簡直食到一肚氣, 不會再幫襯呢間食肆全線的鋪頭嫁啦.

2010-7-26日是齋期, 服務員(其實係個黑衫的主管)為左多做轉檯, 不停騷擾我們(當時桌上仲有大碟飯, 2碟每碟一半的餸, 同全部4份的甜品都未食). 咁o既服務態度, 飯堂都不如, 簡直香港食肆之恥!!!!

齋期人多,明白. 但我們咁勞氣, 係因為電話預訂檯時, 講明6點9 入檯, 食個半鐘的.
那個黑衫黑面主管, 7點4-5個字(坐底9個字都冇), 就一臉善良的叫我地埋左張單先, 埋完單就變臉.
一陣就走過黎要收走我地的食物(未食完的), 話俾佢聽未食完, 仲要的, 佢無耐又黎收. 無耐第二個服務員又黎收.
仲離譜到企係我地張檯後面, 對空氣講「快d 俾番張檯」, 想同佢理論, 佢跟手就掉頭走.

食物質素無謂講了, 服務人員質素咁無品, 都唔會有下次的了.

某年生日朋友叫我來這間店食過一次生日飯,之後自己都來吃過一次兩次.
這天行完花園街,最主要走入去始創解,he he
順便行兩行,肚仔餓咪入左大自然囉

午餐32蚊,加埋一35咁上吓.都算幾抵食. 外賣25蚊好貴抵呀.
如果食市支持自攜飯盒更好,支持環保嘛.希望有一天香港好似細路仔時咁,自己帶個煲去買粥,碗粥都好味d架,好過入落發泡膠盒呀,總覺得會有chemical的物料自己會食左落肚架.

叫左個釀豆腐冬瓜飯+清香例湯,每枱都會跟碟芽菜仔,每枱一壺玄米茶.呢個好味呀,清清地.如果冬瓜多d,釀豆腐少d就更正.
鍾意食食物的原味,不喜歡花巧的素.

清清地又好味的一餐,素食真係幾健康
on diet人仕更加適合不過

下次試吓去印度素食餐廳的另類素先

二年前roadshow 介紹過呢間, 同4個朋友o黎到諗住可以試啦! 點知一位愛酒嘅朋友一句"可唔可以去d 有酒飲嘅地方食呀?" 咁就miss咗. 今朝肚嘔完, 朋友話o黎呢度! 即刻yeah 啦!

$148 二人餐
涼伴牛蒡絲 - 酸酸地又爽口加咗d 黑芝麻, 幾得意!
菜胆雞絲翅 - 味道一般!
雀巢牛柳粒 - 雀巢唔知用咩整, 口感幾特別. 牛柳粒仿真度好高, 幾好味!
兩面黃 - 兩面黃煎得幾好, 唔錯.

P.S. 呢度枱與枱之間好窄, 坐得唔係幾舒服.
唔想等位, 最好book 位.

今餐飯由JOSEPHINE發起的,人物有 SHIRLEY, F小姐同埋我,一共四個人,相約係始創中心大自然素食等,但我遲遲未放得工...公司好多野做呀.....

搞到我由公司,飛的落去太子,用咗我36元,我好少會咁豪架,搭的士,11號咪好囉,唔駛錢,但費時咁多人等我一個啦,咁就唔好....

去到....原來佢地仲等緊位,早知唔駛飛的啦....

見到個門口細細,隔離幾間舖都係咁細...駛唔駛細成咁呀....不過就幾多人排隊

到我地個陣,安排咗張4人枱俾我地,算OK啦,...到點菜....

JOSEPHINE問我地想食乜,我同佢講,唔好散叫,點叫都係食套餐最抵,咁....大家係套餐裡頭找尋最想食既菜.....

我地選咗一個298元既四人套餐.裡頭有.....

胡椒芥菜豬肚湯 ...咁多款我最LIKE IT 呢款,胡椒好醒胃,我飲咗好多碗,話豬肚....當然係假啦,話明食素D假豬肚既味道,我反而覺得似打邊爐既魷魚....

五菜雞絲粉皮....D粉皮好好味,夠爽

惹味南乳雞....造型真係幾似燒雞,味道呢...似唔似就好難講,不過幾好味

鬆化芋頭魚...真係好鬆化,鬆化到我用筷指都夾唔到.

楊州炒飯...味道OK

欖菜肉碎四季豆 ....呢碟都好好味....因為我鍾意食四季豆

最後送上一碗薑汁蕃薯糖水,,,,又幾好味,好香.

整餐飯本來都好滿意,不過食完就俾D侍應叫埋單,話門口仲有人等緊,嘩...等緊...人地等緊又關我地事.我地入咗黎食飯,頭尾都係一個鐘,咁快趕人走,可能個侍應都冇計,咁叫D客埋單走,實在唔好啦.趕住下一場都唔係趕客架.

最後 ...佢每人俾咗張95折卡,算是安慰獎了.

我本身係一個 vegetarian. 大大話話幫襯左大自然素食都有三年, 而且仲係佢地新開張第一個禮拜就幫襯, 所以成為左佢地既VIP. 我覺得佢地以前做得好好, 真材實料, 新派素菜, 非常吸引!
但係尋晚既經驗, 真係令我對大大大.....x N次....大大大失望, 而且仲食到火都黎!!

我同屋企人一行四人食晚飯, 我地叫左二人餐, 另加福建炒飯 and 潮洲糖醋麵. 我地滿心歡喜以為可以愐懷一下, 因為潮洲糖醋麵係我地細個爸爸時常愛點的一道菜............
上菜了, 惡夢既開始...二人餐的水準大不如前, 那個素翅湯, 只是一碗"傑達達"既生粉糊. 其他的餸菜不過不失. 但是最令人氣憤的就是那個 "潮洲糖醋麵", 奉上來的竟然是一個炸得乾到不能再乾的疑似生麵 or 媽咪麵的物體, 另加一碟糖和一碟醋, 除了這些, 一粒調味都沒有. 這樣一碟糖醋麵, 盛惠$42!!!
我叫那個短直髮眼鏡女經理過來問問, 得到的答案更是意想不到?!

我問: 這碟就是你們的"潮洲糖醋麵"嗎? 不好意思, 我以前食的潮洲糖醋麵不是這樣的, 它應該是黃橙色的蛋麵, 而不是生麵. 而且麵是煎成一邊金黃香脆, 另一面是軟的. 不是炸乾的.

經理: 係咁架! 我們的潮洲糖醋麵係咁架, 係一個正宗潮洲人教我們做架. 你係潮洲人咩?? 你食過o個D最正宗??

我答: 但係我以前去過很多家潮洲菜館食過的 "潮洲糖醋麵" 從來沒有這樣做的. 算我誤會了你地的 "潮洲糖醋麵", 我可以換其他的嗎?

簡直不知所謂的經理答都冇答, 好似聽唔到我講野, 轉頭就走!! 真係火都黎埋!!!

我們一路食一路火, 那個不知所謂的經理, 企在遠遠的一邊怒視著我們, 還和她的同事耳語, 好像我們是全心來攪事的. 最後, 她當然不會肯換另外一碟餸菜給我們, 埋單時那個經理過來收碟, 我終於忍無可忍還她一句: 唔係一定要潮洲人至食過 "潮洲糖醋麵" 既. 係意大利人先至食過意大利粉嗎? 只有日本人先可以食壽司嗎??
經理敷衍我: 係喇係喇! 你食o個D最正宗!

給自己的教訓:
1) 食素菜的地方, 還是正正經經食素, 不要試那些什麼fusion素菜, 真係不知所謂!!
2) 見到無知婦孺無謂同佢講咁多, 只會激親自己!

給大自然的話:
1) 你們是做素食的, 完全沒有什麼善心良心, 用差/假食材欺騙顧客, 為的就是謀利, 就算燒幾多香都沒有用!
2) 今時今日仲有咁既服務態度, 完全唔得!!
3) 就算有VIP, 以後都唔會再黎!

星期一，三人行，憑口碑，晚上到大自然素食用膳。
我們約七時十五分到達；店內已充滿食客。等了一會兒，服務員說搭枱不用等，我們都沒有所謂，搭抬便搭枱了，幸好坐得還算寬鬆。
我早有準備，先行看過食評，於是點了沙嗲螺肉和芋頭魚，另加一道鐵板鰻魚和金瓜焗豬扒飯。
沙嗲螺肉：無論賣相和味道均是仿真度極高--連螺肉的尾部那個較黑、較幼的特徵也能模仿；而且非常爽口！
芋頭魚：炸得剛剛好，甘香可口，而且份量適中。
鐵板鰻魚：很香，「肉」質不像其他鋪子的鬆散，但紫菜絲可拌的均勻一點，鐵板不夠熱。
金瓜焗豬扒飯：飯質適中，而且夠乾身；金瓜是南瓜(他們都吃到南瓜味，我覺得也有栗米味)，很鮮甜；豬扒不小，同樣好吃~

最後還附送紅豆沙~

一早BOOK 好枱, 一行7人, 安排了坐在店裡最入的圓枱,
可能因為這樣, 環境算OK, 坐的都舒服,
而且服務很好, 我們吃到10時半才離開都沒被人趕.

叫了滿桌餸,
炒鱔 = 一般, 不過朋友說是用冬姑做的.
北京填鴨 = 鴨很乾- - 皮就沒什麼特別, 但整體來講不好吃.
翅 = 比較淡味, 不過加了點紅醋,味道算可以.
雞 = 算OK.
抄米粉 = 抄的比較濕身,但味道很足,很好吃.
蛋白扒豆苗 = 雖然說(今天無豆苗, 用了別的代替) 但蛋白好滑, 很好味!
芋頭魚 = 這個好吃! 值得再試.
乳豬掛包 = 超級推介! 個包好軟熟, 配上乳豬+那個甜醬,因為個醬令味道其實跟北京填鴨有點相似, 但個人覺得這個更好吃! 而且相對的不算膩吧.
壽包 = 蓮容不算太甜, 包身好軟熟, 好味.
好像還點了燒肉.. 不過沒有吃, 所以不知道味道.

這裡的素食味精味不算多, 有機會還想再來.
東亞信用CARD 有9折

好開心，今晚終於去品嚐大自然素食

果然無講錯，佢地的素食不像其他食店的食品多油，易入口得多。

6時1個骨同媽咪入座，已經約有7、8檯享受美食中。由於地方較窄，坐2人位就需要侍應小姐幫忙拉拉檯才能坐下。侍應小姐服務非常周到、非常有禮。

起初想點148元的套餐，但最終改變初衷點了下列食品：
- 蜜汁燻方魚塊($28) 前菜冷盤，凍凍地幾得意
- 松子糖醋魚 ($58) 「魚塊」炸過不油膩，非常似「魚」，加上松子汁正﹗﹗
- 薑蓉有機豆苗($52) 有少少菜香，這味道自己喜愛的，但未必人人都接受到。價格都正常因為「有機」二字
- 鑊仔福建炒飯($48) 非常似酒樓版的同名飯，份量充足，好味

原來晚市有糖水奉送，是晚為蕃薯糖水，好滋潤但略為太甜。

整體好滿意(吃完唔口乾，應該無味精)，希望可以改善糖水太甜這點啦﹗
7時1個骨走時整個場都座滿食客，都幾旺﹗

Welcome 2010 & 媽咪Happy Birthday﹗

今天放假，相約好友總數4人，一同到大自然吃晚飯，今晚這一餐吃得極飽..(好滿足)，因為實在點了好多食物
因為朋友們從未吃過這間素食店，當然由我介紹餸菜，幸好大家都吃得津津有味，當然我亦不忘照些相片給大家分享啦 !

前菜~翠肉瓜

小食~(1)沙拉豬扒
小食~(2)手撕雞

主菜~(1)金劍魚
主菜~(2)薑茸炒有機豆苗
主菜~(3)鐵板燒嫚魚粒
主菜~(4)乳豬掛包
主菜~(5)鹽焗雞(忘記影相)

飯~招牌炒飯(忘記影相)

飽點~壽包半打
甜品~腰果露


註~今次手撕雞咸左D..所以食唔晒..其餘的都清碟了..

今天又是齋期，令我想起半個月前齋期當天因假日不想自煮便拉了他去這間近期人氣↑的店子。
十二點未夠到達尚算少人，但坐下不久便開始多人，可能因店面長廊式格局→很應聲很吵！

因位與位之間很迫，坐貼牆的客人職員會很快手把小檯子拉出讓客人坐入去再拉好位子，客與客之間可能只容得下個袋位，很有壓迫感！

講回吃的，因位子迫所以留意到多數客人也點了套餐，一個小吃要了雞絲粉皮，很淡粉皮面像coat了層油又不像麻油的味，湯要了個素翅因怕太熱飲故待涼吃時已有少許稀的感覺，主菜叫了個濃味的咖喱給他，這個是整個套餐最好味但很少份量（一個小甜品外賣盒已能完全盛載晒），因我叫了個炒烏冬但分了一半多給他幫忙，所以咖哩要打包回家加了些素料作晚餐送飯用。

（以我超過十年初一十五吃慣素的人來說）整體來說味道不合格價錢又偏貴，叫食物職員又叫了多次才有一個理啋我地，環境又迫又喧嘩，以後初一十五想吃素還是返回附近的六榕或（舊嘉利大廈的）三德素食會稱心些！！！

今日係始創中心觀完禮，成班一齊去左食下齋；對於無肉不歡既我係一個新鮮新體驗。

去到舖頭，估唔到都好FULL；好彩，佢比左張人地ｂｏｏｋ左既枱我地，不過要１個鐘頭後交枱，咁都好，唔洗等

叫左幾樣野食：

香芋油鴨煲
一般，椰香味都好重；我個人唔太好椰香

蟹柳西蘭花
GOOD~~好清爽，蟹柳又做得幾真喎

鮑魚雞絲翅
合格以上，因為唔會一PETPET

芋頭魚
好好味，脆脆地；不過，上枱之後要盡快食，如果唔係Ｄ皮會硬

串燒
哇，好似；真係以為食緊肉，像真度好高

炒烏冬
OK；過得去

埋單果時每人一張95折咭，叫你再幫襯

好耐無試過專食素喇, 好彩一早訂左位, 7點幾既時候, 原來都爆哂架, 佢比左sofa位我地, 但同隔離檯都幾埋下, 肥少少都入唔到, 可能佢諗住食素既人, 身形都比較fit喇

3個人叫左2人餐另加一個菜螃蟹

2人餐有:
蟹皇翅 (用南瓜蓉整成, d翅都幾真, 好有口感, 唔係粉絲果種林bat bat)
雞絲粉皮 (如果佢用番真正既粉皮會好d, 佢地好似用魔芋咁, 太過爽口喇)
海鮮雜菜煲 (入面有素蝦素帶子八爪魚, 八爪魚既質感好正, 帶子就爽口左d, d菜唔會煮到好黃, 有菜心, 西蘭花, 椰菜花, 白菜仔等等)
芋頭魚 (呢個係我既至愛, 做得好香好脆, 好新鮮熱辣)
菜螃蟹 (簡直唔掂, d蛋白炒得非常老, 熟哂, 一粒粒架囉)
蕃薯糖水 (呢個係送既, 正, 好夠薑)

埋單會送張95折咭比我地, 每人一張, 都唔錯

好耐冇見我個老師啦,
今日收工之後去左接missy去太子食齋~~~
(因為missy食齋,普通見到肉既餐廳都唔好預佢)

刺身拚盤:
有假既三文魚, 吞拿魚同埋鮑片,
真係整到同真既一樣!!!

螺肉
我同學仔黎到必叫的一道小吃~~~
假的螺肉同真的都係幾分相似,
配埋沙茶醬同青紅綠椒~~好好味!!

咕嚕肉
很喜歡咕嚕肉,
因為有好多好多青椒~~~
本人偏愛青椒,肉粒都整到好真~~~

香酥芋蓉鴨
Feel唔到鴨的存在,
只係覺得底下層皮好厚~~~~
不過佢芋蓉整得好香又入味,所以overall都幾好

金姑牛肉卷
今次有少少敗筆,
因為金姑乾晒~~~
搞到好似菜乾咁,
個汁都偏咸,係咁飲茶補番~~~~

其實最好係missy鍾意黎呢度食野
就咁就傾計到佢收舖~~

是晚一行5人為 2個友人慶祝生日。訂咗7:00pm , 食飯地點為太子始創的”大自然素食”, 我地都係第一次去, 由於其中一個友人係”素食人” 所以我地的聚會都大多數會遷就他。

店舖一眼望哂, 比較細, 但又唔會坐得迫喎。我地5個人叫咗個4人套餐+半打壽包。套餐我地選了：粉皮 (好味, 有d扮豬肉的東西, 都幾似)、海皇翅 (呢個麻麻)、芋頭魚 (我本人唔係芋頭, 所以無評語)、海鮮煲 (呢個個湯好味, 不過扮帶子&蝦就唔係咁似) 、油鴨煲 (內有芋頭, 我唔食；另外扮鴨d肉都幾似)、炒烏冬 (呢個好味), 另加的半打壽包 (我覺得ok, 其中一人話個皮比較硬, 可以”番蒸”得太多次)。再送糖水, 我就唔多鍾意食。

我地7:00食到8:30pm, 出面好多人等位, 真係估唔到。除咗當我地後叫果半打壽包, 有個侍應勁遊雲之外, 其他侍應都ok。8:30pm個經理問我地介唔介意埋咗張單(其實我地已經食完), 又問我地有無discount card, 我地話無, 佢就一人派咗一個discount card比我地。侍應無講得咁差。總括嚟講都唔錯呀。

識左呢個朋友仔都成年~都係緣份黎。
可惜~我今日先知你食素哈哈~~!

今日得佢介紹黎左呢度食餐好既。

兩個人叫左個套餐，有皮蛋湯﹑芋頭魚﹑松子炒飯...小食忘記左係咩野炸物。最後甜品都失億了。

價錢可以接受，阿姐D服務幾好~幫我地影左幾次相，有傾有講。

食物方面，無咩特別，係個飯炒得乾身好味，條魚麻麻地。其他也普普通通呢。

HEY~朋友仔~下次入黎屯門食呢~~