生日天, 老公選擇了中菜給我慶祝, , 現階段什麼也吃不得, 海鮮, 魚生...一連串數不盡! 入座後, 侍應送來小食, 琥珀合桃, 鬆化依然, 但好像已沒有上次般驚喜! 這晚簡單地點了兩味, 然後例必送來是晚小食 - 沙嗲肉碎千層酥, 最上一層是炸蓮藕, 不脆, 中間是迷你酥皮盒裝有肉碎, 味道一般, 最底是菜苗, 只有賣相很好! 等了良久後, 侍應也來交代說快上了.....

1. 蒜子敉火腩豆腐斑腩煲, $420, 煲身一點也不熱, 但中央的菜就熱辣辣, 蒜子, 豆腐也入味, 很腍, 平時的火腩是韌的, 我連踫也不會踫, 此晚吃到的卻是非常腍滑, 肥美, 最差的是那斑腩了, 大大的一塊, 蓋面的脆醬有點厚, 也脫離了, 然後魚肉也很粗糙, 份量太大, 吃不完, 整整一半帶回家!

2. 蒸什菜牛柳, $140, 將牛柳連紅蘿蔔等蔬菜扎起, 底下鋪了旺菜, 什菇及茄子,牛柳夠腍, 也有肉味, 夾雜蔬菜, 吃了兩扎已很飽肚了, 比前者做得更好!

由於我們也特別留肚吃甜品, 於是將一半食物帶回家 (其實不留肚也要吃剩一半), 點了燕窩南瓜露, $68 及栗茸焗西米布丁, $42, 前者也吃得一絲絲燕窩, 南瓜味不濃, 卻不太甜! 後者放在中央的栗茸, 也漏了出來 (有warm chocolate 的效果), 在我們上甜品之際, 也竟然有上次出現之甜品架, 內容包括合桃酥(極鬆化), 迷你老婆餅, 合桃蓮蓉酥, 千層酥等.....滿足了!

期待明年家中會多位成員為我慶祝生辰!

Although the service was very good, the food was so bad that it prompted me to write my first critique.

We went there for lunch. We ordered the set lunch @$298 per person. The starter consisted of 3 very small pieces of dimsum. The dimsum with veg inside and thick yellow skin did not look attractive at all and it was not hot enough. The second one was some sort of pastry which was quite oily and did not have much fillings. The third one was supposed to be a lobster dumpling, but it had no lobster taste at all. Any shrimp dumpling (Ha Gau) from ordinary restaurants would be much better.

There were 2 main courses. The first one was stir-fried eel (2 pieces for each person) which was very tough and has not taste. The second dish was black pork with beans. But the sliced pork was very rough and had no pork taste. It was much worse than any ordinary pork. For both dishes, you could only taste the sauce and even the sauce was not yummy. The food at any ordinary restaurant would be much better than those served at Yan Toh Heen. Even the dessert was just average.

Despite the very nice view and good service, the bad food has spoiled the whole meal. It is the worst Chinese food that I have ever had in a five-star hotel.

今次做既唔係中菜，而係一年一度既中秋月餅。呢個月餅係雙黃白蓮蓉，
個大細同普通月餅咁上下啦。

月餅其實個味道都唔錯，蓮蓉唔會太甜而且又幾滑既。而蛋黃就油
左小小啦，唔係太好。整體上都算唔錯既。

不過點都好，食月餅要量力而為。唔係食滯左就唔好啦，祝中秋節快樂
同人月兩團圓。

2008年5月

是日終於說服另一半陪我到欣圖軒飲茶, 若滿意稍後會拉大隊試埋 dinner !! 但另一半半推半就黎到, 途中仲話, 去番福臨門啦 , 咁好食都唔使四圍試啦 !! 我話 "唔試過點知好唔好食"~~~

點心選擇少, 其實只要精的話, 少絕對不是問題 !! 可惜基本蝦餃, 夾起餃皮已破, 還黐滿筷子~~
灌湯餃湯頭不清, 餃皮亦稍厚~~ 我地發覺點心"唔對路"~~只試幾款便埋單離開, 連一向好甜的我亦不願再試了, 還是諗諗去邊度食下場好過喇 !!

這天跟美國客戶在這裏午餐,要了最清淡的菜式,包括蝦肉燒賣,炸蟹肉卷,XO醬肉鬆炒飯,肉絲湯粉及炒雜菜. 除了炸蟹肉卷,炸得鬆化美味,其他的都是中規中矩. 那個standard product燒賣就讓人有點失望,上檯時搖柱散落在燒賣上,賣相很差.五星的價錢,四星的味道,三星的賣相. 難道在高檔食府,只能吃高檔食物,才能見其真功夫？

今晚和小免二人去欣圖軒食晚飯慶祝生日，去得洲際食晚飯，當然不能懷有"出得黎食, 預左超值"的心態，所以一早己經準備放低一千兩千做見面禮，只但求食得開心回味!!
七點半鍾準時到達，心已有不安因為整間餐廳只得五枱客仔，仲要有一枱係外國人同一枱國內暴發同胞，心想可能剛剛過了七一假期，所以可能少D客仔LA。
由於客少的關係，所有客人都可安排坐在近窗的位置。經過一輪參祥，點了黃油蟹黃海虎翅，燒鵝并燒腩，沙窩酒香鼓油雞，四川虾球同一位荷葉飯‧第一道菜上枱就係燒鵝并燒腩，第一口放入口當然係燒腩la，當真皮脆肉嬾、本以為今次無黎錯地方la，但點知跟住上的菜都是平庸之作，沒什驚喜 !! 好似燒腩傍的燒鵝，不單沒有皮脆肉嬾，而且肉質很'硬' ; 黃油蟹黃海虎翅, 翅針的確很粗，但完全感覺不到黃油蟹的蟹黃存在，只能找到零星的實'高'，但那碗珍品卻索價五佰六十大洋~!~ 最不像樣就是那個大廚推介'沙窩酒香鼓油雞'，完全沒有酒香之餘，雞肉重好'硬' ，我們每人食左一件就叫waiter打包。那個四川虾球都無什特色，虾球炒得過老，不過香味還可所以陪襯的荷蘭豆就變得反客為主!! 總結，整餐飯服務稱心，海景醉人，但如果想食好的中菜，欣圖軒不會是我的選擇!! 差點忘記告訴大家這一餐飯要付出千五大洋的沈重教訓!! 走出酒店時特然想起香宮，福滿樓等，做人應該要踏實D好 !!

阿媽的 Intercon 會藉 cash vouchers 就快到期, 唔想0徙了佢0地, 今日一行 4 人0黎飲個 brunch 茶. 0黎得酒店當然想食得特別 d, 叫了唔少 fine 點心, 食得非常滿足:
- 黑菌莧菜餃: 翠綠色的餃放0係橙色薄片紅蘿蔔上, presentation 好靚. 層皮咬落帶淡淡的菜香, 不過實在厚0左 d, 咬口十足 -_-" 餡料以莧菜葉為主, 味道清新, ok 的.
- 蟹肉餃: 賣相係莧菜餃的 "vice versa 版", 橙色餃放薄片青蘿蔔上, 又係好靚. 呢個層皮無咁厚, 餡料就係勁多的絲絲蟹肉, 非常鮮甜, 好食.
- 燒腩仔併燒鴨: 燒腩仔肥瘦層次分明, 皮燒得好脆, 肉幾腍, 整體唔油唔膩, 唔錯. 燒鴨係脾部分, 但幾唔得, 唔夠熱辣的話可以好食得去邊? 不過叫0黎純粹因為細佬忽然想食, 是但啦.
- 魚翅龍蝦蟹肉冬茸灌湯餃: $100 一份, 但絕對足料, 值得的 -- d 湯勁清甜; 魚翅好腍好鬆化, 仲落得幾多0下, 哈哈; 龍蝦肉非常結實, 爽口鮮味; 餃皮薄薄一層, 入面係冬瓜茸, 冬菇粒及勁多的蟹肉, 鮮甜得不得了. 推介!
- 蛋撻仔: 又係 presentation 靚, 不過食味呢... 曲奇皮幾實淨, 牛油味香濃, 食落脆卜卜, 幾對口味; 蛋漿就唔夠香甜又唔夠滑, 麻麻0地.
- 蟹籽燒賣: 味道其實唔太特別, 但係比出面好多地方的做得 juicy; 印象最深則係隻勁爽口的蝦, 哈哈.
- 炒飯: 炒得乾身, 落了大量蔥花香了唔少, ok 的.
- 原隻鮑魚海鮮芋頭酥盒: 賣相十分精緻, 味道亦無得彈 -- 鮑魚夠腍又不失咬口, 味道極濃, 直程誇張得淨係食佢面頭 d 汁都已經覺得好正 芋頭酥盒除0左芋蓉, 仲有大量蟹肉及蝦肉, 可能因為「蝦蟹 : 芋頭」比例係 7:3, 食落除0左鮮味及唔膩之後, 感覺亦好鬆化, 真係無得頂. 值得試試!

唔好睇 d 0野食細細份, 食到最後都幾飽的, 結果都係放棄了叫甜品.

環境唔錯, 除0左光猛好坐之外, 仲有星光大道及維港景 (仲見到大量漁船遊行...), 感覺寫意; service 則無預期中咁好, 特別係我0地一坐低 menu 都未有, waitress 竟然講0左一句「使唔使叫 d 0野先?」, 完全唔知佢講緊乜, 更唔知應該問 d 乜, 結果我0地呆0左 3 秒之後先識應佢,「叫 d 乜0野先?」-_-! 侍應們態度其實無問題的, 不過可能呢度係 Intercon., 對佢期望特別高吧?

用了 coupons 後埋單每人 $95, 仲有 3 個鐘 free parking, 有可能唔抵嗎?

13 ppl with father, some relatives. bill is around 11000 dollars. 4 hours valent free parking. service very nice. food just above average with this cost. some soup too salty. washroom very clean. but table to table too narrow. with this 5 stars hotel. i think this chinese restaurant can do better. so we will not choose this hotel for next month july's my father's birthday party. we probably will book a vip room with mar jong table in standford incontentineal or kowloon shangraila

by the way, a lot of shops nearby, yesterday i buy a chanel bag. hahahhaha..

提取選手包...為老公買裝備...提前慶祝情人節既日子!

自助餐--- 怕怕!
西餐--- 有點膩!
異國餐--- 無頭緒!
中餐--- 第一次, 老公亦選了一個環境較幽雅的地方!

預約時侍應告知沒有靠窗位置, 到達時卻被安排(驚喜一)!
環境果然高級, 桌上的擺設可見一斑, 精緻的琉璃放著一朵蘭花!
沒有講究什麼茶品...我要了一向飲用的龍井, $20/位, 味道一般! 琥珀合桃, 好脆好脆, 好好食! 菜未到時先來一碟青瓜煎肉餅, 我不懂得形容, 底下有一塊青瓜, 面鋪了一塊煎肉餅, 說不上令人難忘, 但卻很特別!

焗釀蟹蓋, $110, 蟹肉嫩, 味濃, 不會過油!
蟹皇豆苗, $200, 豆苗不太嫩, 蟹皇是蟹肉加蟹膏, 當然不是大閘蟹, 不過, 味道就岩岩好, 合格!
金蒜糯米蒸蟹拑, $220, 蟹拑有很多, 糯米夠軟!

主菜份量不太多, 但對於我們就剛好, 問侍應生亦提議我們不夠才加添, 不會浪費, 最後我們還叫了甜品兩個- 杏仁茶及雪耳燉雪梨, $42@! 未上前, 我們見到隔離上菜桌上有個特色的擺設, 上面放了六件小點心, 這是等同英式High Tea 的多層盤! 但說時遲那時快, 侍應生已將糖水及點心放置在我們面前(驚喜二), 一聲慢用, 新年快樂, 我們即拿起叉子, 點心有菠蘿酥, 蓮蓉酥, 千層酥...甜度剛好, 又鬆化! 配合小小的糖水(變了大配角), 滿足了!

這裡的環境寬敞, 侍應生/經理在適當時間出現, 令人吃得舒服, 沒有Hard sell 任何食物, 二人連加一, 咭有八五折, 共$630! 論食物質量, 可能不及天香樓, 但環境及服務, 這裡卻有過之而無不及!

酒店中餐大多數都係食環境，表表者當然要數四季。但凡事都有例來，洲際的欣圖軒就非常有水準。

P的哥哥是洲際member，在某個星期天於欣圖軒請食lunch。先論環境，又大又闊的落地玻璃剎是吸引。點心種類也不少，傳统的蝦餃、魚翅燒賣、牛肉球都非常有水準；新穎點心中首推杞子頭苗餃，賣相精緻，味道細膩。燒味出品亦絕不失禮，圖示的燒肉皮脆肉嫰，叉燒肉質有軟有鹹，蜜味重一點就更好。

價錢沒想像中貴，每位$200應該落到樓。

2007-07-31

又被騙了入會(會員有75 折﹐不計飲品)﹐既然入了會又知道媽媽喜歡這裡的環境和食物﹐趁這天可以早放工就和她(當然end up 是一家人都去喇) 去晚飯。已經好久沒有能放工和家人吃飯了﹐好開心呢﹗

以前來常覺得這裡比較靜局﹐不會太多人。但這天閒日晚上8 點去到都已經是9 成滿﹐都幾熱鬧﹐不過幸好檯與檯之間有幾多空位﹐所以都算有私人空間﹐不會太吵。因為是在酒店的basement﹐所以維港景就說不上喇﹐只看到外面星光大道人來人往的﹐這麼熱的天氣還在外面走來走去﹐真替那些遊客辛苦。

點了菜不久就有一個送的appetizer﹐雖說現在那些鮑魚仔不太值錢﹐不過免費頭盤有鮑魚仔配露荀都算幾有誠意。開始我一位是什麼鮑魚菇之類﹐但吃了一口﹐發現有鮑魚那獨有的鮮味才發現原來我低估了他們。好一個開始。

跟著我們點的菜都陸陸續續的上檯﹐急緩有致﹐時間掌握的不錯﹐不愧為五星級的服務。

脆皮龍岡雞- 價錢決不便宜﹐半隻雞都要$200 左右﹐但真的稱得上皮脆肉嫩﹐連骨都好味道﹐可見用的是新鮮雞﹐是近期吃過﹐除了家裡的雞外﹐最新鮮最好味的脆皮雞。另外連點的淮鹽都用cinnamon stick 來舀﹐好特別﹐不過好像又不覺得多玉桂的味道﹐是否有點多此一舉呢﹖

麵醬薑蔥炆班腩- 起初見是麵醬都好怕它會好鹹﹐但見媽媽想試就點了。怎知味道不是想像中的濃郁﹐鹹鹹地的麵醬反而帶出了班腩的鮮。雖然價錢貴一點($290) 但完全覺得值的。這碟好味道到一陣就清碟了。

碧綠夏威夷果西冷($200) - 賣相都幾靚﹐非常夏天feel。碧綠的蘭度又嫩又爽﹔夏威夷果仁又大又脆﹐非常新鮮﹐好香果仁味﹔主角西冷一樣不失禮﹐又嫩滑又有肉香﹐用少量來炒﹐惹味非常。

上湯小棠菜($90) - 想不到在這裡都可以有這麼合理價錢的菜式。小棠菜不是那麼小﹐但想不到的這不太小的小棠菜都可以這麼幼嫩﹐完全沒有渣的﹐而且非常先甜﹐絕對是水準以上。

飯後要了個杏仁茶﹐這個我沒試﹐和桂花糕﹐這個普普通通喇﹐不過免費送的那個甜點架卻是驚喜連連。雖然看賣相每個都沒什麼特別﹐好像是便老外的那些中式點心﹐怎知每個都有不同的味道﹐而且甜度都不一﹐口感極之豐富﹐讚啊﹗

這一餐都等咗好耐,都唔知係唔係真係咁多人會去洲際的欣圖軒,我上個星期book位今日同爹地媽咪老公一齊去試飲茶. 我地好準時去到,門面有d令人失望,無大酒店的裝潢,外面睇只係一間普通的酒樓,媽咪話北京道一號的酒樓個景仲靚!

但入到去d侍應的招呼真係好好!環境好靜,我地坐在落地玻璃窗旁邊,外面可以睇到星光大道.我本來叫鐵觀音,但侍應話貴d,所以只叫了普通的壽味,侍應又放低咗一碟甜合桃,三碟不同的辣椒醬,但都唔知點碟用來點边樣點心.

我地點咗
1. 蝦餃($40 四粒)=>都係東海嗰d好味d
2. 魚翅鮮蝦燒賣=>（$36三粒）=>　好好味！好鮮味！
3. 鮮蝦腸粉($40??) => 一般
4. 鮑魚雞粒餃($40 三隻) => 好一般
5. 星洲炒芋頭糕($65) => OK啦，但不太特別
6. 珍珠雞($40一隻) => 好細隻吔！但真係几真材實料
7. XO醬炒腸粉($65) => 無咩wok氣！唔夠香！

埋單$485,普通茶$20一位,如果係特別的茶要$40．恆生白金卡有八五折，都几ｏｋ！

星期日走左去飲茶，兩個人歎左
魚翅燒賣-普通
鮑汁雞粒酥-好似一早整定，微暖但偏凍，麻麻地
翅湯(唔記得咩名堂)-好清, okay
椒鹽鳯梨蝦球-麻麻地，四季好味好多
燒鵝-原來最好味係呢味, 淋晒梅汁, 啲肉嫩滑
甜品-芒果布丁加杏汁荳花, okay
奶黃酥-又係微暖, 皮太厚
service 真係唔錯, 不停為我地斟茶...
其實又唔係好似係一間咁高級o既酒店o既食府...
下次都唔會揀呢間

舊友團拜，四個女仔吃了:
1)椰汁蝦球，味道特別，蝦新鮮，但$260八隻蝦，略貴。
2)鐵板炒和牛，醬汁好味，牛肉嫩滑。
另兩個菜忘記了。
甜品有很多款式，蜜瓜豆腐花賣相一絕，味道清新。芒果豆腐花，又香又滑。

飲茶一流喎，對住海濱長廊，service 好好，起碼訂o左位一定有，好尊重顧客感受，點心大部份都好味，雖然貴o的，但都值，阿媽好鐘意！以後星期日可能要轉移陣地飲茶喇！哈哈！
不過要幾日前訂位。-_-"