10
9
8
港鐵銅鑼灣站 C 出口, 步行約2分鐘
繼續閱讀
開飯介紹
喜記於1997年灣仔謝斐道租地鋪開設總店,其後分別於銅鑼灣開設兩間分店, 店內環境古色古香,乾淨整潔。
喜記發揚避風塘美食, 其中正宗避風塘炒辣蟹,椒鹽九肚魚是喜記的招牌美食。
繼續閱讀
特色
適合大夥人
附加資料
雪糕蛋糕切餅費為$50,普通蛋糕切餅費全免
開瓶費一支$50
營業時間
星期一至日
11:30 - 00:00
以上資料只供參考, 請與餐廳確認詳情
朋友生日🎂，堅持食蟹。心諗好累，食蟹最麻煩，不如唔食。😞一行六人，叫左炒蜆，西蘭花帶子，煮勝瓜，椒鹽鮮魷，乾扁豆，.........共十個小菜。份量普通，細細份的，還好可以叫多幾款.要懂逆思維呀。叫個沙拉骨，好欣賞，甜甜酸酸，好醒胃。😊黃金蝦，咸蛋黃，邪惡不得了，忍不住還是叫了。😁老實講，第一次食到咁好食炒蟹，累也無計了。🤣一只$688，另一只$888。真好意頭，要好好品嚐。老闆也好，生果送上大大碟的。
繼續閱讀
午市的喜記 ，一個人也沒有， 如果不是同事告訴我 ，它推出了特價午餐， 才五十多元一客， 而且唔使等位， 我才不會來。 可能連夥記都知道這個時段是hea做的， 所以也沒有什麼心機招呼我們， 套餐附送一個味精湯 、一碟小菜、一個飯， 普普通通。。。普通得我連相片也懶得拍。。。平庸的食物，配上庸懶的服務態度，hea味甚濃， 又一次印證了[ 一分錢、一分貨]的硬道理。 我想，這就是它在繁忙的銅鑼灣午膳時段。。。竟然只有客人 小貓三四檯 的原因。
繼續閱讀
會展收工去銅鑼灣食晚飯最好啦，又有小巴返屋企勁就腳。辛苦搵埋志在食，貴貴都食！辛勞了一整天，無論如何都要食餐勁、食餐好去既慰勞自己一下，舒緩一下，否則好似痴線，好似有都市情緒病架！百花遼亂，菜牌十分精彩，太多美食都想盡收五臟廟去囉！招牌菜辣蟹唔少得，大隻姐手抱發泡膠箱展示sample，畫面非常有趣！特大、大、中、細蟹任君挑選，我要隻大已夠二人享用了。由坐低到埋單都不停冒汗，汗珠一串串，全身濕透。坐正死位冷氣唔到，想熱死我咩！避風塘炒肉蟹中辣，新鮮度極高，驗完身即時送入廚房活劏。先走油炸得香香，再加入大量炸蒜薑蔥猛火爆炒，辣椒夾蒜香直衝鼻孔，薰香無比，鑊氣迫人！當然先解決其最致命武器一雙巨拑啦！超厚的天然鋼甲，好采一早師傅已將她們敲碎啊！以我的牙力及牙齒硬度必定敵不過呢。爆開的盔甲裝著結實嫩肉，趙的時間彈力非凡，彷如聽到索索作響。純天然蟹肉鮮甜味，慢慢嘴嚼細味，好食到震！爆開的外殼給辣味更易滲透，鮮蟹味散發蒜辣，食得津津有味，惹味醒腦。食剩大量香口炸蒜點算好？叫碗清湯河撈黎食，唔會浪費。椒鹽瀨尿蝦皇，每隻 $250 蚊，有點貴喎！大大碌又啖啖肉，連前臂都塞得蝦肉滿滿，不水肉蝦夠重秤。蝦肉甜美可口至極，肉質幼滑，仲有膏添！甘香嚥韌蝦膏撞上滑溜多汁蝦肉，滋味無窮！帶子炒韮菜花，帶子棉滑彈，不過醃得太咸喇！吃不消。幸好夾上大大注爽甜韮菜花能夠中和一下，還不錯。香芹胡椒東風螺煲，特色調理，見到滿心歡喜！不又再是白灼、辣酒或鹽焗，給了我點新鮮感。胡椒香氣隱藏著芹菜芬芳，味道已滲透螺肉之中，鮮甜帶上清爽味道，美味絕頂，無可挑剔。一隻兩三隻，一隻接一隻停不了，最愛品嚐她的尾部，甘香軟塾，大滿足。齋湯河走蔥，就是您喇！期待已久的香辣蟹味炸蒜勁撈上湯河粉，湯底肉味澎湃濃郁，棉滑河粉掛上炸蒜連湯掃入口中，那種甜美可口非筆墨能形容，必試配搭。就連白菜仔都極為鮮爽甜，好有添食的衝動啊！蜜汁叉燒，罷鬼叉燒，見食評推介便好奇一試。差差差，無蜜汁甜味，無燒烤香味，只有咸咸豉油味。又乾又硬又有筋，兩舊落肚算喇，放棄。豉汁炒蜆，無椒既？豉汁炒蜆來的，不是豉椒炒呢。即炒肥美蜆肉好鮮甜，飽滿肥嘟嘟脹卜卜，一咬爆汁，有鑊氣熱燙燙。炒耐左少少時間，早一點上碟會更嫩更甜更多汁，蠔油味偏重有點過火。銅鑼灣分店比 I square 分店質素高多倍，另外真心喜記辣蟹比橋底更好味！
繼續閱讀
已經有幾長一段時間冇食避風塘炒蟹，一話食避風塘炒蟹就一定諗起灣仔，灣仔有幾間專食避風塘炒蟹，我地去咗喜記，呢間都開咗好多年我地四個人，晚市都唔係好多人，唔使等位鹹肉炒韭菜，鹹肉有少少乾，韭菜爽脆蒜蓉蒸蟶子皇，新鮮好味，粉絲超好味油鹽水蜆，蜆細隻咗D但好新鮮，差不多全部蜆都响個殼入面，唔會甩晒D肉出嚟果皮蒸泥鯭，果皮都幾香，魚新鮮避風塘炒蟹，我地叫咗小辣，啖啖肉好味食避風塘炒蟹，可以俾$1加多碟小食或炒粉飯，有八款可選，我地選咗避風塘炒牛河，河粉滑，牛肉大大塊，$1真係好抵呀侍應服務好，有禮貌有笑容
繼續閱讀
又是相送同事的一餐，有人提議吃豪一些，推舉了喜記。事實上，我們只是點了數個午餐，都是一些家常小炒之類，包括魚香茄子煲、粟米斑塊、椒鹽肉排及魚乾炒菜。套餐包了個湯，店方可能見我們數人一枱，竟然一大鍋湯的上！湯是有味的，每人還分到冬瓜一大件，算是有料。餸菜上桌時都是熱騰騰的，魚香茄子煲不會如爛泥般糊糊的，還可以吃到一條條的茄子，未算十分油膩。粟米斑塊也很脆，粉層略厚但可以接受，粟米汁是烯了些。椒鹽肉排的肉質乾了點，幸咸淡調校得尚可。反而最油膩的是炒菜，不知用甚麼的魚乾炒甚麼的菜，總之入口啖啖是油，是所有餸之中唯一我們吃剩很多的一碟。沒試辣蟹，未知有否走寶，不過就這餐午飯來說，徐了炒菜之外，其他尚可以接受。
繼續閱讀