服務態度認真好，值得推介

食物方面有幾樣野都做得好出色，餃子釀雞翼，天婦纙蝦，三文魚刺身.....一出來唔好2分鐘就清晒....正

環境方面，細細地適合包場，又有GAME、琴同結他，任玩唔嬲，大人細路都啱KEY

真係一個幾好既選擇

琴晚..我和一班朋友去左呢一間cafe~
我們一行五人,本身唸住散叫..但最後因為價錢..我們唸左好耐..終於決定叫日式放題啦"
因為日式放題139蚊.加一...就可以任飲任食,,"又可以玩好耐.."
第一樣食物:就是我們都好鍾意食的三文魚"
三文魚: 味道新鮮...最重要是又厚又肥味..;(可以話好過出面的某日本餐廳)
其他食物方面..炸物都唔錯,,又算多種類" 又不油膩"
不過,,,壽司方面就種類少了一點" 如果可以多D 就好啦"

服務都唔錯...我D朋友異口同聲都話下次一定會再黎!!!

12 人聚會
不過有兩個朋友去到冇食野
一個只有飲野

去之前睇左openrice, 但就知道有任食同唔任食兩種
本來想散嗌, 但睇下個menu, 司華力腸拉麵套餐都成八九十蚊
於是一致決定食日式放題
$139 加一 = $153
店員話做會員可以免加一, 但佢冇講到話24 小時後先可以免加一
好在我自己有睇openrice, 於是反問個店員係咪24 小時後先有呢個優惠
店員只好答係. 其實, 我真係覺得店員應該係叫人免費做會員既時候講到明.
另外我又諗起, 我係咪應該同朋友gathering 之前, 自己去左做會員先?
咁大家就可以免加一喇, 不過又唔知道要消費滿幾多先可以免費做會員.

我地都唔係下下都用貼菜紙, 都係事旦叫店員呢樣執d 果樣執d 就算.

野食:
海蜇: 好凍, 凍到仲有d 冰係度, 大佬呀, 凍食姐, 都唔駛凍到結冰丫化?
三文魚刺身: 雖然唔新鮮, 但由於係任食, 同埋呢度真係無限嗌, 真係勝在貴多, 但不貴精. 不過咁, D 三文魚刺身都好過百佳少少既.
北寄貝刺身: 又係冇乜味道, 又係雪到好凍

炸物方面, 呢度提供既不錯
炸洋葱圈: 即時諗起落bar 送酒既炸洋葱圈, 真係炸得好通透同好脆
炸豆腐: 雖然就真係只得豆腐冇味, 但真係好滑
炸魷魚圈: 亦都係好脆同好鮮魷魚味
豬肉釀雞翼: 腍腍地, 啖啖肉. 味道幾特別, 唔係油炸, 終於唔駛食炸野先好味

煎雞中翼, 菠蘿腸仔: 真係好似聖誕聯歡會!

野飲:
免費任飲既野飲有柑桔檸檬, 青蘋果汁等等, 不過全部都係開水開到好淡, 特別係青蘋果汁, 簡直係啫喱粉開水!
好難飲, 真係好難飲!

環境:
早兩日book, 不過店員話冇鋼琴果間房, 呢度有兩間大房, 於是去左間暗d 既房, 大概係2/3 間中學課室咁大, 大概坐到30 幾人. 佈置似聖誕節party 咁.
有一部LCD 電視機, 有CD 播放機. 由於成晚只有小部分時間係有另一台 4 個人既係度, 所以我地變相好似包左間房咁.
另一間房就爆晒, 不過又唔係好嘈.

遊戲:
有pictionary, 大富翁等等, 不過我地竟然到最後都冇玩到, 吹水大晒.

生日蛋糕餐具費:
亦都係事先問左, $2 一位. 其實可以自己買紙碟, 不過又唔係差得太遠, 同埋環保下, 算啦.
切餅唔駛錢, 因為我地自己切.

其實係尖咀都有價錢大約$170 既日式放題, 例如松屋, 大吉等. 不過如果質素要求低d, 同埋想坐得舒服又一大班人可以傾計同玩, 呢度係可以一試既選擇.

星期一訂位
星期二晚店員致電說想確定人數方便安排座位
星期三晚到達，那一邊裝修華麗，登上雜誌、網站的那一邊環境非常好。
但並不是我們的位置......

我們都被安排到隔壁那一間非常昏暗的房間
沒有裝修，沒有裝飾，沒有任何格調的黑房一 間.
我們坐的位置由數張桌子拼湊而成一張大正方桌
感覺跟那些大排檔樓上的閣樓舖非常相似

Dinner Set一份也差不多要上90大元
眾人最後決定要日式放題
可惜，壽司只有數款....各種的食物其實也選擇于多
只是把A.B.C.D各種食物由熱變凍或凍變熱
味道也只能稱為不過不失

老實說~第一次的印象太差太差
旺角太多樓上CAFE
可以嘗試尋找新的，也應該不會再次光顧這一家

前兩三日已經book左4個人
跟住上到去 佢分開左兩邊房. 加埋都淨係見到一張無人坐既4人台
suppose係我地ga la
點知佢帶左我地去一張2人台到. 係隔離夾硬加張矮一截既台
我同fd即時呆左.
本身2人台隔離條路都唔係闊 加埋..就仲窄

跟住問佢. 我之前明明book左. 點解個張唔係我地?
佢話, 有人book左個張 如果15分鐘之後佢地未到我地可以比你地
..但個問題係 點解book左. 要坐個張夾敢砌既台
最後我地走左
好失望=(

記得小弟首次在OpenRice寫食評，就是為這間新日與夜咖啡室所寫的。雖然是同一間餐廳，但真的很希望很希望告訴大家昨天晚上在這裡所度過的一個快樂的生日慶祝。

友人生日，原本想到的餐館已經沒有位置，所以我便提議到這間我一直都很喜愛的咖啡室。由於是星期日，所以在幾天前便致電訂位，共十二位。職員告訴我，由於人數較多，所以希望可以我親自到咖啡室交付一些訂金。她告訴我是因為怕客人會無故不出現，令他們會失了預算。我覺得這個做法很合理，便在當晚順道到了咖啡室交付了訂金。

昨天下午五時左右，咖啡室的職員致電給我，再確定一下時間及人數。非常的有禮貌！

最後我們一行十一人，在晚上七時便到達咖啡室了，那時客人不是太多。我們被安排到另一間房坐，這是由於我們人數眾多，未能安排有鋼琴的那間房，是有點可惜的 (那兒的椅子較寬大，若果多人一起的話，位置會比較狹窄)。另外一邊的裝潢，雖沒有另一邊那麼典雅，不過卻別有另一番風味。個人而言，是很有特色的呢！讚！

我們坐的房間那時只有我們，所以感覺上很自由呢，就像訂了房包場般，大家都很興奮。甫坐下後，我們便看著餐牌。之前有一晚再來時，我發覺他們晚餐的定食是很出色的，不但豐富，而且價錢亦合理，所以便在昨晚提議大家每人點一個定食餐。

正當我們想問飯及餸可否分開上時，服務態度一直良好的侍應生便像已知道我們想問什麼般，告訴我們是可以的。

最後我們共點了十一個定食餐，是有點瘋狂的呢！

之所以我說定食餐很豐富，是因為一個定食餐的食物有很多很多，包括：

(1) 麵豉湯
份量剛剛好，因為味道是較濃的，很開胃的啊！
(2) 天婦羅
當我們見到兩碟天婦羅送來時，很是興奮呢！款式包括炸蝦、炸南瓜及炸蕃薯，都是很美味的啊，再加上醬油，就是很好吃。不過若果款式可以再多一些的話，就更完美了！
(3) 三文魚生
最令我們尖叫的，可算是兩碟樣子看來非常吸引的三文魚生呢！這個價錢可以嚐到這種質素的魚生，我覺得是物超所值了吧！厚厚的，甜甜的， 再加上芥辣和醬油，就是一美麗組合！
(4) 主菜
主菜方面，我們共點了照燒雞扒、豬扒、鰻魚、雜菜、金黃炸帶子、煙鴨胸、鹽三文魚柳、雞翼釀餃子。以上都可以選配飯、拉麵、烏冬或薯菜。其中最令我感難忘的，是鹽三文魚柳！那是很高水準的呢！大家一定要試試看！
(5) 飲品
來樓上咖啡室，很重要的一環就是飲品吧！今回，我們共點了很多不同的飲品，雖然我未能親自一一試味，不過我的友人們都異口同聲地說好吧。不論賣相方面、味道方面也是很好很好。值得一提的，是他們的飲品名字都是很有趣的。我們今天晚上就點了"大少"、"感覺SOHO"及"我們的愛"。至於我，我當然繼續支持焦糖朱古力。今回，他們又比上次更進步了。在我"多焦糖"的請求下，他們真的下足材料，讓我再一次品嚐到很出色的焦糖朱古力呢！
(6) 甜品
說到這裡，我想，甜品的部份是我覺得這間咖啡室昨天晚上最令人印象心刻的呢！話說我們沒有準備到蛋糕到咖啡室，因為我知道定食餐的甜品是一客精心蛋糕，所以我便告訴侍應生可否將我們十一個人的蛋糕都拼在一起，這樣看來就像一個整的蛋糕了！雖然這樣好像有點牽強啊，但卻是一個很不錯的安排。
過了一會兒，侍應生們突然關燈 (先旨聲明，我事前完全沒有知會侍應生們要這樣做的)，然後便請我們大唱生日歌。繼而發生的，是他們捧著一個用十一個蛋糕組成的特別生日蛋糕，上面插著一根蠟燭。其後當然是許願吹蠟燭的程序，大家都很興奮呢！侍應生告訴我們，圍著邊的是十個mousse cake，而中間插著蠟燭的，是專為生日那位朋友而設的芝士蛋糕。實在是太有心思呢，是我們之前完全料想不到的驚喜。在此要感謝咖啡室和侍應生的神秘安排呢！

那是令人相當愉快的一天。我相信，一間餐廳是否吸引客人下次再光顧，食物質素固然是一大考慮，然而我覺同樣重要的，是那兒給您的印象、感覺及服務態度。希望各位朋友下次去的時候都可以好好享受不同餐廳給您們的一切呢！

第一次去呢間都食，個環境好正，有個鋼琴係度俾人彈~
d侍應服務態度好好~

我地五個人叫左個日式放題，兩小時任食任飲。
d野食唔係話好特別，但都幾好味~

魚生好新鮮，炸物真係熱騰騰，

雞串好好食，魷魚圈正。

大部份食物都同比較出名既日本餐廳差唔多味道，

所以大致上所以野都好好味~

無食到話難食既野。

仲有人係個度彈琴，係for客人玩既，

如果識彈琴，都係一個唔錯既選擇。

之前一直都聽我的表姐話呢間Cafe唔錯唔錯，仲叮囑我一定要搵機會去試試。

旺角Cafe實在太多，有時真係唔知邊間好邊間差，當然啦，好同差嘅定義同埋標準喺每個人心目中都唔同。

有一日下晝，約咗啲朋友喺旺角見見面，傾傾計，正想搵間Cafe嘅時候，就諗起我表姐講過嘅呢一間Cafe嘞。

地點都算係方便呀，喺正彌敦道隔離，位於一棟都好多Cafe喺入面嘅大廈度。

一入去，已經覺得呢間Cafe幾好，因為我見到部琴，同埋一啲好靚嘅裝飾。燈光暗暗地，好有情調，而且裝修又幾靚，空間感大啲啲，唔會令人覺得喺Cafe度會唔relax。

侍應生好好人，好有禮貌，就帶咗我地去坐嘞。同有啲Cafe唔同嘅係，Cafe入面基本上係望唔到出面嘅，因為佢用咗啲木製嘅框遮掩咗個窗口。講真，我個人覺得咁樣做都幾好架，因為外面嘅光唔會破壞咗入面嘅暗暗氣氛，所以即使我去嗰時係下晝，但係都可以感受到嘅暗暗嘅情調啊！

我地點咗幾個下午荼餐，每個餐大約四十幾蚊，配一杯四十二蚊嘅飲品 (嗰度啲嘢飲相對地會貴啲，平均都要四十蚊。不過貴唔貴未必最緊要，最緊要係好唔好味啊~)。

我點咗個日式豬排拉麵，要咗杯我真係超鍾意飲嘅焦糖朱古力！

服務真係好好，侍應真係好nice，而且禮貌非常好，所以我同啲朋友都覺得好舒服。哈，有時去到啲Cafe，嗰度啲侍應好似好惡死咁，勁驚叫佢地呀，玩都玩得唔舒服啦！

冇幾耐，我地啲嘢食同嘢飲都上咗。個拉麵我覺得真係好好味啊！Yeah！講真吖，好少可以喺Cafe食到咁有水準嘅日本菜呀！至於杯焦糖朱古力，亦沖得好啱我口味(因為每個人對一杯焦糖朱古力嘅要求都唔同，所以我唔同大家講呢杯嘢每個人試咗都會話好好味)。

因為嗰日嗰陣時唔係太多人，所以食到咁上吓傾到咁上吓，我地就出咗去彈琴唱歌。有個琴喺個Cafe度實在太好嘞！非常享受呢段時間！

最後埋單嘅時候，就順便做埋會員，下次黎嘅時候就會有全單九折。

除咗我之外，我啲朋友都話呢間Cafe真係好好。下次都會再黎呢間幫襯啊！

都推介畀大家啊！有機會就去試試，自己親身感受一下啦~

前幾日同一個朋友去左旺角食晚飯........最初唔知食咩好,行行下我個朋友話想上cafe食,因為我個朋友話想坐耐D和玩下棋,最初我只係抱住試下的心態,因為我未去過CAFE 到食DINNER~~~最後我地去左呢間Cafe 。
大概8pm到上左呢間Cafe 到,入到去我見到梳化位,而且又有音樂,環境好似好舒服咁.....坐低後有waiter招呼我地,之後看下歺牌大多是日本食品....我地都唔知食咩好,經住叫左個waiter介紹下,D waiter都幾好傾丫,可能大家係年輕人.....哈哈。之後我地叫左個雙拼雞翼餃子+豬扒的烏冬和三文魚刺身飯的DINNER SET.....
經住我地一路等野食一路玩下波子棋...一等就等了大概半小時....很肚餓.D野食終於黎,我同我個朋友食左頭盆先,係天婦羅+湯+三文魚,D天婦羅蝦好脆而且不油膩,三文魚雖然得3片,但很厚.......經住我就食雞翼餃子+豬扒的烏冬,D雞翼餃子和豬扒味道不錯......我見到我個朋友的三文魚刺身飯的三文魚刺身很厚,連我都很想食,我下次一定要order刺身飯....我地食完後玩下棋,看下tv,大概十一點到便埋單了。

雖然等野食的時間耐左D,但D食物味道都幾好......一試無妨

前幾日,,我和一班朋友係mk行街,,行到累的時候。
就求其搵一間cafe食野,找了好多間..最後選擇這間cafe day and night。
我們選擇食了放題, 出食物的時間不算耐..因為我們明白cafe 人手有限..要一點時間。
2小時的放題..他們沒有計足時間.我估我們起碼差不多食了3小時。
真是很難得....我們食得很開心。
雖然食物種類不算很多..但是三文魚真的很厚..很新鮮。
D員工個態度幾好.令人有一種很親切的感覺...還跟我們有說有笑..
最重要的事...這間cafe 沒有時間限制的..。
可以和一班好友坐耐一點。
這麼令我們都覺得很舒服,我們下次會再來。

太差了，昨晚BOOK枱10人，點知比左8人枱，坐得勁唔舒服，又細又嘈，D野食味道OK，野飲就超差！！

有朋友生日，切CAKE要收費係正常，但初初又話唔使佢切就，只係供應叉碟係唔收$$，但最後又話每人要收$2叉碟清潔費，$$唔係問題，前後不對先係最大問題，我一定唔會再去囉

本Meow都已經成年冇係度出過食評. 但呢間野實在令貓忍無何忍,非"彈"不得!

今日同幾位朋友7點半黎到呢間野門口
一黎到就見到4道門. 正係摸嘗試搵waiter之際就見到有兩個人係其中一道門走出黎,原來又係搵waiter...
等咗一陣終於有人出黎比位(我地之前book咗位)
坐咗一陣大約7點50分落單叫野食.
呢度野食選擇唔多, 只係差在1餸($69), 2餸($89), 3餸($99) or 任食自選($139).
2or3餸餐就包多個湯,三文魚3片&天婦羅3隻(蝦,番薯,茄子各一).
等咗5個字(9點15分), 湯終於出現. 普通味精面豉湯, 豆腐渣同紫菜都唔見, 得個咸字.
過多2個字就黎d三文魚(9點25分). 魚切得好厚,口感甚差. 仲要唔多新鮮!! d魚又好似放咗出黎好耐咁同室溫一樣暖...
又過多2個字, 天婦羅出現. 先食隻蝦, 一咬落去就成口油..蝦味失奉, 淨係得油味..好似仲有少少油"益味". 再黎個番薯, 呢個好少少, 起碼食得出係番薯黎. 最後個茄子簡直不知所謂, 食落口完全唔知咩黎, 真係一舊吸滿油ge炸粉...(只係朋友見到話似茄子,事實上係咪茄子都係一個迷)
食完3樣野後全部人一直苦等...望住隔離枱食飽曬飲埋野我地幾碗野都未黎.
同行7人, 有其中2人只係叫1餸飯, 佢地冇之前3樣頭盤. 結果由7點50分落單起一直係度餓.
餓到9點半終於肯黎第1碗野!!
好難像1碗雞扒拉面可以等成個半鐘有多!!
我自己就試咗個"雞翼釀餃子"+"燒汁雞扒"拉面.
食面當然先試湯底. 豈料一試之下只有咸味+燶味!
係雞翼ge燶味?!唔係! 雞翼冇燶! 用1個半鐘整出黎ge就係一碗"燶湯"!!!
再試"雞翼釀餃子",到底雞翼入面點樣釀隻餃子入去le?! 原來只係一隻去咗一半骨ge雞翼!!
釀雞翼入面冇任何特別配料,只係普通雞肉!! 咁樣何來釀餃子?!豈有此理!!!
雞扒? 雪藏雞扒淡而無味, 不值一提.
最後黎埋杯"香蕉疏打"....本Meow從來未飲過一杯咁難飲ge疏打!!藥水味之餘更令人有作嘔感覺, 冇得頂!!
埋完單佢比多碟甜品黎(送?). 泡芙+啫喱. 食過粒死死實實ge泡芙就再冇興趣食個啫喱.

眾人食完都極唔滿意呢間野. 唔只野食差, 服務更差!!!比佢個10%加一服務費條氣真係頂到上心口!!!
而且作為一間cafe, 遊戲極少,遊戲機欠奉, 大富翁又冇咗大部份"棋",只係得番一堆爛溶溶ge啤牌同uno,層層疊,中國象棋.

最後一個總結: 呢間野,野食差!!服務差(等野食等1個半鐘?!叫個menu黎叫5,6次,等成半粒鐘?!)!!!

去mk找cafe補祝朋友的生日.
記得呢間cafe的評語不錯,環境又好似唔錯.
就去左呢到啦.

我地好早出到去.點知佢未開..'
佢開2點.我地1點到左-_-
之後行下街就再返去.

好彩早去炸.我地係第1班客人.:p
之後就好多人.爆哂場啦..

雖然2點.未夠鐘叫下午茶.
但我地問waiter 可唔可以叫下午茶 (因為平d :p)
點知waiter好nice咁1口答應了!

咁我地就叫左照爆雞扒拉面!同配水果梳打!
我地1路玩1路等.
我地自己拎蛋糕去.佢都唔收我地切餅費. 真係好好呀

野食方面就1般..
但d面我盲覺得有d '簡'水味-3-
雞扒size是正常的細.
但下午茶就都ok啦.唔可以計較太多: p

走ga時候, 老闆娘見我2個fd 無飲到野.
問係咪杯野唔好飲...
我d fd就話唔係.只係太飽飲唔落.
老闆娘就話以為唔好飲. 仲話次再去會送返d小食俾我地!

野食就ma ma.但佢地d 服務態度.
令我會再去!!

間cafe都算易搵x]
上到去發現都okay細;;
不過都有位=)
環境唔差!
開始叫野食;;
d下午茶餐好抵!!{樓上cafe算好抵嫁啦}
價都係$40-50左右;;
有野食同飲品a0a
飲品係coffee/柚子蜜{免費}
不過都okay久先到...
邊傾邊等都okay
服務態度唔錯;;
因為我地打難左個杯;;
仲問我地有冇受傷tim`xd
下次1定會再去!

|
尋晚約左一班fds上黎try 下...一同8人...
一早就決定左去食日式放題~~到左之後,由於好肚餓...即刻落左好多野食~
當然有三文魚刺身la~仲有好多好多炸野同埋sushi...
o個日都幾多人...不過10mins都唔駛就有野食lu~>>
先來好新鮮ge三文魚.....之後就一輪炸野...一d 都唔油..好好食~
o係d sushi 未到之前再落左刺身同埋熱物...
d 雞串好好味...食完又食....
隔左一陣...d 刺身同埋sushi 都黎埋...
食左好多sushi...幾好食~!^^
叫左cream puff 甜品...超正!!