....後來食飯的期間我地研究張台個「洗手盤」…有個writress怒氣沖沖走過黎好大聲咁同我講：你知唔知唔可以掂！(><我真係唔知…如果唔掂得點解要有咁gei設計？！佢仲要大聲講指著我們來說，我覺得如果真係唔掂得你可以細聲同我講！唔需要咁大聲的指著客人來麻！這就是「服務態度」)

結果，我地99蚊找數，個writress又唔gur同其他的writress講話我地台張單少錢-__-，唉！呢d咁gei服務態度，食完已經令人好唔開心，再好的餐廳主題，也恐怕叫人不敢再來！

男友生日都唔知去邊度慶生好, buffet又覺得貴, 又想特別d, 最後揀左間廁所主題餐廳

一入去見到好多閃燈尿兜, 坐廁板食野都幾特別

兩個人只係叫左兩樣野
馬桶咖喱雞飯, 講真個咖喱得個辣字, d雞都唔入味
跟一碗白飯、一碗冬瓜湯, 有個小食粟米, 份量都ok
牛展撈麵就細左少少, 味道一般la
叫左一杯綠茶, 都好大杯, 兩個人飲都夠
其實望住尿兜入面d綠茶都幾嘔心
入得黎就預左, 最後我地都飲晒
款款甜品都想試下, 見到好多枱都有叫甜品, 可惜其他甜品都超級巨型
我地得兩個人無可能食得晒, 只好叫左個米田共chocolate ice-cream

講真D野食真係一般, 但可以一試, 感覺下用馬桶、浴缸、踎廁裝住既食物都幾過癮

打開餐牌第一頁,小食都有十個,不過唔好意思,有八個都貼左貼紙話售罄,真係未見過咁既menu,打左個突,呢間野真係一次就夠...食物無咩水準,我食左拉面,好難食,朋友食左個勞面,都叫做還可以~最後想叫甜品,竟然連香蕉都無...好野呀!!
waitress態度麻麻,問佢可唔可以幫我同朋友影張想,佢都話唔得~!!
呀waitress姐姐,你做主題餐廳,預左會有客人問你幫手影張相,忙極影張相都係只不過幾秒,人都用左幾秒行左過黎,咁都say no,真係要反省下~ 仲有好心換下D碗啦,一個難食拉面都六十蚊啦,唔係換新碗都無錢阿~!崩晒咁都仲用...唉...對呢間野非常失望............唔會再去!!!

同男朋友行完街,就唸住去搵下有咩食..
咁岩經過便所 我就指住左呢間
男友知我未食過 就話俾我試一次咁多
因為佢之前食過都話唔太好
咁好啦 我地上到去唸住拎左飛先
再睇下其他地方有冇野食..唔一定要呢間既又

點知我地一話"兩位" 佢地就即刻帶我地入去
入到去仲聽到出面叫"xx號 兩位"
都唔知有冇搞錯到....算啦 叫野食

打開個menu 入面既選擇唔多..好多都係好普通
都唔知係乜好 咁岩我呢排想食火鍋 就叫左個火鍋仔喇
而男友就叫左個芝士焗闊條麵

什錦火鍋
睇落好似好多料咁..但其實d料都係好普通
栗米、金茹、菜、豆腐、牛肉、蝦等等
入面d料全部都熟晒 方佢唔係整定晒架咩
味道都冇話點樣 都係清湯 俾d鼓油你咁..

芝士焗闊條麵
食落去一舊舊咁痴實晒..唔識形容
我未飽 男友又食剩..試左兩啖都唔想食喇

最後叫左個甜品..
便便霜淇淋
我見其他食評d相都好大舊架
唔知點解我地果舊屎咁細舊..
不過都有朱古力味..呢個算ok啦

男友話黎一次好喇喔..冇下次
要影相就襯呢次影多d=]

早知道有這間人氣的 "便所" 餐廳 , 覺得好得意, 早已經想去試試 , 但每次都怕人多
要等好耐, 終於星期日下定決心上去 , 點知都唔洗等, 即時有位可以入坐.

入到餐廳 , 最初都覺好特別 , 周圍好多馬桶, 尿兜, 好新鮮 坐在馬桶上打開本餐單,
選擇唔多, D 食物除了甜品外 , 其他都唔算吸引 , 只是得幾款日式麵 , 焗飯意粉
就是盛載食物的器具比較特別 D 姐, 想叫個D又話賣完, 有無攪錯呀 , 只 7 點左右
幾樣野都話無 看了好耐終於才落完單.

DADDY 點了焗豬扒飯, 用浴缸裝D飯其實唔多, 但佢都食唔完 , 因為味道好淡D飯好干

亞女點個"洗水盆" 肉醬意粉, 好咸呀~~~

亞仔個"洗手盆" 海鮮意粉, 個樣是四碟中最靚的, 但汁小了D , 比較干身, 不過亞仔說OK啦

我自己個泡菜烏冬都是油麻地, D 泡菜好似咸酸棻咁, 一D都無辣味, 只得咸味, 失望


反而見到隔離枱叫個香蕉船就好吸引了, 個巨型刨冰真是大到嚇親人, 見到D人全都嘩嘩聲
仲有幾枱食客忍唔住走去人家到影相.

試過一次夠了, 下次再試都只會是下午茶試甜品 , 晚餐就不用客氣了........

埋單時個侍應提點, 用 DBS 星展信用卡簽單, 有九折優惠 , 各位想試的請記得呀.

男朋友一直都話想試呢間便便餐廳，之前去台灣旅行就聽過有呢個主題餐廳，原來香港都有。

六點幾去到，冇咩人，兩個人都俾左張四人檯我地，睇睇餐牌，價錢中上級，兼要加一，點了一個咖喱雞焗飯和一個泰式火鍋和一塊可樂餅，火鍋用一個小廁所上碟，焗飯就是一個小浴缸，可樂餅用小尿兜，幾特別。

味道....其實唔算太特別，與一般餐廳，甚至是與大x樂或大x活無分別。
完全是因為主題才會來試一試！

同場加影，隔離檯有對情侶，點了個甜品，超級巨型刨冰，本來都想叫一個，但食完正餐又覺得飽飽地，加上份量對於兩個人黎講實在是太多，所以都是打消這念頭。

見幾得意同朋友去試下食.我地5個人,我一個人早到左去攞位先,點知佢話要過半數先入得,但入面其實有位又無其他人等都唔比我入,咁我問門口個姐姐比張飛我先, 佢好唔想咁比張飛我,然後好悔氣話過3分鐘無人要再攞過,下!!咁都得??
之後我d朋友到左,我地5個人話比張4人枱我地,有一個加位坐路口,咁我地話坐住先,有枱再轉,帶位個姐姐又話坐底左唔比轉,下!! 咁唯有等6人枱,入去時個侍應踏左我朋友一腳,對唔住都無一聲就走左去~~激氣!!

食物:
咖哩牛肉飯-- 個碟好淺,份量好少,又唔好味.

海鮮烏冬-- 呢個賣相最靚,味道ok咁啦,

雞肉湯麵-- 呢個都係一般啦,其實D湯麵同屋企住加D材料落去無咩分別

蕃茄抄意粉-- 份量好少,唔夠熱又無蕃茄味,

朱古力冰-- D冰好粗粒,中間有d紅豆,出面除左雪糕正常d之外,仲之就係放d差唔多色既野落去,D材料又怪又唔好食,味道又唔夾,只係為求攪個效果,用來玩多過食.

總結:
枱面"立痴痴"既, D食物又唔夠熱,份量又少,味道又麻麻地,唔值呢個價.服務方面好唔得個個女侍應都好無禮貌,反而加水個男TRANEE仲有禮貌D,真係貪得意去玩下,當去食裝修參觀下都ok既,但一次就夠…

我見到好似幾多人介紹諗住同女朋友去試下 開頭見到門口幾多人..都覺得好似冇乜野 入到去睇d坐位都好特別..一睇d野食 差唔多樣樣都50up..都冇所謂啦 同女朋友食..叫左幾樣野食食完都唔會飽得去邊..只係覺得杯朱古力係岩我口味..完場前整多個刨冰 睇落好似好好食..但真係普普通通...但呢幾樣野都食左2百幾

我都聽好多人講間野唔多得, 仲要得個貴.
不過我個MACAU 朋友一場尼到香港, 佢想去LOR, 咪同佢去LOR.
見門口好多人, 仲以為要等位, 點知佢地都係和民野客
3個人, 一人叫左一個noodles

黑椒鴨胸XX鳥冬
鴨胸太多黑椒, over 晒d鴨胸味 鳥冬ok 不過唔知係唔係d 芽菜, 攪到好次有d 廁所水咪. 殺晒.

XX雞拉面
個雞可以, 拉面唔得, 酸gei?!?!!

牛奶叉燒拉面
哇, 仲有問題, 係完全食唔落呀.. 食好口都唔得呀 都唔知佢咩味喇.

佢唔係個toilet look, 我諗都冇咩人會去, 貴又難食.
真係去一次就得喇. 唔會再去

見幾得意今日中午就帶阿仔去食,
裝修都幾得意, 阿仔亦玩得好開心,
但係餐點選擇好少, 最出名既咖哩...
因為辣, 小朋友唔食得,
唯有點左1個吉列豬扒飯餐,
另1個燒汁雞扒飯餐,
味道係ok既, 雞扒就真係幾嫩滑,
但份量真係少得可憐,
半件雞扒, 大半碗飯, 十幾粒栗米粒,
減肥中既女士食ok既,
正常食量or男人就一定食唔飽囉,
以佢$40up/1 set黎講就真係好貴囉,
勝在環境特別, 不過坐得唔舒服.
我會建議只去1次, 因為特別,
但去過就算啦.

因為聽過很多人在旺角有間便所，
便去試一試如何。

我和家人是中午去吃的，
店舖里不算是很多人，
環境裝修得很可愛，
有很多關於便便的資料，
也有模型，
而且坐的地方也是坐廁呢！
我們一共叫了３個主菜；
１個小食；
２個甜品！

　　　　　　　　　　　　－－－－－主菜－－－－－

１）碳燒雞扒，跟飯（馬桶）★★★☆☆　　－　＄３０－４０　．．．（吾系幾記得）

．雞扒很入味
．很鬆軟
．不夠熱
．飯有少少硬
．份量一般（不算多）

２）墨西哥焗雞肉千層麵（浴缸）★★★☆☆　　－　＄５０－６０　．．．

．很香和熱
．有很多芝士
．雞肉不算多；但好吃
．份量算少
．好濟－＿－

３）海鮮焗飯（浴缸）★★★☆☆　　－　＄５０－６０　．．．

．份量少
．很少海鮮
．不太香
．飯多、餸少

　　　　　　　　　　　　－－－－－小食－－－－－

１）馬桶小雞塊（踎廁）★★★★☆　　－　＄２０－３０（吾記得－＿－）

．很好吃
．有２種醬
．很熱
．很熱氣；不要多吃

　　　　　　　　　　　　－－－－－甜品－－－－－

１）馬桶５號（踎廁）★★★★☆　　－　＄１８

．有少少硬的感覺；和平時吃的雪糕口感不同
．很有朱古力味
．好濟
．好細舊

總括來說；
這次要成２舊水埋單，
和出面比真的很貴；
但勝在環境夠ｓｐｅｃｉａｌ；
不要經常來；
每年來１－２次便足夠！

環境：環境真係好好..座係馬桶上..好有新意!周圍都見到馬桶等等..
間唔中聽到沖水的聲音..很好

服務：有２個waitress serve我地..一個好好禮貌..一個好串咁..

印度咖喱牛肉飯$39 算OK既..都係好普通既送..冇咩特別
牛肉unun地..
吉列豬扒飯$45 豬扒唔好食...加上吉列豬扒..冇醬點既..冇味
2杯飲品..跟餐+10蚊.唔記得左係咩名.. 係新出既..好難飲
恐龍蛋$30 最好食呢個..但都係麻麻地..d醬同M記一樣..
馬桶 $18 者係朱古力雪糕..但係一黎到真係好嬲...
一黎到d雪糕係溶既好多嫁lo..仲有成個雪糕形the晒..
好似整左放係到好耐先拎出黎...呢樣好唔滿意..!!

價格方面..唔係好值..貴左d lo
其實去既目的都係貪得意...一次就夠lu*

同男友係旺角朗豪坊食完，差不多七點就行過去，好彩早到，七點半就有好多人係門口等位。雖然我地得兩個人，但佢都俾張四人枱我地，不用搭枱，坐得舒服ｄ。

無錫肉骨頭飯套餐（＄５５）：附送紫菜豆腐湯，好難飲，好稀，好似水咁。肉骨頭好入味，好腍，個汁甜甜地，幾好味。不過就得兩塊，份量少左ｄ。白飯好硬，沙律好清，青瓜粟米粒。

牛肉可樂餅（＄１５）：食唔到有牛肉，可能太碎，好似食緊普通薯餅。得一塊，切開一半，份量少。

南洋茴香咖喱雞焗意粉（＄６０）：好味，我地唔食得辣所以覺得都幾辣。這個份量較正常。附送忌廉湯，好粉，唔好味，不過都好過中湯。

情人茶（＄１８）：檸檬、話悔、綠茶。即係較酸的檸檬綠茶。

野食算幾貴，同埋多人呢食先可以食得曬佢個刨冰，今次見得兩個人同埋有下埸，所以無食到屎塔咁大既刨冰

@旺角一早想好了去呢間便所餐廳食野
聽過台灣係始祖, 香港都開左幾年, 係時候去見識一下有幾嘔心

裝潢尚算叫做乾淨啦~
而且都叫做幾光猛~

擺設: 有睇得唔用得既toilet, 而且真係有花灑同毛巾浴衣! 尿兜不可少, 馬桶更是我們的座椅!

見到d名有d唔想食, 但本人很想吃嬰仔左下角個個淨ice cream...
可惜無胃口喇...
馬桶火鍋 (點知一點都不熱): 好似好靚咁~ 點知又係咩味都無, 清湯一兜~
我們喝的半價朱古力奶茶, 味道幾特別, 唔難飲
芝士海鮮焗飯, 好熱辣辣, 但唔係好夠海鮮喎~
得個幾只硯殼呃得下人咋喎~
麥當奴買番黎再整番熱既好味炸雞塊~
一白飯一湯, 係完全無味兼唔熱囉~

呢餐每人一佰, 好唔抵~