昨晚同honey放工一齊去左呢度打邊爐。
9點後有特價, 咁是但la~ 因為之前食過正價係勁貴,所以諗住都唔會平得去邊。
我地叫左7碟野,包埋帶子、雪花邦, 跟住叫埋支裝汽水(10蚊有3支)我地叫左1支。
仲叫埋醉雞煱。所有食物都好新鮮, 同埋份量剛剛好呀, 唔多唔少。
尤其個醉雞,勁正, 冇乜酒味, 但好香, 一直滾到尾都係好清, 因為出邊食個d食一陣就濁晒lu, d湯好清好甜呀。
跟住d海鮮好新鮮, 係食到鮮甜, 不過冇叫蝦, 因為見到個個食都唔太新鮮。
炸魚皮- 呢個good呀, 出面個d係炸到黑色, 呢個係剛剛黃色, 滾完之後個湯唔會濁ga。
其余個d ok la~
不過諗都諗唔到個價錢, 兩條友$118!!!!!!!!!!!!!!!
勁抵呀~>.< 唔得, 下次再食過~

叫左個6個人套餐,

D食物份量少, 又唔係太好味, 都算,

最慘係個福建炒飯, 大家睇下,

叫左個經理過來問, 佢話係乾炒福建炒飯,

問你死味, 第一次食乾既福建炒飯

是晚有特別「喜事」，大家為求方便，索性在這簡單的慶祝。

枱上只有一、張簡單的餐牌，其中有三款特別推介的「孖寶」，每款有二個餸，看似十分優惠，再要其他兩、三款小菜。

龍蝦孖寶有：
上湯龍蝦伊麵-似是左溝右搭的 件龍蝦，最精彩還是吸收上湯及蝦汁精華的伊麵。
菠蘿咕嚕肉-枱上時已傳來今唾涎的甜酸醒胃香氣，咕嚕肉入口脆薄而啖啖肉，而且甜酸適中，在座的人也讚不絕口。

元貝孖寶有：
蒜茸蒸元貝-每隻元貝很有份量，舖滿蒜茸及粉絲，十分惹味。
海味雜菜煲-不見有什麼海味蹤影，嫩綠的蔬菜比例所佔不少，吃了這麼多肉食，來這煲雜菜，算是健康的一味。

珍鮮味孖寶有：
白灼蝦-每隻也是橙白相間，爽口彈牙，不用點醬油也有鮮味。
花膠鮑螺煲-這個是全晚唯有失準之作，花膠很硬，要費點牙力，而且芡汁呈糊狀，已令我卻步，用了黃牙白墊底有點格格不入。

惠顧晚飯可免費每人有半隻燒乳鴿，我們一行8人即有4隻。皮脆肉嫩，有齊肉質、味道及口感，由於免費也做到有這水準，所以大家也喜出望外。

冬瓜盅-不是原大冬瓜上枱的，只是一個燉盅盛載，在賣相上已打了折扣，入口似節瓜多一點，而湯味較為清一點，不夠濃稠。

東星班-枱上時有點嚇一跳，$398有這麼大條，應該有兩斤多重，肉身很豐厚，蒸到剛熟，魚肉很鮮味，質感很結實，以這價錢有這個貨色，絕對是「海嘯價」。

蒜茸莧菜-用了爆香過蒜茸來炒，特別香味香口。

另叫半打壽包，包皮不夠鬆軟，嗜甜的我嫌包饀的蓮蓉及蛋黃不夠多。

食後奉送的紅豆沙，又是真材實料，大大粒的紅豆，有渣之餘又起沙，十分合我口味。

店方沒有將貨就價，是晚8人只吃了千二多元，如在經濟當旺的時間，一定不只這價錢。

尋晚5個大人+1個細,叫左一個咩野掌煲(我冇食),咕嚕肉(好細碟,暖暖地),白桌蝦(暖暖地),抄馲鳥肉(好細碟,暖暖地),帶子豆腐(切到好溥,暖暖地),1碟一蚊雞,
小菜既味道ok,無乜味精,but D小菜應該係整定左既,所以暖暖地,
最熱係白粥(似潮洲粥),
埋單$380

上個星期四同好朋友們團年，由於卜唔到利寶閣，就卜咗哩間稻香，稻香都算係名牌酒樓，從來都冇諗過會咁垃圾。

十個大人一個細路，未齊人，叫住炸饅頭&幾個餸先，好少待應，次次都要叫好耐先有人理，炸饅頭吹咗幾次先上到枱，點知除咗個面係金黃色之外，基本上係蒸饅頭，差，之後諗住炸同蒸都冇分別，叫多碟蒸饅頭，又係吹咗幾次先上到，點知上咗碟炸饅頭，同個侍應講，佢話︰「整錯咗，唔緊要啦，俾個面我要咗佢啦...」，之後放低就走咗，吓，咁0既服務態度都得？

另外叫咗個龍蝦伊麵+吊燒雞、咕嚕肉、什菜煲、燒鵝、海皇麻婆豆腐、四季豆炒珊瑚蚌...d餸勁細份量，賣相又肉酸，求其炒完pat上碟咁，而且冇樣好味，係個什菜煲好d，叫咗好耐唔見隻鵝，吹佢，佢先話燒鵝賣晒，果時已經食到成肚氣喇，惟有轉咗黄金蝦，六大隻蝦，賣相嚇人，面頭果層炸漿，灰灰黃黃，見到都唔開胃...

個個都諗住快d食完去第二度再食過，差唔多食晒時，發覺爭半隻吊燒雞，又吹佢，佢先話燒雞賣晒，叫我食油雞，我嬲到即刻鬧人，叫咗成個鐘先話冇，叫佢叫經理嚟，過咗一輪佢過嚟話入面房果隻燒雞唔知乜嘢，可以俾半隻我地，咁都得？等咗一陣半隻雞上枱，隻碟好大囉，隻雞，我諗得四分一隻，份量少得可憐...

最後埋單問佢有冇糖水or生果送，佢話冇，而加好少酒樓冇嘢送囉，算，哩餐成肚氣都飽晒，埋單約千一蚊，每人$109，但真係好似冇食過嘢咁，真係未試過食一餐差到咁0既飯，如果可以，真係想俾負分囉

星期日去飲下午茶,好多人,要排隊輪位,不過都幾快有位,等大一幾個字啫...
原來星期日下午茶比起星期一至五下午茶貴少少,不過都可以啦!三個人叫左七樣野,都係一日蚊多少少,其中四樣係係"點心孖寶"度揀(即係$18.80有兩個點心),我諗會實惠些卦!
奶皇馬拉卷:一籠四件,幾稥軟,奶皇唔係太香,但可以,不過一定要熱食;
春卷拼雲吞:兩條小春卷切開四份,都算新鮮同脆口,炸雲吞又係兩個,好脆,但蝦好細粒;
高纖娃娃菜:勁多豉油,油淋淋,得好少菜咋;
粉果:一籠三件,比一般潮州粉果細好多,皮稍厚,只屬一般;
綿花雞:感覺係好油膩,豬皮全部索晒油,好在唔會好咸,面頭舊冬菇都好油;
香煎蘿蔔糕:一碟四件,呢味唔錯,煎得唔太油,但係又唔夠番喎,不過份量ok,可以接受。
仲點左另一味點心,但係唔記得左係咩添,哈哈!

行吓行吓行到呢間飲茶,時間大約十點半左右,可能係中秋節關係,竟然無人等位.

叫咗個咸魚雞粒飯,這個是小點,十分扺食,味道亦不錯.

魚肚雞扎,特點,不知是否因為有魚肚,所以變為特點,但只是一般水準.

螺片滑雞粥,大點,雞也有不少,螺片雖然假,但都有好幾塊,不過粥就無味.

鳳爪排骨,中點,鳳爪很入味,排骨就中規中舉.

雖然已經一早預訂酒席,但係上菜仍然好慢,話左可以起菜之後,竟然等左半個鐘都未有野黎,仲要三催四請,一黎又黎兩道菜,跟住又停,好多次都要等好耐至到下一道菜,唔係幾好…雖然個小姐既服務態度其實係好好既…
食物方面,大部分都係普通兼大路,不過有幾項值得提一提。
第一係芝士焗龍蝦,雖然味道唔錯,碟底既伊麵又好味,但係芝士味太輕,可以話唔係好食得出,如果多番d會好一點;其次係蒸魚.整得唔算好,食到有腥味;比較求其而差既係個什麼海龍卷,話就話個餡係海鮮,但係都食唔出有咩海鮮,魚肉都唔多件咁,個炸皮仲衰,又唔係春卷皮又唔係米紙卷,而係介乎兩者之間,口感好怪!
好既都有,就係最後既傳統飯麵,改左係炒飯同水餃,個水餃幾好味,有豬肉又有蝦肉,唔算好大隻,一人可分得兩隻,岩岩好,仲每碗有一條小棠菜加半個蕃茄仔,賣相都幾靚架!另外,壽包都唔錯,大大隻,蓮蓉餡夠滑,我喜歡佢無蛋黃,唔會太油又唔會太唔健康,即整即食,又熱又好味!
拉勻黎計,叫做OK!

三號風球的今天,偷懶不返工,走嚟嘆下午茶.

先嚟個上湯海蝦伊麵$28--有很多蝦,亦很大隻,煮得很淋,很易搣殼,蝦亦有鮮味,伊麵底也不少,味道亦做得很好.

跟住點個家鄉碗仔翅$3.8--非常扺食,有肉絲,甚至有幾塊冬菇,好食過街邊的碗仔翅.

饅頭拼糯米卷$5.8--五個字形容,夠熱又夠淋

糖不甩$6.8--三個超優點中最貴,可惜不是特別好味.

其實下午茶特價的仲有$11.8的燒味瀨粉,眼見機乎每檯都叫,燒味份量亦很多,看來非常扺食.

難得婆婆到屋企少住幾天, 便帶她與一行6人到稻香嘆茶, 早上八點幾到, 由於是平日,唔洗等位即刻可以入座, 服務員態度幾好。
一坐低就寫紙叫點心, 叉燒包, 珍珠雞, 叉燒腸,燒賣,鳯爪,蘿白糕,奶油飽等等
點心都幾好味,珍珠雞乾左少少,其他就不過不失。
最衰呢間野就係,次次都漏單, 漏個奶油飽, 追幾次都係無黎到, 我估佢地個電腦系統有問題, 唔係點解次次都係咁, 等左成個幾鐘都無黎,就算, 同個經理講話唔要, 埋單。

總體來說, 這裡的點心不錯,員工的態度也不錯, 奈何時常漏單, 真係無奈

老人家生日,要左一個十二人餐,有乳豬拼盤,生菜鮑片,蒸魚,炸子雞,雞絲翅,伊麵,生果等例牌貨色,另可自選三款菜式(當中有十幾款可揀),我地揀左炸蟹拑,蟹王扒翡翠,同埋一個我唔記得左既菜,而由於係壽宴,甜品改為壽包。呢個餐可以任飲汔水,啤酒,同汁先生,都算幾好喎!
做得唔錯既菜包括乳豬拼盤,同埋蟹王扒翡翠。前者本來度度都一樣,但係估唔到呢度整到唔肥而且唔太油,皮又脆,份量多,所以比想像中好;後者更加估唔到有咁多蟹王,而且好好味,所謂翡翠係西蘭花,完全唔多油,配蟹王食原來好好味,呢個菜式值得一試!
宜改善既係蒸魚同埋壽包,前者稍嫌唔夠滑,但勝在夠大條,肉多,味道咸左少少(應該係豉油問題);後者太大個喇,好多蓮蓉,食到好黏牙,又滯…
其中個炸蟹拑都好味,同埋又係難得唔油。至於其他,都係普通。
上菜唔算慢,一味黎完到一味,時間剛剛好空檔,算係咁。服務態度亦佳,ok!

團年飯-17人兩圍

媽媽一早拿了份團年菜單，打算叫2千零蚊果個套餐。之後confirm 張台時，媽媽順便order埋食邊個餐，居然服務員話無2千零蚊個餐，最平都系3千幾。好采我地有響手，同姐姐講我地之前拿過menu，系有架0我，拒叫我地等等，之後姐姐又轉口話ok

吃飯當晚，我地叫上菜，服務員話人未齊，0吾好上，因為一叫就好快上。既然姐姐0甘講，我地就遲0的至叫。終於人齊，我地叫上菜，以為會好快，誰知要等成20分鐘，大家你眼望我眼，個肚仲咕咕聲。

服務認真0吾得，居然漏上個乳豬拼盤。好采我0地有keep 住張menu，每來一個食送，我地就畫一畫。姐姐仲想倔我0地話我0地食左，話個碟已經收左。我0地話食0甘多個菜，無一樣收過，只只碟都響台上面。姐姐走了出去，過了一陣，入番來當無件事。我地再三催，拒至同我地入廚房跟。

埋單時，居然收了我地24人茶錢，我話我地得17人ja wor 。姐姐0吾信，叫人去點人頭。最後姐姐話已刷了卡，話卑番現金我。姐姐卑了$18我，我有點懷疑因為18除0吾到7。我問茶錢幾錢位，姐姐話$6，我話0甘條數0吾0甘0我，同姐姐計過條數，姐姐知道錯了，但今次吾卑得現金，要void單，再碌過。

總結：非常昆亂，要食得留神，樣樣都要'目及'住兼check單

2/9, 大年初三, 陪未來老爺奶奶去咗稻香飲早茶,
我哋四個人加埋都算食咗少唔嘢,
有皮蛋廋肉粥(仲有未來老爺唔知食咗個咩粥)、奶皇包、
韮王鮮蝦腸、蝦餃、粉果、炸帶子、日式煎餃、
黑椒牛仔骨、鴨掌同鳯爪排骨飯,
不過最後食唔晒, 個鳯爪排骨飯留起咗比未來奶奶打包返屋企。

睇噃價錢牌, 原來年初一至年初七既價錢都唔同, 當然係貴咗啦! 大約貴一至兩成喎!
未來奶奶都話嚟攞位時都唔駛等位, 可能大家都知呢幾日飲茶貴呢!

不過呢度既早點都幾好食既, 最好食係個奶皇包,
另外樣樣都叫做熱辣辣, 亦keep 到水準, OK 啦!

Boxing Day 來唔使等位，亦唔爆。相信人人走灑去食西餐或者自助餐。

原本想叫一客例牌象拔蚌$148，落單時部長哥哥話叫一條抵食的，而且有湯底同果汁送。這個套餐$298，如果散叫例牌象拔蚌，果汁，同湯底，都平過個套餐。部長哥哥見我地猶疑之際，再推介話一條有2斤，例牌只有2兩幾。聽了這話兒，我們就order了象拔蚌套餐啦。

誰知道來到時發覺被騙了，有相為證，上次我們食既例牌也是一樣大少呢！

又一次證明唔好相信服務員，上次服務員落力sell的那個海鮮拼盤，又系揾笨既。勁差！

今日去飲早茶，我真係...頂lee道d service唔順。明明有幾張大台佢地唔開。個個帶住隻握既黑色衫肥c9，態度超差。咁我地3個人去飲茶，佢搭我地去張6人台度，本來張台已經有3個肥施大隻既人係度，仲要搭我地埋去。有吉台唔比我地去。於是乎本來坐開張台既1家3口頂唔順走去第2張台坐。咁我叫條肥c9收起走左既人，條c9串九我。話得喇，1陣又人黎收野喇，lee度搭位ga。咩態度丫？我心諗，話哂d 茶杯比d客用過，點都要收起再洗嘛。唔收留番比下台用...真係有心。