environment
- inconvenient location, taxi driver didn't know the location
- avoid sitting near ther exit, smokes from the cigarettes of guests outside
- a little bit too dark
- table are relatively small & not able to accomodate all dishes
- inconvenient to walk to restroom

service
- slow but polite

we ordered set as it's too dark to pick from menu, so we didn't quiote know the name of dishes

rib, salad, dessert, pizza, seafood combo - all good, portion, relatively small so quite expensive

又到母親節，又比我有機會可以食好野（雖然今次要自己出錢！）

未試過夜晚黎西灣河呢頭食野，而媽媽又話要食西餐，於是ＢＯＯＫ左呢間意大利餐廳試下。。

我地一到，佢地安排左一張坐搖搖櫈０既枱比我地，一坐落去，勁唔舒服，又迫，完全唔適合比四個人坐，所以我地要求調去另一張枱度坐。。之後好好多！！

我地睇緊餐牌時，個waitress 拎個chef's special ０既牌黎，話我地知今日有咩特別餸好叫，都好似OK 咁喎，我地total 四個人叫左以下食品：

Drinks:
-Strawberry Juice （好fresh, 甜甜地）
-Kiwi Juice （呢個都唔錯,好新鮮）
-Pina Colada (好似話有少少苦，不過唔太差）

Main Course:
- French Mussels (我皮膚敏感冇得食,但佢地話好好味！）
- Tiger Prawn with mash potato （我媽話從未食過咁巨０既蝦！）
- Salmon Steak with speghtti （一般般啦，都ＯＫ）
- Cod Fish with Risotto X2 （我地都覺得好味，但Ｄ risotto 好滯，令到我之後個肚有Ｄ唔舒服）

Dessert: (with the set dinner)
-Tiramisu (我覺得一般，但媽好似幾鍾意,佢話夠酒味）
-Gelato (個樣似ＣＡＫＥ，但食落係icecream, 好味！）

總括黎講，都算係咁，加上服務又好殷勤，又會問下你覺得今晚０既食物如何，都算係周到啦！

一間意大利餐廳，特色在於窗邊一排鞦韆座椅。午市套餐約一百元一個人，價錢略比附近的餐廳貴。一如其他意大利餐廳，首先提供的是麵包籃，約有三四款不同麵包。質素一般，而且溫度不熱，差了一點點。忌廉蘑菇湯，內含切碎了的蘑菇，味道清香。至於主菜，選了烤羊架，肉質非常之腍，不過未夠juicy。再者，醃料亦略為重手了一點，未能完全反映羊架的自然味道。餐飲熱奶茶，茶及淡奶分開供應，茶奶比例任君選擇，good。不過，用茶包製作的茶底味道始終不及茶餐廳用不同茶葉溝製的茶。最後有生果一碟，有西瓜、士多卑利及火龍果，質素一般，味道不夠鮮甜。

[29/3/2010; Mon]

成日經過，今次第一次試。
D生蠔算新鮮，不過亦唔算好鮮甜。
個PIZZA亦不過不失，唔錯，不過講唔出'好好味呀'。OK啦。
酥皮洋蔥湯：個湯好多洋蔥，不過反而湯唔多。普通一般，唔夠香。
本來叫咗個寬條麵，無嚟。老實講，間餐廳環境麻麻，亦睇唔到海景，連食欲都唔大。所以都唔叫侍應跟返個麵喇。
唔係唔好食，不過未必好快再嚟。

10年2月14日（星期日）晚，這天是很特別的日子，中國農曆新年大年初一和西方的情人節適逢在同一天，應該是個值得紀念的日子。不過白天妳要陪家人四出拜年，而我亦要返工，所以並沒有刻意去安排任何慶祝活動，就連訂檯食飯也沒有。幸好可以提早收工，還趕得上和妳吃一頓晚飯。因為是臨時決定，又為了方便我倆，所以選擇在有“蘇豪東”之稱的西灣河吃晚飯，又不知道年初一會有哪些餐廳會開門，所以在妳家樓下和妳會合後，慢慢散步去西灣河鯉景灣，再決定去哪裡吃。我們來到近海邊，原來也有不少食肆照堂營業，我們行了一會兒，經妳細心挑選後，決定來這裡吃晚飯。這種日子大多祇有情人節套餐可以選擇，不過“蘇豪東”的大部份食肆也可以點a la carte，這裡也可以，不過這裡的情人節套餐內的食物又幾適合，價錢又不算太貴，我和女友商量過後還是吃情人節套餐罷！

落單後先送上麵包籃，是由兩個小硬豬包、酥餅和一片法包組成，除了酥餅入口鬆化外，其餘則一般而已。頭盤是二選一，我選擇了牛油果配海鮮而女友就選擇了蕃茄清湯配蘑菇意大利雲吞。前者把牛油果焗過，沒有了其獨特的味道，很軟腍，忌廉汁很香濃，海鮮就在帶子、魷魚、青口等各一件，雖然應該是雪藏貨但還算可以；不過女友的湯就有點取巧，湯是清雞湯上加上幾粒蕃茄粒而不是蕃茄清湯，蘑菇意大利雲吞亦是買來的雪藏貨，沒有特別；女友的主菜是焗比目魚白酒荷蘭汁，我祇吃了一小口比目魚，肉質軟滑，個人來說始終不知其獨特之處，更沒有細嚐那白酒荷蘭汁的獨特味道；我的主菜是焗酥皮牛柳砵酒汁，因為很少機會吃到，果然有驚喜；外層的酥皮很薄且很鬆化，牛柳肉質尚算嫩滑不韌，難得的是隔著酥皮來焗牛柳還能煮得牛柳裡面呈粉紅色，絕對是我心目中要求的Medium Well，廚師的廚藝和控制食材火候的功夫可真到家；套餐的甜品是檸檬棒子酥餅，淡淡清香的檸檬味卻不是死酸，醒胃消滯，棒子酥餅鬆脆可口，想不到連甜品也做得很有水準！

晚餐後拿著收據去附近的專櫃抽獎，剛好趕及在“收檔”前最後一試，雖未能抽中大獎，但贏得兩枝精美包裝的單枝玫瑰和紀念品，我倆也很滿意了！

記得多年前有一本流行一時的本地漫畫，裡面其中一個主角名叫「笑三少」，因小弟家中排行也是第三，故在ICQ年代時曾用此名字作別號（雖然我也知道有很多人用這個名字）。漫畫裡，「笑三少」用情非常專一，偶遇名叫「初一」的女子就祇鍾情於她，對她一往情深，無論發生甚麼事都會保護她，愛她之情從無變改，。自問當然不能和這位經典漫畫人物相提並論，但我祇想跟妳說：「現實中，妳就是我的『初一』！」。

上來睇過rating先至訂枱, 估唔到唔旺都可以差到咁

3個人去, 一人叫一個set dinner, 我叫左 Tomato & Mozzarella Salad 同 Pan Fried Cod Filet. Daddy 叫左 Lobster Bisque 同 Lamb Rack, 細佬就叫左 Escargot 同 Seafood Ink Pasta.

食頭盆都好地地, 上main course就出事. 上菜時個waitress打瀉我細佬杯野飲, 成杯倒晒落我呢個壽星女度

D waitres 掛住抺張椅都唔理我成身都係!!!! 之後同我轉枱就算.

講返D野食, 我個 cod fillet 一D魚味都冇, 又淡而無味, portion 又細到出奇. 我屋企人果D食物咩味我已經冇心情去問. 大概好似話OK.

跟餐甜品係食唔出係咩味嘅 "gelato", 果舊似係雪糕蛋糕多D. 個餐飲仲過份, 迫我要佢之前double order 左果杯汽水轉做餐飲!

仲要埋單時發覺佢地厚顏無恥到仍然收我加一! 呢間野一定冇下次

平常週末都會和朋友家人一起...

4人大約$1300埋單.可以好豐富..

生蠔每星期都新鮮空運到...所以都好鮮味.. 我個人比較喜歡佢地的蘇格蘭蠔..比較甜.如果喜歡海水味就可以試下法國蠔都唔錯.


另外佢地薄餅都唔錯...加西冷或羊架.. 加沙律一個..

最後一個心太軟....
滿足的一餐.~~

買雜誌有張鯉景灣$50優惠券
諗住同女友黎慶祝紀念日

記得之前去過灣仔的Jack's
覺得服務+食物都好好
所以黎到鯉景灣都決定黎呢間

未入門口先問清楚係咪可以用coupon
唔知點解不過唔覺得好welcomed
尤其相比起沿途走過既restaurant既知客。

點左個seafood platter ($168), Caesar salad($60), stuff mushroom($58) 同 lasagna ($108).

個seafood platter有2隻oyster, 4隻mussels, 4塊salmon slice, 4隻shrimp
D料好唔新鮮!!!
尤其個幾隻蝦真係唔掂...D肉"梅"既
蠔同青口都係百佳貨色
賣$168俾D咁既質素客人食真係有D過份

跟住係個stuff mushroom
女友話更唔得!
係隻磨菰度求其放D紅黃椒就當係stuffed
仲要勁唔入味+水汪汪

Caesar salad 個portion好細
同埋好鹹
食到勁口渴

Lasagna不過不失
但個portion都係太細了

唯一可讚既係加水加得密

不過實在對D食物太失望
覺得個廚完全無心機去煮

用左coupon後埋單$400
同樣價錢可以有很多更佳選擇

(已將此分店放進本人之blacklist
本想給灣仔店多一個機會
但女友話一齊blacklist
所以要靠大家睇下佢地有無進步喇)

寫這篇食評前考慮了很久，主要是不忍心，因為這家食店生意已經不太好．然而我又覺得，生意不好更要注意提高出品水平，不然生意只會更差．其實，總體來說這家食店的食品並不差，例如我媽媽點的蘑菇湯和羊都很好，湯夠濃郁，羊肉肉質亦夠tender,只是我點的龍蝦和海鮮湯才出問題，原因是龍蝦非常不新鮮，雖未變壞，但已因雪藏太久而嚴重脫水，大抵是食材太貴，去貨較慢而捨不得棄掉，不過，因此而使客人心生惡感而以後不再上門，其實可能是因小失大，何況，我點的龍蝦加牛排餐索價超過＄４００元呢！如此欺客，實在說不過去．

是晚於Jack's Terrazza Ristorante 絕對是難忘一夜!!

男友為我於這裡安排了一頓驚喜晚餐, 亦在這裡PROPOSED TO ME!

首先, 環境絕對一流, 在場LIVE BAND 唱歌GAO氣氛好, 亦好好聽~~ 當然, 我男友(現在未婚夫...) 之前跟他們的MANAGER - ALEX夾好, 唱我喜歡的歌曲, 招呼氣氛一絕!! WAITER/WAITRESS 好NICE!! 於PROPOSED 一刻~ 他們更幫我們影左張即影即有相片帶走, 好難忘~~

SET DINNER FOR 2 好抵食, 只需$200有找, 誠意推介~~

我們打算每年ANNIVERSARY都返來GA^^

第一次嚟呢到食飯，見到餐廳對住個海，環境幾正，first impression 唔錯。但從落order開始感到招呼唔掂，負責take order個位叔叔對d客人好唔客氣：好似初頭只係問佢主菜可唔可以跟飯，佢好唔耐煩咁答得，語氣好似話你好白痴咁；到最尾問佢咖啡係咪d奶另上，佢又非常晦氣咁答人；重有放餐具個陣幾乎係揼落枱面；重以為自己幫襯緊茶餐廳，咁嘅招呼係呢d地方絕對唔合格。

講完招呼，講返d食物，叫咗個set lunch ，主菜食雞胸($85)。麵包先端上來，外面微脆裡面軟熟，有麥香，點上油醋好正。然後上咗個頭盤，我要咗個莧菜卷，個汁係芝士汁，雖然平時唔鐘意芝士，但呢個菜都覺得ok，味道唔係太膩，而配上清爽嘅莧菜剛好。主菜係扒雞胸，雞胸唔覺太老或者好柴皮，個汁幾香令本來冇乜味嘅雞肉味道變得豐富一d。甜品係生果，都ok啦。咖啡就一般。

總括呢到食品幾好，環境正，而價錢亦算唔貴；可惜差在招呼，希望可以改善。

25/3(三)　７pm
遺忘於D90多時的食評,就用僅存的記憶去分享一下.

休假的週三,首次涉足蘇豪東,善用信用卡的優惠,小試牛刀東亞卡的優惠套餐$398:Kumoto Oysters,Mushroom soup,Caesar Salad,Seafood Platter,Steak Platter,Homemade Sherbet & Tiramisu.

仍能印於腦海的菜式有別出心裁的意式呍喱嗱雪芭,質感軟滑呍喱嗱的甜香適度從內揮發出來.而蘑菇湯及生蠔的水準均不俗.作主菜的海鮮及什扒拼盤倒食味尋常,味蕾沒大衝擊.

此外,店內的環境及氣氛餐廳的吊椅,加上鬼馬的菲籍歌手及餐廳經理這絕核組合,令餐廳氣氛搭調,感覺悠然的一餐!

同屋企人去dinner
爸說這間幾出名
便入去一試
order了mushroom cream soup、roasted chicken ceaser salad、
cheese mushroom toast、cod fish、beef steak、焗田螺同1個好特別的pasta

-個soup真係超好味 濃陏之餘又有淡淡菇味 又有咬口 而且都幾多下
-個salad d雞大乾 好難咬 但個source還ok
-toast超香cheese味 配mushroom係好好的mix&match 我本身吾中意食菇都覺得正
-焗田螺細細粒同spagetti house似 但濃味一d又貴d 煮得較軟身

-beef steak選了亞拉斯加牛柳 軟滑而不會太多油 但juicy又好香口
-cod fish似銀雪魚 但肉質滑一點而且多油一點 有d過醎但整體不錯
-個pasta我忘了名字 但是綠色的 用了香料香油煮
我選了angel hair 配合得剛剛好 味道超特別 食完齒甲留香 正!!!

service也不錯=]waiter們也夠細心
因為有人在搞聚會 環境嘈了一點

本人完同意上一個人客既comments..

呢次已經第3次去.... 都沒有什麼期望, 因為今次去我 & BF 都唔餓, 只叫了3種食物:
1) 海鮮拚盤
2) 2款oyster
3) 9 itch Plaza

埋單HK$4xx , 因為埋單時問左一個長髮男waiter, 問有咩card 有折, 佢答我依家無, 但原來事後我先知道UA Cinema Member 有9折law, 我今日已經打去再確認了星期六日都有這個promotion, 個女仔(staff - 甘小姐) 仲話會同上頭講, 為何不退回多收的四十幾蚊比我?!?

我以後都唔會再來了, 因為物非所值, 叫生蠔既時候又太hard sell

唉~~~ 下次去Soho East, 一定要試其他!

不值得去..又是信用咭推介惹的禍, 其實去之前已經上 openrice 望下D 食評，　Overall 都OK 先去．可能我叫信用咭優惠吧．．所以將貨就價???

價錢; 價錢 HKD798 50% discount = HKD 398 +10%. = HKD43x. 最後原來是 HKD475...唔明點計咪問下waiter..佢竟然無咩禮貌咁講: 原價加一之後計 5折....需然唔係好清楚但我呢D 小市民都費時為左幾十蚊 同佢呢D 小氣鋪頭計呢..做人要大方D ..做生意就唔同啦...
算我天真啦....

食物: 都係一個字唔掂.....都唔想講太多:
1) 生蠔.唔寄望 佢大...都唔好又細又瘦..
2) 沙律..全晚最OK...唔知可以點整到唔好食
3) 海鮮併盤..一心以為係生的海鮮併盤, 原來係炸...又係天真得濟...帶子細到見唔到...又唔新鮮...
4)雜會併盤：　ｗaiter 沒問我地要幾成熟．．．所以全熟．．牛，羊，　豬都係又硬又無味．．．．．．．配菜算係幾好．．．點可以整到唔好食????
5) 甜品: + 意大利雪糕．．美心都好過佢　（唔信試下．．我無講大話), 雪糕係多雪的雪糕唔香唔滑．．
6) 咖啡：　oK .無咩問題．．

值得深思promotion 的意義．．唔係做一次生意．．宜係介紹比人去嘗試．．做長客先有錢賺．．唔係做一次做永遠無左呢個客．．．
現在呢個市道真係唔應該再係咁的食物同服務．． 唔好食所以唔放相了

無下次了．．灣仔間店都唔會去試了去試其他吧．．要學叻D ．．.