十一月二日(星期一)

同老公仔去上環吃漢記,search過見到清湯腩不錯!一於試試
暫時吃過好的有大利,華姐和九記

時間比較早,不用等位,老公仔想吃的硼砂腩都已經售罄了
唯有叫爽腩米線,我就要了清湯腩米
湯底很香....未吃已經文到了

清湯腩都已經好吃!牛腩很稔,老公的那碗都不錯
有下次有下次!
加飲品後每人大約三十多元!

28-10-2009

路過呢度幾次都排長龍, 是日見有位, 又試試呢度的清湯腩.

阿姐話「爽腩今日無喇喎」, 唯有叫坑腩伊 ($33)... 湯底清澈, 少油無 MSG, 飲落味道牛味一般, 較淡較單調, 都怪九記 (http://www.openrice.com/restaurant/commentdetail.htm?commentid=1886744) 及華姐 (http://www.openrice.com/restaurant/commentdetail.htm?commentid=160136) 做得太好了, 不過比起大利的 salt solution (http://www.openrice.com/restaurant/commentdetail.htm?commentid=170386), 又好 d; 餐牌介紹坑腩係「牛胸前 8 支骨的腩肉」, 又話「牛味較濃」, 但我覺得食落牛味一般咋喎; 瘦肉幾鬆化, 連筋膜位又軟腍豐腴, 都幾好食; 伊麵就淥得爽口, 不錯.

環境就乾淨企理, 阿姐又幾有禮貌, 價錢唔貴食物又 ok, 難怪受歡迎的.

下次試試丸類及河粉.

多次路經這間餐廳，相比其他餐廳之下，這食肆lunch時間門外等位的人可算是少之有少...還以為其食物很不濟，不過當日想吃牛腩，便到此一試。

點了食物後，等了好一會兒，於是眼望望，店鋪阿姐見狀便跟我說聲「正在整」，服務可算是不題吧。

牛腩墨丸麵 : 牛腩和墨丸都不錯。很怕吃到韌牛腩，但這間的牛腩實在做得不錯，淋身，亦可見細紋，牛腩的份量也不少。 至於墨丸，易咬且香口，大大粒，也很不俗。
可是我不喜歡其湯底，有點咸且有點簡水味，麵亦可再多一點，如果湯底好些便完美了。

蔥沒有直倒湯中，可算細心，是另一個值得加分的地方。

叫左個坑腩河﹐31蚊﹐係貴D﹐無所謂﹐點知得一兩舊係坑腩﹐其他都係普通牛腩﹐真係好興﹐話明係坑腩河﹐你又收貴幾蚊﹐點都要比翻8成坑腩﹐真係好離普。D坑腩就OK﹐湯都OK﹐但D牛腩就好唔得﹐D河粉唔夠滑﹐唔會再去

星期六本想到生記食早餐，但因太多人的關係，最後到了漢記。點了一客豬扒蛋公仔麵餐。$20無餐包，豬扒只有1/4塊，份量少咗D。「公仔麵」係下價貨，味道麻麻(都係加$2轉出前一丁穩陣)。反而湯底唔錯，唔係一般公仔麵味精湯，清清地，OK。

[7/2/2009, Sat]

2008-11-05

終於都試埋呢間牛腩

$31-$32 (好似係)，爽腩飯，連埋一個麵湯
個湯ok 例，即係味精，有無都罷
爽腩不爽，基本上我食唔出佢有咩咁特別。覺得比九記及生記都差一截，亦只比街邊貨色好少少

但份量食得飽o既，因為係跟飯，而且三間之中應該得佢可以跟飯
似乎無需要o黎多次

今日同同事去漢記食lunch~ 膽粗粗咁試下叫成日沽清的爽腩, 出乎意料之外, 仲有最後兩碗!!! 當然係先食為敬啦~ 事前同事話跟普通的牛腩米冇太大的分別, 令我對呢碗$31的爽腩米亦冇太大的期望~ 但一放入口, 始知錯了~~

爽腩放入口之後, 極有口感, 再細味一下... 牛油由牛筋滲出來~ 只係呢一口, 已經令我回味了~ 食過九記的咖哩牛腩撈粗, 亦未能讓我食指大動, 但因為呢一口爽腩, 令我有encore的衝動... 下次, 我一定會再續前緣的!!

星期六不用上班的早上拿着打斷了線的球拍去祥記穿線，路過禧利街口的漢記，因為開張以來也没有幫襯過，便行入去試一試食物水準，清晨没有牛腩供應，只有一些典型的港式早餐供應，我要了平日上班日較少吃的餐腸公仔麵及一杯茶走(即是用煉奶)。

現今百物騰貴很多店鋪都加價縮料，這裹也不例外，一片圓形的午餐肉被切成兩半，厚度大概只是二、三毫米那樣薄，碗內的腸仔只有一條； 可能漢記是同用煲牛腩的湯作麵湯底，不用那些味精湯包，所以味道較清食完唔會感到非常口渴。 奶茶用一隻高身杯裝着，有茶香味及較一般的大杯一點。

店內在正門旁新安裝了一臺液晶體電視播放京奧賽事，看來這都是附近食肆在奧運期間招徠客人的指定武器。

在上環區工作十多年，區內的牛腩麵檔都差不多給我吃勻，要選幾家好的也不難...

隨手拈來名氣較大的有九記、生記...再來有陳成記 ( 可惜已結業 )...然後是桃園....

但近年來名牌牛腩麵家水準下跌..但價錢就不斷上升.....以前一想起吃牛腩或有人問

我那裡的牛腩好吃，想也不用想就說九記...但現在我自己也幫襯別家了....

同樣的都是吃牛腩麵，名牌店有的是客，沒有的是服務，錢是花了有時還得要受氣就算了吧...

話說回來要是服務不好，品質依然第一的話，我也是樂意光顧的.....

可是當我光顧了漢記之後，我就再也沒有到九記了...

講品質現時的九記會有所參差，以前我經常點的半肥腩伊大失水準，半肥腩的定義也靜靜的改寫了..

一半全肥膏加一半極瘦的就是半肥腩的新定義，以前爽滑的伊麵就變成硬紙條般...生意太多沒辦法了...

可能以前鐘愛九記，有點責之深吧....不再說它的不是好了...

講老實漢記的湯底一定不及九記，但味道也不是別家可以勝得他，就是兩樣不同味道吧...

而牛腩本身卻拍得住名牌店了...負責斬牛腩的是老闆本人，老闆會經常察看牛腩的受火情度十分專注..

就是這份專注令我常來光顧，現在我點的多數是半肥腩粗，肥瘦適中有點點咬勁，吃到肥的位置濃厚

的牛香味令人胃口大開，吃到別的位置時肉汁豐富牛味十足，呷一口清湯再吃箸麵，感覺實在，也令人回味。

啲牛ok, 幾腍，

不過湯同九記差九條街，得個鹹字，

!!!!! 絕對不可同日而論!!!!!!

啲麵更加唔得，好早就比啲湯浸腍。

我寧願去隔離

不過炸墨魚圓唔錯.

漢記殺出港島，在上環落藉，開張以來，也未曾一試，是日就找機會來吃一下。

這裡以牛腩掛頭牌，當然先試這味，可惜是日爽腩沽清，就要了碗坑腩米加紫菜。

坑腩交帶了肥一點的，果然做得到。油脂部份甘香，筋位軟糯，廋肉的部份也不韌，仍然有水準。而吃一片全廋肉的，也甚軟熟，很不錯。

不過眼見出單也有點混亂，時有漏單的情況出現，我旁邊的一位OL就是等來等去也等不到她的撈麵，一怒之下拂袖而去的。

連凍飲一杯，埋單36蚊，是有水準的，喜歡吃鹵水腩的，可以試試這裡。

依d咪叫最好食的牛腩lor!

平日lunch超多人,要等位先有得食ga. 佢個牛腩好食在佢係坑腩,仲要係肥瘦剛好,唔會太肥or太瘦.食落唔會痴牙,肉質爽滑,有牛味.每次食都保持到水準.而且湯底味精唔多. 個河粉仲要係比較薄,食落好滑ga.

魚扎係另一推介.平時好怕食魚扎,因為多數都係好難食,一陣腥味的.有一次係到試0左,之後每次都必叫魚扎牛腩河多蔥(hkd28). 魚扎個皮好彈口,唔腥.入面包住菇,西芹同carrot.

一星期起碼食去呢度一次午餐，招牌是清湯牛腩，22 元一碗，d 牛腩好爽，唔太肥或腍，另外佢地既河粉十分之好食，好薄皮。

所以我大多數都係叫牛腩河食，推薦!

通常會要四寶河的﹐四寶麵都是第一次﹐感覺怪怪的﹐不過誰叫自己落order 時還是滿腦子工作﹐點了這個奇怪的組合。

外賣的麵和湯是分開的﹐不會浸淋d 麵﹐幾細心的﹐不過就不太環保喇。四寶每樣兩粒﹐除了魚卷只有一件。這個魚卷幾特別的﹐是一塊魚塊卷著裡面的紅蘿蔔﹑芹菜和冬菇﹐外軟內脆﹐是最好味道的一寶﹐但居然只有一件﹐好失望呀﹗魚蛋和墨魚丸雖然都鮮味十足﹐不過就非常之淋﹐口感很差。魚皮餃則普普通通﹐比我喜歡的鹹了些。

下次可以試試他們的牛筋腩﹐那就要試的都已經試過了﹐但如果都是這個級數就應該不會再回頭。

20070523

發現一間新開的店鋪，似乎打正旗號要搶生記的人客，不過至少就目前而言，午市時間雖然滿座但也無需如何排隊，又光鮮企立，一試無妨。

招牌是清湯牛腩面，20元一碗，牛筋腩就是26元，油菜則是10元一碟，似乎還算公道，但若跟凍熱飲，則分別要加7元或5元，好像又不是太好。

牛筋同牛腩都煲得幾腍，略肥，湯也略嫌油膩，至少對我來說，要加不少醋才能中和。