影片
營業時間
今日營業
07:30 - 22:00
星期一至日
07:30 - 22:00
以上資料只供參考, 請與餐廳確認詳情
招牌菜
相關文章
每間KFC分店提供相同嘅食物，但係同樣嘅食物質素可以好唔同。唔似連鎖米線店，每間提供嘅味道都九成九似，所以選擇去邊間KFC分店食，通常我都會以一種食物作為衡量指標，就係佢嘅葡撻。如果葡撻嘅皮唔夠脆，拎上手感覺唔到熱力，通常果間分店嘅食品水準都會相對地令人失望😮💨最近新出嘅雲朵朱古力撻，係葡撻嘅變奏版，都可以作為評估參考。灣仔分店食物水準係唔錯嘅，拎上手仲係熱，外皮咬落都係有聲發出，榛子朱古力醬收埋咗喺個撻中心，不過舊棉花糖似係後加上去，所以無任何烤過後融嘅跡象。味道都算唔錯，鍾意甜食嘅人可以不妨一試。忌廉蘑菇湯幾好飲，仲加咗好多蘑菇片落去，比連鎖披薩店嘅蘑菇湯略為淡少少，我個人比較鍾意哩個咸度😄
繼續閱讀
今日天氣非常悶熱，收工想搵個有冷氣既地方涼吓，又要近地鐵站。經過KFC，諗起最近KFC轉咗美國貨源，係廣告話雞的大小增量咗。我都想睇吓雞脾既大小係咪真係大咗，點知一買返黎，不得了，依然係咁細，甚至比未轉美國貨更細隻。之前仲出廣告自嘲話網民話係火機雞。我心諗識自嘲，一定係對新貨源好有信心。點知......真係有啲失望，其實已經對味道冇咩要求（雖然都係好鹹），但至少雞既大小唔好太過份，咁細隻，50蚊6件都唔會飽。我之後去面書睇吓我係咪個別例子，點知發覺原味炸雞都係咁，唉！
繼續閱讀
下晝去咗KFC食下午茶餐：巴辣香雞翼餐。呢個餐包兩件巴辣香雞，一個細蘑菇飯，仲有一個蛋撻同一杯汽水。聽到佢以為好多嘢食，但全部都細細舊細細件。蘑菇飯細得可憐。我都知道下午茶餐係平啲，但份量都唔使咁少。至於味道方面，正常發揮中規中矩，雞翼係炸得幾香脆嘅，少少辣又吊味。反正餐單冇變，相信大家都食過。嗰日可能比較忙，店務員執枱好慢，就算有吉位都冇得坐，因為成張枱都係垃圾。不過快餐店就唔好諗有乜嘢質素可以講，食完就算。
繼續閱讀
食飯時間好多人, 上次等好耐, 今次我用APP早早叫定, 去到就有, 不用等.拿餐區域又細, 人又多, 我都不喜歡堂食...我好喜歡食KFC SPICY/ 燒雞, 買左3件炸雞 , 有2隻係雞脾, 味道一樣好食, 但雞脾好細隻呀...下次去買麥當勞好過, 橫惦麥當勞燒雞都合我口味.
繼續閱讀
好耐冇食KFC啦！個menus 都唔同左咁😅我都唔知KFC有麥樂雞😂😂😂第一次試食KFC有麥樂雞，佢哋叫上校雞寶，冇甜酸醬跟，要食青芥末沙律醬。呢個雞寶比M記好食，個外層脆皮冇咁厚身，啲肉冇咁乾身，唔點醬都好食。不過呢個醬都幾好食，幾新奇。
繼續閱讀