今次再來「Outback Steakhouse」的目的，是為了結婚慶祝七周年紀念，同時亦想一試此店牛扒的質素如何。今次坐的位置與上次不同，是較為嘈雜的區域。

食物方面，除了燒蝦之外，全是新嘗試。沙律改改口味點了昆士蘭沙律($108.00)，主菜極品安格斯肉眼牛扒(五成熟)($228.00) + 燒蝦($25.00)，配甜蕃薯 + 炸薯條。由於扒類可以加錢配餐湯，於是再加了周打魚湯($25.00)。當然例牌菜黑糖麵包配牛油同樣送上，今次的水準仍然保持不變。

昆士蘭沙律的材料比凱撒沙律豐富，各蔬菜的新鮮度十足，只是雞肉較為鞋口，再配以千島醬，雖未算精彩但已算合格。餐湯周打魚湯夠稠，味道濃郁，只是多喝兩口便有點頂喉感覺。

極品安格斯肉眼牛扒的配菜很多，分別有燒蝦、甜蕃薯及炸薯條，燒蝦的味道其實與上次凱撒沙律的燒蝦一樣，同樣是夠香口彈牙。炸薯條沒甚麼特別，雖然薯味不重，但勝在夠粗身，同時炸得外脆內軟。

甜蕃薯真如其名夠甜，實在是甜得有點意外，甜甜的味道加上軟軟的口感，實在是一大驚喜。五成熟的安格斯肉眼牛扒，肉質鮮嫩味道濃郁，肉汁豐腴，基本上不用沾上任何醬汁，已十分美味。

整體感覺比上一次精彩，雖然沒有了小便宜的甜品，但牛扒的份量十足，不用多點甜品亦已足夠。服務仍是一貫的水準，不用太貼身但已足夠，是一頓滿足的周年晚餐。

上個月29號跟餅友們補祝聖誕節, 到了尖沙咀中心的outback食飯!

幾個小食OK啦, 但個湯(無影到)就超杰&咸史人唔駛本咁; 雞肉沙律 & 馬沙拉酒燴雞肉意粉, D雞肉簡值難食都震; ribs & 牛仔肉拼龍蝦肉還可以, 但龍蝦起肉炒完得好細粒; 白汁蝦意粉仍然係最好味, 另一個意粉也OK. mango 雪碧好像mango味不太重吧!

平常去outback 總有保証, 但今天真的太差勁, 侍應成日都唔見左, 食物味道比平常難吃,
簡值太失水準!!!!

一向都對Outback的出品信心十足，今次到訪尖東分店
食物質素保持水準

Outbacker漢堡
大大份的漢堡，加上嫩滑而厚切的牛肉、特選香濃的美國芝士，十分美味
配菜有厚切薯條、菜絲沙律，薯條算唔錯，沙律就略感稍酸

十一安士安格斯牛扒
Outback出品的安格斯牛扒，質素固然有所保證，不用多談
兩款配菜雞味飯、焗薯仔也同樣唔錯

這間分店的食物質素，與其他分店水準相若。可是，服務水準就略差過其他分店了
有所不及的地方，不是其侍應態度、禮貌問題
主要在於新手太多，不太熟手，以至降低效率，例如我想向侍應索取多幾隻碟，也等候多時
當晚，更發生職員誤會食客沒有埋單「走數」。最後雖然只是虛驚一場，但可見其分店職員大多為新手，未能及時察覺

埋單計數，兩個人食才只是$280，算好抵食啦

到訪的那天是星期日晚上，但這間分店仍有不少空桌，也許位置不太就腳，又或者尖沙咀有另一間Outback分店「自己人搶自己人」生意吧

今餐係慶祝朋友仔生日, 人少少所以都唔係叫咗好多嘢食

芝士薯條 – 可能我哋太肚餓, 所以一嚟就好快食晒, 呢味從來都冇令我哋失望過

蟹腳拼西冷 – 好味道, 今次叫七成就無變到九成, 所以多返 d 肉汁同唔鞋

漢堡包 – 見佢幾隻漢堡嘅價錢唔係相差太多, 所以叫咗個有晒全部材料嘅, 好味道, 食完好滿足, 亦都係第一次食咁貴嘅漢堡包

芝士餅 – 好重芝士味, 有朱古力汁同士多啤梨汁跟埋, 其實唔點都好味

啤梨的生日大餐選擇了到尖沙咀東部的「Outback」，我是首次前來，她則是第二次。是日星期二，沒太多客人，就算在九時左右埋單離開，仍有很多空位，可能是由於在企業廣場那邊也有一間的關係，不過沒太多人也好，起碼不會太嘈。

只有二人，吃不了太多食物，本原來試一試這裡的牛或羊扒，但啤梨強力推介三文魚扒，最後整頓晚餐也沒有紅肉在其中。

兩杯飲品分別點了Pussy Foot($42.00)及Martinis: Watermelon Tini($55.00)，前者無論是顏色或味道也充滿士多啤梨味，與以往慣常的不同。後者則是首次嚐試，雖然不是國產零零漆那杯Dry Martinis，但Voka的味道也頗濃烈，是杯醒神開胃的飲品。

先來差不多每個人也讚好吃的黑糖麵包+牛油，切開數片後再塗上香軟的牛油來吃，甜甜的味道加上牛油香，十分好吃。

頭盤點了燒蝦凱撒沙律($108.00)，當初在考慮點燒雞好還是燒蝦，看來今次選對了，因為上次啤梨嚐試過燒雞，她覺得燒蝦較出色。材料吃得出十分新鮮，味道亦是一貫的淡淡，但我還是覺得「露比星期二」的凱撒沙律好吃一點，但燒蝦則除外。

主菜點了燒三文魚扒($178.00)，主角燒得十分美觀討好，可惜配菜擺放得有點雜亂，顯得不夠細心，其實配菜的味道是不錯，尤其是當中的特色飯，味道調得濃淡適宜。三文魚扒外層燒得香脆，雖然點了全熟，但魚肉不會鞋口，相當美味。

在訂位時問過店員，如果同行中有人生日，便會免費奉送甜品一款，其實此店的甜品種類不多，而所送的是特製朱古力蛋糕($42.00)。起初還想多點一款，因為以餐牌中的照片來看，份量不會很大，還好最後也決定忍手，否則便大件事。

此甜品不是簡簡單單的送來，而是插了一支蠟燭，店員還想加送生日歌一首，不過被我們婉拒了。此甜品的頂層忌廉，中間是雪糕球，下面是朱古力蛋糕，還被一大堆朱古力漿浸著。忌廉香滑、雪糕則甜度適中，低層的朱古力蛋糕加上朱古力漿一起，實在是「朱味濃郁」，吃完此甜品後已飽到不得了。

整體上無論食物、環境及服務也是不錯，就連生日送的甜品，也沒有要求檢查是否屬實，感覺大方得體，基本上與客人保持有善的互信關係，不會介意人客為貪小便宜而亂說生日，絕對令我想再次光顧的衝動。

見到有新菜式
圖(1)像applegreen牛油梨醬配墨西哥脆片
但這兒是mix cheese,
ok la,,要熱食,如果凍左cheese就會結左,食唔到的
圖(2&3)special steak配焗薯and薯條~
無咩special,肉質咪又係咁,即係唔會令我食晒..但又唔差既
圖(4)洋蔥湯
讚讚讚,,,好creamy,,,好好味~一向的至愛~
雖然有點像sauce~但都幾好呀!!!!
圖(5)蝦Ceaser Salad
蝦都ok,有好多黑淑-0-
圖(6)黑糖bread
越來越差,又凍,又硬,不來更好,影響comment!!!!!!!!!

overall is pass!
service is great, they really nice!

昨晚跟朋友仔一起補祝生日
因朋友仔喜歡食steak,就選了outback steakhouse
朋友仔聚舊氣氛很好，但食物就.....

炸洋蔥：(差到連相都唔想拍)
該店出名的炸洋蔥........
.一個字...差差差
炸漿唔夠..1/5個洋蔥見唔到金黃色，只看到洋蔥外露
切割差差差..一半以上都一大片，叫人點食呀!!
整個洋蔥又炸得個"淋"
我唔要香口，但都唔要"淋淋淋"

雞肉蝦伴寬麵：
白汁又咸，黑椒味大重，完全蓋過白汁寬麵
蝦太細 (我個壽星女話的，一定要信)

主菜：
塊2百大元的牛扒(註：連伴飯及炸薯條及沙律)
一間大大間的美式餐廳，只供應一塊100%只有"根"的牛扒
實在令人失望及氣憤

之前曾在tony roma食過，又平又好食
以後都唔會再往outback steakhouse食

成家人出外食飯，好耐無試過囉，老人家話都食扒，咪出城試下囉。

燒蝦凱撒沙律 - 蝦好好，但沙律個汁太咸。
甜蝦冷盤 - 麻麻，得個凍字。
洋蔥花 - 睇左好多食評都話太油，我又唔覺喎，都幾好，可能我慣左油膩啦。
肉眼扒 - 叫五成，黎到變九成半，好彩都唔太差，而且有人唔鐘意見紅，算！
豬肋骨 - 講真，我唔「好」，但其他人話好。
羊架 - 對比肉眼扒黎講算唔錯，鐘意食羊可以一試。

用餐期間經理黎問d野得唔得，咁我當然唔客氣話個肉眼扒唔掂啦，
佢都有話同我地換(都食左半架啦)，不過我話算，反正有人鐘意熟。
食完收野時，侍應話經理話送返個甜品俾我地，我要左個雲呢拿朱古力軟餅。

五人埋單，一千多d。

ps：肥人要早d去霸位，無得簡位就麻煩，因為佢d卡位好窄。

某日週末下午，太太忽地說想吃steak，但又不想吃得太貴。本來金鳳或飛鷹這一類港式扒房會是最好的選擇，但自己對之卻是全無興趣。既然如此，Outback此等中價型的舖頭就正合我倆的心水了....

在數間分店中，以這間位處尖東心臟地帶的所享的環境最令人神往。在風和日麗的日子，邊鋸扒邊看着外邊的景色，一樂也.....

太座一心欲來吃扒，但小弟的心思卻放在那作為伴吃的黑糖麵包。記得從前在晚上吃時是一整條放在木板上，拿着大餐刀不斷的切啊切，轉眼間已將之吃得一乾二淨，之後吃主食亦顯得力有不逮了麵包不算是甚麼很出色的出品，只知是帶些微甜之味的小麥包，但不知不覺間塗着牛油，吃吓吃吓又將之清倉。這次下午來到，吃的只是袖珍型的兩小個，自然就更飛快將之消滅掉啦.....

粟米湯一直是枕邊人最愛的，就算外頭店舖弄得的水準如何，她都會將之喝得一滴也不剩的。何況眼前的這一小杯東西的味道做得也相當不錯 ---- 香甜之餘亦夠稠身，蘑菇、洋葱及粟米粒滿佈湯中。太太自然是對之愛不釋手，一下子又將之消滅殆盡....

自己不想喝那樣濃杰的湯類，就要了cesear salad，算叫做有點蔬菜下肚，也是妙事。整碟東西像是剛從雪櫃拿出來似的，入口是凍得令人牙關打顫，是小弟最不喜歡的。再加上菜葉不算十分的新鮮，灑在菜上的parmesen cheese又不夠重手，炸得焦香的煙肉碎又缺乏。若然不是有還算脆卜卜的麵包粒及混入了不少mustard sauce的因素來刺激一下味蕾，我倆早就對它一屑不顧了....

要了一份 well done 的8 oz new york strip，出來的東西卻是差不多medium well的，縱然如此，質感仍是很韌又欠肉汁，雖不至於韌得要吐出來，但作為一間尚有名聲的steakhouse來說，是不可原諒的可以想像一下若果真的是well done的話，就真的是硬得不用吃了；另加的garlic steak的生熟掌度亦是不佳的，是全然的overdone，不過叫做蒜茸落得極多，又夠辣又夠香，算可彌補扒本身之不足。作為side dish的炸薯角反而弄得外脆內軟，絕對比主角演得更好....

吃着放在旁邊的雜菜時，忽然發現了些濕了的報紙碎真的是有些"O嘴"......

負責serve我倆的年輕應是極新手的，叫一杯熱檸水，給用來攪拌的竟是一只飯羹連普通的餐飲常識也攪不清楚的看來是有需要再培訓一下吧。說回那杯檸水，小弟可能見識淺薄，還是第一次遇到要拿着半小個檸檬徒手搾汁進杯內的檸水真箇是奇哉怪也....

正當感絕望之際，一記精彩的甜食卻又挽回不少聲譽。面前的這份chocolate thunder from down under，底層是口感極rich且放有大量花生碎的brownie，上層的vanilla ice-cream份量既足之餘又雪得夠冰夠涼，那一冷一熱的感覺，可說是心太軟的變奏版。加上另加的大量朱古力漿，結果是吃得一口的甜香。愛吃朱古力的太座已久未接觸如此豐腴之作，此時可謂猶如猛虎出籠，頃刻又將之吃掉，令人看得目定口呆.....

就因這一件甜食，面上的黑氣登時煙消雲散了.....

本來今次約左一大班朋友去彌敦道分店既．．但點知人太多都訂唔到位．．
所以轉左去尖沙咀中心那間～由海港城行返去都好鬼死遠水路．．仲要之前行完街
阿佳同ＺＯＥ已經到左，不好意思大家約埋一起來，所以遲到左少少．．

去到門口，已經有人排隊等位，眼看大部分等位的客人大多２～３人
而我們就有７個人，就安排到門口的位置，由３張枱合併而成
本來我想食那個炸洋蔥花球，炸到好似蓮花大小似的，看起來好好食！
但朋友們都說那個不好吃，所以沒有點到．．而我對於點餐都沒什麼頭腦
於是乎發言權全交由其他女孩們負責．．因為男士們全是宅男（即沒有發言權）
哈哈．．

黑糖麵包＊２
有２條，上枱時熱辣辣非常地軟熟．．自己其實不太喜好黑糖味．．
所以只淺嘗一小片並塗了少許牛油，帶著甜甜的黑糖味

脆薯片配波菜汁（唔記得名稱）
有橙＆綠２種顏色，唔知係咪甘筍與波菜味？與波菜忌廉汁同食，帶脆身
忌廉汁內有滿滿的波菜絲，絕不欺場～～但我吃不出橙與綠的味道，好像一樣

凱撒沙律
開頭以為來錯了．．因為明明點的是有烤雞的凱撒沙律，於是乎問侍應．．
原來不是搞錯，是跟餐送的，這個沒有吃到！比晒阿立食，因為他是吃素的
沒有理由和他搶吃，因為他沒有甚麼好選擇了！

炸蘑菇
友人們極力推介，將一粒一粒的蘑菇去炸，覺得如果再炸乾身點會好食點，淋身左！

什菜扁意粉配白汁
又是為阿立而叫，侍應問要紅汁定忌廉汁？適應唔到紅汁是甚麼，於是叫了白汁
後尾想想即是茄汁，應該叫茄汁的，原因是好像成枱子都是白色的醬汁
不過我是一個超愛忌廉汁的人，所以吃到滿咀的白汁，竟發現新大陸似的，一條小棠菜！

烤雞凱撒沙律
這個才是我們點的，個個勁夾底下的沙律菜，我每餐都要有菜呀～夾了一條雞肉試．．
雞胸肉來的，十分的鞋口，所以淨食菜

芝士煙肉薯條＊２
本身自己不太吃薯條，但遇著今日，竟吃了不知幾多條的著條？薯條鋪著滿滿的芝士
仍不會偏淋，沒有吃那些煙肉粒，點著醬汁同吃，超幸福～～

燒豬肋骨
這個令我非常失望，整排的肋骨配上薯條原本非常地吸引，點知友人大刀一揮
肉未切已經淋到散開晒，咬下去一點口感也沒有，骨與肉是分開的．．無牙的人都吃到

ＳＴＥＡＫ
侍應推介５成熟，配著薯蓉及少許飯．．好在先吃了薯蓉，其他飯由男士ＫＯ
因為切完牛扒後整個碟子柒滿血水，其他的都不敢吃．．牛扒我覺一般，有肉味
５成我覺得太生，６成會比較好些，中心部分太紅了．．

雞肉併蝦寬條麵
又是一道白汁菜，味道與之前的什菜麵差不多，只不過是有肉和沒肉的分別．．
蝦都幾大隻下，ｕｍ．．個底超多白汁！正

ＣＯＯＫＩＥ　ＢＲＯＷＮＩＥ＊２
最後甜品 ，餅底上有著半溶的ｖａｎｉｌｌａ雪糕球，鋪著滿滿的朱古力醬．．
雪糕球上點著一枝小蠟燭，因為正著朋友的生日飯！研究底下的是甚麼？
又似餅又似蛋糕？不過超勁爆甜，如果不是太甜的話都會幾好食既．．

服務就比較一般喇！不會太主動．．下下要舉手叫侍應過黎．．
至於不滿意的地方就是最後甜品，送極都送唔到黎．．埋左單就唔埋人囉～～
送到上叉都無隻，唔通用手指食咩？要提先至拿碟同叉黎．．
不過都會同你映張大合照同埋即該ＰＲＩＮＴ出黎比我們
雖然素質差就差點，框框都無個．．都好過無心既．．

好食!!!

OUTBACK 係要一大班人先有啖好食~~ 之前試過2條友去, 結果都食唔到D咩。今次4個人,就總算食得開心又好味~~

一O黎係佢送O既麵包, 竟然係全晚最好食之選。佢有陣淡淡O既黑糖香味, 又夠新鮮又夠熱~~ 真係好食到不得了。

cheese potato ($68) 好好食, 不過無4個人就唔好叫喇, 因為真係會食唔哂~~

Shrimp Caesar Salad ($108) 係有D唔抵食, 不過見會食咁多肉, 所以就叫個SALAD, 值得一讚係佢隻蝦~~ 新鮮彈牙~~ GOOD!

THE OUTBACKER ($88) BURGER超大份, 其實真係好抵食, 仲好似係送埋個湯添~~

16 PRIME ($246) 勁大份O既STEAK, 好食, 一份開4個人都好夠分~~!

PUSSY FOOT ($42), 其實當晚叫左好多杯飲品, 全部都係$42, 味道一般啦, 而且都幾細杯, 推薦大家都係點番ICE TEA, COKE 之類最抵玩, 因為有得無限REFILL, 都只係$32, 抵飲好多~~

甜品其實款款都差原多, CHOCO COOKIE ($42)就比THUNDER ($52) 少D NUTS 味, 而且雪糕加CREAM 加熱CAKE, 點都係好食D~~

環境開揚, 坐得舒服~~ 不過餐廳有點舊, 剛坐低時會聞到陣怪味

整體而言都非常之滿意, 不過就坐得舒服而言, 我都係PREFER CWB O個間會好D~!

約左班舊同學出嚟食飯聚下.
Outback會係其中一個好地方~~

黑糖包 -- 上臺時暖暖地又軟軟地, 食既時候仲真係食到黑糖的甜味

炸磨菇 -- 外脆內多汁

炸洋蔥 -- 主菜之一, 來outback係為左佢咋!! 好似花球咁, 一邊食一邊討論點可以把個洋蔥炸得咁靚呢? (如有人知道, 請教下我)

香芒燒排骨 + 伴碟燒甜番薯 和炸洋蔥圈 -- 主菜之二, 本來叫普通的燒排骨家, 但剛好有special set dinner, 所以就試下香芒味!!! 無唸過咁好味家, 香芒酸酸甜甜, 好開胃又match (我諗燒汁會鹹D)
而伴碟的燒甜番薯 -- i like i like, 雖然食一條已經好飽, 但食得出真真正正的番薯味, 不用加其他汁
而伴碟的炸洋蔥圈 -- 相比炸洋蔥失色左D, 因為炸的粉厚左D囉

雙層牛柳塔 + 伴碟燒甜番薯 -- 牛柳太熟啦, 又乾身, 又無肉汁
但係底層有件炸飯團, 好得意!! 無諗過會係飯來, 仲以為為係炸乜餅, surprise!!

周打忌廉湯 -- 無乜特別

話說呢日係開學日
都係我同隻小q既小日子 嘻嘻
唔大搞就逼左佢去outback食啦~~~

之前食過芝士薯條,本身想今次試炸洋蔥球
點知小q死都話要食!咁冇計啦下次食啦又
重嗌左個燒雞salad同有大蝦既闊條麵..(haha我唔會記得d野食名架!)

等野食果陣就食住佢d黑糖飽先啦!!
woooooo真係真係好鬆軟呀.....
果然係呢度招牌菜之一!
熱熱地又好香黑糖味,果種微甜真係一絕

之後首先黎既係芝士薯條
自稱熱氣既小q食到停唔到口哈哈哈
男仔係鍾意食呢d野既不過....
之後salad同個麵都好快到
小q好鬼鍾意食意粉類既野,原碟上!
我就食左少少啦
味道唔錯,d蝦ok彈牙(我係咁吉蝦食)d汁都夠濃味
不過最重要既竟然出事!!d闊條麵...
咬落唔可以稱得上彈牙 淋淋地咁樣
或者係佢既特色啦(呢句係小q自我安慰講既), 我就唔識欣賞啦

唯有食下個salad又叫佢refill下d黑糖包
fill左2次都係我自己食 食極都咁正
個salad就....都唔錯既
不過d galic bread可以細小小就好了....

其實除左個黑糖包之外
我覺得其他熱食都唔係好夠熱
搞到d野食有d失色姐
有得揀既話 都係荃灣果間好食d
同埋如果唔太餓真係可以嗌樣野食之後狂fill黑糖包

不過,呢度d waiter真係唔錯
除左開頭唔記得拎水俾我地之外.....
服務都好周到 主動問我地洗唔洗幫我地影相
又幾時都面帶笑容.good!

八月三日﹙月﹚

一年一度妹妹生日的日子，一家人決定出外吃一餐好的，原先打算吃自助餐，怎料詢問過不下數間也不幸滿座，算是無緣吧。退而求其次，要一家人也合口味的話，「鋸扒」是其中一個熱門的選擇。恆量著價錢和水準，選了這裏，自己和朋友已經來過數次，但與家人同聚還是第一次。

提早一天訂位，可能因為星期一的關係，人不算多，輕易就求得窗邊雅座一張，算是不錯的安排了。先打開餐牌，四人餐的菜式不算吸引，而且大家也是想吃牛扒為主，最終決定散叫。商討了一會，點了「16 Oz Grilled Prime Rib」，「20 Oz T-Bon Steak」及「12 Oz Ribeye Steak」各一份。還有這裏的招牌名菜「Bloomin Onion炸洋蔥花球」。

先上桌是來這裏其中一個主要目的「黑糖麵包」，四個人分享只能分享得一少件，但同樣美味依然。雖然說過很多次，但仍是要說，黑糖包面層熱辣辣，拿上手就知道水準不會差到哪兒。咬起來軟熟，黑糖味濃，旁邊的牛油其實不重要，好吃的麵包即使不加任何醬料也是絕頂美味。眾人也讚不絕口，可惜每次來也只是不多不少的一份，也沒得加點，有點不夠喉，但我相信少食更滋味。

再來是期待已久的洋蔥花球，雖然來過的次數不少，但吃這個還是第一次。每次只是二人行，侍應每次都提醒很難吃得下這個花球。今次人多了，終於如願以賞有機會一試，剛捧上桌的一刻，眾人也被其賣相吸引，果然份量十足。一整個大大的洋蔥，用機器把其切成花的形狀，再沾上粉放油炸，就成了整個大花球。一塊一塊「葉」撕下來吃，粉是薄薄的包著一片片洋蔥在內，炸的火候也控制得宜，洋蔥炸過沒了刺激的味道，反而增加了其香味。一片一片吃著，很熱氣，但很好吃，侍者提的不是沒道理，四個人分享也有點吃力，兩人就更加沒可能。勉強吃到最後一口還是剩下一點，這個花球五六人分享也卓卓有餘。

來這裏最大目的當然就是牛扒，吃過豐滿的洋蔥花球後，三份steak也陸續送上。侍者仔細的提點可先檢查扒的熟度是否合口味，相當細心的服務。先切開自己最喜愛的ribeye，剛剛好的四成熟，切開的時候還冒著一點血水，正合心意了。雖然外表看似細件，但來了相當厚切，絕對交足功課。肉質較嫩滑而且牛肉味是三款之中最濃旭最豐富的，配上自選的蒜蓉汁，是美妙的組合。旁邊的雞味飯和焗薯仔是每次來的例牌組合，雖然沒點新意而且兩樣也相當飽肚，但往往是好吃得難忘。雞味飯份量雖然不多，但配搭上份量十足的steak，已經足以把您的肚子填得脹脹。雞味的香，勝過很多海南雞飯專門店所謂的雞油飯，十足十完全用雞油煮出來的一樣。焗薯是一貫的鹽焗，焗得香口的原隻薯仔配上表面一粒粒的鹽巴連皮一起吃，好吃得停不了口。

16oz的Grilled Prime Rib，讓人垂涎的格網紋，單看賣相已經絕對壓倒勝利。三款選擇要了明火照燒的款式，把肉汁完全地鎖住，想起也美味。8oz也索價$190左右，16oz也不用$250，份量足足一倍，當然叫一個大的反正是互相分享。五成的熟度控制得恰好，肉汁不斷從中流出來，要了一點兒近筋的部位。肉的部份質感較腍，肉味同樣豐富，加上表面燒得較焦，十分香口。配上秘製的燒汁，別樹一格的味道，即使試點蒜蓉汁和黑椒汁，味道也格格不入配不起來，只有唯一亦是最好的預設選擇。筋的部位才是喜歡吃牛的主菜，牛肉味當然豐富，帶點牛肉的「蘇」味，無論是羊是牛，個人就相當喜歡這味道，亦是整件steak的靈魂。如果要評分，這份燒牛肉做得比ribeye更出色。配菜值得一讚的是原個焗蕃薯，橙色的蕃薯吃起來甜得驚喜，甚至比焗薯來得更出色，不過正因如此，比薯仔吃得更滯更飽肚，吃了一點雖然膩但相當美味。

母親最愛的T-Bon Steak同樣要了五成熟，但小胃已經飽得再容不下了，只切了一點兒試吃。母親看似吃得相當滿意，不過肉就韌了些少，有點兒進步空間。

四個人吃三個扒，最終相當勉強才能完成，剩下一點同樣美味的配菜，但沒辦法，真是容不下。再加上早前的洋蔥花球，飽的程度直至第二天午餐也吃不下。雖然價錢看似不便宜，但份量和水準絕對交足功課，下次再來的話四人吃兩份扒已經足夠，可以免得浪費和過份飽滯。豐富的一餐，渡過了妹妹一年一度的生日，吃的好固然開心，最重要的還是可以一家齊人圍坐著一枱分享一頓晚餐，為美味豐富的食材增添上一份明火般的溫暖幸福感覺。

整體來說, 無論食物味道, 環境服務亦可以, 尤以午餐來說真係幾抵食

餐湯... 今天有點咸呢

菜沙律... 新鮮爽脆

黑糖麵包... 依舊甜甜的又軟熟, 超讚

鮮什菜白汁雞肉意大利麵... 除了勁青澀味且硬的紅蘿蔔, 上桌時仍熱辣辣

香草三文魚意大利麵... 麵質剛好, 肉汁清淡, 不錯

紐約牛扒... 六成熟?! 牛味肉質仍嫩

澳坊漢堡伴薯角... 四成熟仿如全熟?

烤三文魚伴薯泥... 全熟仍保持嫩滑, 好好味