Went to this restaurant for my friend's birthday. We were party of 6 and was given a nice table in the corner. My first impression of this restaurant is nice decor and great ambience.

The dinner menu is adequate. I ordered
French onion soup (soup itself is weak in flavour.French bread used is too chewy. The only thing that is up to standard is the cheese)
Risotto with foie gras and mushroom(The risotto is cooked to perfection, however, the foie gras is a bit of undercooked)
New york cheese cake ( Tasted OK but the cake texture could be much richer and less soggy.)As far as service goes, the restaurant staff is very attentive and willing to hear opinion.

For me, this is a medicore restaurant with food at a reasonable price.

因為SAVOYE在公司附近,而且公司有''鬼'', 我地間中都會去食GE,但我已經由第一次對佢的大愛變到依家畏之已怕,已經唔想來吃。

lunch set 好似好耐都無換過, 唯一依然維持水準的是個面包熱LALA的,配上牛油,正!!! 可怕食完個面包,等左成15分鐘個湯先出 (餐廳內不是很多人,只坐了1/3), 湯黎到, 我地ENCORE個包來送湯,,又等多10分鍾... 個湯差不多飲完才來。

到MAIN COURSE了, 差不多每次也會叫這個西冷牛扒，第一次吃的時後是很JUICE的...到第2次ORDER了8成, 出來的是血淋淋,要翻煎, 第3次叫了費格的ANGUS STEAK, VERY GD....到今次..ORDER 8成,出來的是很乾,沒有汁已經不想吃...已且以前來的時候,店員會主動問你要不要MUSTARD,但今次要開口問,水也沒有主動REFILL

好采,這次是公司請的。

成日係open rice 搵野食就搵得多，但寫食評就懶得就懶,
d 食評又真係好影響我尼d fans

我同老公成日都到處揾好野食，尼間餐廳早就想試，所以老公一早就book定位
果日我地都係食第二輪，我地去到嘅時候，已經見到勁多人企晒係門口，我八掛望下啦！
原來重有d第一輪嘅客人未走，所以未入得⋯⋯冇計啦！
雖然比預期遲左入座，但入到去，我覚得d氣氛都好唔錯丫
我重記得餐廳送的小禮物(面具) 都幾有心C 丫！I like it !
雖然帶住佢影左好多相，但唔係好想赫親大家law！所以唔post 出黎Lu!

其實之前都食過酒店嘅法國慢煑，但想不到這個價錢都一樣食到！
我地揀左龍蝦湯，好濃蝦味，空口飲有點咸，邊食餐包邊飲，都好ok!
講到個主角，慢煑牛，正！正！正！味道同質感我都好鍾意，同上次係酒店食唔覚有咩分別！

講真，每道菜都很精美，好靚，差d唔捨得食添！
份量同我心目中差不多啦！

縂括黎講，我同老公都很滿意，可能係我地都帶著開心過節嘅心情去享受這晚餐啦！
所以，我又唔覚得咁差喎！

我地重決定情人節再book 添，但經理話菜單未出，我已留左電話，期待中⋯⋯
I will be back

一早book 了平安夜食聖誕餐
由於我係第二輸(20:30), 要等第一輪d 人走得, 搞到差唔多9 點先開始食
野食好多都係普通冇咩特別, 可以一提的係蘑菇湯, 羊同鵝肝雪糕
D 服務真係麻麻, 我明白聖誕餐得好多人, 座無虛席, 但坦白講大家都係食嗰D 野, 野食次序係一樣的, 但點解我地張枱會被D STAFF 忽略

我地食野的速度同隔離枱差唔多, 所以頭三樣野的上菜時間都好接近
第四樣就出事了!!
我地見到好多人都食緊之後就諗住我地都好快有, 到隔離食完之後再等左陣(10-15) mins, (之前己等左差唔多20mins), 突然拎個main course(menu 上的第五樣) 上黎, 我就話我地連第四樣都未食wo, 個staff 就話幫我check check
有冇搞錯, 一個staff 負責幾張枱都可以錯, 重要係standard 餐來的, 枱枱都係咁上, 點解偏偏會漏左我地嗰枱
又等左成10 mins先有第四樣食
食完又要催幾次先有第五樣
有一張枱的人差唔多遲我地成個鐘先入黎, 都已經食緊第五樣
第五樣都未到, 已經有d枱食緊甜品or埋單準備走
服務同上菜速度同待客之道不可接受

最後我地成餐飯食到11點40分.... 食完的時候只走剩遲入的2-3枱=.= (明明我地係準時入場的)

食物方面
蘑菇湯 - 幾好味(算係全餐第二好味)
羊 - 煮到好"林" 唔係好"酥" 啱我
鵝肝雪糕 - 口感同味道都好特別, 好難形容

今天是我和老公的十二週年結婚紀念日，自四年前開始，我們每年都會到位於天后的Savoye Bistro這家法國餐廳晚飯慶祝。

有些人喜歡每年到不同的地方吃飯慶祝，但自從四年前到過savoye之後，便深深地愛上了這家餐廳，決定與老公每年都要回來！我從前是不吃生蠔的，但這家餐廳的生蠔卻令我對生蠔完全改觀，並從此愛上吃生蠔。那次我和老公每人各要六隻，但竟想不到眼前六隻生蠔是分別來自不同的地方！餐廳會根據生蠔的味道由淡至濃擺放好讓我們順着吃，真的好專業，亦很有心思。而且這裏的生蠔真的新鮮得不得了，令我一試難忘！加埋一支法國白酒，我覺得自己難直是在享受人生！由於之後也找不到比這裏更好吃的生蠔，所以每年我都十分期待可以回來這裡跟老公一起歎蠔！

大家可能會認為每年到同一家餐廳吃飯，會否沒有新意及驚喜！但我可以說，這兒的菜式真的每年都能給我們驚喜！

由於我們已預早訂位，我們一進去已可入座！再次到來這熟悉的餐廳，環境依舊充滿着法國情調，好不浪漫！親切的侍應為我們安排了一個舒適的坐位，並細心地為我們介紹菜式。我們今晩共點了五道菜。第一道是頭盤的蒜蓉麭條，蒜蓉麭條可能不是甚麼特別的菜式，但它特別之處是可以塗上原個新鮮焗的蒜頭，實在非常特別！第二道就是我最愛的生蠔！由於經理知道我們今天是結婚週年，加上知道我們已連續四年來這兒歎生蠔，便為我們特意挑選了最大最肥美的生蠔，令我們相當感動。第三道是這兒餐牌上沒有而只為熟客而做的帶子配香煎鵝肝！帶子新鮮，鵝肝大件，吃完我已經開始飽了！第四道菜是西班牙黑毛豬𩣑，可能是我已經有點飽意，所以只吃了兩片。第五道當然就是我在這兒的另一最愛─朱古力心太軟，它是我每次來都必吃的甜品。細心的經理更為我們寫上happy anniversay的字句，令我們相當感動！心形的心太軟蛋糕流出暖暖的朱古力漿，再配上優質的雪糕，吃完整個人都感覺甜甜的，為我們結婚週年再次留下甜美的回憶。

所以唔好以為法國餐份量好少唔夠飽，以我在這裏吃了四年的經驗，兩個人一支酒加十二隻生蠔，然後再加一個set dinner兩份吃，已經可以捧著肚子離開，所以就算價錢貴一點，都物有所值！

Savoye, 我倆會繼續對你專一不變，就如我倆的感情一樣，下年結婚週年再見！

無論經理或服務員都態度親切，照顧周到，令人感到很窩心!

睇完樓下為食肥豬俠的留言，相當有同感! 以後絕對都吾會幫趁呢間野！
男朋友lum住比surprise我，聖誕book左台一齊慶祝下，天后呢個地段兩個人$1500先落到樓，講真擺明聖誕比人咁搶法係咪過分先。不過如果D野好食都算啦，坐低個WAITER拎左舊掟得死人既麵包黎‧‧‧跟住就一路等前菜‧‧‧首先係黑松露天使麵，份量少(初初以為前菜先份量少，但原來去到主菜都仲KEEP到呢個份量，唔簡單!)，味道OK。到下一道帶子布霖JELLY，帶子薄切到相相相當考功夫，建議各位去超市買急凍帶子好過。之後就龍蝦湯，中肯D講句，個湯幾濃幾好。到MAIN COURSE啦，男友要左焗蠔，佢話味道好一般(/...\)，而我就要左個額外+ $48既鵝肝和牛迷你漢堡包，鵝肝既SIZE仲少過我手指尾既第一節，你話慶唔慶先。終於到個個咩１２小時慢火煮法，明明ORDER左羊扒同牛扒，又黎左另外兩樣，唉，費事轉啦。講真，真係唔覺有咩咁特別，好普通，(其實係咪堅用左呢個煮法，我地都唔知啦‧‧‧) 食到最尾，聽到隔離台個男仔問個女仔一陣買D咩食好，知個女仔好多野都覺得唔好食無食到，而我男朋友呢，都走左去再食碗牛腩河! 完~ BLACKLISTED!

平安夜諗住食餐精緻同舒服既，一早book左枱同埋叫我地揀定食咩主菜，點知......
準時入坐，人客都陸續入黎，上左個面包之後就等等等，半個鐘先至上第一個前菜，之後15-20分鐘再上埋個龍蝦湯。較遲入坐的人客已經食緊主菜，坐响隔離枱個大肚婆仲慘，等左好耐佢老公先至話大肚婆唔餓得，唔該俾個面包佢啦。成餐飯催完又催，人地走左，埋埋單，我地先至慢慢上主菜，真係好"抵食"，好鬼"法式"，食足(等足)3粒鐘。
明明節日個個餐都係一樣，仲要好有計劃咁叫人早兩日order定，咁點解仲會亂成咁，slow cook係賣點，但係slow成咁，仲要D野係凍的，您真係蝦我未食過slow cook咩。一定無下次，blacklist!!!!:huffy:

七年前每天都會坐巴士送前女友回家,每次都會經過天后永興街 Savoye Bistro, 那時他們剛開業! 我還應承了她,情人節我們一起去試試這餐廳! 但還沒有到那天我們巳經分了手! 之後一直都唔想面對這段不了了之的關係,什至有朋友曾經提意過到這餐廳也被我一一惋怇,可能我覺得這地方是屬於我和她啦! 真其怪!

上星期, 公司要接待一班意大利客,老闆在Savoye Bistro訂了台. 因公作關係我所謂那些奇怪情意結也要解開啦！一到場, 發現前女友已坐在幾位老外當中! 原來她是老外的本地同事, 那一刻我們沒有刻意想認, 只是草草地自我介紹罷了！直到生蠔頭盤上台, 她遞了一隻在我碟上, 她說:你是不是還喜歡吃生蠔啊?! 是! 當然對啦！

這裏的生蠔, 真的不錯, 也是我吃過最好的生蠔, 最大原因當然是她啦！食物Quality 和環境我都會比這餐廳很高分, 否則等不到我們七年後的重逢! 這就是我們的新開始!

Good Good Good ! 正正正! 真係掋!

分享給大家.

幾個字可形容此餐廳,食物質素差,服務員態度更差 . . .

1.) 食物 - 劣 (餐湯,主棻都不夠熱 - 牛扒無味只是有點兒暖 . . . 食物唔夠熱真的很差勁)

2.) 服務 - 劣 (多次想點餐,但無人理會 - 到點餐的時候, 服務員(經理)很不耐煩及沒有禮貌. . . )

3.) 環境 - 劣 (裝似高級但不太乾淨再加上食物質素奇差) 真的使人卻步

今日約咗好耐冇見嘅好朋友食飯, 佢叫我發板去邊樹食, 真係諗到我頭都大埋!!! 平時睇見佢開飯嘅相睇到我流晒口水, 今日居然叫我發板, 我驚我揀d地方失禮佢喎, 嘩咔咔咔... 話晒佢先係識飲識食嘅元祖, 讀書果陣佢已經帶我去Häagen-Dazs專門店食雪糕, 又帶我去九龍酒店食Buffet, 當時我真係大鄉里出城咁呀!!!

思前想後, 尖沙咀同銅鑼灣佢應該食過晒, 都係去天后啦!!! 天后真係唔錯o架, 好多橫街嘅特色小店, 唔似得d商場入面嘅食肆, 集團式經營, 倒模咁... 冇大型商場, 街上面人流唔太多, 冇尖沙咀同銅鑼灣咁人頭湧湧, 有少少似去咗日本搵食咁, 要走入d橫街小巷尋找隱蔽小店... 交通極之方便, 大部分店舖一出地鐵站行2-4個街口就到... 因為地點近銅鑼灣, 雖然係小店經營, 但絕對優質, 價錢仲比銅鑼灣平...

上網做資料搜集, 最終決定試下SaVoye Bistro... 最大原因係... 環境一流, 價錢中肯, 又冇限時段!!! 最憎果d要人食 6-8pm / 8-10pm 嘅食店, 限時限刻, 趕頭趕命, 好冇癮, 食咗都唔消化...

早2日打o黎Book位, 職員話得番門口位, 如果有人Cancel Booking就可以轉枱比我地... 我都明嘅, 星期五晚個個都出街同朋友食飯, 比較好嘅餐廳一早Full晒都係正常嘅, 我地2個又唔係談心, 近門口都OK嘅... 結果今日職員打比我Confirm Booking嘅時候, 佢話轉咗Sofa位比我地, 太好喇!!!未夠7點o黎到, 一枱客都未有... 夕陽從特大玻璃窗滲透入餐廳內, 呢一刻感覺好寧靜, 成個世界好似停頓咗咁, 好舒服呀!!!網民推介嘅Nice Place to go果然名不虛傳!!! 餐廳以法國19世紀設計的建築物Villa Savoye為建築藍本, 20呎高嘅樓底, 置身其中, 感覺就好似去咗法國旅行咁... 入夜後, 餐廳點起小臘燭, 加上陰暗嘅燈光, 情調十足~

餐廳內嘅客人以情侶為主, 我地2個阿太由未夠7點坐到10點半, 其間一直雞啄唔斷, 對於有情飲水飽嘅情侶o黎講, 應該會大殺風景, 嘩咔咔咔... 請原諒我地, 我地超過一年冇見o架啦, 緊係有好多心聲要互相傾訴o架啦~

我地Order咗2份Dinner, 每位$238...

頭盤可以選擇 : -
酥炸水牛芝士配鮮茄醬
or 精選是日餐湯
or 自選三湯 (法式洋蔥濃湯/牛尾清湯/蟹肉龍蝦濃湯) (要加$20)精選是日餐湯
-- 忌廉波菜湯... 打成蓉嘅波菜, 入口細滑, 草青味被忌廉蓋過咗, 怕食菠菜嘅朋友可以一試~餐前麵包
-- 有2款, 暖暖地, 撕開時感受到果份軟熟... 長期唔搽牛油嘅我, 好怕果d切成長方片又冰凍又堅硬又冇牛油味嘅牛油, 之但係見到呢碟牛油切成波浪型, 睇落好軟滑, 忍唔住試咗少少, 好得喎!!! 又香又滑, 味道濃郁, 溫度適中, 蘸麵包好好味呀~ 多幾個麵包都食得落~

主菜可以選擇 : -
炭燒美國頂級安格斯牛扒 (Prime級) (要加$80)
or 炭燒香草羊鞍配原只焗蒜頭
or 法國珍珠雞胸配香燒帶子
or 香煎東星班柳伴白松露油炒野菌西蘭
or 蟹肉白露筍意大利飯炭燒香草羊鞍配原只焗蒜頭
-- 嘩!!! 外型好靚好吸引呀!!! 係香港好少有機會食到焗蒜頭, 等我試少少先... 噢... I Love It!!! 好味到暈!!! Caramelize嘅蒜片好香好甜, 同大家認識嘅辛辣得o黎仲有少少異味嘅蒜頭簡直係南轅北轍!!! 羊鞍肉嫩味美, 完全冇臊味... 煎過嘅薯仔片作為伴菜亦好出色... 造型嬌小可愛嘅車厘茄好醒胃... 成碟菜整體配搭好Match, 可以睇得出大廚花咗唔少心思, 盡顯法國菜對食物細節極之講究嘅神髓!!!香煎東星班柳伴白松露油炒野菌西蘭
-- 肉嫩多汁, 味道清淡, 外型相對平實... 朋友食剩咗4份1, 話好飽... 我話"吓?!! 好飽?!! 咁等陣仲點去食甜品呀?!!"... 佢居然諗都唔使諗就好堅定咁答我"食得落", "隔一陣先去食o架嘛, 都落咗格啦", "放心喎, 我食得落o架"... 哈!!! 女人果然係有第2個胃專放甜品嘅...Cuppacinno
-- 餐飲居然可以唔使加錢飲Cuppacinno, 高級餐廳即係高級餐廳!!! 外表平平無奇, 冇話跟潮流玩吓咖啡拉花咁, 原來內裡一d都唔簡單!!! 味道香醇濃郁, fight低香港嘅"Star不"同"太平洋"唔在講, 居然仲好飲過我係意大利米蘭購物街飲果杯Cuppacinno, 真係好好飲呀!!!

Dinner Menu寫住"自家制甜品(一律半價)"... 好奇怪囉, 佢夾咗呢個自家制甜品係餐飲同主菜中間, 令我誤會係晚餐價錢已經包咗甜品, 細問之下, 原來唔包, 不過職員唔係答唔包o架, 佢地強調"包o架, 半價囉"... 呢d係咩道理?!! 係咪而家d學校係咁教o架, 係咪我太Out聽唔明佢講咩... 算啦, 見個後生仔好有熱誠咁答我, 無謂打沉佢嘅熱誠, 我自己唔叫甜品就係啦... 反正我地等陣仲要下場...

環境一流, 服務員又好笑容, 食物質數同味道都唔錯, 價錢又平過尖沙咀同銅鑼灣, 難怪會Full Booking~ 下次要同另一半o黎試吓佢個Tasting Menu先得~

情侶們, 記住啦, 下一站... 天后!!!

.