相約友人於附近的戲院看戲，事前吃點東西。除了連鎖餐廳，粉麵店外，倒不如嚐試這間茶座？幸好剛踏進室內，及時避過街外的滂沱大雨。室內的樓閣甚高，但面積不大。由於場內是開放式廚房，故油煙味甚濃烈。店方提供書籍外，還有盒裝的遊戲供顧客玩樂。

　　詢問店員的晚餐選擇，侍者說只剩下意粉類。倘若選湯、飲品、甜品等便要額外付款。是夜點了煙三文魚龍蝦汁意粉、芝士白汁雞肉扁意粉，蘑菇忌廉湯、龍蝦湯，餐飲凍柚子蜜、凍泡沫咖啡。

　　對於多付五元便可嚐的湯，絕對沒有期望，結果如此，湯出自罐頭食品呈水狀。反而餐飲類還好一點，詢問友人的意見，凍柚子蜜是冰凍頗甜，而我的凍泡沫咖啡，咖啡味算是香濃，甜度適中，及格。

　　煙三文魚龍蝦汁意粉、芝士白汁雞肉扁意粉同時上桌，意粉屬偏軟身，扁意粉同樣如此，兩款意粉均添加不少香草。聲稱的龍蝦汁意粉，預料沒有任可龍蝦汁味道（其實店方可省去龍蝦汁的描述），不過調味頗鹹，而煙三文魚是凍箱出品，不會有任何驚喜，優點是份量甚多。另一道的扁意粉整體水準比前者優勝，雞肉、青椒、黃椒絲混合其中，芝士白汁的味道較香，唯一缺點是醃的雞肉過鹹。總括兩碟意粉的水準不是難以嚥下，但不是美味。

　　吃罷過後便準備結賬，正當欲往洗手間時，店方的鎖匙是開不到門。故此留待至戲院時才往洗手間吧。

上星期我同班Friend 去食飯......
間Cafe 食物都叫ok.......意粉都有8個選擇.......叫做唔錯.....不過

間Cafe 打正旗號話係Broadgame Cafe 但我地問D Staff 連佢地都唔識玩.....
甘學咩人叫Broadgame Cafe 呀???
我去過其他Broadgame Cafe 都唔係甘既~~~~
我覺得如果甘落去不如你地考慮下轉營啦~~~~~

仲有D Staff 的態度又差Wor.........如果D食物好好食都話丫...又唔係真係好好食.....都唔明E 間Cafe 個Selling Point o係邊度......Broadgame???食物質素????定係服務態度???我覺得無一樣野OK Law~~~

最嚴重的係佢地的油煙好勁....我件衫隔左幾日都仲有油煙味Law......如果大家唔想攪到成身臭味...我勸大家唔好去Law~~~~

如果間Cafe 再係甘落去......<執粒>唔好問點解Law~~

同男朋友去电影中心睇20 century boys. 竟然记错时间... 去到早得滞... -.-#
去咗食嘢先...
唔算多人， 兩個人都有大大個沙發位坐！ 哈哈~ nice!
叫咗個wakeup baha~ (雖然好肥~ 不過好好味！ 要減肥都遲d先喇~)
男朋友叫咗oreo (其實都係我鐘意je~)
and 一個鴨胸意粉(唔記得個名啦~ ok la 同意粉屋果d差唔多. im not a spaghetti fan anyway~)
最贊有好多game玩... 第一次玩monopoly deal，好好彩！ 係咁贏~~~~
不過好多game啱多d人玩 maybe next time la~

食物ok
但態度十級差
差差差
d boardgames係好多
但係有一半係未開封
仲有好多唔識玩
自己帶野上去食都唔得!!!!!
態度十分差!!!
千奇唔好去!!!
我寧願去間service好d但食物差d 0既cafe
以後都唔會去
冇下次!!!!!
佢唔檢討下就唔怪得自己冇生意!

呢間野真係超差, 放一兩張SOFA, 其餘全部都係快餐店擺設. 一D 都唔decent. 坐得又唔舒服.

最恐怖個toilet, 0係後梯, 女仔真係要搵人陪你去!!! 而且0個度又係放垃圾的地方, 諗起都覺得可怕.

仲有, d staff 的態度差到爆!!!! 一入去時態度已經衰, 仲成日黑晒口面. 以後貼錢我都唔去!!

唯一好就係d 食物, 芝士類都ok!

玩神秘，不一定是小朋友的玩意，只要花點心思，無需多費金錢，已經足以令人難忘。有幸從開飯中認識一眾熱情的食友，小弟這個神秘生日派對計劃才得以成功舉行。先要多謝食友茶，當日不辭勞苦和我掃場，走遍旺角大小 cafe，說起來真是一波三折，原定是在天機棧攪的派對，好不巧合地撞正其內部裝修，時間緊迫下沒有考慮空間了，就去了電影中心附近的 What is Boardgame Cafe 睇睇環境，平日晚上只需三千已可包全場，空間感也比之前的選擇更大更舒適，對食物要求不高，見到有她最愛的煙三文魚和我最愛的 Carbonara 已經滿意，於是班齊人馬，就決定以此作為神秘派對的場地了。

終於到了七一三當日，相約壽星女「看電影」為名，一步一步走近派對地點，於金銘對出馬路用手機發出了原定的暗號，眾人亦早已準備就緒。「看電影」前當然要先吃飯，壽星女開始有點懷疑，步上一樓後，久久不敢打開那道白色大門，一輪你推我讓，她帶點懷疑地用力一推，「嘭、嘭、嘭」，七彩碎紙在她的頭上掠過，四方八面，就連身後也衝出一名硬漢，奇怪是這名壯丁久久未能發砲，場面惹笑。良久，壽星女回過神來，一看 cafe 內全是這一年內認識的好友，近二十人為她舉辦生日派對，相信她那刻一定感動非常，然後逐一與好友們合照，趣怪的甫士包括賭神造型及「西門錫南瓜」等，簡直是超現實的玩味。

熱鬧的開場過後，大家都想先醫好早已餓透的肚子。店方立即將食物一一送上，賣相雖不華麗，卻出乎意料的豐富，眼前的是近三十人的份量，連在場多位以「黑洞」見稱的食友也為之動容，的確誇張。食物方面，煙三文魚是到會派對中較少見的，厚厚的一片入口新鮮，數量也是整整一盤無花假，收貨；薯仔雜果沙律及迷你雜錦三文治 (分別有吞拿魚、蛋沙律、芝士火腿) 乏人問津，始終澱粉質太易令人飽肚，普通的三文治及沙律只是大配角，眾人也提不起興趣；烤蜜汁豬仔骨及瑞士雞中翼則是出奇的好味道，醬味濃郁，拿著豬脾啖啖肉的確豪爽，雞翼帶一點甜，十分惹味，但份量實在太多，豬脾近四十隻，雞翼更超過五十隻，所以真正令人一吃再吃的原因並不是出自其味道，而是打後集體遊戲的大懲罰．．．

任食的薯角、薯格、春卷、咖哩角是新鮮熱辣炸起的，而一輪熱氣食物過後，牛油焗雜菌成為一眾女仕的最愛。蛋汁煙肉蘑菇意粉質素當然不可以跟名牌意大利餐廳相比，但蛋汁仍剛好掛在意粉上，以大鑊意粉來說已是合格有餘，更廣受食友歡迎，成為第一盤被清掉的主菜。至於芝士焗肉醬意粉也不失禮，是傳統的港式風味，加上大量芝士焗製，煙韌感十足，可惜胃納有限，只能淺嚐一下。甜點是迷你鮮果撻，酥皮是脆口的，但忌廉下得太多，生果比例少，用作裝飾是可以的，終於還有 one bar crunch cake 壓軸，沒理由用有限空間去容納這個小撻。全場汽水、Fruit Punch 是無限添飲的，場面如此「熱鬧」、食物如此「豐富」，此刻心情終可放鬆，這個派對總算過得去。

集體遊戲由留學回港的食友 Nam 主持大局，全靠其一個接一個的鬼主意，食友們得到充分熱身，慢慢由抗拒變成投入。由「拍七」開始，一輸即食燒雞翼，的確令人甚感為難，然後逐步將難度提升，「Ping、Pang、Wa」這些大學 O Camp 遊戲也大派用場了。最後的「蒙娜麗莎芭蕉樹」更是全晚高潮所在，辛苦了間中掛單的子陵兄變成接二連三的清掉大半盤雞翼，相信此事會令佢蒙上陰霾，以後在他的食評中恐怕再沒有燒雞翼的份兒了。眾人玩遊戲時笑到出眼水，的確相當高興，在食友向壽星女送上禮物之時，我就靜悄悄走入廚房拿出 crunch cake。這個 crunch cake 味道如何還是留待 one bar 食評再說，但在場所有甜魔也對此安排非常滿意，看見眾食友面上滿足的表情，這個極秘生日派對的的確確是個大成功。

在此特別多謝當日各位出席的食友，專誠送上禮物的大比小比，還有一眾因事未能出席的好友們，全靠你們的支持，我這個小角色才有膽去舉辦這個活動。

今天是七月十九，藉著街外的橫風橫雨，向你說聲生日快樂!

Through the cheer and balloons and applause a group of 20 or so threw a party for a dear friend. That was the simple version of the story.

Backstory: A few weeks ago an invitation came flying in, A SURPRISE PARTY, we thought, deep down knowing that it can't possible go under wraps without the birthday girl knowing. Then some arrangements were made, and some more adjustments, fine tuning here and there. We have a plan -- the surprise part has GOT TO WORK. "What is Boardgame" Cafe is the place we're holding the party. The location is really not as hard to find as the address clues us towards. The location was set, food arrangements were set, and then, we each disappeared into high anticipation for the party, no one uttering a word over plans for that day -- no dinner plans, no gatherings, no overtimes either.

The phone rang. 2 minutes before action -- we held our positions behind the couch, crouching down as lowly as we can with balloons in hand and surprise at heart. The party paper popping toy in some of our hands, ready to release the fun. The door was kept slightly ajar. We heard footsteps walking up the stairs slowly. When the door was pushed open. SURPRISE!!! (in big unison). The birthday girl has yet to catch her breath for the sudden burst of excitement from behind a shelf-ful of toys arranged at the entrance by the cafe. She walked closer to the open area of the space to find us, all happy and delighted to surprise her. She was at a loss of words, and with a trademark laugh and squinting eyes as if it was only a dream she has dreamed about...but it was real...surreal even.

For our private party the cafe has put together a casual buffet for our crowd. It's nowhere near fine dining, but none of that mattered so much as to everyone gathering together and have the most fun we can have with the birthday girl. In warm trays there are the unlimited spring rolls and potato wedges, the usual party favorite, somehow lost to the sensational tray of Spaghetti Cabonara, which was of course in no comparison as the al-dente Italian ways, but the flavour itself was good enough. Generous flakes of crispy fried bacon atop and blended in with a besciamella sauce with egg. It came out rich and eggy, and just about the best comfort food we had that night. Spaghetti Bolognese was close, with dollops of Pesto Genovese atop, However we were so caught up with the carbonara that it was forgotten until later on.

What would be a party without wings? The marinated wings were at first very popular but through group games after group games we finished them off, and so did the smoked salmon and the pork on the bone. The latter was sweet and baked on the premise. The meat was tender and well seasoned throughout. Salads maybe laden with dressing from a jar, but instead of a plain apple chunks-canned corn, the cafe managed to throw in enough cubes and tiny globes of melon to make the salad a fresher alternative to vegetables/ fruit. The fruit tartlets, pictured here, were ok, although I would trade ready-made pastry shells to graham cracker crust any day. The whipped cream filling was also very whipped and didn't quite taste like cream. The strawberries, however were sweet and each tartlet looks petite and delicate.

Cola and a lava-lamp lookalike Fruit punch were the beverages du jour, and through cups after cups of fizzy drinks and us playing group games we shared what matter the most in a birthday party -- Laugh and Happiness, the kind of joyful elation that we celebrate the birthday of a friend, and to celebrate having such fantastic buddies around us, the comraderie within. Taking a look around, as I'm glad, pleased, and fortunate to have this group of people from all walks of life, sharing the same passion in food, to celebrate one of us, and many more to come.

Happy birthday, my dear friend.

自問也算是"偽文化"人,不時在電影中心看些所為"冷門"電影,又去隔離Kubrick打書釘,吸收一下靈氣,偽裝都要裝得神似,才會騙得到人.

常在此一帶進出進入了,也不察覺在夏銘記樓上,有一間叫做"What is Boardgame Cafe "的樓上店.這夜,因為要參與一個特別任務,所以便來到此上樓Cafe.

這個任務不是放蛇,不是捉姦,而是參與一個神秘的生日局.主人翁是開飯系的食記M,至於有幾神秘?係神秘到連主人家也不知道,是夜其男友P,一早在此佈滿天羅地網,召集了眾圍內的朋友,來給壽星女的一個驚喜.

主角未到之前,我們一早便在Cafe內恭候,當收到訊息,主人家即將到步時,大家便準備就緒.對錶,三,二,一..當主角一推門,首尾門的朋友,即刻上前開花炮,早在埋伏的朋友,一同打拍手上的吹氣棒,向主人家說聲生日快樂.此一刻,食記M真情流露,開心也來不及,這個驚喜,難忘嗎?

好,回到這間氣氛Cozy的Cafe,為何這間樓上店叫做"What is Boardgame Cafe"?因為此咖啡室內,有大量的棋類遊戲,可供大家一邊喝杯咖啡,一邊下棋,如果玩得高興,想帶副棋回家玩?得,此店有全新的棋藝遊戲出售.現今樓上Cafe當然少不了可供上網的電腦.連接著Printer,作為緊急的商務中心亦可.不想下棋,可看漫畫,店內的書架,有GTO,足球小將,金田一等日本漫畫,供客人閱讀.

事前P兄一早包了場,在Privacy的環境下,玩得更放心,不怕騷擾到其他人.論Cafe的面積,絕對夠我們二十人玩個夠.這夜店方為我們提供以自助形式的食物,有點像到會的感覺.汽水同什果賓治任飲.頭盤有幾款,果撻,沙律,煙三文魚,三文治,咖喱角,春卷,窩夫炸薯,薯角等等.單是頭盤份量十足,三文治乏人問津,煙三文魚點也不去碰.最香口的咖喱角同春卷,算是最受歡迎,但一樣吃剩.

主菜同頭盤一樣,用錫紙盤盛著,同樣以自助形式供大家享用.有雞翼,豬仔骨,肉醬意粉,白汁煙肉扁麵,同焗金菇等等.在Party上的意粉,做得入味,總之入得口便收貨,不要期望什麼Al Dente.點為之入得口?每個人也有不同的答案,好像這個白汁煙肉扁麵.白汁味道濃,每條扁麵都沾了白汁,在大鑊飯的做法之下,一樣做得入味.你說收不收貨?另一味肉醬意粉,又是大堆頭,同樣做得夠入味.焗金菇充滿著牛油香,豬仔骨每件都好厚肉,吃下去很甜,而雞翼也是一樣地甜.

二十人吃差不多三十人份量的食物,當然吃不完.又不想去浪費一大堆食物,點樣可以解決?就是以遊戲形式去解決檯上的食物.鬥快食,或者是玩遊戲輸了之後,懲罰是要吃加大碼的三文治.好像電視上的"獎門人"的遊戲節目.幸好今次沒有塗滿Wasabi的壽司,如果玩到"辣辣壽司邊個食"的話,那就刺激得多了.

用"蒙羅麗莎" "芭蕉樹"等大圍遊戲去解決一大兜雞翼,期間笑中有淚,有朋友笑到標眼水,可想而知,我們玩得有幾高興.到最後總算大功告成,其中一位朋友,被罰得太多,吃了不少雞翼,相信短期內見到雞翼也怕怕.

歡樂今宵之時間,由食記M的男友P,施施然奉上生日蛋糕,許個願,吹蠟躅,大家一同送上真誠的祝福.

很多事情,也是始料不及.由開飯轉制之後的第一個聚會,翠園的試食會中相遇,當時連名字也不知,只知道是一名攝記.直到今日,有一大班人為妳慶祝生日.相信得眾好友之寵愛,無撼矣.總之世事如一舖棋,每局都充滿傳奇.

祝生日快樂

食友悉心安排給其女友的Birthday Party, 在我們一方來說是公開的, 在其女友那方面來說, 是一個極秘Party. 一切我們知, 她不知. (我還未敢安排這樣的Party給不太愛熱鬧的她)...

因工作關係, 我是遲大到的一員. 去到, 部份食物已經食了1/3, 同壽星女拍過照後. 眾人開始玩遊戲, 而肚子正餓的我, 先夾下咖喱角, 雞翼, 豬脾仔.

咖喱角只是攞返黎既行貨野, 味道不過不失, 始終行貨春卷同咖喱角, 我喜歡以前的青島牌. 雞翼, 雖然是凍了, 但個什麼汁令雞翼非常之好味. 當玩遊戲時, 食到底的時候, 更加甜味. 味覺給了我大腦一個信息....這個應該是可樂汁.

豬脾仔, 吃了好多隻. 而且大部份都是玩遊戲罰食的. 由充飢變成了夾硬食.

其他水果撻, 煙三文魚, 沙律意粉等我就沒有食到了......

第一次參加一個包場派對, 自我一個private 空間, 玩各式各樣的遊戲, 尖叫大叫都不會影響別人.

食物方面只能評這麼多了, 給滿分的, 是環境, 是夠private....因為地址都幾偏僻....

Boardgame方面, 比起空中棋園的舊....選擇雖多, 但有好多都唔識玩.

今躺放下了大魚大肉，反而品嚐一些熱鬧而簡單的小吃，重溫求學時期的大食會歲月.......

樓上cafe能大行其道，和地舖租金長期高企，不無關係，客源主力也靠口碑和耳語相傳，青年人愛自由，坐在一個自由的空間裡，喝杯東西，吃件Cheese Cake或一碟Pasta，期間閱讀刊物，或和同伴聊天，足以消磨大半晚的時間。

有時也會加入一些主題，好像這一間"What is Boardgame Cafe"，除了例牌的軟梳化、輕音樂和漫畫書櫃外，還預備了大量的戰棋遊戲，雖然對此物自知一竅不通，但亦知道本地可有一批戰Game的捧場客。

說回今次的聚會，主要為網站的靚女記者慶祝生辰，一眾相熟好事前已儘量保密，當事人有否知道就不得而知，但看反應應該蒙在鼓裡。

包了場之下，酒杯暫時擱在一旁，換上一瓶瓶的Fruit Punch和汽水，一盤盤的東西放在桌上隨意享用，腿蛋治、煙三文魚、薯仔雜菜沙律、炸咖哩角、春捲和薯角等。簡單的小吃，想起的可是讀書的荒唐事(包括一大堆油麻地院線的經典戲名)，要求不高下，對這些小吃的味道上也沒大的挑剔。

這場玩味多於食味的Party上，廚房也不能只交行貨，開放式的廚房，也即場煮了一些東西。其白汁煙肉扁意粉，認憶中已吃得八八九九，如果能咬口一點更佳，相反香草茄汁焗芝士意粉，好像沒給人動過似的，吃過一點，只屬普通。另有一大盤的焗金菇，都引起一點少哄動。

肉類有兩款，一盤是蜜味焗豬仔骨，表層甚甜，肉質也嫩，另有瑞士雞翼，滷得入味，沒有過甜的垢病，不過數目實在太多，不想浪費下，結果有人提議借遊戲來消化它們，當晚反應實也有點遲鈍，連輸多次下，結果那晚吃了十餘隻以上，幸好味道不錯，否則我真的會患上「雞翼恐懼症」。

最後用一個生日蛋榚作終結，每人二百樓下，雖然承認初段心態上有點格格不入，但中後段總算漸入佳境，離場前，有年輕了十年的感覺，也知道和其他人沒太大關係，在此借這地盤再說一聲，祝瑪姬大人生日快樂，心想事成，越大越漂亮。

(搵食兄請不要找我算帳...........)

對這餐廳的手藝沒有試真，心中總有不甘，看看有否機會再去一次，認真一點試菜一頓，還望再作評語。

因為食左少少野既關係, 去到cafe 都係麻麻地肚餓.
$54/ 一個意粉, 睇d 名真係麻麻地, 得o個7款
咁其實7款都算多既... 對cafe 黎講, 不過黎黎去去都係意粉意粉意粉... 飯同螺絲粉, 通粉o個d 都冇.
朋友叫左, 聞落去都幾香, 好大朕香草味.
叫個意粉既話加$10 有杯$30既野飲
另外仲有d appetizer, 又真係幾多既, 但好貴囉. 完全唔抵食.

其實我都幾想食既, 但更想飲野.
我揭左本menu 超過5次, 但都諗唔到想飲咩.
d 咖啡... 唉... 睇到個名一係好普通一係好核突, 冇乜特別.
最後揀左水蜜桃果茶, 因為我口渴, 貪佢可以refill 再飲only.
就咁叫都要$33, 加一

個味道... 唉... 失望. 都唔知咩味黎, 唔好話桃味, 果味都冇.
完全唔知咩黎, 可能我自己唔鍾意飲花果茶, 所以冇咩評價.
都係加多d 蜜糖當蜜糖水飲. 都還ok
最後飲完一壺都冇refill, 一黎staff唔醒水. 唔會留意你. 2黎refill 都冇意思, 本身都唔好飲同埋會沖淡
不過當蜜糖水的話依然ok

見到哩度都幾有棋玩, 不過我地冇玩就走左.
環境: 空間狹窄. 其實佢間野幾闊落, 樓底又高, 但偏偏d 台凳既距離就得好少, 個膝頭會頂住
我地自己吞位, 吞到後面張台咩晒, 但staff 都冇過黎幫手. o個時間鋪都冇乜人. 3個staff唔知做咩由得d 客自己搬
有個staff 就掛住整電腦同上網... 部電究竟係比staff用定客用.

自從搵到上次一間唔錯既cafe之後, 好多cafe 其實都比下去了. 加左好多主觀既元素評哩度.

8人叫了幾杯野飲, 一個意粉.
我的purple rain, 係主要7 up 加堤子汁的, 所以都好甜架.
朋友的花茶等也ok. 透明碟杯, 幾靚.

意粉份量ok, 都食得過的, 略太多creamy汁.

但女廁冇廁紙.
又勁播某走音女哥手的歌....
仲要係唱live 走緊音果個version.

和其他評家一樣, 服務不好.
當時冇人, 問佢介紹個game 玩, 都當d 客冇到, o係廚房食煙, 都唔理.

本想俾個ok 的 , 但太不像話了.
希望可以改善啦.

本來打算包場和朋友開gathering
但因為好多人話來唔到
好彩我地夠早講
佢地都好好人咁照俾我地只book 一部份的位
但可以照用 projector 得設施

食物依夠好味
oero 特飲 & 雞翼係我的至愛
薯蓉有芝士味之餘仲有番小小細粒的薯仔增加口感
連甜品雪山朱古力心太軟都係未食推介

睇過其它食評話服務一般
可能我地的心態係自己開 party
自己一班朋友玩，都無咩要佢地serve
但感覺佢地都係 nice 的，不過唔算好醒果ｄ
可能cafe 都係咁啦，如果成日就過來serve 你好似吹你走咁仲煩

個朋友考完試, 去慶一下, 一行6人叫左個白汁意粉, 肉醬意炒, 鴨胸意炒, 醋汁蕃茄,芝士拼盤…. 大家都一齊飲朱古力 因為食評話正. (熱$30, 凍$34/38, 跟意粉+$10可以選一杯$30 以下o既飲品)
其實d 意粉 約$54碟, 都好味, 好過旺角d好多. 我最鍾意白汁個個, 唔係用現成汁料開, 有誠意 !
不過幾杯熱朱古力就唔係好似之前食評寫o既禁濃味…我覺得 ookk 啦.
相反醋汁蕃茄就好開胃, o岩晒女仔口味…跟意粉+$10 就有一碟, 共7件.
仲有炸芝士拼盤 , 好正, 唔同o既芝士:芝士菠菜, 芝士波,… 必食
不過招呼差, 個朋友問老闆d琪點玩, 佢叫返我地睇說明書….
我地由7pm 食到 9.30 都只得兩枱人(10個客)幫親, 侍應有兩個男人, 應該係老闆, 但d態度真叫人失望 , 同埋個女厠o係後巷, 有d嚇人...
好彩無煙味,都乾淨,可以去下o既.

尋日(31-1-2009Sat)同男友應約o黎呢o度飲o野傾偈,有男友人D,J,S同女友人E,C.我o地o黎到時,先叫啲o野飲.

我叫o左$33.00一壺可re-fill o既水蜜桃茶,男友叫o左$33.00o既藍莓茶.o黎到重有蜜糖跟o黎,o黎到喇,係好香水蜜桃味,不過一定要加蜜糖飲,但又溝極都溝唔到o岩味.唔好飲o既.

飲完一壺又唔自動re-fill,要叫至斟,第二壺啲味都已經好淡喇.

之後我o地都一邊玩game一邊食o野.

然後我o地又分開叫o野食,男友叫o左$54.00o既焗肉醬意粉,等o左好耐至o黎到,都係普通o野.

服務:
有個唔係幾得,佢攞兩個空o既玻璃杯o黎時,咁o岩有對朋友o黎到,正在除褸,差啲撞到佢,o個個人避到,但面口好黑.之後佢等o左陣,到另一個朋友想坐低時,佢又想拎過o黎,又差啲撞到佢,佢又再次黑面.

其實點解佢唔開心叫人小心?反而係我開口叫啲朋友小心後面?

環境:
唔係好大,有啲枱都幾迫,不過都算.但問題係開放式廚房,一炒濃味o既調味料時,嗆得我好辛苦.

呢次只計我同男友飲同食o既價錢係$120.00