星期一的晚上, 之前一年來這裡吃自助餐是因為自己是會員,生日來吃可以買一送一, 而今次再來是公司春茗抽獎回來的二人免費自助晚餐, 由於是星期一的關係,客人並不多, 一般的國際美食, 海鮮冷盤同上次的差不多, 半邊龍蝦, 琵琶蝦, 普通的熟蝦, 比較細隻的翡翠螺, 青口, 另一個比較有特色的是”Balik”STYLE三文魚, 看上去油脂較少且全是厚切一舊舊貌似刺身, 口感淋而爽快, 但約莫一星期後在另一自助餐再會這蘇格蘭野生三文魚塊, 感覺比這次更似吃一片肉, 因為沒什麼油脂, 可能同野生有關不過亦可能同被salt醃過有關也說不定

刺身吧由一個印巴籍人仕管理, 他的刺身切得幾厚身下, 而且好闊綽地給了太座一大碟,如果真的喜歡大件夾底食的三文魚,吞拿魚,立魚, 沙錐等刺身的, 這裡是不二之選了,

凍肉冷盤, 小食品種也算多的了, 有鴨肝多士但忘記試, 反而試了一個類似蒸蛋的小食上面放了些三文魚碎之類的, 個蒸蛋味道調味太淡, 芝士也有四款,試咗羊奶同金文達芝士味道很一般, 配西梅吃都幾match

湯我選了周打魚湯, 魚湯味道剛好沒有過頭, 落忌廉也只是點到即止, 沒有只是在飲奶的感覺, 只是湯內碼仔有點不足, 一番打撈之後只有 一兩 粒菜同一粒蜆肉, 而太座飲的中湯則說過咸!

這晚見的這件燒牛肉屬於小碼那種, 所以中心見得到是”熟”了, 太座出巡時,廚師熱情地推介那燒牛肉, 就拿了一件中間的回來, 果然係熟牛肉一件, 即使食中心的也是好難嚼,重有少少筋添, 另外,這裡還有每位客人可以有兩個主菜可選擇, 主菜有四個, 我們選了迷你T骨, 芝士烤虎蝦, 慢煮半邊鴿, T骨是即煎的, 肉夠厚身, 一定程度上是可以的, 半邊鴿,都OK啦, 脾位肉夠彈性但不是未熟的, 胸肉就全熟透了但未致鞋口, 至於餐牌上寫住的八角汁其實感覺是甜鼓油囉,

今次又試了燒味的义燒, 雖然是”唐閣”出品但未算係好好食嗰種, 只是合乎標準,

茄汁煮盲曹, 一種西式煮魚塊, 盲曹這樣煮通常魚肉有點鬆散, 個茄汁做到酸中帶甜,

另一款龍利魚柳則唔知點解魚肉質地有點化學氣味,

其中個人覺得好食的反而是麵包, 但這似乎不是一個賣點, 攞的客人也不多,

蛋糕甜品部門的出品試了朱古力慕思, 芒果慕思 兩個都做到慕思那種柔滑帶絲口感, 朱古力慕思除了底層那朱古力慕思還有面一層白色的慕思,搞唔清楚是什麼慕思, 但都配合得唔錯, 雪糕柜內總共四款雪糕, 兩款是美國的H.D. 另外兩款則是瑞士的Movenpick 而甜品只試了雪糕; 兩種都是瑞士雪糕movenpick 的提拉米芝/ 焦糖Walnut兩種味道都做得很貼切就是比較甜了些, 吃一球剛剛好, 咖啡同茶都好普通, 太座則認為茶溫度不夠熱, 一放檸檬片茶就涼了,

即慶同妹妹一共4人到場享受美食，知道有4送1優惠，加上食評不錯，於是試下，點知。。。。

到場時，得知每人都可免費獲得2款小菜，很開心。於是我地就響侍應落單，熱情等左25分鐘，同一名侍應走過黎，問我地落左單未，佢想收返過主菜牌。當時，我已經呆滯，同一女侍應幫我落單，轉頭又問我地，好明顯白白等左25分鐘。佢知自己錯，即時補單。過程中，隔離檯遲過我地落單，仲快過我地有得食，唉

咁之後，我地點的主菜到了，點知四個之中，有一個黎錯左。同返個侍應講，佢話幫我地跟返，都算，個陣都食左一半時間，我自己都準備食甜品。講真，野食算唔錯，仲留意到身邊有一位女士自己黎食，職員怕佢悶，提供左雜誌俾佢睇，起初都覺得服務好好，點知原來唔係。

上左主菜，我地揀甜品，見到出面有梳乎厘，知道要order先有，於是經男侍應落單，仲同我地講15分鐘，其實要我等15分鐘食到好野，我絕對樂意，但過左15分鐘，侍應上梳乎厘上左6，7轉都未到我地已經火火地，追侍應未睇就話好快到，連隔離檯遲過我地叫都到左，主菜係咁，甜品都一樣。我地最終等左40分鐘，向職員投訴先送到黎，但梳乎厘已經漏左氣，同職員講希望佢地改善，點知個職員話：咁我同經理傾下，睇下點。。。（咁即係唔洗理D客投訴咩啦，真係搞笑到爆）

到個經理埋黎，仲好笑：梳乎厘即時出爐既，只不過係同事行多左轉先漏氣
真係吹到啤一聲，呢段時間不段聽到d客追單，唉，咁大間酒店，竟然出單亂曬龍，遲入單就有野食，野飲先，咁不如叫客自助啦，下次都唔去勒，食到一肚氣妹妹仲話杯檸檬茶苦架。。。

直至二月二十八日前, 至少與三位成人一起前往 L'Eclipse享用自助午餐, 就可以免費得到一份海鮮拼盤；那天, 應邀到姑仔設的四人自助餐局, L'Eclipse最令人期待的地方就是出色的甜品及有較多歐陸式食物。

進餐中途, 外籍女經理為我們送上海鮮拼盤, 有即開澳洲及美國生蠔、冰島翡翠螺以及澳洲琵琶蝦(半邊為一件) 不過細心地看看, 每款只有三件 三隻??? 又話四位起才送海鮮拼盤, 咁剩下那一位便什麼也沒有得吃 再向那女經理查明, 她的答覆均令我們哭笑不得:「可能你地會有人唔食某種海鮮, 咁就可以分俾另外一個人食。」 我們聽罷均異口同聲地回應她:「但係我地全部都喜歡食喎」 之後女經理說會俾多一份給我們。 海鮮又鮮又甜, 肉質軟嫩~經過一段時間, 那一盤一人拼盤送上來...今次是兩隻蠔、半邊琵琶蝦、一隻翡翠螺 及 半邊龍蝦 嘩~ 竟然有多半邊龍蝦 食食下, 那女經理又出現在我們眼前... 她說:「龍蝦要俾多$20!」 下! 這龍蝦並非是我們要求的, 為何要加我們費用??? 她聽到我們的反應後才說:「下次先收!」

既然午市送生蠔、翡翠螺、琵琶蝦、龍蝦, 即是說凍海鮮部上是不會有上述海鮮供應:有加拿大石蟹(肉少但勁甜)、太平洋凍蝦(爽ロ彈牙)、紐西蘭青口(肉質肥美鮮甜)、瑞典小龍蝦(濃郁膏香亦帶鹹鮮)、八爪魚(有被蛋黃醬撈過)冷盤多為歐陸式食品, 鴨肝醬、冷切肉等等；沙律菜款種類亦多, 深綠色、淺綠色、紫色、白色...盡是繽紛, 沙律醬也有多款味道, 連藍芝士醬、果仁醬、果味醬都有提供。西冷牛肉約有五成熟, 個人而言欠缺血汁；薯仔拌菜倒也甜美。熱盤的肉類都可接受, 尤其是魚柳肉質甚幼滑, 配合忌廉香草汁就更加美味。中式熱盤位可以眼見及耳聞到廚師爆炒的神態, 親身把「鑊氣」演繹得淋漓盡致。即炒意粉及即煎魚柳都是排滿客人的地方；魚柳煎到皮香脆但肉仍然是嫩, 有鯖魚及比目魚柳可選擇。咖喱款式有印亦有泰, 只可講句印度人不一定會煮到好味咖喱......終於等到甜品期, 裝飾高貴的甜品, 味道特別吸引 吃一啖花生榛子蛋糕的味道就有如吃了一啖花生醬, 鹹中帶果仁的甜 其他的骰甜品味道也不遑多讓, 要香蕉有香蕉、要焦糖有焦糖；Pop cake 機要不停運作, 機頂有多支 L'Eclipse出名的甜醬汁；幸好那天只得一兩名小孩子, 若然不是那個朱古力噴泉會成為最污穢的地方。每人都會包一杯飲品, 這兒有cappuccino及檸蜜供應；檸蜜是會供應一小樽蜜糖+滾水+檸檬片

不知道當天是否侍應生的人手比率失衡, 收碟及倒水都比較慢

因為不太喜歡甜品，所以一向都不會留意下午茶自助餐。但得知此店的下午茶自助餐附設雪糕火鍋， 心癢癢想一試其滋味，今天終於有機會喇！

有多款新鮮即搾果汁，友人評雪梨汁淡如白開水；橙汁、西柚汁味道屬於正常，但都有一個共通點：沒有添加糖精。

迷你漢堡飽：免治牛肉是厚厚的，雖然肉香不算濃，但彈牙有咬口。

三文魚蛋撻：保持溫熱，雖然熟三文魚帶有少許魚腥味，但味覺尚好。

义燒酥：酥皮鬆化，肉餡調味適中。食在西餐廳中，已算不俗。素粉粿：個人不喜歡芫茜同麻油味，不宜致評。但粿皮真是非常厚身呀！

豬扒飽： 豬扒沒有被過份醃製，肉質嫩腍不失嚼勁。只是法飽飽底頗為硬實，要費點牙力喇！

新鮮炸起熱騰騰的春卷，雖然香脆可口；但相對微溫嘅白蓮蓉煎堆仔，甜味適中，煎堆就稍勝一籌。

墨魚仔： 因有碎香芹末，所以沒有試。但嘴饞的友人評好好味。魚生有兩款，但沒有試！壽司都是一般貨色。如胃納有限，可以不試。三餸麵： 蘿蔔雖欠清甜味，但都不過不失；牛丸彈牙，有驚喜；水餃同湯就非常鹹！雪糕火鍋： 雪糕有四款味道。朱古力味雪糕配朱古力火鍋味道上較為匹配。緊記要即食呀！ 尚有多款冷盤熱葷、蛋糕， 因胃納有限， 沒有試。
但想食嘅芝麻糊，因店方無添加，所以就無得食！

餐飲：咖啡味道淡而無味，但已經較奶茶易入口了！

好開心今日成家人黎食buffet, 呢間我都係第一次食, 希望會是開心既一晚~~~

食buffet我最鍾意食冷盤, 二話不說就攻陷生蠔區, 生蠔有兩款, 法國同美國, 雖然大路,
但勝在夠隱陣, 法國比較爽口, 海水味重!! 美國就較為juicy, 各有千秋, 最重要夠新鮮, .
雖然唔及出面蠔bar既質素, 但任食黎講算係唔錯, 之前食過2間buffet既生蠔又苦又無鮮味, 真係唔會再返兜

龍蝦同龍蝦鉗都幾好, 但龍蝦鉗唔夠大隻, 肉太少....
鮮蝦好鮮甜, 呢個通常一般buffet都一定好食, 如果連鮮蝦都唔掂可以唔駛去
長腳蟹都算鮮甜, 絕對解哂冰

沙律汁同醬有好多款, 只要蔬菜新鮮已經好好食, 我夾左一大盤食哂

剌身ok, 不過三文魚同八爪魚成日都有機會食, 我只食左一, 兩片

Prama ham 食左唔少, 因為唔會好咸, 又有火腿香味, 就咁食又得加哈密瓜又得

燒物有燒菠蘿, 鮮魷, 魚, 牛舌, 茄子, 樣樣都幾好, 係牛舌唔好食, 無切過, 成條脷燒感覺嘔心
牛扒同天婦羅都好食, 牛扒燒得剛剛好仲有少少粉紅色, 好淋好juicy!!
天婦羅有蝦, 鮮冬菇同魚, 個皮好薄, 好脆, 我食左好多

另外每位會免費有一個main course , 湯同甜品, 呢個要take order
我要左魚同梳乎厘....湯比較普通, 只係菜湯味加左鮑魚同冬菇
魚肉質好滑, 皮又煎得脆脆地, 皮脆肉嫩
梳乎厘簡直係廢, 我揀左薑味, 但入口係金桔味, 仲要一篤就無, 裡面只係空氣

食到尾聲見到有芝士燒龍蝦拎左2隻, 好難食, d肉好韌, 我吐左出黎

雪糕係自製既, 但味道好甜, 仲有開心果味似杏仁味, 錯哂

服務麻麻地, 唔算殷勤, 食物都唔錯 , 但都係比萬豪遜色, 但萬豪而家無蠔食,
鍾意食蠔既朋友都可以黎試下

襯住新嘅一年細舅父從澳洲回來，我們一家大細帶埋兩老決定到朗庭酒店試吓佢地個自助午餐。自從般了工作地點，很久沒到這裡用膳了。
在門外等了一會，帶位小姐便很有善地帶我們入座了。 我發現員工制服轉了，成個look醒哂！ 這裡要一讚她們的外藉女經理，當她見到我們有兩位老人家，便主動提出安排我們就坐於較接近buffet枱的位置 (很細心哦！) 而且很快便讓我們一行八人坐下了。
食物款式不但沒有令我失望，經理更喜出望外地推介了一個海鮮優惠給我們。原來4人同行有「海鮮盤送」而我們8人便再加龍蝦，size剛好我們。

8人海鮮盤
多款魚生、壽司
自選沙律吧
各式味美熱盤
即炒意粉及燒味
即煑麵檔及生滾粥
我的小朋友最愛 - Haagen-Dazs 雪糕及甜品

因為他們有Facebook 優惠，閒日星期一至五中午自助午餐有25% discount，還有一杯Soft Drink 。另外長者原來是有半價優惠，不過優惠不可供用，有點可惜。總括而言，食物美味，招呼又好又細心，雖然靚境欠奉，我一定會帶家人再來的。

這餐廳是我第一次光顧，
初時總覺這餐廳比旺角失角，
但我搭進該店時已有很抒服的感覺。

食物：
喜歡吃海鮮的我，給8分（10分滿分）
龍蝦：有凍吃、有熱吃﹗兩者皆鮮甜﹗
蟹腳：不錯（但數量較少）
生蠔：有法國、美國的﹗美味（最重要食時無碎縠），另我食得開心又歡欣。
翡翠螺：質素中等
青口：無吃﹗（因太多好味海鮮）
龍蝦仔：比較咸

中式湯：我一向不飲街外湯，這回我試了一試，的確不錯﹗
西式湯：以為自己飲蕃茄湯（顏色）無渣呢﹗但飲落，味蕾一嘗下不得了，好味﹗

沙律如添加粟米就更合心意呢﹗

服務：
不得不讚eric 和crystal，話說老公送了一束花比我，因我們是二人位，無位置放花，
crystal主動的提出，用不用幫我們keep住。
因我們的花有溜水情況，我們問可有膠袋比我們戴著﹖
心諗有個膠袋已心滿意足﹗
eric用上一個透明的膠袋套上後，還用靚靚的繩子綁上，很細心呢﹗
多謝你們盡心的服務﹗想客人所想，用心待客﹗不錯呢﹗加油﹗
或者現階段沒有人懂欣賞，但我相信，用心工作，不只會令客人開心﹗
自己也很開心呢﹗問心無愧呀嘛﹗

一直以來，每次去餐廳食飯之前總會先上openrice睇一睇食評以及評分。但一直都冇的起心肝開個account同各位share。
而我就選擇喺新嘅一年開始
第一篇食評當然要簡個特別嘅晚餐嚟寫啦！

今年嘅平安夜，我同男朋友仔決定左去朗廷食buffet.
估唔到連平安夜呢啲日子都可以用langham supper club card 嘅discount!! 折左之後連加一每位都係$660 😁 有蠔有蟹腳有龍蝦有煎鴨肝。而且quality不錯，所以覺得好抵食

因為實在食得太多野，以下只寫我認為最好味的：

Crab leg: 好鮮甜,唔似好多buffet 嘅蟹腳咁一味死咸。不過10:20 再去攞已經無再添加（我食第二輪 9:00-12:00)

蠔：是晚有兩款。好新鮮！開得好好，冇蠔殼。每次有人攞，就會有人即刻補返煎鴨肝：好味！算然是即煎不過每次排隊都唔會好長。我同男友每人食左起碼4件甜品：最欣賞個souffle!跟住加球H牌雪糕喺旁邊，正！可惜影相時已經'tap'左落嚟

又到聖誕,又到聖誕,又到聖誕...近幾年養成了食聖誕自助餐的習慣,雖然聖誕自助餐總比平日價錢昂貴多,但因節日所產生出的輕鬆愉快心情,確會令人食慾大增。
酒店高雅的裝修配上可愛的聖誕裝飾和聖誕老人,餐枱上的聖誕食品、可愛甜品,非常吸引,因此真的、真的愛上食聖誕自助餐那種比平日不同的歡樂氣氛,價錢已不是重點了。上年選址洲際滿意非常,今年早早安排與朗廷酒店L'Eclipse共度平安夜。
今次book左平安夜第二場既自助餐,時段很好,9:00pm-24:00 pm有3小時,我同男友放工由粉嶺到尖沙咀剛好8:45pm,在大堂迋了迋便進攻L'Eclipse......因為早訂位,L'Eclipse按我要求安排了窗口及近食物枱座位給我,取食物很方便。餐廰的地方其實不大,另一面的座位有少少迫,但環境都不錯。首先,隨便迋一圈,看到食物的種類很多,二話不說先取冷盤海鮮,。螺siza很小,有少少沙。小龍蝦有點怪怪味,吃了一隻不敢試了。大龍蝦肉厚鮮甜,長腳蟹、青口和蝦都很新鮮,encore又encore,encore了3次龍蝦才願收手。哈哈,痛快又滿足。因開放式廚房關係,海鮮區廚師可以直接觀察海鮮流量,
直接在海鮮區下的涷櫃refill海鮮,又快又新鮮,抵讚。ps: L'Eclipse 既海鮮源源不絕供應,到差不多close時仍然會refill ,不用手快有手慢無,讚!!然後向生蠔區出發,生蠔新鮮甜美,很易入口,沒有我不喜歡的金屬味及苦味,我們每人吃了6隻,嚴重超標了。接著,肚子已經餘下一半的位置,吃了麵包、螌肉翅、鵝肝多士、燒雞和鵝肝肉丸, 哇!!!特別提 大家一定要食鵝肝多士,很油潤,10個正。
食物枱上還有很多熱盤及刺身壽司......但我的肚皮實在塞不入了,很可惜。中段既時候,待應送上主菜,今晚無得由客人選擇,酒店送上每人半隻焗龍蝦、1隻鮑魚及牛扒為主菜。因為太飽,只要了一份share,雖然食自助餐,但不要浪費呀!淺嚐了鮑魚很入味(只要了1份有d後悔,哈哈)、薯蓉焗龍蝦清清的和牛扒味道一般的、沒牛肉味。最後,剎入甜品區,種類不多,品嚐了芒果、夏威夷果仁和曲奇妙趣雪糕, 減減胃脹,雪糕及雪糕都不太甜,好啱口味。試了兩款蛋糕:藍苺芝士餅好吃,芒果慕絲蛋糕普通。有幾款水果, 略嫌賣相有點馬虎,普通的東西賣相漂亮d,可以吸引d。另外,看到有些食評投訴餐廳服務不好,但當天惠顧,待應很忙但服務仍然很好及細心,收碟速度快,客人要求都細心處理。

尼間真係一間崇洋的餐廳
事情是這樣的,本天是紀念曰便高高興興同老公,仔仔去食自助餐,
待應帶了我們到窗邊位坐,心想好幸運可以坐到窗口位睇風景,然後我們一家三口便出外拿東西食,
回來時有一名洋男和洋女坐了我們的位,我地大感奇怪,原來一個男待應A將我地的窗口位比了洋人,要我地生另一張枱,本來都念住算數,好小事!進食時,我身旁另有兩張枱有小朋友,有一枱成4,5個小朋友,可想環境都不是清靜,再加上食自助餐待應不停走末走去收碟,其實係幾噪下,當時我地食緊嘢,我老公剛拿了食物回來,我小朋友叫了2聲爸爸,剛巧男待應A招呼着二位洋男坐下,那男待應A便走來說你能否叫你小朋友吾好大聲,男待應A便回去二位洋男處表示可換位,二位洋男沒有換位,我一臉不好意思,但事後越想越氣,因那２名洋男也大聲高談闊論,而男待應A對待洋人一臉笑容,但對待HK客人就完全兩個臉孔尼餐飯完全影响我心情,其實除了男待應A外,其他待應是很有禮的!!!!