第一次光顧, 是因為想起平日晚上這裡定必出現長長人龍, 於是趁著中午這不用等位的時間來試試!!

和友人們四人, 點了四個不同的午餐: 鮭魚壽司飯、手握壽司(竹)、親子飯、牛肉火煱定食(白飯任添)! 餐牌就這樣寫著(白飯任添), 感覺很抵食, 即使是二人Share也夠吃! -w- 除火煱定食外, 都附Miso Soup! 而且餐飲是高級綠茶, 不知道是否真的較高級, 不過的確挺有綠茶的甘香味道, 跟平常喝到的不同!

食物全都很棒, 賣相和味道, 材料新鮮, 造得一絲不拘! 份量適中! 不詳細形容啦~ 我會以「完美」來總結這個午餐! 就是連點Sushi的醬油和芥辣都很「完美」!! 如果覺得不夠, 也可另加 $10 配讚岐烏冬, +$6有雪糕!! >v< 最後我們多點了兩個雪糕--綠茶和芝麻味, 為這悠閒下午劃上完美句號!!

我們坐在那四人雅座, 環境舒適得很, 服務也不錯!!

值得再來, 不過向來討厭等位的我, 會選擇較人少又抵食的午餐或茶餐時間再來囉!

突然想食日本野 尖沙咀一帶的sushi度排長龍
經過呢間正壽司 唔太多人 又做緊shabu shabu放題
就走左入去試

有2款牛可以揀, 再可以另加$60任點佢既指定小食&sushi
$130 - 澳洲牛
$250 - 日本牛

我同男友對食牛都唔太有研究 就揀左隻平既澳洲牛喇

湯底有兩款: 昆布湯 & 豆乳

豆乳聽落怪怪... 昆布安全d! 再加左$60...

其實指定sushi款式好少 加$60真係不太抵
小食得枝豆 & 蟹子沙律
最後只係叫左兩個人4-5款sushi咋 咁就$120

個湯底幾好味 但應該味精好重 dinner之後 同男友都極口渴...

每人有一碟牛 牛既質素ok啦 之前都講過 我地對牛都無乜研究.. 唔難食囉
再有一碟配料: 少少菜, 烏冬, 幾件冬菇, 豆卜,芋絲, 豆腐, 魚旦, 牛丸. 白羅白

因為我地2個都唔太大食 2人share左呢碟配料 再加自己碟牛 & 幾件sushi都飽曬
無叫過任何refill 所以唔知佢點運作

呢個價錢包每人一scoop雪糕: 4隻味 - vanilla, green tea, 芝麻 & tofu

埋單每人$209

如果有得揀 應該唔會再黎... 試一次就夠!

價錢偏貴 無滿足感
環境可以 服務一流

試完唔會再去

蟹籽沙律 :
放耐左出水之餘 , 唔夠味
希靈魚籽壽司 :
嚴重偏酸

想食壽司的我, 在金馬倫道見到一壽司排隊排餐死, 於是走過隔離食壽司正便算, 之前未食過, 試吓新野都好

間舖感覺上唔係好舒服, 可能係因為舖頭係長方型的, 連枱都唔可以擺得好闊落, 有點焗促的感覺, 裝修就唔錯, 幾有日本feel的

壽司的味道唔算好地道, 手卷的紫菜一d都唔脆, 已經令我對其他的食物無好大期望lu, 曾經在大阪一間壽司店食過一流的手卷, 首要係紫菜係好新鮮好脆的, 但在香港真係好難搵到....

最欣賞的食物要數到個燉蛋, 雞蛋好滑, 又夠熱, 味道幾好!

試過一次, 唔太差, 但又無特登要去的理由

三文魚壽司 $9、帶子壽司 $20 、海膽軍艦 $30、

三文魚親子海膽 $45、吞拿魚沙律軍艦 $9、海膽蒸蛋 $25、

特大虾天婦羅 $55、麵豉湯 $9、蟹子沙律 $15

沙律的沙律醬不足整體魚生尚算新鮮、特別海膽好甜美

又供應2款豉油選擇蒸蛋夠滑。天婦羅炸粉略厚

但個人認為飯握得不太實淨，筷子一夾就已經鬆開飯質略硬

Wasabi內有碎粒，有鮮磨感覺

壽司巴只得3個在師傅做壽司，所以壽司上枱速度比較慢

但勝在不用等位，可能附近已經有好幾間競爭，所以一去到已經可入坐

今日同友人食lunch, 要了鮭魚定食, 慣常好食, 只是今次多了看似癩尿蝦斬件的?魚生口感不好.

友人強烈要求燒三文魚"教", 結果只有燒三文魚頭.


意料之外!!!

三文魚頭燒得好! 既大件, 又有很多魚油, 仲有一件魚"教" (魚鰭位)!
以$30來說, 實在物有所值

還有$20cash coupon 送 (10日內用)

跟朋友到了尖咀吃壽司, 到一壽司門前俾條龍嚇到傻左, 於是折返試試壽司正, 更何況食滿一百有三十蚊回贈

店的面積不算很大, 枱的面積很少, 所以壽司碟都比較細碟

醬油有兩種, 海台味比較淡, 而吟讓味就比較濃, 聽侍應講係食吞拿魚, 三文魚專用! 雖然醬油講究, 但壽司都比較一般, 手卷的紫菜不脆, 炸蝦天婦羅味道較淡, 牛油果卷就幾好食, 最少牛油果很新鮮, 很creamy, 只係壽司飯不夠酸, 這個就是我覺得他的壽司不夠好食的主要原因!

侍應的服務態度很好, 所以貼士都俾多了幾蚊

星期一下午到尖沙咀的壽司正食lunch。店內地方不大，幸好在peak-hour之前已到達，否則需要花時輪候。我們四人被安排坐在卡位，雖桌子不大，但座位廷舒適。和其他壽司店不一樣，桌上每人有二隻豉油碟。及後得知原來有兩款豉油供應，一淡一濃，以配合不同食材，給人細心之感覺。

此店雖有迴轉壽司供應，但因套餐價錢較實惠，大部份食客都選擇食套餐。

前菜沙律賣相味道一般。麵豉湯唔係好濃，味道恰到好處。壽司拼盤有十三件，有甜蛋、三文魚卷物、蟹子軍艦、北寄貝沙律軍艦、蟹柳/鱈場蟹壽司、蝦壽司、墨魚壽司、三文魚壽司及鱆紅魚壽司。款式雖多，但品種偏向味淡，少了一些味濃款式如吞拿魚壽司等。總括來說，卷物及軍艦的紫菜腍了，要扣分。魚生刺身都唔錯，尤其是鱆紅魚，口感「爽脆」，good呀！最後加$6要多一杯豆腐雪糕，唔算特別好味，OK喇！

[29/6/2009; Mon]

第一次去
tea time 去食, 好少人
裝修幾新~
waiter waitress 都ok, 有2個特別好人

三文魚, 帶子都好新鮮
鰻魚好好食
tea time, 3件3年咁上, 抵d
3個人狂嗌 $430埋單

p.s. 炸物海鮮薯餅嘛嘛地
p.s. 綠茶雪糕very good~

會再去~~

1. 服務差
望多眼餐牌都唔得，便要選擇$130定$240
2. 擅自改飲料
冇芒果汁，屈我要橙汁益力多。
3. 出菜慢
耍多番追單才出牛肉。

非常失望！

雖然家在尖沙咀
一直都未食過壽司正

食物方面不錯
特別覺得茶碗蒸蛋好好味 : D
饅魚亦感覺比其他壽司店做得好

不過今次寫食評主要主要想讚一下店員
素來大頭蝦的我又又又又漏左電話係台面
非常感激店員叫住我比番我 !!

* a big thank you *

結帳時的單據可以在下1次當$20用
加埋食物質素和個人經歷
一定會再去吃 : D

係尖沙咀區想食個壽司lunc，,除咗常吃的元氣壽司，較好食的睇怕只有呢間，地點亦非常就腳，沿著尖東過咗大班馬線就望到...大大個牌扁寫著"壽司正"。

已經係第二次來店吃午餐，上次是order雜錦魚生飯套餐$39要加一，細細碗魚生唔多，唔算低食，今次一行7人預早沖入去打算單叫壽司食。

芥辣八爪魚：八爪魚口感煙韌，爽口彈牙，切得細細粒容易入口，芥辣亦恰到好處，不會太搶。
蛙魚壽司：現$9兩件，依然鮮甜好味，但無咩特別。
燒蛙魚壽司：被燒後的蛙魚，比前者淨蛙魚壽司來得好吃，感覺溫暖和入口即溶，值得一讚，以後無須再叫蛙魚吃了。
帶子壽司：同元氣一樣水準，厚度及鮮甜都差唔多，可以接受。
八爪魚壽司：普普通通，無咩特別。
劍魚腩壽司：雖然新鮮，但很淡無晒鮮詌感覺，大失所望，相比元氣的大大件劍魚腩壽司無得比。
希靈魚壽司：味道只屬一般，都算新鮮。
海鹽左口魚壽司：第一次見呢隻白雪雪既魚，唔怪得要加鹽啦，因為魚本身只覺爽口而無味，有興趣可以試吓既。
醃蛙魚壽司：貌似咸牛肉壽司，但食落係熟三文魚，魚本身好咸，再加咗啲沙律醬上面，又咸又甜，怪怪的，唔覺好食。
炸蝦反卷+軟殼蟹卷：味道唔錯，同元氣相差唔多。
軟殼蟹手卷+炸魚皮手卷：大大件的軟殼蟹/炸魚皮，不油不膩，配上青瓜絲加沙律醬，壽司飯加上脆卜卜紫菜，非常美味，一加再加，推介之選。

食物整體來說都ok，價錢都算貴少少，其中以軟殼蟹手卷最令人回味。服務方面，由於中午時段會比較忙，我哋想order的三文魚頭無得吃，幸好店員都回應是因為新鮮魚頭未返貨，至少沒有叫極唔應的情況。有舒適sofa椅，但坐位偏窄，地方又細，人多唔建議來這店，主要是三五知己，食完就走~

皇后餅店就去得多，但它隔壁的壽司正還是第一次來，是夜有和牛火鍋供應，但我和家姐興趣都不大，還是想吃壽司多D。

七時來到，向Server要求坐order檯，桌子雖細細的，但對於二人來說則剛剛好，相反迴轉位的椅很高，感覺離地，好像不太舒服。這裡的醬油分為濃和淡，客人可因應口味而選擇，頗細心。兩溝的味道也不錯 ( 然後小妹會下好多好多的芥末 )

芥辣八爪魚：用小碗盛著，八爪魚口質黏黏滑滑，爽口有嚼勁，切成一顆顆易入口，芥末味不算太嗆鼻，但這樣吃比芥辣八爪魚軍艦來得過癮。
玉子壽子：溫暖的玉子，幾軟身，有蛋味但偏甜，內裡的飯粒少得可憐，其實可說是玉子而已。
綠茶素麵：有綠茶冷麵和素麵兩款，麵條都幾爽，配上淡淡的素麵豉油和蔥花同吃，幾清新，但蔥花太少又沒有芝麻，吃罷有點寡。整體一般。
燉蛋：最重要是溫度，熱辣辣燙口的，對了!! 蛋也很滑，又不會太咸，不錯。可惜配料只有一兩小粒蟹柳仔和冬菇，就沒其他了，要扣分。
軟殼蟹卷：跟別的壽司店有點不同，它是飯面鋪加上炒過的芝麻，有點笑口棗的感覺，軟殼蟹太油兼過韌，一點也不脆，跟芝麻放在一起是不夾的。
三昧鮭魚：一碟有三件，分別是鮭魚(即三文魚)、鮭魚腩和灸鮭魚腩，只是十五元，好抵!!! 鮭魚新鮮豐腴，沒有雪味，最好味是灸鮭魚腩，吃到有魚腩脂肪溶解的感覺。我們前後吃了三碟，yummy
海膽墨魚軍艦：海膽墨魚爽口，沒腥，紫菜亦夠脆。
關東煮：沒誠意之作。材料有蛋、蘿蔔、獅子狗、魚丸、蒟蒻，不對辦。蛋不入味，跟白烚沒差異；其他的都很普通味道又淡，湯不夠熱又是味精作祟。不合格兼不推介。

雖然不是每一道都合心意，但整體來說都ok，其中三昧鮭魚最令人回味。服務方面，由於正值推出特惠火鍋(另加$60可任食指定壽司)，所以門口都排了長龍，幸好servers都好有禮貌兼盡量滿足客人要求，至少沒有叫極唔應的情況這裡燈光偏暗，相片都比較黃。

1. 有2款SOY SAUSE俾你點，仲教埋你食咩點邊款SOY SAUSE好味D~
2. 壽司新鮮好味!
3. 和牛極之好味!入口即溶!正!
4. 含芝士的壽司正!芝士好濃味,好CREAMY!
5. 栗子芭菲正!個雪糕夠特別,而且真的好味!下面層朱古力蛋糕亦落足料!
6. 服務良好!
真係好值得食！

因為同男朋友之前食左個勁唔掂既聖誕自助餐, 決定要補返。

我地2個人食左個日本和牛火鍋放題, 個半鐘任食。我地叫左豆乳湯底, 因為日本和牛任叫, 食完又叫, 一碟有10-14片, 好薄好多雪花, 同百幾蚊位o個d係唔同既牛, 比o個d多好多雪花。

個湯底好甜, 我地食左好多野, 豆腐卜好好味, d湯既鮮味入晒去, 仲有好多丸同菜任食, 每人200幾蚊, 我地食左8碟牛, 回晒本。仲有飲品同甜品可以半價, 我地仲食左個栗子芭菲, 好味既雪糕加埋粟米片既味道好得意。

好抵都唔算, 不過至少食得開心。