平日12點30前埋單有85折優惠,所以好多時都趁平日放假黎飲早茶.呢度有好多點心都做得好精緻,d茶又好飲.同屋企人都黎過好多次所以有好多點心都試食過.
蜜汁叉燒包--ok,不過有少少咸
牛肉球--幾好,比起出面個d算叫做水準之作
野菌餃--好香野菌味,唔錯
燒賣同蝦餃--好味
珍珠雞--水準之作同好香荷葉味
煎蘿蔔糕--好足料&香口
雪頂餐包--好好味&有特色
蜂巢芋盒&蘿蔔絲酥餅--好正&脆口
乾清棗皇糕--代表之作,熱辣辣好香紅棗味,中間有層椰汁糕夾住,而且唔太甜
馬拉千層糕--細細舊好別緻&好香

因友人早到又肚餓, 先叫了一個鹵水掌翼
之後3個人叫了:
冰燒3層肉: 皮夠脆, 下面只有一層薄薄的肥肉, 完全不覺肥膩
蝦+蟹肉蒸蛋白: 清清地唔錯
杏汁豬肺湯: 好, 豬肺洗得夠乾淨, 一d異味都無
甜面醬粟子雞: 都可以, 不過d栗子好似無乜味
西施海鮮泡飯: .值得一試, 白飯, 飯焦及其他材料泡在湯中, 湯不會太咸, 味道剛好
上湯豆苗: 正常水準
楊枝金露拼擂沙湯圓1粒: 不錯, 每份只是$25

環境不錯, 不太嘈吵, 可惜坐位有點兒擠迫, 友人的椅子要跟後面的食客背點背
以依個價錢, 服務應該可以做得更好, 落左單之後先話無晒米鴨. 另外好似唔夠員工, 見佢地做到踢晒腳, 壼茶拎左去加水後又無拎返黎, 不過佢地態度都好好.

埋單合計$770...

(24/12/08)上年都係黎呢度,平安夜「豪一豪」(因為食物太好食了)。
在精挑細選下,選了豉油皇砵酒燒大蝦$78x2。蒜子豆苗、千頁豆腐、越式辣炒鱔片,無!改鱔煲,無!原來今日無鱔供應。改杏仁白肺湯,又無!唉…..叫碟义燒有喇卦!?
大蝦燒汁味美~蝦似乎係較靚既急凍蝦,仍有保留少許鮮味。
蜜汁义燒,蜜味十足,瘦中一兩節夾肥,相當相當好食!!$68得八片,仲貴過西苑的「大哥义燒」,不過利苑係好食好多。
千頁豆腐和豆苗,清清地,其實咁滑既清豆腐,同中間的銀杏肉粒小炒,口感&食味唔係咁match。
其實唔係太飽架咋,因為利苑既野,講精品,所以價錢幾貴,揀左幾樣都無,攪到無晒mood咁完成這頓飯。
p.s.茶介:@$10 (茶葉係幾靚既~)

係mk要搵一間好坐好食酒樓唔容易, 係人既問題定酒樓都要配合地區質素不得而知~ 美女同事最愛到這裡飲茶, lunch只有1小時, 用了10多分鐘由寫字樓快步到洗衣街真係冇咩時間飲杯茶食個飽。 每次都係打夙咁叫到成枱都係點心, 我唔客氣啦都未講出聲大家已把食物放進口裏, 很快的各人已露出滿足又幸福的表情又要快速回到office 工作~

點心是較一般的mk酒樓貴但係吃得出是與別不同, 較外面的新鮮精細。 好像那紅祖糕, 個名已經唔吸引點知上枱係好晶瑩一層紅白交間糕點, 吃下有微微紅祖味又有椰汁香, 真係估唔到咁好食. 另外我們的最愛是叉燒, 每次無叫的話都有仍是你最好的感覺~

今次第一次去旺角利苑, 見到負評如潮, 決定親自來試試, 其實食物水準很不俗, 其他食評中提到的2大問題, 也確實存在: 服務生水準參切和"百無"(沒有千層肉, 推介完竹庶水沒有竹庶水....), 但是服務生大部份都很有禮, 只是有點"懵"和 "唔識撈"

e.g. 拎錯隔離枱個生日蛋糕, 仲插埋candles拎出黎....
e.g. 人未齊只有我一個時. 侍應行來幾次叫我點菜...

雖然有以上蝦碌事件, 但整體感覺尚算良好, 尤其食物水準是很impressive! 我訂位時留了金銀菜豬肺湯, 非常好飲, 湯渣都好好食!

另外有個腐皮素卷亦很好吃, 甜品亦令人驚喜! 我點了一個百合桂花燉蘆薈 ($28), 很正很清新!

2008年5月8日，利苑

這天都大家都幾無癮，因為還未到7點半,什麼燒米鴨、三層肉、千葉豆腐、蔥油上樹雞…通通都無，起碼有4、5個餸。侍應又無禮貌，又無唔好意思，有些更是落單以後，才跑回來說沒有，認真惱人。

叫了很多次選,然後那只BB鴨來時還生生的，叫佢拿回去再整。又誤會我哋話要換，同我哋講無第二隻，我哋預咗佢無啦，所以一早都話叫佢整熟D，最後整完再整，隻鴨仔梗會過熟啦！不過就算唔係，只鴨仔都係太“蘇”。唔啱我。

九層塔蔥爆鵝肝牛柳粒
咕嚕肉
脆皮雞
雜菌娃娃菜
蒸蛋白
脆麻花

其他叫的菜其實都算OK啦，不過可能乜都無，心情已經唔太好了。
想一提的是脆麻花，因為我是為了它來利苑的。這次覺得沒有像以前在觀塘利苑吃的好，脆是脆了，但以前的印象是脆而鬆化的，這次卻覺得是有點炸過了火似的。

周六家人突然話提早一天為媽媽慶祝母親節，聽說出品不錯特意定在此。

該日下午約兩點才訂座本以為太遲但馬上回覆ok但需八點交番張台 ....

特意提早在五點八到巳有數座客入席但部長們未開始為客落單，睇餐牌冇乜心水就叫左四人套餐加多個燒腩仔，時為五點五十九分 (按佢地既電腦單) ... 點知五分鐘後基本上除左個甜品其它所有菜巳在我們視線範圍出現，叫佢地慢D上但應後第二個又即刻黎想上菜，離晒鐠，直至同佢地講我一定會坐到八點至埋單才停止。

我明白母親節係希望做多D生意但吾駛做到想盡快趕客走咁，又不停換碟同收D重未食完既菜需然禮貌ok但已令我們食飯既歡樂氣氛受到極度影響，其時約六點二十分左右。

親疏有別當粼座兩老貴客光臨成間酒家既樓面都好似排哂隊咁係佢地坐低既頭十分鐘不時有酒家員工哈腰問暖。

又真系有兩台客系六點半左右就埋單走左。

除左服務D菜式都好好除左蒸魚球
- 雞湯翅 8分 湯味濃厚份量足
- 燒雞 8分 燒得好好夠嫩滑吾"鞋"但雞明顯系雪雞
- 蒸魚球 3分 最最差呢味魚塊吾新鮮又蒸過火重要系上台時只能講系微暖的
- 上湯唐生菜 5分 叫做合格但湯味淡如水
- 包汁鵝掌海參 9分 最好呢樣夠哂淋又味道十足，鮮而不咸
- 荷葉飯 8分 做得好好份量又足只嫌稍為吾夠乾身
- 燒腩仔 8分 燒得好靚肥瘦分明但吾平收68元份重小左D
- 甜品兩款 7分 已記吾清系乜只記得不過不失勝在吾太甜

其實收費一D都吾平成千六蚊埋單所以對佢地既食物同服務都有幾高既期望，不過如果換轉係平日我估服務態度會好好多，我地結果未到七點就埋單走左，在此期間未有其它客人入座出到門口又吾見有客等位，可能酒家自視過高左D，又或者系留住D台祈望貴/熟客重臨？

後補2月份食飯的回憶
當晚點了:

豬肺湯: 很好飲, 真材實料, 好有老火湯的味道, 正
鵝肝炒牛柳粒:鵝肝和牛柳切粒, 牛柳真係用牛柳來炒
好腍, 有 肉味, 不過整體油在d
砵酒生蠔: 生蠔大隻,用生菜包住, 可降" 溜"的感覺
麥皮檸檬香芧蝦: 幾好味, 炸到脆卜卜, 爽身
杏仁茶: 正, 好濃郁的杏仁味

不過服務一般
整體不錯

因為獅子的折扣卷, 惠顧滿$500有$100折扣, 看來又幾抵的, 就一家人來試試.

都有一段日子沒有吃過利苑了, 而旺角這家還是第一次來. 環境當然係幾好的, 不過小弟坐的位置剛巧係個櫃前面, 一眾侍應的澎澎聲都幾干擾小弟. 埋邊的,雀局的聲浪也相當大. 另外, 這裡的侍應似乎係太多了, 長時間也有人係度監視我們似的, 也或許他們實在沒有野做, 換碟的頻率係極之頻密, 去到一個地步係未吃完已經收碟了, 媽媽的雞件就係吃到一半被人收掉了. 唉!

另外, 幫我們筆飯的那位比較高級的侍應係筆到天一半地一本, 浪費了不少食物. 單計服務, 係真的麻麻.

要了好幾樣食物, 也想盡量接近$500那個目標價位.

冰燒三層肉$68: 8分, 先來的係招牌菜冰燒三層肉, 只有十二小件, 收$68, 不便宜的. 燒肉皮都幾脆的, 層次也分明, 肉質都幾嫩滑.

土伏苓玉米鬚煲尾龍骨$58: 9分, 老火湯係這裡的推介, 就要了個半煲份量的, 都夠我們四個人飲的. 飲落口相當之清甜, 但係沒有師傅的痕跡, 夠火侯, 也真的做到老火的效果. 每天也有不同的選擇, 這個湯, 小弟係推薦的.

醬油脆皮雞$98: 8分, 半隻雞的份量不算很多, 脆皮係真的幾脆, 跟平日吃開的炸子雞不同的係有份醬油味, 但又不會太濃. 雞肉嫩滑的, 不過偏肥了, 也嫌白肉不夠靚.

紅酒焗軟殼蟹$76: 8分, 這個也不知係中菜還是西菜了. 用西生菜包著軟殼蟹來吃, 當然能夠減低那份油膩的感覺. 雖然係叫做用紅酒去焗, 但係效果不太明顯, 軟殼蟹吃落都幾香口的, 不過這個吃法看來不是最好的.

至尊千葉豆腐$78: 9分: 叫得至尊, 對這道菜也有一定期望. 賣相當然係滿分, 相當之靚, 師傅的刀法如神, 將豆腐片得好靚, 就算沒有千葉, 那個層次感也係做得非常之好. 吃落口豆腐係好滑, 不過小弟係麻麻中間的配菜, 酸酸的不太對口味.

香煲梅菜肉鬆臘味粒飯$96: 7分, 近日吃了不少煲仔飯, 最新加的係這裡的, 但似乎係全晚最差的一道菜色. 本身的餸如梅菜肉鬆同埋臘味都係偏鹹或者重味的, 但豉油又落得太多, 加上侍應未撈混就筆飯, 結果係鹹上加鹹. 係幾香的, 也有飯焦, 效果都幾好, 但係始終被鹹味掩蓋了.

除了個煲仔飯之外, 整體食物都幾高水準, 至於價位, 不能叫做經濟, 但係合理的. 沒有試過的, 也應該試試.

(24/12/07)聖誕節不會同人爭食西餐,所以來這裡舒舒服服的吃個夠。
和老公勁食有:鋸飽汁龍躉扣@$68,lim lim 的,超正!
砵酒焗石蠔,中size,酒味ok,但炸到成件油炸鬼咁,o徒左。南瓜香芋圍蝦煲,在雜誌上看係靚好多,端上來南瓜芋頭煲到腍晒,謝晒,不過味道仍是很出色,圍蝦入晒味!麵醬油麥菜,清甜得很!
涼拌海哲,少辣,味調得不錯。臘味煲仔飯,飯是煲熟的(要30分鐘),我覺得米不夠腍,雖是出名,反而其他小店做得還好吃,不過臘味質料好,不太肥,又光澤。
極飽也要吃甜品,選了杏仁茶,杏仁香味濃,滑得來仍有丁丁渣,80分。
p.s.茶芥@$9。用coupon減了$100

今日一行3 人訂了6:30pm 檯, 專登搭車出0黎食晚飯... 叫0既0野食唔少, 整體味道令人好滿意!
- 皮蛋子薑: 好得, 皮蛋係溏心, 完全無壓味, 好香; 子薑就甜多過辣, 幾對口味. 推介!
- 蒜香腎片: 腎片薄切, 食落唔韌, 少少脆口, 蒜味就唔係好夠濃, 整體味道還可以.
- 老干媽干煸四季豆: 上網睇先知原來係chef's recommendation! 四季豆好爽脆, 醬汁鹹度適中, 唔辣但好惹味, 好好食.
- 千葉豆腐: 又一chef's recommendation, 賣相極靚, 豆腐片到極薄, 師傅手勢真係好! 食落滑得似豆花, 豆味濃, 加少少豉油同中間d e.g. 碎冬菇/肥肉/白果一齊食, 簡簡單單咁已經好好食.
- 蝦膏蒸豬面青: 原來又係chef's recommendation... 豬面青醃上蝦膏, 味道好香濃, 就咁食好鹹, 送飯或墊底的豆腐好食好多; 墊底0個大舊豆腐亦非常滑溜, 整體非常好食!
- 椒鹽富貴蝦(即瀨尿蝦) 2 隻: 其中一隻成10 兩重, 無膏但好好肉, 肉質亦鮮甜嫩滑; 另外0個隻就相反, 得6 兩重肉較少, 但就好多膏, 好香, 食得非常過癮! 整體味道好好, 不過可惜整體唔夠乾身.

招呼一般, d 阿姐講0野太大聲, 而且嘮嘮叨叨幾annoying, 好在尚算有禮貌; 環境就幾唔得, 雖然裝潢好似好posh 好豪華咁, 但坐得幾迫, 而且嘈得過分, 成個感覺好屋邨酒樓feel, 搞到成餐飯周身唔自在.

d 0野真係幾好食, 好想再幫襯, 不過旺角呢間環境咁樣... 唔知其他分店(e.g. IFC / Elements) 會唔會好d?

都唔知點解,都味睇清楚menu,個經理就幫我地寫菜,當然係務求劏到一頸血個隻,都話明普通一家人食飯嘛.........不過,話番轉頭,又真係幾好食.不過,我prefer IFC 個間law!呢度實在太唔方便,冇位泊車,又冇電梯!!

星期日老豆生日，一家人就去左旺角利苑「豪」一次。

我地點菜既時候已經叫左一個「保」仔飯，個waiter話要等九個字我地都等啦，點知都我地咩餸都食晒，個飯都未黎。

由8:45pm開始催佢，個waiter就答番我地話「整緊﹗好快﹗」足足一個小時有多(其間我地都有催佢)，大約10:00pm，先至有另一個waitress 埋黎同我地講：「唔好意思﹗你地個飯「bowl窿」左﹗可以轉個炒飯俾你地啦﹗」


係咪好搞笑呢？利苑wor﹗你同我講你「bowl窿」飯﹗我地成家即時埋單走左，白白浪費左成個鐘，換黎一個冇誠意既答案﹗

其實我地都知道佢根本就將我地order既飯俾左隔離臺熟客。人地有order唔係問題，但係佢地遲我地成半個鐘才入座架wor，係咪過份左d呢﹗

如果大家有friend想去利苑，千祈唔好去旺角那間，我之前去過IFC的利苑都好ok﹗

呢間嘢啲嘢食真係好食,但今期唔講食物質素, 淨係講服務, 早日訂位時預定咗個金銀菜白肺湯,話咗無間題, 轉個頭打番俾我話攪錯, 然後sell啲貴好多嘅嘢, 我即刻cancel個booking, 半粒鐘後再打去又話有客取消咗有得飲, 今次已經唔係第一次係咁......

叫小菜又係咁, 平嘅通通都無, 龍Dun鮑翅就乜都有, 到確定你唔肯落踏又有客cancel啲"平"嘢 (生炒骨都80蚊客啦), 次次都係咁, 有時真係啲嘢幾好食都補唔番

今日去利范飲茶, 叫左幾個點心, 但款式太少....
蘿蔔絲酥餅: 清甜唔油膩, 但只係微暖, 個人覺得京華ge蘿蔔絲酥餅最好食, 熱辣辣又鬆化
芋盒: d餡好鹹
上湯牛肉球: 牛肉滑, 但都係偏鹹囉
xx千層糕: 雖然唔係食過最好最香ge, 但都ok
叉燒包: 個包鬆軟d餡都唔算鹹, 都ok啦
鮑汁鳳爪: 最好食係e樣, 入味唔鹹又夠淋, 正!

居然冇擂沙湯丸同煎腸粉, 有d失望~
埋單百七, 都唔算貴ge, 但除左鳳爪其他都唔太好食囉