一月下旬


由富榮花園一碗大四喜認識老闆娘至今，小舖搬大舖，偶爾路過會吃碗車仔麵、魯肉餃、碗仔翅或紅豆沙等粗材細作的民間食物，就連蘿蔔亦無渣特別甜，值得回味。


已有八分之飽，但這裡的蘿蔔是絕不能錯過的，蘿蔔切成菱角狀，軟熟卻不過腍，甜而沒渣，是非常可口，伴的腩汁非坊間車仔店般帶難耐的雜羶味，值得加分。

想知圖中的冬瓜故事，請留意：
http://foodxfile.blogspot.com/2010/01/blog-post_29.html

都唔明點解會有咁多好評~
入都去都唔覺得有咩特別~
今次同兩個FD去~叫左兩個車仔麵~同埋一個招徠雜菜飯~仲有黑牛~
點知真係唔得LOR

個車仔麵平平無奇~但係又可以收到勁貴~一份牛腩要成十蚊~有冇搞錯呀~又唔係特別好食~
個招徠雜菜飯D餸又係超級一般~完全係車仔麵D餸炒埋一碟就搞掂~
不過佢個牛腩汁都叫OK~同埋真係唔多油~而個菜飯就真係見到係最有心機整~
又有菜~又有冬菇粒~正~~~~依個個價錢都叫正常少少~
至於全日最好已經係個飲品~黑牛~~~~可以一試既~

下次我都係唔會再黎~著實佢D野都係普通野~一間車仔麵檔都有得食~而且一定平過佢多多聲~有得揀都唔會黎~

上次同同事午餐食車仔麵已經覺得好一般, 完全無好食的感覺, 只是普通到極的 "叫餸麵", 又少款, 味道又一般. 都係見佢有位先入去. 但見佢成日都咁高分, 又有人氣, 決定再比多次機會佢, 點知 4個字 -->"名不副實"!! 叫了一碗魯肉餃撈麵 ($40)+ 一杯越南"篤篤" (即是無糖羅漢果桂圓肉茶, $10).

在menu上聲稱用日本麵醬 及 無肥腩肉做的餃子, 上面加上上等蝦子. 賣相都算靚, 餃子同麵又是分開上的, 但味道超一般. 未至於難食, 但完全無特別, 麵都算細碗.

而那杯篤篤唔夠熱, 那幾粒桂圓肉算甜, 但又係無好飲的感覺.

環境一般, 抽風又唔好, 食完成身油煙味, 此質素$50都算貴... 不值一試
上菜又慢, 寫單又要等, 收錢又要等...

之前用了編輯大人不喜歡的字所以稿子被趕回來了囧
其實是一句有趣的歌詞
算了吧
開始!

特登帶爸爸媽媽黎食,點知要令佢地老人家失望!
好唔開心呀!

點了一個蝦子面,NO! 係MENU上聲稱係蝦子面,一黎到:囧
只係一個淨麵,點睇都似是是旦旦一個白烚壽桃牌面咋喎! 蝦子呢?
找來店員查詢
哦,,,,,,原來一時唔記得落,,,,好啦,,,拎返去比佢落,寥寥無幾的蝦子,是不是太孤寒了@@
但於事無補,,,,,蝦子根本就無味,唔係唔好味,,,係無味!


叫了一杯羅漢果茶,味道不錯哦,真的有清甜滋潤的感覺,讚,但$10元一小杯,有沒有太貴了?我兩口就可以把它消滅了,,,囧孤寒是這裡的特色嗎?
還有叫碗仔翅,但這樣的質素配上這樣的價錢就令人覺得好唔抵了,味道極一般,頂多是用料比街市$7碗的好一點點,就一點點而已。

本來想叫甜品,但店員說老闆娘未返,,,,,所以係無人識整的

勢色唔對,立即止蝕!
三十六著,走為上著!

沒有拍照,因為我是不會為不值得的東西浪費我的心神!哈哈!

各位新年快樂! Hapi New year!!
尋晚倒數完勁夜先訓, 今日訓到黃朝百晏
晏晝上openrice睇下大角咀有咩好食, 見到有間叫「車品品」既幾出名wo
就同家姐兩個人落左去食啦 等左一陣間先有位食, 好似好好生

一落到黎就嗌左幾個招牌菜食,

自選2送車仔面, 香菜飯, 魯肉餃, 溏心皮蛋

2送車仔面超正, 我地叫左牛根腩+蘿蔔+蛋粗面
d牛根腩岩岩好唔太"林"唔太硬, d蘿蔔入哂味超甜, d蛋粗面又滑

而香菜飯就又香又好味, 入面有冬菇又有菜 :p 仲要係10蚊咋勁抵!

但係d魯肉餃就等左好耐都未黎, 原來佢賣哂要再包過, 所以我同家姐都無等佢就埋單走左 下次一定要食到呀!

至於d溏心皮蛋好滑呀, (而佢伴碟既薑片都好好味!唔同平時d薑咁辣呀!好味到我地埋單出左門口都要番黎賣d外賣拎走 (因為我家姐中2食麻) 堂食$10一隻, 但係外賣就$15 四隻! 抵勁多

野飲方面, 我就嗌左杯溫呢拿雪糕+sprite(不是黑牛亦不是奇妙牛), 而我家姐就嗌左一杯「唔記得左名既清涼下火瘦身野飲」

服務方面, 老板娘好好笑容同埋態度好殷勤 不過野食就黎得慢左d

又一次為食之行。

人氣榜中不斷上升,, 此行果真有價值!

Double Cream 妙趣牛
必試 =] !
。隻杯都雪過=]

碗仔翅
。一般,, 沒什麼特別

招徠大雜餸
。一般但夠多餸.. 咩都可以試下..
。蘿蔔超超超超甜=_-" 人生中最甜的蘿蔔。

魯肉餃
。好味 ! 必食!
。蝦籽鋪面
。魯肉餡夠特別,, 而且有D甜甜地!

蕃石榴蛋白布甸
。次次布甸都唔同!
。石榴味帶來清新感覺!
。多淡奶PLX

不枉此行!

聖誕節與其同人迫，黎少人d既住宅區食野係最明智既，點左幾樣野，到上菜時有d亂，看來人手係好唔夠，因為唔少野都係即叫即整。

必食魯肉餃，因為真係皮都算薄，肉餡入味而又有少少菜甫，上面用蝦籽黎調味。

另外個碗仔翅係好夠料, 溏心皮蛋令人心動。

跟住食左車仔麵不過係菜飯，個飯又幾有味，不是白飯可以媲美。

八喜撈幾好玩，好少可會食豬油，每種配料包括芝麻同埋黑醬油等，都好夾好好味。

篤篤清甜潤喉，仲有龍眼肉添，正！

而且不定時有甜品，今次試左個焗西米布甸，即叫即焗，十分之新鮮，內裡好似有少少豆沙餡，甜度適中！

下次要試下唔同既野食。

今日中午打算去食Lunch, 但是居然未開舖,所以去左第二間解決,到2:00pm 先岩岩開舖,由於之前食左D嘢,只當下午茶order左溏心皮蛋及魯肉餃.

可能岩岩開,入面好少人,唔駛排隊..環境算OK!!

溏心皮蛋 好味,入口冇鹼水味,加酸薑一齊食絕配呀
魯肉餃 皮薄,一口一啖,咸味適中,皮蛋黃真係好溏心喎

見到一間普通既食車仔面的餐廳有咁多評價，收工特意走黎食，果然得喎。

一去到以為冇位，老闆即叫我地直行，入面有好多位。入到去，真係有好多位，但過左一陣就坐左好多人。

面:叫左兩碗面，個湯好清，完全冇油，有油都係因為我落左麻油既關係，但d麻油真係幾 香。
唔知咩係加拿大瘦煙肉扒，所以點左佢，但可能我本身對煙肉麻麻地，所以覺得冇咩特別。

飲品:飲品係雪梨水同山楂茶定水，但我覺得山楂水似呀媽煲既甜涼茶。

小食:最好味係佢既魯肉餃，老闆娘送黎既時候仲會教你點食:先食餃同菜，最後飲湯，真係好人。其實唔只對我地係咁，對其他食客，佢地都好細人咁教佢地應該點食，需唔需要落配料，點既食法先食到食物既精髓，真係好細心。

埋單時仲會問你對舖頭D野食既意見，計數又會係你面前計清楚俾你睇，加埋佢地親切既笑容，如果某天經過哩度，我會再搵佢地。

The quality of the food is not good at all, it doesnt deserve so many smily.....what really IMPRESS me is that I have to wait for 30 minutes just for a bowl of noodles, and the shop is very few ppl by the time....yeh the noodle is a bit over cook of cox...I have been to this shop twice, and they impress me every time I go.....

I have seen some beautiful photos of their productions here, by can a photo tells you the taste of it?? u can have a try to form your own opinion....for me, it is a waste of my time and Quota to go there the 3rd time....

出完年度的野外考察，人很倦之餘肚子亦餓得隆隆作響。坐在列車途上，腦子不斷盤算在哪兒落腳醫肚。初時是欲到大角咀耀記吃它一大碟豬扒拼魷魚鬚飯的，但去到才發現這裡是週日收爐的。人納悶之際，想起老闆娘的東西，也就不理三七二十一，走入來吃頓遲來的午飯....

很掛念她的白粥。叫一碗地寶魚鬆白粥，入口味又鹹又香，葱粒又夠多，粥論綿滑程度雖與老粥店如生記的還有不及，但也是粒粒煲至開花且帶米香的。吃得多配上蝦籽的，今次吃這味魚鬆，效果與白粥也相當的匹配....

勞動完後口自然有點渴，來一杯金牛解決一下。樽裝玉泉忌亷與呍呢拿雪糕，自小便覺是天仙配，再加上那已事先雪得冰涼的高身杯，喝入喉嚨過後的清涼感覺，歷久也不散，同時亦勾起不少童年回憶....

白粥加金牛當然不夠喉，再來一隻home made鹹肉糉。可能是自小已吃慣老家鄉出品的味道吧，總覺就算是老闆娘做的，也感到有點不對勁的。問題是糉肉本身好像有些鬆散不夠紥實，而且蛋黃不是漏油之色，肉又只得一丁點(可幸大部份的仍是肥肉。若是全瘦的，可就淡出個鳥來了)。這一只糉，是小弟在此吃過較平凡的東西....

吃完糭後還想吃布甸，但想起現在已是四時多了，再吃就吞不下晚飯，是時候就此打住了吧.....

創意不絕的車品品最近又有新出品. 從其網頁得知老闆娘
從其商業拍檔得到一些四川花椒, 創造了一款超麻而不辣
的乾撈米線. 以前有幸試過車品品的限量花椒油, 添於車仔
麵上實為一絕; 今次更打正招牌用作超麻米線, 對我這個
四川麻辣的Fans 來說實在非常吸引, 隔天便專程去大角咀
試一試.

去到發覺老闆娘不在, 更好, 因為老闆娘認得我, 她或會知
我口味而特別調味, 今次她不在我可以試出平常賣的 "正常
味道" 如何.

超麻米線只賣$14, 看似便宜, 但其實鍋子不大, 份量比較少,
以我食量起碼可以吃兩個, 故在menu 上被稱為小食, 也算
言明而合理.

店員還會問要不要加辣, 老實說, 米線本身無甚味道, 只麻不
辣, 不會好吃的. 吃得花椒麻的人, 應該也是某程度的"辣人",
可以根據自己能接受的辣度去要求加大中小辣.

等了十多分鐘(因為要即製), 米線送到, 一打開蓋已經湧出
花椒香, 絕非誇張, 真係好香, 愛吃川菜的朋友一定聞香垂涎.
而加進去的辣, 亦是車品品自製的辣椒油, 亦係好香的貨色.
我要了大辣, 而米線奉客時已經撈好, 上面有一些香蔥而下面
墊有一點芽菜, 為米線添了一點清爽的感覺. 吃下去, 先香而
後辣, 繼而麻的感覺便湧出, 而且不是普通的麻, 係實實在在
令口腔仿似有電流流過的麻, 看看手錶計算過, "餘震" 長達
數分鐘, 不簡單!

我自問吃麻吃辣的程度頗高, 但在超麻大辣的挑戰下也要點
水份去令口腔回復正常, 實在沒有比來一杯"篤篤" (羅漢果茶)
更妙, 雖然此為熱飲, 但其天然甘甜絕對可以令味覺舒服一點.
下次最好就是一坐下先點一杯篤篤, 再慢慢品嘗麻辣米線,
吃完時茶溫就剛剛好了.

雖然此味少鹽少醬, 只得麻和辣, 味道比較寡, 但花椒油天然,
辣椒油天然, 蔥和芽菜都係天然食材, 配上健康的米線, 和同樣
天然的羅漢果茶, 我實在想不到最近吃過有比這餐更健康的
一餐了.

如果覺得淨食米線太寡味, 大可以叫兩三款淨"送" 去伴吃,
也是人人負擔得起的價錢.

真吃得辣的朋友, 還可以再加辣菜甫令辣味更有層次.

此新出品, 推薦給喜歡吃川麻的朋友.

20/11(五) 8pm
中午到訪TOTT'S,來了頓豐盛午宴後,晚餐該收歛一下.來到別闊經年的"車品品".

點了八喜撈$45,兩餸$17蘿蔔魚肉及鹹肉粽$12.

八喜撈--黑白芝麻,豬油,頭油,醬油膏,地寶魚鬆,蔥末,五花腩油及全蛋麵為八喜DIY式將所有食材有條理地撈起,這個爆標的八喜撈,以青菜湯去卻膩感,相當豐足!

蘿蔔魚肉車仔麵--蘿蔔一如以往般清甜,而魚肉則中規中矩,魚肉稱不上突出,平庸米粉搭上清甜湯頭,味道直截了當!

鹹肉粽--糯米挺軟糯,唯豬肉及蛋黃份量略有不足!

店舖比以前寬敞多,而老闆娘貫徹以往的親切及健談,偶爾拜會這位老朋友重溫舊味,好讓熟悉的味道沒被遺忘...

碗仔翅$15
魯肉餃$30
46年陳皮紅豆沙$25

呢度個碗仔翅，湯底甜，配料均勻，唔會有一堆杰獻，好易入口
將魯肉飯個餡，改為包餃，上面洒滿蝦子，餡略甜，皮幾煙韌
紅豆沙用46年陳皮精心製作，食到粒粒紅豆，陳皮味唔係好濃

是日帶一位好朋友來品嚐車品品的美味~吃了什麼?都是很大路的東西~八喜撈 多寶魚皮 魯肉餃 花枝丸 皮蛋 蘿蔔 奶茶 金牛等東西 有多好吃其實也不多說太多 知道的自然會回頭再吃 不喜歡的也沒差 反正各有所好~
只想留幾點小補充
1 想吃多寶魚皮的 要等老闆娘在時才能吃得到 因為只有她會炸 我昨天是大約3點老闆娘便回來了 別小看哪個白粥 吃魚皮的靈魂之一 缺了它便失色不少~
2 在吃蝦子類別的食物前 請勿吃蘿蔔或甜味太重的食物 因為會把蝦子的鮮味蓋過了..昨天一不小心和朋友先吃蘿蔔後才吃魯肉餃...結果變成了平平無奇的食物 要喝口水潄一下口 才再次把蝦子的美味感受出來~!!
3 人手的確是不夠 但小本經營 也已經很努力的了 快不一定是好.....不過要體諒它慢的原因..有時侯 吃一頓好的 是不能心急 當然我也理解等到火光的心情...來這兒 要懷著不能急的心情 如果要求高效率 只會吃得一肚氣敗興而回 ..何必呢~
多寶魚的鼓油十分好味!! 最喜歡叫一客菜飯把鼓油吃光!! 再加豬頭肉 把汁混著飯吃!!人間美味~

以食物的質素來說 價錢真的不貴~讚好的說話太多 我也不必重覆~希望大家吃得愉快!!