影片
開飯介紹
此店以星馬菜為主，以喇沙最為馳名。菜式正宗，而且湯底材料很足，十分新鮮，製作認真，值得一試。
繼續閱讀
營業時間
星期一至日
11:30 - 22:45
以上資料只供參考, 請與餐廳確認詳情
招牌菜
午膳時間，餐廳竟然只坐滿一半左右的坐位。本來想就止打住不內進，但被門外的膳稿說服了，決定一試此店如何正宗。我要了份肉骨茶套餐。套餐先上菜，味道還可以，而且還有些肉絲伴碟，可惜一點鑊氣也沒有，是涼的。一邊等主角肉骨茶，一邊吃。餐廳人雖少，但侍應總愛把顧客編排到角落裏，例如近廚房或是走廊邊，留空中間的好位置不知讓誰來坐；我則是被安排在一個BAR枱上，對住一個放插單座和抹布的地方，店員每每拿了抹布清潔後，把抹布歸回原位前，總要在我的食物上方抽蕩幾下......很煩人也很骯髒。肉骨茶上桌後，我翻了翻湯料，見到的是最普通不過的藥材，杞子、准山之類。老實說，媽媽用這些東西煲煮的藥材湯，我幾乎是哭喪著臉喝的。還幸這茶的味道卻很易入口，雖然其實是酷似別的餐廳的例湯，但卻滲進了不太濃烈的藥材味，甘甘的還不錯。可惜，茶裏的那二條肉骨真的不能入口-- 無肉味而且乾乾的，咬也咬不來，是名副其實的湯渣，根本不能餸飯。所以那一碗白飯，我幾乎是乾啃下去的。其實我從沒有去過新加坡，所以也無從對比。我對肉骨茶的憧憬是源自多年前的一個旅遊廣告，提到肉骨茶是令人回味無窮的。不過，我今天試的肉骨茶未達這個水準。其實進店之前，我看了看價錢，約50多元；心想這個試食價還算合理，萬東西不好吃，還不會太肉痛。只是埋單時超過60元。沒錯，我是給其他餐廳午市免加一的收費寵壞了，忘了不是每間店也不加那10%。一般的食物水準，不舒服的環境，不太值的價錢。沒有一個讓我再來的理由。直至我吃畢這一餐，顧客更少了，跟附近其他餐廳比較，反差還真大。
繼續閱讀
lunch念住去食川居點知門口排左成10幾人,近近地就去隔離食巴沙,入去果時都只係坐左3~4成人.之前食過一次湯麵,記憶中還可以,但記得好細碗今次去食炒野,一個係特式炒米粉,另一個係炒福建麵.等左大約10分鐘.特式炒米粉就黎拉.未食就好明顯見到有一片蛋殼,有個豪子咁大.跟住炒福建麵都黎埋,同樣情況又係未食就見到有雞殼.好不幸,我叫既特式炒米粉梅開二度,食食下又發現多一片蛋殼.果時人唔算多,炒既人居然可以咁唔小心.街邊鋪都未必會發生咁既情況.講反d野食,福建麵 = 拉麵, 好似無炒既感覺.上菜時跟本有幾匙更份量既湯係到,簡水味重,d餸食落無咩味.特式炒米粉.特式既係有雞蛋殼.其餘感覺唔到有餸.d米炒炒到痴埋晒一pat pat咁~原全唔爽口.如果真係黎呢到,可以食湯麵,聞到人地果d係幾香.不過真係細碗,見到隔離台有2個大隻d既男人食左一碗唔夠食,要再叫多過炒羅白糕同炒米粉.佢地咁樣食個lunch就去左100蚊一個人其實個羅白糕只係一個小食既size.唔明點解佢可以當lunch set咁賣.埋單時,出去埋,但加一.我地有俾到加一服務費,但係佢無俾到加一既服務我地.坐低水都無杯.之後叫佢俾水.應左句之後無下文.個服務費其實係for d咩野?出到去之後見到原來呢到係位食家常去既地方.唔知佢去果時有冇俾蛋殼佢食.定係佢d蛋殼其實真係食得既呢!!!!!!!!!!!?ps: 走既時候仲見到川居好多人等梗位.
繼續閱讀
3-4-2009好耐之前睇過蔡瀾先生關於呢度的專欄, 提及呢度的 laksa 落了好多鰤魽, 呢日終於有機會0黎試試了 問阿姐「特色喇沙」($68) 及「正宗喇沙」($48) 有乜分別, 佢竟然答「特色喇沙多 d (食送) 豐富 d 囉」, 真 informative -_-" 咁就試試貴少少0個個吧:湯底: 橙色「浮油」好多, 少少辣, 椰味唔出, 整體味道亦無加東的 (http://www.openrice.com/restaurant/commentdetail.htm?commentid=150231) 咁有層次, 不過比起上環0個間 (http://www.openrice.com/restaurant/commentdetail.htm?commentid=1984163), 佢好好多!麵底: 係檬粉, 幾索湯, 不錯.配料就認真豐富:- 原隻大蝦: 個頭勁黑, 蝦膏帶腥苦, lur 都 lur 唔切! 蝦肉結實爽口又幾鮮甜, 係挑蝦腸0個0下比較麻煩.- 兩隻 (4 邊) 開邊蝦: 鮮甜爽口, 比原隻大蝦更好食!- 鰤魽 (7-8 粒): 夠新鮮, 初初食頭幾粒覺得幾鮮甜, 不過始終未完全接受到呢種味道, 對我0黎講味道太「血腥」了. - 魚片: 份量幾多, 幾彈牙, 不過味道稍鹹.- 墨丸 1 粒: 味道幾濃, 但腍得不能接受, 食麵粉團一樣的口感, 諗起都打冷震.- 烚蛋 (半邊): 凍凍的又樣衰衰, 呢個得啖笑...- 仲有豆卜及芽菜: 豆卜唔太索湯, 感覺一般.見有好耐無食的千層糕 (Kueh lapis) 供應, 又叫一件 ($12) 當甜品試試: 夠甜, 夠 moist, 帶點 cinnamon (?? 定斑蘭?) 味又帶點蛋香, 好食. 唔知邊度有得買? 好想買 d 返屋企食!環境乾淨光猛, 不過招呼就麻麻0地, 阿姐0係身邊「chit 出」咁轉, 而且實在太多0野講了, 好煩.連加一 $88, 唔平, 不過食物不錯 (唔明點解會咁多喊面?), 都值得試試的.
繼續閱讀
每次luch經過，加上見鋪面咁多宣傳廣告就入去試下啦~ 今日我叫了個 叻沙.& Chicken noodle. 裡面有大蝦2隻、鮮蛤、Tofu pot....唔知大家有無吃過正宗叻沙呢？其實個叻沙比我想像中差..大蝦、鮮蛤唔新鮮, D 雞絲一食入口就feel到有好嚴重的雪藏味。總括黎講唔去都無損失!! 我自已就唔會有下次喇...
繼續閱讀
真係後悔入去幫襯呢間餐廳, 真係唔明點解會有人揀"笑"? 現在的時勢, 以這個價錢和食物質素, 呢間餐廳仲可以生存真係奇跡!問有無套餐, 答案係"有呀, 野飲加$5或$8"! 跟同事叫了肉骨茶($53) 和炒貴刁 ($48), 肉骨茶的湯內只在兩塊骨, 而且仲係得少少肉黏住O既O個隻, 完全唔夠飽! 真係唔明佢地好唔好意思收呢個價, 炒貴刁等了頗久, 但一點鑊氣也沒有, 一pat pat O既, 只有一些不知明的極薄切肉片和大約三隻蝦毛! 成個粉只有一點咸味, 我吃不出有其他...... 賣單O既時候, 發覺還要加一!!! 天呀~~~~ 順帶一題, 我地睇到其他所謂"散叫"O既菜式, 如三色沙冰要收$36!!!!! 真係太過分了吧?如果大家嫌錢腥, O係呢個經濟環境下仍有太多錢使, 而附近O既餐又咁O岩間間都無晒位, 不妨可以考慮去呢度食
繼續閱讀